Zaburi 127 - MUMA MALER 2015

Ber a mana kuom Nyasaye

¹ Ka ok Ruoth Nyasaye ema ogero ot, to tich gedo odhi kanono, kendo ka ok en ema orito dala, to tich jorito ok nyal gimoro!

² Bende onge tiende tiyo matek mondo uyud chiemo, kuchiew gokinyi mang’ich, kendo kudhi nindo molewo, nimar Ruoth Nyasaye ema miyo nindo tero ng’at mohero.

³ Nyithindo gin mich moa kuom Ruoth Nyasaye. Adier, gin gueth miwuoro.

⁴ Yawuowi ma ng’ato onywolo ka pod otin, chalo gi aserni ma jalweny oting’o e lwete.

⁵ Ng’at man gi aserni mang’eny ma kamago en jahawi. Ok noloye ka oromo gi wasike e dhoranga dala.