Zaburi 126 - MUMA MALER 2015

Lemo mipakogo Nyasaye kuom dwoko joge e pinygi

¹ Kane Ruoth Nyasaye odwokowa Sayun, to ne chalonwa mana lek!

² Mano kaka ne wanyiero, kendo wawer gi mor! Bang’e ogendini mamoko nowuoyo kuomwa niya, “Ruoth Nyasaye osetimonigi gik madongo miwuoro!”

³ Adier, Nyasaye notimonwa gik madongo miwuoro, kendo mano kaka ne wabedo mamor!

⁴ A Ruoth Nyasaye, chak idwokwa kendo, mana kaka koth mikelo, dwoko pi e aora mosedwono.

⁵ Joma chuoyo ka ywak, biro kayo cham gi ilo.

⁶ Adier, joma ywak koting’o kodhi, biro dok e miechgi gi cham ka mor.