Zaburi 120 - MUMA MALER 2015

Lemo mar konyruok

¹ Kane an e chandruok, to ne aywak ni Ruoth Nyasaye, mi odwoka.

² A Ruoth Nyasaye, konya kuom jomriambo gi jomganga.

³ Un jomriambo, Nyasaye notimnu ang’o? Nokumu machal nadi?

⁴ Nokumu mana kichielou gi aserni mabitho mag jolweny, kata kiwang’ou gi mach moowore haa!

⁵ Dak e kindu rach mana ka dak e piny Meshek, kata ka dak e kind jo-Kedar!

⁶ Asedak aming’a mokadho gi joma ok dwar kue.

⁷ An adwaro kue, to gin gidwaro mana lweny.