Zaburi 1 - MUMA MALER 2015

KITABU MOKWONGO ( Zaburi 1—41 ) Ng’at makare gi ng’at ma jaricho

¹ Ng’ama ok oyie gi puonj joma richo, kendo ma ok luw timbe joricho, kata ma ok riwre gi joma ochayo Nyasaye, en jahawi.

² Chik Ruoth Nyasaye ema miye mor, kendo opuonjore chikno odiechieng’ gotieno.

³ Ochalo gi yath madongo e bath aora, manyago olemo e kinde mowinjore kendo ma pote ok ner. Gimoro amora motimo dhi maber.

⁴ Joricho to ok chal kamano kata matin, to gichalo mihudhi ma yamo tero.

⁵ Kuom mano bura nolo joricho, kendo ok ginibed e kanyakla mar joma kare.

⁶ Ruoth Nyasaye rito ng’at makare, jaricho to nolal chuth.