Nehemia 7 - MUMA MALER 2015

Nehemia oketo ni Jerusalem jotelo

¹ Kane ohinga oseger manyien, kendo aketone dhorangeye, ne ayiero jorit dhorangeye.

² Bende naketo Hanani owadwa gi Hanania mane jatend kama ochiel motegno, mondo jobed jotend Jerusalem. Nayiero Hanania nikech ne en ng’at mogen kendo moluoro Nyasaye moloyo joma moko duto.

³ Nawachonigi niya, “Rangeye mag Jerusalem ok onego owe thuolo e seche mag odiechieng’ tir, to nyaka chieggi matek ka joritgi yueyo. Bende yieruru jo-Jerusalem moko bende obed jorito. Moko uket kuonde monego riti, to moko uket e nyim utgi giwegi.”

⁴ Jerusalem ne lach kendo iye ne ni thuolo, kendo udi ne pok ochak gerie.

Kar romb joma noduogo koa e tuech

⁵ Nyasaye nojiwo chunya mondo achok joka ruoth kod jotelo gi ji duto, mondo ondik nyinggi kaluwore gi dhoutgi. Bende nayudo kitabu mondikie nying joma nokuongo duogo, kaachiel gi anyuolagi.

⁶ Magi e weche mane ayudo kondiki e kitabuno: Kuom jo-Juda mane Nebukadnezar ruodh Babulon odaro motero e tuech, magi e joma noduogo Jerusalem gi Juda, ng’ato ka ng’ato e dalagi.

⁷ Jotendgi ne gin Zerubabel gi Jeshua gi Nehemia gi Azaria gi Raamia gi Nahamani gi Mordekai gi Bilshan gi Mispereth gi Bigvai gi Nehum kod Baana.

⁸ Kar romb jo-Israel machwo e magi: joka Parosh ne romo alufu ariyo gi mia achiel kod piero abiriyo gariyo;

⁹ joka Shefatia ne mia adek gi piero abiriyo gariyo;

¹⁰ joka Ara, mia auchiel gi piero abich gariyo;

¹¹ joka Pahath-moab, tiende ni joka Jeshua kod joka Joab, ne alufu ariyo gi mia aboro;

¹² joka Elam, alufu achiel gi mia ariyo kod piero abich gang’wen;

¹³ joka Zatu, mia aboro gi piero ang’wen gabich;

¹⁴ joka Zakai, mia abiriyo gi piero auchiel;

¹⁵ joka Binui, mia auchiel gi piero ang’wen gaboro;

¹⁶ joka Bebai, mia auchiel gi piero ariyo gaboro;

¹⁷ joka Azgad, alufu ariyo gi mia adek kod piero ariyo gariyo;

¹⁸ joka Adonikam, mia auchiel gi piero auchiel gabiriyo;

¹⁹ joka Bigvai, alufu ariyo gi piero auchiel gabiriyo;

²⁰ joka Adin, mia auchiel gi piero abich gabich;

²¹ joka Ater, ma tiende ni joka Hezekia, to piero ochiko gaboro;

²² joka Hashum, mia adek gi piero ariyo gaboro;

²³ joka Bezai, mia adek gi piero ariyo gang’wen;

²⁴ joka Harif, mia achiel gapar gariyo;

²⁵ joka Gibeon, to piero ochiko gabich;

²⁶ jo-Bethlehem gi jo-Netofa, mia achiel gi piero aboro gaboro;

²⁷ jo-Anathoth, mia achiel gi piero ariyo gaboro;

²⁸ jo-Beth-Azmoth, piro ang’wen gariyo;

²⁹ jo-Kiriath-jearim gi jo-Kefira kod jo-Beeroth, mia abiriyo gi piero ang’wen gadek;

³⁰ jo-Rama gi jo-Geba, mia auchiel gi piero ariyo gachiel;

³¹ jo-Mikmas, mia achiel gi piero ariyo gariyo;

³² jo-Bethel gi jo-Ai, mia achiel gi piero ariyo gadek;

³³ jo-Nebo, piero abich gariyo;

³⁴ jo-Elam machielo, alufu achiel gi mia ariyo kod piero abich gariyo;

³⁵ jo-Harim, mia adek gi piero ariyo;

³⁶ jo-Jeriko, mia adek gi piero ang’wen gabich;

³⁷ jo-Lod gi jo-Hadid kod jo-Ono, mia abiriyo gi piero ariyo gachiel;

³⁸ to jo-Senaa, alufu adek gi mia ochiko kod piero adek.

³⁹ Kar romb jodolo: joka Jedaya ma jodhood Jeshua ne mia ochiko gi piero abiriyo gadek;

⁴⁰ Joka Imer, alufu achiel gi piero abich gariyo;

⁴¹ joka Pashur, alufu achiel gi mia ariyo kod piero ang’wen gabiriyo;

⁴² to joka Harim, alufu achiel kod apar gabiriyo.

⁴³ Kar romb jo-Lawi; joka jeshua gi joka Kadmiel, ma jodhood Hadava ne oromo ji piero abiriyo gang’wen.

⁴⁴ Kar romb jower: joka Asaf ne mia achiel gi piero ang’wen gaboro.

⁴⁵ Kar romb jorit dhorangeye: joka Shalum gi joka Ater gi joka Talmon gi joka Akub gii joka Hatita kod joka Shobai, duto ji mia achiel gi piero adek gaboro.

⁴⁶ Jotich Hekalu ne magi: joka Ziha gi joka Hasufa gi joka Taboath

⁴⁷ gi joka Keros gi joka Sia gi joka Padon

⁴⁸ gi joka Lebana gi joka Hagaba gi joka Shalmai

⁴⁹ gi joka Hanan gi joka Hidel gi joka Gahar,

⁵⁰ gi joka Reaya gi joka Rezin gi joka Nekoda

⁵¹ gi joka Gazam gi joka Uza gi joka Pesea

⁵² gi joka Besai gi joka Meunim gi joka Nefishesim

⁵³ gi joka Bakbuk gi joka Hakufa gi joka Harhur

⁵⁴ gi joka Bazluth gi joka Mehida gi joka Harsha

⁵⁵ gi joka Barkos gi joka Sisera, gi joka Tema

⁵⁶ gi joka Nezia kod joka Hatifa.

⁵⁷ Nyikwa jotich Solomon ne gin: joka Sotai gi joka Sofereth gi joka Perisa

⁵⁸ gi joka Jaala gi joka Darkon gi joka Gedel

⁵⁹ gi joka Shefatia gi joka Hatil gi joka Pokereth-hazebaim kod joka Amon.

⁶⁰ Kar romb jotich Hekalu, kaachiel gi nyikwa jotich Solomon, duto ne romo ji mia adek gi piero ochiko gariyo.

⁶¹ Koro magi e joma noduogo koa Tel-mela gi Tel-hasha gi Kerub gi Adon kod Imer, to ne ok nyal ng’e anywolagi, kata ka gin koth jo-Israel adier;

⁶² joka Delaya gi joka Tobia gi joka Nekoda duto ji mia auchiel gi piero ang’wen gariyo.

⁶³ Jodolo moko bende ne ok ong’e anywolagi. Ne gin joka Hobaya gi joka Hakoz gi joma luongore ni joka Barzilai, nikech kwargi nokendo nyar Barzilai ja-Gilead, mokawo nying jaduong’neno.

⁶⁴ Jogo nomanyo nyingegi e kitepe ma nondikie nying anywola, to ne ok giyudo, omiyo nokwan-gi ka joma pok owinjore tiyo tich dolo,

⁶⁵ kendo ruoth nokwerogi ni kik gicham chiemo moyang’ ni jodolo ka pok jadolo obiro manyalo penjo Ruoth Nyasaye wach gi ombulu miluongo ni Urim gi Thumim.

⁶⁶ Ji duto mane ochokore kanyakla ne romo alufu piro ang’wen gariyo gi mia adek kod piero auchiel,

⁶⁷ ka ok okwan wasumbgi machwo gi mamon, mane romo alufu abiriyo gi mia adek kod piero adek gabiriyo. Bende ne gin gi jower mia ariyo gi piero ang’wen gabich, machwo gi mamon

⁶⁸ Ne gin gi farese mia abiriyo gi piero adek gauchiel, gi nyumbu mia ariyo gi piero ang’wen gabich,

⁶⁹ gi ngamia mia ang’wen gi piero adek gabich, kod kenje alufu auchiel gi mia abiriyo gi piero ariyo.

⁷⁰ Jodong dhoudi moko nogolo chiwo ni tich. Ruoth bende nogolo dhahabu moromo kilo mia achiel gi piero adek, gi tewni piero abich, kod lep dolo mia abich gi piero adek.

⁷¹ Jodong dhoudi moko nogolo dhahabu moromo kilo alufu achiel gi mia ariyo, mondo okonygo tich.

⁷² Joma odong’ nogolo dhahabu moromo kilo alufu ariyo gi mia auchiel gi fedha moromo kilo alufu achiel gi mia achiel kod lep dolo piero auchiel gabiriyo.

⁷³ Jodolo gi jo-Lawi kod ji mamoko nodak Jerusalem kendo e alworane. Jorit dhorangeye gi jower gi jotich Hekalu kod jo-Israel mamoko duto, to nodak e miechgi giwegi.