Kwan 7 - MUMA MALER 2015

Chiwo ma jotend Israel owalogo kendo-mar-misango

¹ Chieng’ mane Musa otieko chungoe Hema Maler, nowirogo gi mo mowale ni tich Nyasaye, kaachiel gi gige duto kod kendo-mar-misango gi gige duto.

² Jodong Israel ma jotend dhoutgi mane okonyo Musa e tich kwano jo-Israel, nogolo chiwo.

³ Chiwo mane gikelo e nyim Ruoth Nyasaye e magi: Geche auchiel moum wigi, kaachiel gi ruedhi apar gariyo. Ruodhi ariyo ariyo nochiwo gari achiel achiel, kendo ruoth ka ruoth nochiwo rwath achiel. Kane gikelo gigo e nyim Hema Maler, Ruoth Nyasaye nowacho ni Musa niya,

⁴ “Kaw gik ma gisechiwogo, nikech ibiro tiyo kodgi e Hema Miromoe gi Nyasaye.

⁵ Migi jo-Lawi kaka tich ng’ato ka ng’ato dwaro.”

⁶ Omiyo Musa nokawo geche kod ruedhi, momiyo jo-Lawi.

⁷ Nomiyo joka Gershon geche ariyo gi ruedhi ang’wen, moromo tichgi.

⁸ Joka Merari to nomiyo geche ang’wen gi ruedhi aboro, kaka tijgi dwaro, Ithamar wuod Harun jadolo ema nobedo jatend jogo.

⁹ To joka Kohath ne ok omiyo gimoro, nikech tich mane omigi ne mar ting’o gik maler, mane nyaka ting’ mana e gokgi.

¹⁰ Kane owir kendo-mar-misango gi mo, jodongo nokelo chiwogi e nyim kendono mondo owalego.

¹¹ Ruoth Nyasaye nowacho ni Musa niya, “We jodongo ochiw michgo mar walo kendo-mar-misango ni tich Nyasaye, ka jaduong’ ka jaduong’ kelo michne chieng’ achiel achiel.”

¹² Chieng’ mokwongo Nashon wuod Aminadab ma ja-Juda ema nokelo chiwo mare.

¹³ Nochiwo nyalaro mar fedha ma pekne romo shekel mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

¹⁴ Bende nochiwo kikombe mar dhahabu ma pekne shekel apar ma ubani pong’o,

¹⁵ gi nyarwath gi im gi nyaim ma hike achiel mitimogo misango miwang’o pep,

¹⁶ gi nywok mitimogo misango mar golo richo,

¹⁷ kod ruedhi ariyo gi imbe abich gi nywogi abich kod nyiimbe abich ma hikgi achiel achiel. Jamnigo duto ne ibiro timogo misango mar sawo. Mago e chiwo mane Nashon wuod Aminadab ogolo.

¹⁸ Chieng’ mar ariyo, Nethaneel wuod Zuar, jatend jo-Isakar, nokelo chiwo mare.

¹⁹ Nochiwo nyalaro mar fedha ma pekne romo shekel mia achiel gi piero adek kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

²⁰ Bende nochiwo kikombe mar dhahabu ma pekne shekel apar ma ubani opong’o,

²¹ gi nyarwath gi im gi nyaim ma hike achiel mitimogo misango miwang’o pep,

²² gi nywok mitimogo misango mar golo richo,

²³ kod ruedhi ariyo gi imbe abich gi nywogi abich kod nyiimbe abich ma hikgi achiel achiel. Jamnigo duto ne ibiro timogo misango mar sawo. Mago e chiwo mane Nethaneel wuod Zuar ogolo.

²⁴ Chieng’ mar adek, Eliab wuod Helon, jatend jo-Zebulun, nokelo chiwo mare.

²⁵ Nochiwo nyalaro mar fedha ma pekne romo kilo mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

²⁶ Bende nochiwo kikombe mar dhahabu ma pekne shekel apar ma ubani opong’o,

²⁷ gi nyarwath gi im gi nyaim ma hike achiel mitimogo misango miwang’o pep,

²⁸ gi nywok mitimogo misango mar golo richo,

²⁹ kod ruedhi ariyo gi imbe abich gi nywogi abich kod nyiimbe abich ma hikgi achiel achiel. Jamnigo duto ne ibiro timogo misango mar sawo. Mago e chiwo mane Eliab wuod Helon ogolo.

³⁰ Chieng’ mar ang’wen Elizur wuod Shedeur, jatend jo-Reuben, nokelo chiwo mare.

³¹ Nochiwo nyalaro mar fedha ma pekne romo shekel mia achiel gi piero adek kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

³² Bende nochiwo kikombe mar dhahabu ma pekne shekel apar ma ubani opong’o,

³³ gi nyarwath gi im gi nyaim ma hike achiel mitimogo misango miwang’o pep,

³⁴ gi nywok mitimogo misango mar golo richo,

³⁵ kod ruedhi ariyo gi imbe abich gi nywogi abich kod nyiimbe abich ma hikgi achiel achiel. Jamnigo duto ne ibiro timogo misango mar sawo. Mago e chiwo mane Elizur wuod Shedeur ogolo.

³⁶ Chieng’ mar abich, Shelumiel wuod Zurishadai, jatend jo-Simeon nokelo chiwo mare.

³⁷ Nochiwo nyalaro mar fedha ma pekne romo kilo mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

³⁸ Bende nochiwo kikombe mar dhahabu ma pekne shekel apar ma ubani opong’o,

³⁹ gi nyarwath gi im gi nyaim ma hike achiel mitimogo misango miwang’o pep,

⁴⁰ gi nywok mitimogo misango mar golo richo,

⁴¹ kod ruedhi ariyo gi imbe abich gi nywogi abich kod nyiimbe abich ma hikgi achiel achiel. Jamnigo duto ne ibiro timogo misango mar sawo. Mago e chiwo mane Shelumiel wuod Zurishadai ogolo.

⁴² Chieng’ mar auchiel, Eliasaf wuod Reuel, jatend jo-Gad, nokelo chiwo mare.

⁴³ Nochiwo nyalaro mar fedha ma pekne romo kilo mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

⁴⁴ Bende nochiwo kikombe mar dhahabu ma pekne shekel apar ma ubani opong’o,

⁴⁵ gi nyarwath gi im gi nyaim ma hike achiel mitimogo misango miwang’o pep,

⁴⁶ gi nywok mitimogo misango mar golo richo,

⁴⁷ kod ruedhi ariyo gi imbe abich gi nywogi abich kod nyiimbe abich ma hikgi achiel achiel. Jamnigo duto ne ibiro timogo misango mar sawo. Mago e chiwo mane Eliasaf wuod Reuel ogolo.

⁴⁸ Chieng’ mar abiriyo, Elishama wuod Amihud, jatend jo-Efraim, nokelo chiwo mare.

⁴⁹ Nochiwo nyalaro mar fedha ma pekne romo kilo mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

⁵⁰ Bende nochiwo kikombe mar dhahabu ma pekne shekel apar ma ubani opong’o,

⁵¹ gi nyarwath gi im gi nyaim ma hike achiel mitimogo misango miwang’o pep,

⁵² gi nywok mitimogo misango mar golo richo,

⁵³ kod ruedhi ariyo gi imbe abich gi nywogi abich kod nyiimbe abich ma hikgi achiel achiel. Jamnigo duto ne ibiro timogo misango mar sawo. Mago e chiwo mane Elishama wuod Amihud ogolo.

⁵⁴ Chieng’ mar aboro, Gamaliel wuod Pedazur, jatend jo-Manase nogolo chiwo mare.

⁵⁵ Nochiwo nyalaro mar fedha ma pekne romo kilo mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

⁵⁶ Bende nochiwo kikombe mar dhahabu ma pekne shekel apar ma ubani opong’o,

⁵⁷ gi nyarwath gi im gi nyaim ma hike achiel mitimogo misango miwang’o pep,

⁵⁸ gi nywok mitimogo misango mar golo richo,

⁵⁹ kod ruedhi ariyo gi imbe abich gi nywogi abich kod nyiimbe abich ma hikgi achiel achiel. Jamnigo duto ne ibiro timogo misango mar sawo. Mago e chiwo mane Gamaliel wuod Pedazur ogolo.

⁶⁰ Chieng mar ochiko, Abidan wuod Gideoni, jatend jo-Benjamin nokelo chiwo mare.

⁶¹ Nochiwo nyalaro mar fedha ma pekne romo kilo mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

⁶² Bende nochiwo kikombe mar dhahabu ma pekne shekel apar ma ubani opong’o,

⁶³ gi nyarwath gi im gi nyaim ma hike achiel mitimogo misango miwang’o pep,

⁶⁴ gi nywok mitimogo misango mar golo richo,

⁶⁵ kod ruedhi ariyo gi imbe abich gi nywogi abich kod nyiimbe abich ma hikgi achiel achiel. Jamnigo duto ne ibiro timogo misango mar sawo. Mago e chiwo mane Abidan wuod Gideoni ogolo.

⁶⁶ Chieng’ mar apar, Ahiezer wuod Amishadai, jatend jo-Dan, nokelo chiwo mare.

⁶⁷ Nochiwo nyalaro mar fedha ma pekne romo kilo mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

⁶⁸ Bende nochiwo kikombe mar dhahabu ma pekne shekel apar ma ubani opong’o,

⁶⁹ gi nyarwath gi im gi nyaim ma hike achiel mitimogo misango miwang’o pep,

⁷⁰ gi nywok mitimogo misango mar golo richo,

⁷¹ kod ruedhi ariyo gi imbe abich gi nywogi abich kod nyiimbe abich ma hikgi achiel achiel. Jamnigo duto ne ibiro timogo misango mar sawo. Mago e chiwo mane Ahiezer wuod Amishadai ogolo.

⁷² Chieng’ mar apar gachiel Pagiel wuod Okran, jatend jo-Asher, nokelo chiwo mare.

⁷³ Nochiwo nyalaro mar fedha ma pekne romo kilo mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

⁷⁴ Bende nochiwo kikombe mar dhahabu ma pekne shekel apar ma ubani opong’o,

⁷⁵ gi nyarwath gi im gi nyaim ma hike achiel mitimogo misango miwang’o pep,

⁷⁶ gi nywok mitimogo misango mar golo richo,

⁷⁷ kod ruedhi ariyo gi imbe abich gi nywogi abich kod nyiimbe abich ma hikgi achiel achiel. Jamnigo duto ne ibiro timogo misango mar sawo. Mago e chiwo mane Pagiel wuod Okran ogolo.

⁷⁸ Chieng’ mar apar gariyo, Ahira wuod Enan, jatend jo-Naftali, nokelo chiwo mare.

⁷⁹ Nochiwo nyalaro mar fedha ma pekne romo kilo mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

⁸⁰ Bende nochiwo kikombe mar dhahabu ma pekne shekel apar ma ubani opong’o,

⁸¹ gi nyarwath gi im gi nyaim ma hike achiel mitimogo misango miwang’o pep,

⁸² gi nywok mitimogo misango mar golo richo,

⁸³ kod ruedhi ariyo gi imbe abich gi nywogi abich kod nyiimbe abich ma hikgi achiel achiel. Jamnigo duto ne ibiro timogo misango mar sawo. Mago e chiwo mane Ahira wuod Enan ogolo.

⁸⁴ Gik mane jodong Israel ochiwo mondo owalgo kendo mar misango chieng’ mane iwire e magi: Nyilerni mag fedha apar gariyo gi tewni mag fedha apar gariyo kod kikombe mag dhahabu apar gariyo.

⁸⁵ Pek mar nyalaro ka nyalaro ne romo shekel mia achiel gi piero adek, to pek mar tawo ka tawo shekel piero abiriyo. Kamano pek mag gigo duto ne romo shekel alufu ariyo gi mia ang’wen, kipimoo gi rapim mitiyogo e tich Nyasaye.

⁸⁶ Kikombe apar gariyo ma ubani opong’ogo, moro ka moro pekne ne romo shekel apar kipimo gi rapim mitiyogo e tich Nyasaye. Kamano kar romb pek dhahabu mag kikombego ne romo shekel mia achiel gi piero ariyo.

⁸⁷ To kar romb jamni duto mitimogo misango miwang’o pep ne ruedhi apar gariyo gi imbe apar gariyo gi nyiimbe apar gariyo ma hikgi achiel achiel achiel, kaachiel gi misengni mag cham michiwo kodgi kaka chik dwaro, kod nywogi apar gariyo mitimogo misango mar golo richo.

⁸⁸ Kar romb jamni mitimogo misango mar sawo ne ruedhi piero ariyo gang’wen gi imbe piero auchiel gi nywogi piero auchiel kod nyiimbe oiero auchiel ma hikgi achiel achiel. Mago e gik mane ochiw mondo owalgo kendo mar misango chieng’ mane iwire.

⁸⁹ To kane Musa odonjo e Hemb Romo mondo owuo gi Nyasaye, nowinjo Dwond Nyasaye ka wuoyo kode ewi raum mar Sandug Rapar miluongo ni kar-ng’wono, e kind kido ariyo machalo gi malaika miluongo ni kerubi.