Jona 2 - MUMA MALER 2015

Jona olemo ka goyo erokamano

¹ Jona nolamo Nyasaye gi ei rech, kowacho niya,

² “A Ruoth Nyasaye, ne aywakni ka an e masira, mi nidwoka. Naywak ka an e Piny Joma Otho mondo ikonya, mi niwinjo ywakna.

³ Niluta e chuny nam mandiwa, mi ataro nolwora koni gi koni. Apaka gi ahiti duto nokadho kuoma.

⁴ Naparo ni oriemba e nyimi, kendo ni ok nachak ane Hekalu mari maler.

⁵ Pi nolwora, modwaro thung’a, nam matut noima chuth.

⁶ Nadhi piny e tiend gode, mi buya mag nam nogajore e wiya. A Ruoth Nyasaye ma Nyasacha, nanimo e piny moro ma dhorangeyene olor nyaka chieng’. To kata kamano nigola e bur kangima.

⁷ Kane chunya dwaro a, ne apari, A Ruoth Nyasaye, kendo lemona nochoponi e Hekalu mari maler.

⁸ Joma lamo nyiseche manono nyalo weyo gik ma gigeno kuomgi,

⁹ an to natimni misango, ka apaki gi wer. Anachul gima asingorani. Ruoth Nyasaye ema reso ji!”

¹⁰ Eka Ruoth Nyasaye nochiko rechno, mi ong’ogo Jona e dhonam.