Hosea 3 - MUMA MALER 2015

Hosea gi dhako materore

¹ Ruoth nyasaye nowachona niya, “Dhiyo monsdo ikaw dhako man gi chotne kendo materore. Here mana kaka pod ahero jo-Israel, kata obedo ni giweya ka gilamo nyiseche mamoko, kendo gihero chiwo misengni mag mzabibu motwo ni kido manono.”

² Kuom mano, ne adhi, mi achulo shekel apar gabich mag fedha kod gunde ariyo mag cham, mi akawo dhakono kaka ne Ruoth Nyasaye onyisa.

³ Eka ne awachone ni obiro dak koda kuom ndalo mathoth, kendo ni ok nochak obed jachode. To bende ng’ato ok nochak onind kode, kata mana an.

⁴ Mano nyiso ni jo-Israel biro bet maonge ruodhi kata jotelo kendo maonge misengni kata sirni milamo, bende maonge kido mag nyiseche, kata gik mikorogo wach.

⁵ To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.