Ezra 2 - MUMA MALER 2015

Kar romb joma noa e tuech

¹ Koro magi e jo-Juda ma nodok Jerusalem gi Juda koa Babulon, kuma ne Nebukadnezar ruodh Babulon oterogie tuech. Ng’ato ka ng’ato nodok e gweng’gi.

² Jotendgi ne gin: Zerubabel, gi Jeshua, gi Nehemia, gi Seraya, gi Reelaya, gi Mordekai, gi Bilshan, gi Mizpar, gi Bigvai, gi Rehum, kod Baana.

³ Kar romb jo-Israel machwo e magi: joka Parosh ne romo alufu ariyo gi mia achiel gi piero abiriyo gariyo;

⁴ joka Shefatia, ne mia adek gi piero abiriyo gariyo;

⁵ joka Ara, mia abiriyo gi piero abiriyo gabich;

⁶ joka Pahath-moab, tiende ni joka Jeshua kod joka Joab ne romo alufu ariyo gi mia aboro gapar gariyo;

⁷ joka Elam ne alufu achiel mia ariyo gi piero abich gang’wen;

⁸ joka Zatu, mia ochiko gi piero ang’wen gabich;

⁹ joka Zakai, mia abiriyo gi piero auchiel;

¹⁰ joka Bani, mia auchiel gi piero ang’wen gariyo;

¹¹ joka Bebia, mia auchiel gi piero ariyo gadek;

¹² joka Azgad, alufu achiel gi mia ariyo kod piero ariyo gariyo;

¹³ joka Adonikam, mia auchiel gi piero auchiel gauchiel;

¹⁴ joka Bigvai, alufu ariyo gi piero abich gauchiel;

¹⁵ joka Adin, mia ang’wen gi piero abich gang’wen;

¹⁶ joka Ater, tiende ni joka Hezekia, to piero ochiko gaboro;

¹⁷ joka Bezai, mia adek gi piero adek gariyo;

¹⁸ joka Jora, mia achiel gapar gariyo;

¹⁹ joka Hashum, mia ariyo gi piero ariyo gadek;

²⁰ joka Gibar, to piero ochiko gabich;

²¹ jo-Bethlehem, mia achiel gi piero ariyo gadek;

²² jo-Netofa, piero abich gauchiel;

²³ jo-Anathoth, mia achiel gii piero ariyo gaboro;

²⁴ jo-Beth-azmoth, piero ang’wen gariyo;

²⁵ jo-Kiriath-jearim gi jo-Kefira kod jo-Beeroth, mia abiriyo gi piero ang’wen gadek;

²⁶ jo-Rama gi jo-Geba, mia auchiel gi piero ariyo gachiel;

²⁷ jo-Mikmas, mia achiel gi piero ariyo gariyo;

²⁸ jo-Bethel kod jo-Ai, mia ariyo gi piero ariyo gadek;

²⁹ jo-Nebo, piero abich gariyo;

³⁰ jo-Magbish, mia achiel gi piero abich gauchiel;

³¹ jo-Elam machielo, alufu achiel gi mia ariyo kod piero abich gang’wen;

³² jo-Harim, mia adek gi piero ariyo;

³³ jo-Lod gi jo-Hadid kod jo-Ono, mia abiriyo gi piero ariyo gabich;

³⁴ jo-Jeriko, mia adek gi piero ang’wen gabich;

³⁵ jo-Senaa, alufu adek gi mia auchiel kod piero adek.

³⁶ Kar romb jodolo: joka Jedaya ma jodhood Jeshua, mia ochiko gi piero abiriyo gadek;

³⁷ joka Imer, alufu achiel gi piero abich gariyo;

³⁸ joka Pashur, alufu achiel gi mia ariyo kod piero ang’wen gabiriyo;

³⁹ joka Harim, alufu achiel gapar gabiriyo.

⁴⁰ Kar romb jo-Lawi: joka Jeshua gi joka Kadmiel ma jodhood Hodavia ne ji piero abiriyo gang’wen.

⁴¹ Kar romb jower; joka Asaf ne mia achiel gi piero ariyo gaboro.

⁴² Kar romb jorit dhorangeye: joka Shalum gi joka Ater, gi joka Talmon, gi joka Akub, gi joka Hatita, kod joka Shobai, duto ji mia achiel gi piero adek gochiko.

⁴³ Jotich Hekalu ne gin; Joka Ziha, gi joka Hasufa, gi joka Taboath,

⁴⁴ gi joka Heros, gi joka Siaha, gi joka Padon,

⁴⁵ gi joka Labana, gi joka Hagaba, gi joka Hakub,

⁴⁶ gi joka Hagab, gi joka Shamlai, gi joka Hanan,

⁴⁷ gi joka Gidel, gi joka Gahar, gi joka Reaya,

⁴⁸ gi joka Rezin, gi joka Nekoda, gi joka Gazam,

⁴⁹ gi joka Uza, gi joka Pasea gi joka Besai,

⁵⁰ gi joka Asna, gi joka Meunim, gi joka Nefusim,

⁵¹ gi joka Bakbuk, gi joka Hakufa, gi joka Harhur,

⁵² gi joka Bazluth, gi joka Mehida, gi joka Harsha,

⁵³ gi joka Barkos, gi joka Sisera, gi joka Tema,

⁵⁴ gi joka Nezia, gi joka Hatifa.

⁵⁵ Nyikwa jotich Solomon ne gin: joka Sotai, gi joka Hasofereth, gi joka Peruda,

⁵⁶ gi joka Jaala, gi joka Darkon, gi joka Gidel,

⁵⁷ gi joka Shefatia, gi joka Hatil, gi joka Pokereth-hazebaim, kod joka Ami.

⁵⁸ Jotich Hekalu, kaachiel gi nyikwa jotich Solomon ne romo ji mia adek gi piero ochiko gariyo.

⁵⁹ Koro magi e joma nodwogo koa Tel-mela, gi Tel-harsha, gi Kerub, gi Adan, kod Imer, to ne ok nyal ng’e anywolagi, kata ka gin koth jo-Israel adier:

⁶⁰ joka Delaya, gi joka Tobia, kod joka Nekoda, ne romo ji mia auchiel.

⁶¹ Jodolo mane ok ong’e anywolagi bende ne gin: joka Hobaya, gi joka Hakoz, kod joma luongore ni joka Barzilai, nikech kwargi nokendo nyar Barzilai ja-Gilead, mokawo nying jaduong’neno.

⁶² Jogo nomanyo nyingegi e kitepe mane ondikie nying anywola, to ne ok giyudo, omiyo nokwan-gi ka joma ok owinjore tiyo tich dolo.

⁶³ Kendo ruoth nokwerogi ni kik gicham chiemo mowal ni jodolo, nyaka jadolo bedie manyalo penjo Ruoth Nyasaye wach gi ombulu miluongo ni Urim gi Thumim.

⁶⁴ Ji duto mane ochokore kanyakla ne romo ji alufu piero ang’wen gariyo gi mia adek kod piero auchiel,

⁶⁵ ka ok okwan wasumbgi machwo gi mamon, mane romo alufu abiriyo gi mia adek kod piero adek gabiriyo. Bende ne gin gi jower mia ariyo, machwo gi mamon.

⁶⁶ Ne gin gi farese mia abiriyo gi piero adek gauchiel, gi nyumbu mia ariyo gi piero ang’wen gabich,

⁶⁷ gi ngamia mia ang’wen gi piero adek gabich, kod kenje alufu auchiel gi mia abiriyo kod piero ariyo.

⁶⁸ Kane gibiro e Od Ruoth Nyasaye Jerusalem, jodong dhoudi moko nochiwore mondo ochak oger Od Nyasaye mana kama ne entie chon.

⁶⁹ Ne gichiwo dhahabu moromo kilo alufu aboro, gii fedha moromo kilo alufu adek, kod lep dolo mia achiel, kar nyalogi.

⁷⁰ Jodolo gi jo-Lawi kod ji mamoko nodak Jerusalem, kendo e alworane. Jower gi jorit dhorangeye gi jotich Hekalu kod jo-Israel mamoko duto, to nodak e miechgi.