Ezra 10 - MUMA MALER 2015

Oriemb mon ma ok jo-Yahudi gi nyithindgi

¹ Kane Ezra lemo kendo hulo richo, koriere piny kendo oywak e nyim Od Nyasaye, oganda jo-Israel maduong’ nobiro molwore. Ne gin chwo gi mon kod nyithindo, kendo giduto ne giywak malit.

² Eka Shekania wuod Jehiel, jaka Elam nowacho ni Ezra niya, “Waseketho e nyim Nyasachwa kuom kendo nyi joma ok jo-Yahudi, ma koro odak e pinyni. To kata ka wasetimo kamano, jo-Israel pod nigi geno.

³ Emomiyo koro wasingrueru ni Nyasachwa ni wanariemb mon-go gi nyithindgi, kaka useng’adonwa rieko, un kod jogo moluoro chik Nyasaye, kendo watimuru gima chik dwaro.

⁴ Chak mana tich, nikech en tich momiyi, kendo wabiro konyi. Bed gi chir mondo itim gima dwarore.”

⁵ Ezra nochung’, momiyo jotend jodolo gi jo-Lawi kod jo-Israel okuong’ore ni ginitim gima gisewachono. Mi ne gichamo muma.

⁶ Eka Ezra noa e nyim Od Nyasaye, modhi e od Jehohanan nyakwar Eliashib, monindo kuno. To ne ok ochamo gimoro kata pi ne ok omodho, nimar noywak nikech richo mane joma oa e tuech otimo.

⁷ Kinyne ne ogo milome e Jerusalem kendo e piny Juda duto, ni ji duto mane oa e tuech mondo ochokre Jerusalem.

⁸ To ka ng’ato ok ochopo kapok ndalo adek orumo, to jotelo gi jodongo nyalo peyo gige duto, kendo ng’ado kare oko kuom oganda joma oa e tuech.

⁹ Mi jo-Juda gi jo-Benjamin duto nochokore Jerusalem kapok ndalo adek orumo. Due piero ariyo due mar ochiko, ji duto nobet e laru manie nyim Od Nyasaye, ka kirni nikech luoro nomakogi, kendo nikech koth maduong’ ne goyogi.

¹⁰ Ezra jadolo nochung’, mowachonigi niya, “Useketho kuom kendo nyi joma ok jo-Yahudi, kendo usemedo richo mag jo-Israel.

¹¹ To koro huluru richou ni Ruoth Nyasaye ma Nyasach kwereu, kendo lokreuru mondo utim gima odwaro, kupogoru kuom joma ok jo-Yahudi, kendo kuom nyigi ma usekendo.”

¹² Mi ji duto ma nochokore kanyo nodwoke gi duol maduong’ niya, “Ee, wayie timo gima iwacho.

¹³ To eri wan ji mang’eny ka, kendo en chiri, omiyo ok wanyal dhi nyime gi chung’ oko ka. To bende tijni ok bi rumo kuom odiechieng’ achiel kata kuom ndalo ariyo, nikech waseketho gi ketho maduong’ e wachni.

¹⁴ Koro jodongwa mondo ochung’ ni ogandawa duto, kendo jogo duto manie miechwa mosekendo nyi joma ok jo-Yahudi, mondo obi e nyim jodongo e seche moketi. Ng’ato ka ng’ato mondo obi e nyim jodonge kod jong’ad bura mag dalagi, nyaka mirimb Nyasaye man kuomwa e wachni rum.”

¹⁵ Ji duto noyie timo kamano, mak mana Jonathan wuod Asahel kod Jazeya wuod Tikva, kaachiel gi Meshulam kod Shebethai ma ja-Lawi ema notimo rabala e wachni.

¹⁶ To joma noa e tuech notimo mana kaka ne gisesingore. Ezra jadolo noyiero jotelo moko gi nyinggi, mochung’ni dhoutgi. Ne gichako tich nono wach joma osekendo nyi joma ok jo-Yahudi tarik achiel mar due mar apar,

¹⁷ mi ne gitieko tijno tarik achiel mar due mokwongo.

¹⁸ Jodolo mane oyud ni osekendo nyi joma ok jo-Yahudi, ne gin Maaseya gi Eliezer gi Jarib kod Gedalia ma jaka Jeshua wuod Jozadak, gi owetene.

¹⁹ Ne gikuong’ore ni nyaka giriemb mondgigo, kendo ne giomo im e kweth obed misango mar golo richogi.

²⁰ Kuom joka Imer ne gin Hanani kod Zebadia;

²¹ kuom joka Harim ne gin Maaseya gi Elija gi Shemaya gi Jehiel kod Uzia;

²² kuom joka Pashur ne gin Elioenai gi Maaseya gi Ishmael gi Nethaneel gi Jozabad kod Elasa.

²³ To kuom jo-Lawi ne gin Jozabad gi Shimei gi Keleya (miluongo bende ni Kelita,) gi Pethahia gi Juda kod Eliezer.

²⁴ To kuom jower ne en Eliashib. To kuom jorit dhorangeye ne gin Shalum gi Telem kod Uri.

²⁵ To magi e jo-Israel mamoko: kuom joka Parosh ne gin Ramia gi Izia gi Malkia gi Mijamin gi Eleazar gi Malkia gi Mijamin kod Benaya.

²⁶ To kuom joka Elam ne gin Matania gi Zekaria gi Jehiel gi Abdi gi Jeremoth kod Elija.

²⁷ Kuom joka Zatu ne gin Jeremoth gi Zabad kod Aziza.

²⁸ Kuom joka Bebai ne gin Jehohanan gi Hanania gi Zabai kod Athalia.

²⁹ Kuom joka Bani ne gin Meshulam gi Maluk gi Adaya gi Jashub gi Sheal kod Jeremoth.

³⁰ Kuom joka Pahath-moab ne gin Adnagi Kelal gi Benaya gi Maaseya gi Matania gi Bezalel gi Binui kod Manase.

³¹ Kuom joka Harim to ne gin Eliezer gi Ishija gi Malkia gi Shemaya gi Simeon,

³² gi Benjamin gi Maluk kod Shemaria.

³³ Kuom joka Hashum ne gin Matenai gi Matata gi Zabad gi Elifelet gi Jeremai gi Manase kod Shimei.

³⁴ Kuom joka Bani ne gin Maadai gi Amram gi Uel

³⁵ gi Benaya gi Bedeya gi Keluhi

³⁶ gi Vania gi Meremoth gi Eliashib

³⁷ gi Matania gi Mataenai kod Jaasau.

³⁸ Kuom joka Binui ne gin Shimei

³⁹ gi Shelemia gi Nathan gi Adaya

⁴⁰ gi Maknadebai gi Shashai

⁴¹ gi Azareel gi Shelemia gi Shemaria

⁴² gi Shalum gi Amaria kod Josef.

⁴³ To kuom joka Nebo ne gin Jeyel gi Matithia gi zabad gi Zebina gi Jedai gi Joel kod Benaya.

⁴⁴ Jogo duto nosekendo nyi joma ok jo-Yahudi, to koro ne giriembogi, kaachiel gi nyithindgi.