Chakruok 10 - MUMA MALER 2015

Nyikwa yawuot Nowa

¹ Nyikwa Nowa mane yawuote ma Shem gi Ham kod Jafeth onywolo kane pi oseketho piny e magi:

² Jafeth nonywolo Gomer gi Magog gi Madai gi Javan gi Tubal gi Meshak kod Tiras.

³ To Gomer nonywolo Ashkenaz gi Rifeth kod Togarma.

⁴ Javan nonywolo Elisha gi Tarshish gi Kitim kod jo-Rodan.

⁵ Kuomgi ema ogendni modak e dho nembe kod chulni nojakoree kadhi e pinjegi giwegi, kuma dhoot ka dhoot, kendo oganda ka oganda wachoe dhogi.

⁶ Ham nonywolo Kush gi Misri gi Put kod Kanaan.

⁷ To Kush nonywolo Seba gi Havila gi Sabta gi Raama kod Sabteka. To Raama nonywolo Sheba gi Dedan.

⁸ Kush ne wuon Nimrod bende. Nimrod ema nokwongo bet ruoth e piny.

⁹ Ne en jadwar maratego e nyim Ruoth Nyasaye. Mano emomiyo ipako ng’ato ni “Jadwar maratego e nyim Ruoth Nyasaye ka Nimrod.”

¹⁰ Piny Nimrod mokwongo noting’o Babel gi Erek kod Akad. Miego duto ne nie piny Shinar.

¹¹ Nodar kuno, modhi e piny Ashur, kuma nogeroe Nineve gi Rehobothir gi Kala

¹² kod Resen, dala maduong’ manie kind Nineve gi Kala.

¹³ Nyikwa Misri ne gin jo-Lud gi jo-Anam gi jo-Lehab gi jo-Naftu

¹⁴ gi jo-Pathrus gi jo-Kaslu kod jo-Kaftor ma jo-Filistia nowuok kuomgi.

¹⁵ Kanaan nonywolo yawuowi ariyo. Ne gin Sidon, ma wuode ma kayo, kod Heth.

¹⁶ Nyikwaye ne gin jo-Jebus gi jo-Amor gi jo-Girgash

¹⁷ gi jo-Hivi gi jo-Harki gi jo-Sini

¹⁸ gi jo-Zemar kod jo-Hamath.

¹⁹ Bang’e dhout jo-Kanaan nolandore, mi tong’ pinygi nochakore Sidon kochomo Gerar nyaka Gaza, kendo nokadho Sodom gi Gomora mochopo Adma gi Zeboim nyaka Lasha.

²⁰ Mago e nyikwa Ham, koluwore gi dhoutgi kod pinjegi, ka dhoot ka dhoot wacho dhogi giwegi.

²¹ Shem mane kwar jo-Eber kod mane owadgi Jafeth maduong’, bende ne nigi nyithindo.

²² Nonywolo Elam gi Ashur gi Arpaksad gi Lud kod Aram.

²³ To Aram nonywolo Huz gi Hul gi Gether kod Mash.

²⁴ Arpaksad nonywolo Shela, to Shela nonywolo Eber.

²⁵ Eber nonywolo yawuowi ariyo; wuode makayo nochak ni Peleg, nikech e ndalone ema nopogie piny, to owadgi ne nyinge Joktan.

²⁶ Joktan nonywolo Almodad gi Shelef gi Hazamoth gi Jera,

²⁷ gi Hadoram gi Huzal gi Dikla

²⁸ gi Obal gi Abimael gi Sheba

²⁹ gi Ofir gi Havila kod Jobad. Jogo duto ne joka Joktan.

³⁰ Pinygi nochakore Mesha kochomo Shefar nyaka gode man yo wuok chieng’.

³¹ Mago e nyikwa Shem, kaluwore gi dhoutgi kod pinjegi, to dhoot ka dhoot wacho dhogi giwegi.

³² Giduto ne gin dhout yawuot Nowa, kaluwore gi anywolagi kod pinjegi, kendo gin ema ne ginywolo ogendini mopogore opogore mae piny bang’ ataro.