लुका 9 - Dhimal NT

येसु तेन्हे चात्यागेलाइहेङ सुसमाचार पालि दिङगिल्हि

¹ कालाउ येसु वाको तेन्हे झना चात्यागेलाइहेङ ए दोफाङ काइहि, वा मासाधेकालाइहेङ एल्पालि कालाउ गोताङ भुत-आत्मा धेल्काहेङ लाअ्पालि सरबुङ कालाउ खाबारा इम्बालाइहेङ पिहि।

² येसु इम्बालाइहेङ परमेस्वरको सासनको बिसोइता सुसमाचार पालि, मासाधेकालाइहेङ कालाउ मिसा एल्पालि बाहार दिङगिल्हि।

³ येसु चात्यागेलाइहेङ दोअ्हि, “दामाको भाअ्सिङ हाइ दोङ माचुम्पुसु, लाठि, झोला, धाबा लोखोन चाका आम्का।

⁴ हिदोइ बुङ साअ्ता हानेसु घुरिका पहर माजेङपा भरि इन्ताङ हिसु।

⁵ जेसापा हिदोइ बुङ थामेको द्‍याङगेलाइ नेलाइहेङ स्‍वागत मापानु कालाउ नेलाइको काथा माहिङपिनु चेतान पिकाताङ कालाउ खोकोइको धुला ह्रितेङ इङको देरा लाअ्सु।” उङको द्‍याङगेलाइहेङ परमेस्वर दोङ पालि गोइका न्याय पावा।

⁶ ओदोङ भाअ्सिङ चात्यागेलाइ सुसमाचार हिङपाकाताङ कालाउ मासाधेका द्‍याङगेलाइहेङ एल्पाकाताङ देरा-देरा हानिहि।

⁷ सासक राजा हेरोद इदोइ गोताङ घाटाना थाहा गिहि वा आवाइतुहि, हाइपालिपानु हेथेते द्‍याङगेलाइ दोअ्हि, बप्तिस्ता पिका युहान्‍ना सिकासो सिन्चालतेङ ल्होका हि।

⁸ हेथेते दोअ्घाखे, एलिया देखाल जेङहि, आरु दोङ हिदोइ बुङ परमेस्वरको बक्ता सिकासो सिन्हुका हि।

⁹ राजा हेरोद दोअ्हि, “का युहान्नाको पुरिङ पाल्लि लागाइघा, कालाउ का जाइको बिसोइता हिङदोङखा?” उङको द्‍याङ हासु हि? राजा हेरोद येसुहेङ खाङलि भोघाखे।

येसु नाअ् हाजारहेङ चापाहि

¹⁰ जेलाउ छाल्का चात्यागेलाइ घुरितेङ लोहि, इम्बालाइ पाका गोताङ कामगेलाइको बारेता हिङपाहि, कालाउ न्हुसो येसु इम्बालाइहेङ एनोङ बेथसेदा देराता सुटुक्पा चुम्तेङ हानिहि।

¹¹ वा हिसो हानिहि द्‍याङगेलाइ थाहा निङहि, इम्बालाइ वाको लेसारा पिताइहि, इम्बालाइ येसुको स्‍वागत पालि कालाउ परमेस्वरको सासनको बारेता इम्बालाइहेङ दोअ्पिहि, वा मासाधेकालाइहेङ एल्पा पिहि।

¹² एला बेल्हालि तम्होइ, कालाउ तेन्हे चात्यागेलाइ येसुकोता लोहि कालाउ दोअ्हि, इदोइ थामेता हिदोइ बुङ द्‍याङ माहिखे, इम्बालाइहेङ घुरिपासु, इदोइ द्‍याङगेलाइ ओबालाइको चाका-आम्का कालाउ जिम्का ब्यबास्ताको भाअ्सिङ भेरपाको देरागेलाइ कालाउ सहरगेलाइता हानाको। हाइपालिपानु इता केलाइ चाका-मान्दा थामेता हिनाहि।

¹³ येसु चात्यागेलाइहेङ दोअ्हि, नेलाइ दोङ इम्बालाइहेङ हाइ दोङ चाअ्लि पिसु, कालाउ चात्यागेलाइ दोअ्हि, प्रभु केलाइ दोफा हाइ हि रो? केलाइ दोफा नालोङ तोले कालाउ न्हेनोङ हाया खिनिङ हि। हाइ नाअ् दोअ्खेना केलाइ इदोइ झोको द्‍याङगेलाइको भाअ्सिङ चाका-आम्का चोल्तेङ चुमाको।

¹⁴ इन्ता इम्बालाइ हेन्जा जोसो नाअ् हाजार धानागेलाइ हिघाहि, वा ताइको चात्यागेलाइहेङ दोअ्हि, “इम्बालाइहेङ एनोङ लाहारिपा पाचास-पाचासको खेङतेङ योम्लि लागाइहि।”

¹⁵ कालाउ न्हुसो येसुको चात्यागेलाइ एन्साङ पाहि, कालाउ झाराङ द्‍याङगेलाइहेङ सिङजालजालका घासिता साभाउ योमपाहि।

¹⁶ येसु इङको नालोङ तोले कालाउ न्हेनोङ हाया चुम्तेङ स्वर्ग भारि म्हाल्तेङ परमेस्वरहेङ धन्यबाद पिहि, कालाउ इङको तोलेगेलाहेङ पोङहि कालाउ द्‍याङगेलाइको आगाता ताअ्पि दोअ्तेङ चात्यागेलाइहेङ पिहि, कालाउ इङको न्हेनोङ हाया बुङ वा झाराङहेङ बाख्राइपिहि।

¹⁷ कालाउ झाराङ द्‍याङ चाअ्तेङ घाइहि। जेलाउ झाराङ चाअ्लि दोहि कालाउ चात्यागेलाइ तोले कालाउ हायाको दाइका पोङन्हाका टुक्रागेलाइ जोम्पाहि इङको तोलेगेलाइ तेन्हे दाल्हो पोङघाहि।

पतरुसको सुइकार

¹⁸ एनि येसु एकालाङ प्रार्थाना पाकाताङ पालाउ चात्यागेलाइ बुङ वाको दोफाङ हिघाहि। येसु इम्बालाइहेङ हिअ्हि, “द्‍याङगेलाइ कासेहेङ हासु हाइ दोअ्खे?”

¹⁹ चात्यागेलाइ दोअ्हि, “आधिमि नासेहेङ बप्तिस्ता पिका युहान्‍ना दोअ्खे, आधिमि द्‍याङगेलाइ नासेहेङ एलिया दोअ्खे, कालाउ आधेमि द्‍याङगेलाइ लाम्फाको परमेस्वरको बक्तागेलाइ मध्येसो जिबनता घुरितेङ लोका एमि दोअ्खे।”

²⁰ कालाउ न्हुसो येसु ताइको चात्यागेलाइहेङ हिअ्हि, कालाउ नेलाइ चाहि कासेहेङ हाइ दोअ्सुखेना? कालाउ पतरुस जोबाफ पिहि, “नाअ् चाहि ख्रिस्ट हिना, परमेस्वर पाहासो दिङगिल्का।”

²¹ येसु इदोइ काथा हासुहेङ बुङ मादोअ्सु दोअ्तेङ इम्बालाइहेङ चेताउनि पिहि।

²² कालाउ न्हुसो येसु दोअ्हि, का द्‍याङको चान हेन्जा कस्ट सहिलि गोयाङ, “यहुदिगेलाइको आगुवा कालाउ मुलि पुजारिगेलाइ कालाउ व्यवस्था धिरपाका द्‍याङगेलाइ कासेहेङ सुइकार मापाङ द्‍याङको चानहेङ सेअ्तावा कालाउ का सिकाको सुम दिनाता आरोङ सिन्हुतेङ ल्होकाङका।”

²³ कालाउ न्हुसो येसु ताइको चात्यागेलाइहेङ कालाउ इन्ता हिका द्‍याङगेलाइहेङ काइतेङ दोअ्हि, “एसापा नेलाइ काङको चात्या जेङलि खाङसु खेन्हा पानु ताइको इच्छा लाअ्लि गोइखे। कालाउ वा दिनाङ-दिनाङ ताइको क्रुस फाअ्तेङ काङको चात्या जेङलि लोसु।”

²⁴ हाइपालिपानु या सुमिङता जाइ दोङ ताइको प्रानहेङ बान्चिपालि खाङखे पानु, “वा इङको मोअ्पावा जाइ दोङ काङको भाअ्सिङ कालाउ सुसमाचारको भाअ्सिङ जातिङको जिबन मोअ्पाखे कालाउ वा निनावा।”

²⁵ जेसापा द्‍याङगेलाइ सुमिङहेङ दोङ ताइको बानाइलाउ बुङ ताइको आनान्त प्रान चाहि गुमाइ पानु वासेहेङ हाइ फाइदा जेनावा रो? कालाउ एमि द्‍याङ परमेस्वरहेङ हाइ पिलि द्वावा जाइ दोङ वाको आनान्त प्रान चोल्पिखे? हाइ बुङ माको!

²⁶ कालाउ हासु बुङ काङको बचनसो लेदेरनु, “का द्‍याङको चान बुङ ताइको महिमाता कालाउ आबाको महिमा चुम्तेङ पबित्तरो स्वर्गदुतगेलाइ दोफा लोलाउ, वाको दोफा का बुङ लेदेरयाङका।”

²⁷ कालाउ का नेलाइहेङ जातिङ भारि दोअ्खा, नेलाइ सिलि खान्तेङ लाम्फाङ इता जाअ्तेङ हिका चात्यागेलाइ मध्ये आधिमि हि जाइ परमेस्वरको सासन सरबुङसाइपा जेङतेङ लोका तिङलि निनावा।

येसुको जिउ भाङगाइन्हाहि

²⁸ येए दिना न्हुसो येसु इङको काथागेलाइ दोअ्हि, वा पतरुस, युहान्‍ना कालाउ याकुबहेङ चुम्पुतेङ कालाउ झाउका तिकार भारि प्रार्थाना पालि हानिहि।

²⁹ जेलाउ येसु प्रार्थाना पातेङ हिघाखे वाको ह्राइको रुप दोङ जाहाँका जेङहि कालाउ वाको होङका धाबा बिजुलि भाइपा चिल्काका कालाउ जाहाँका जेङतेङ चिल्काघाखे।

³⁰ न्हेमि द्‍याङ इन्ता देखाल जेङहि, येसु ओबालाइ दोफा काथा पालि तेङहि ओबालाइ मोसा कालाउ एलिया हिघाहि।

³¹ मोसा कालाउ एलिया बुङ जाहाँका महिमा तिङघाखे, ओबालाइ येसु दोफा वाको सिका बिसोइता काथा पाकाताङ हिघाहि। जेदोङ यरुसेलेम सहरता जेङलि तोम्का हिघाखे।

³² पतरुस कालाउ वाको सानाइतिगेलाइ सिनाङ भाइपा जिम्का हिघाखे। इम्बालाइ नाङघाहि कालाउ येसुको महिमा तिङहि, इम्बालाइ येसु दोफा न्हेमि द्‍याङगेलाइ जाअ्तेङ हिका तिङहि।

³³ जेलाउ मोसा कालाउ एलिया हानिलि तोम्का हिघाहि, पतरुस येसुहेङ दोअ्हि, हे गुरु ज्यु, केलाइहेङ इता हिका एल्काङ जेङहि। केलाइ इता सुमलोङ खोपारा धामाइने, एनोङ नाङको भाअ्सिङ, एनोङ मोसाको भाअ्सिङ कालाउ एनोङ एलियाको भाअ्सिङ। पतरुस मागिघाखे कि वा हाइ दोअ्तेङ हि।

³⁴ जेलाउ पतरुस काथा पाकाताङ हिघाहि, एन्सालाउ दोङ ह्रिवापा एनोङ फाइसालामका बादेलहोइ इम्बालाइहेङ थुम्हि। कालाउ इम्बालाइ थितेङ लिता दुल्हि।

³⁵ बादेल लितासो परमेस्वर नुइ धुइलि तेङहि, नाअ् काङको मायारु चान नाअ् दोफा का लेङचाका हिघा, वाको दोअ्काता मन पिसु।

³⁶ जेलाउ इङको गाला लोहि, येसु खिनिङ इन्ता हिघाहि, पतरुस, याकुब कालाउ युहान्‍ना हाइ बुङ मादोअ्सिङ हि, इम्बालाइ हाइ तिङहि इङको दिनाता हासुहेङ बुङ मादोअ्हि।

भुत-आत्मा धेल्का वाजान

³⁷ न्हु दिना येसु पतरुस, याकुब कालाउ युहान्‍ना तिकारसो लेता खुअ्हि, द्‍याङको बार्का हुदा वासेहेङ भेतिलि लोहि।

³⁸ बार्का जेरसो एमि द्‍याङ ह्रिकाइतेङ येसुहेङ दोअ्हि, “हे गुरु ज्यु, दाया पातेङ लौउ कालाउ काङको चानहेङ खाङपि, इदोइ काङको एमि खिनिङ चान।

³⁹ भुत-आत्मा काङको चानता लोखे कालाउ वासेहेङ ओदोङ घुरि भोनोइता लोङपाखे कालाउ ह्रिकाइतेङ नुइसो थोसि बिरखे, तासिङ जिखे, कालाउ रानथिउ-थिउखे। इङको भुत-आत्मा जेलाउ बुङ दुख पिखे कालाउ वाकोसो हेलाउ बुङ लाअ्तेङ मान्हिखे।

⁴⁰ का नाङको चात्यागेलाइहेङ बुङ वाकोसो भुत-आत्मा ओल्लेपालि दोअ्तेङ बिन्ति पाघा, कालाउ ओबालाइ एन्सा पालि मादोअ्हि।”

⁴¹ येसु इम्बालाइहेङ दोअ्हि, “ओइ खाङधुरि मापाका हारागुटियागेलाइ, का नेलाइ दोफा हेथे सोमोइ थेकापा हिलि? का एला नेलाइहेङ हेथे थेकापा सहितेङ हिलि? उङको वाजानहेङ काङकोता चुमासु।”

⁴² कालाउ उङको लोकाताङ पालाउ भुत-आत्मा वासेहेङ फेनापाहि, कालाउ ऐइठुन लागिहि। कालाउ येसु इङको भुत-आत्माहेङ चेरहि, कालाउ उङको जामालहेङ एल्पातेङ वाको आबाहेङ सुम्पिहि।

⁴³ परमेस्वरको माहानता तिङतेङ इम्बालाइ झाराङ भारभुसाइहि। येसु दोङ पाका गोताङ कामता झाराङ भारभुसाइका तिङतेङ, वा दोङ ताइको चात्यागेलाइहेङ दोअ्हि,

⁴⁴ एला का नेलाइहेङ जेदोङ दोअ्खा इङको हेलाउ बुङ मानिल्सु, का द्‍याङको चानहेङ सतुरुगेलाइको खाबाराता सुम्पि प्यावा

⁴⁵ चात्यागेलाइ येसुको दोअ्का इङको काथागेलाइको माने हाइ बुङ माबुझिहि। याको माने इम्बालाइ थाहा मानिनाको दोअ्तेङ म्होतेङ ताअ्का हिघाहि, ओदोङ भाअ्सिङ चात्यागेलाइ वासेहेङ हिअ्लि थिहि।

झाराङ खान्तेङ बार्का हासु?

⁴⁶ येसुको चात्यागेलाइता-ताइमिता इम्बालाइ मध्येसो हासु चाहि बार्का चात्या वाला दोअ्तेङ नाइसुलि तेङहि।

⁴⁷ येसु चात्यागेलाइको मनको काथा थाहा गितेङ इङको बिसोइता बुझिहि, कालाउ वा एमि जामालहेङ ताइ दोफा चुमाहि कालाउ भेरपा जाअ्पाहि।

⁴⁸ कालाउ ताइको चात्यागेलाइहेङ दोअ्हि, जेसापा हिदोइ बुङ द्‍याङ का ह्रुता खाङधुरि पातेङ इदोइ जामालहेङ दाया तिम्पाखे पानु, वा जातिङको आदार पाखे। कालाउ हिदोइ बुङ द्‍याङ कासेहेङ आदार पाखे पानु वा जातिङको परमेस्वरको आदार पाखे। जाइ दोङ कासेहेङ दिङगिल्हि, जेदोङ द्‍याङ नेलाइको माझाता झाराङ खान्तेङ म्हुइका हि, उङको दोङ बार्का जेनावा।

⁴⁹ युहान्‍ना दोअ्हि, हे गुरु ज्यु, द्‍याङगेलाइसो भुत-आत्मागेलाइ खाअ्पालि एमि द्‍याङ नाङको मिङ ह्रुखे। उङको द्‍याङ केलाइको जेरको माकोनाङ केलाइ वासेहेङ एन्सा पालि मापिन्हाहि।

⁵⁰ येसु वासेहेङ दोअ्हि, मारोकिसु एदि हिदोइ बुङ द्‍याङ नाङको बिरोधता मान्थुहेपानु इङको नाङको पत्तिदोङ हिखे।

सामारिगेलाइसो येसुहेङ बिरोध पाका

⁵¹ येसुको स्वर्ग हानिका बेला भेरपाङ लोघाखे कालाउ येसु यरुसेलेम सहर हानिलि निस्चित पाहि।

⁵² येसु आधिमि बानाल चुम्पुका द्‍याङगेलाइहेङ ताइमि खान्तेङ लाम्फा दिङगिल्हि, उङको द्‍याङगेलाइ येसुको भाअ्सिङ गोताङ आनेमाने तियार पालि सामारिको एनोङ देराता हानिहि।

⁵³ कालाउ इन्ताको द्‍याङगेलाइ वासेहेङ स्‍वागत पालि माकिहि हाइपालिपानु वा यरुसेलेम सहर भारि हानिघाखे।

⁵⁴ जेलाउ येसुको चात्यागेलाइ याकुब कालाउ युहान्‍ना इसिका तिङहि, इम्बालाइ दोअ्हि, हे प्रभु हाइ केलाइ स्वर्गसो मे चुमातेङ द्‍याङगेलाइहेङ बुसिरि बानाइलि आग्या पाङ?

⁵⁵ कालाउ येसु लेसारापाहा घुरितेङ इम्बालाइहेङ चेरहि। (कालाउ एसापा दोअ्हि, नेलाइता ते हिसिका खाल्को मन हिलि गोइखे, इङकोते नेलाइ बुझिका मान्थु सुन्हा। का द्‍याङको चान ते द्‍याङगेलाइहेङ नासा पालि दोअ्तेङ माको, कालाउ इम्बालाइहेङ बान्चिपालि कि लोघा)।

⁵⁶ कालाउ न्हुसो येसु कालाउ वाको चात्यागेलाइ भेनेङ देरा भारि हानिहि।

येसुहेङ पिताइलाउ तिरिलि गोइका मोल

⁵⁷ ओबालाइ झाराङ दामाता हानिदोङघाखे एमि द्‍याङ वासेहेङ दोअ्हि, “नाअ् जेता हानाना का बुङ नाङको चात्या जेङलि हानाङका।”

⁵⁸ येसु वासेहेङ दोअ्हि, “स्याइलेगेलाइको हिका घारा हि, आकासता हिका जिहाँ-जुइलेङको हिका भाअ्सा हि, कालाउ का द्‍याङको चानको भाअ्सिङ ते एनोङ बुङ साअ् मान्थु जेता का जिम्लि द्वाको।”

⁵⁹ येसु आरोङ भेनेङ द्‍याङहेङ दोअ्हि, का दोफा लोसु कालाउ काङको चात्या जेङसु। कालाउ उङको द्‍याङ दोअ्हि, “हे प्रभु, कासेहेङ लाम्फा साअ्ता हानितेङ काङको आबाको सिका जिउहेङ लिअ्लि पि, कालाउ न्हुसो का लोतेङ नाङको चात्या जेनाङका।”

⁶⁰ कालाउ येसु वासेहेङ दोअ्हि, “इम्बालाइहेङ ताइको सिकालाइहेङ लिइलि पिसु।” नेलाइ हानेसु कालाउ परमेस्वरको सासनको बारेता प्राचार पासु।

⁶¹ भेनेङ द्‍याङ दोअ्हि, प्रभु का नाङको दोफा ल्वाङका, लाम्फा काङको साअ्को जाहानगेलाइसो बिदा ह्रुलि पि।

⁶² येसु दोअ्हि, जेसापा हिदोइ बुङ द्‍याङ हालेता खुर चातेङ लेसारा भारि खाङनु, उङको परमेस्वरको सासनता योग्यको माजेनाङ।