तितस 3 - धिमालख्रिस्टियान आनिबानि 1 हुकुमचालाइकालाइ रो हाकिमगेलाइको आधिनता ह्याको दोअ्तेङ द्याङगेलाइहेङ साम्झाइ। एम्बालाइ गोताङ खालहोइ भालाइपालि त्यार ह्याको। 2 एम्बालाइ हासुङको खिलाप मापाको, गालबाजिसो फारापा ह्याको, नोइका ज्याको रो झाराङ द्याङगेलाइदोफा रेम्का बेभार तिङपाको। 3 हाइदोनु केलाइ ताइमिङ बुङ ए पहर निरबुदि, हुकुममासाअ्का रो बिगारता वालाका हिघान्हाहि। केलाइ मारेम्का लाल्सासो रो गोताङ खालको भोगबिलासको बान्धाइगेलाइ हिघान्हाहि। केलाइ ताइको ज्यान आसाति रो डाहाता दोपाघान्हाखे। केलाइ आनादरि हिघान्हाहि रो एभेनेङहेङ आनादर पाघान्हाखे। 4 जेलाउ परमेस्वर केलाइको छुटकारापिकाको भलाइ रो दाया देखाल जेङहि, 5 केलाइ ताइमिङको पाका धरमाति कामसो माको, कालाउ वा दायातेङ केलाइहेङ सिन्हुपाहि। वा केलाइको कुकरमगेलाइ झापिहि रो केलाइहेङ पुनित हाङसासो नावा ज्यान पिहि। 6 परमेस्वर छुटकारा पिका प्रभु इसु ख्रिस्टसो हेन्जापातेङ पुनित हाङसा केलाइहेङ पिहि। 7 एसापा वाको निगाहाहोइ केलाइ परमेस्वरको आगाता उचित ठर्हाइन्हालि द्वाको रो केलाइको आस ताअ्का केलाइ असिम ज्यानको बुङ हाक्वाला जेङलि द्वाको। 8 इदोइ जातिङको काथा एइ। परमेस्वरता खान्धुर पाका झोको रेम्का काम पालि मन लागायाको दोअ्तेङ ना बल पाका का भोखा। इदोइ रेम्का काम पालि दोङ झाराङ द्याङगेलाइहेङ लाभ पिका काथा एइ। 9 कालाउ बेकामको बिचार, र्हिङर्हिङका खालगेलाइ रो नियमसुदाङको गालबाजिसो फारापा हिसु। इङको बिथाको काम मालागिका काथा एइ। 10 बेमेल चुमाका द्याङहेङ एखे न्हेखे गावाइ रो मासाअ्हि पानु इङकोदोफा हाइदोङ सामान्दा माताअ्। 11 इदोइ ना दोङ गेखेना, इसिका द्याङ बिगिरका रो कुकरमि हिखे। इङको ताइमिङ दुसि ठहर्हाइन्हावा। आखिरि मतो 12 का अर्तिमास माकोनु तुखिकसहेङ नाङकोता दिङगिल्तेसाङ नाचाहिँ निकोपोलिसता कासेहेङ दुसुलि लोउ। हाइपानु का चुन्दिङ दोपाङ इन्ता दोङ हिलि निधो पाका हिघा। 13 ओकिल जेनास रो अपोल्लोसहेङ हिगिल्काता दोकाझोको साघाइ रो एम्बालाइहेङ हाइदोङ काथाको हारजा माज्याको। 14 केलाइको द्याङगेलाइ बिथाता ज्यान थाल्लिमागोयाङ। एम्बालाइ रेम्का काम पातेङ हारजा परेका पहरता द्याङगेलाइहेङ साहेता पालि द्वाको। 15 इता कादोफा हिका झाराङ नासेहेङ सेउपाका पिगिल्का हि। केलाइहेङ माया पाका इन्ता हिका झाराङ खान्धुरिगेलाइहेङ सेउपाका दोअ्पि। परमेस्वरको निगाहा नेलाइ झाराङता ह्याको। |
© 2024 (Active), Wycliffe Bible Translators, Inc. All rights reserved.
Wycliffe Bible Translators, Inc.