साल्न्हाका चात्या 5 - धिमालहननिया रो सफिरा 1 कुलाउ इन्ता हननिया दोअ्का एमि द्याङ हिघाखे। वाको बेअ्को मिङ सफिरा हिघाहि। एम्बालाइ बुङ ताइको आतुइसा मिलिङ पिअ्हि, 2 कालाउ मिलिङ पिअ्का आधे टाका मतो पातेङ ताइमिङदोफा ताअ्हि रो आधे टाका चुमातेङ साल्तेङ दिङगिल्कालाइहेङ गोताङ टाका चुमाघा दोअ्तेङ पिहि। 3 कोलाउ पत्रुस दोअ्हि, “ओइ हननिया, पुनित हाङसादोफा असत धुइका रो भोनो पिअ्का टाका ताइमिदोफा ताअ्का काथा दियाबलस हेसापा नाङको मनता ह्वापिहि? 4 मिलिङ मापिअ्लाउ बुङ इङको मिलिङ नेलाइकोङ हिघाहि। पिअ्कान्हुसो बुङ इङकोसो लोका टाका नेलाइकोङ हिघाहि। इसिका काम पाका ठहर नाङको कोन्धाङता हेसापा लोहि? नेलाइ द्याङगेलाइहेङ ते माको, कालाउ बुङ परमेस्वरहेङ दोङ ढाटाइका हिसुन्हा।” 5 इदोइ काथा हिङतेङ हननिया भोनोता लोङहि रो ताइको बायु लाअ्हि। इदोइ हिङकालाइ झाराङ थिहि। 6 कालाउ वाजालाइ लोतेङ वासेहेङ धाबाहोइ लुन्दाइहि रो बाहार चुमपुतेङ लिअ्पिहि। 7 सुम घान्टान्हुसो हननियाको बेअ् सफिरा बुङ लिअ्ता लोहि। वासेहेङ ताइको केअ् सिका काथा गेका मान्थुघाहि। 8 पत्रुस सरिफाहेङ हिअ्हि, “कासेहेङ दोअ्, नेलाइ मिलिङ इङकोङझोको टाकाता पिअ्का हिघासुन्हा?” कालाइ इङको दोअ्हि, “एइ, इङकोङ झोको टाकाता पिअ्का हिघान्हाहि।” 9 कुलाउ पत्रुस वासेहेङ दोअ्हि, “नेलाइ प्रभुको हाङसाहेङ जाच पालि हेसापा मिलितेङ मतो पासुन्हा? खाङ, नाङको केअ्हेङ लिअ्कालाइ फिनुताङ हि। एम्बालाइ नासेहेङ बुङ फातेङ बाहार चुमप्वावा।” 10 कालाउ उदोङघरि वा बुङ लोङहि रो बायु लाअ्हि। जेलाउ वाजालाइ लिअ्ता लोहि, कालाउ वासेहेङ बुङ सिका तिङतेङ बाहार फातेङ चुमपुहि रो वाकोङ केअ् भेर्पा चुमपुतेङ लिअ्पिहि। 11 इसिका बारदात जेङकान्हुसो गोताङ मन्डलिर्हुता रो इदोइ काथा हिङका झाराङ द्याङगेलाइ हेन्जाङ थिहि। भारभुसाइका काम रो चिनोगेलाइ 12 एला साल्तेङ दिङगिल्कालाइको खुरसो हेन्जाङ चिनोगेलाइ रो भारभुसाइका कामगेलाइ द्याङगेलाइ माझाता जेङलि तेङहि रो एम्बालाइ झाराङ सोलोमनको धाअ्ता एदोफाङ जोम्का हिघाखे। 13 कुलाउ बोगेलाइता हासुको बुङ एम्बालाइदोफा मिलिलि आँट माजेहि। कुलाउ बुङ द्याङगेलाइ एम्बालाइहेङ मान पाघाखे। 14 प्रभुता खान्धुर पाका वाबालाइ रो बेबालाइ झन हेन्जा थपिन्हादोङघाखे। 15 द्याङगेलाइ मासाअ्धेकालाइहेङ दामागेलाइता चुमाहि रो पत्रुस लोलाउ वाको स्याइर्हे खिनिङ लाउ बुङ एम्बालाइता देकाको दोअ्तेङ सिदाउ रो खाटगेलाइता एम्बालाइहेङ जिम्पातेङ ताअ्घाखे। 16 यरुसलेम कोरबितिङको पुरगेलाइसो बुङ हेन्जा द्याङगेलाइ मासाअ्धेकालाइ रो मासान खोअ्काहोइ सान्ताइकालाइहेङ चुमातेङ लोघाखे रो इङको झाराङ एल्घाखे। साल्तेङ दिङगिल्कालाइहेङ सान्ताइका 17 मुल धामि रो इङकोदोफा हिका सदुकि सानाइतिगेलाइ साल्तेङ दिङगिल्कालाइहेङ मिँतुपालि तेङहि 18 रो एम्बालाइहेङ रिम्तेङ थुनाता ह्वाअ्पिहि। 19 कुलाउ प्रभुको एलोङ सादेलचर न्हिसिङता थुनाको फिनुगेलाइ हेपिहि रो एम्बालाइहेङ बाहार चुमातेङ दोअ्हि, 20 “हानेसु रो थानता जाअ्तेङ मानासाका ज्यानको गोताङ बानाल द्याङगेलाइहेङ हिङपासु।” 21 इदोइ हिङकान्हुअ्सो एम्बालाइ एर्हिमाङ थानलिअ्ता दुल्हि रो बिद्या पिलि तेङहि। मुल धामि रो वाकोदोफा हिकालाइ लोतेङ इस्राएलिगेलाइको झाराङ आगुवागेलाइहेङ बाराकचहरिता काइहि। इङकोन्हुअ्सो एम्बालाइ आगाधुइकालाइहेङ चुमालि द्याङगेलाइ दिङगिल्हि। 22 कुलाउ पलटनगेलाइ एम्बालाइहेङ थुनाता मादुसुलाउ घुरितेङ लोतेङ इदोइ बानाल हिङपाहि, 23 “केलाइ थुनाता रेम्फा ताल्चा लागाइका रो र्हुम्कालाइ फिनुगेलाइता जाअ्काङ तिङन्हाहि। कुलाउ फिनु हेलाउ केलाइ लिअ्ता हासुहेङ मादुसुन्हाहि।” 24 जेलाउ थानको काप्तान रो मुल धामिगेलाइ इदोइ बानाल हिङहि कोलाउ याको उतर हाइ ज्याङ एइ दोअ्तेङ एम्बालाइ साल्तेङ दिङगिल्कालाइको बारेता आवाइहि। 25 कुलाउ एमि लोतेङ एम्बालाइहेङ दोअ्हि, “खाङसु, नेलाइ जेदोङ द्याङगेलाइहेङ थुनाता ताअ्का हिघासुन्हा एम्बालाइ थानता जाअ्तेङ द्याङगेलाइहेङ बिद्या पिदोङखे।” 26 कोलाउ हाकिमगेलाइ दोसा काप्तान हानेतेङ एम्बालाइहेङ बोलधाकाङ मापासिङ चुमाहि। हाइदोनु द्याङगेलाइ एम्बालाइहेङ उन्ठुइहोइ तोकाङ दोअ्तेङ एम्बालाइ थिहि। 27 एम्बालाइ साल्तेङ दिङगिल्कालाइहेङ चुमातेङ बाराकचहरिको आगाता जाअ्पाहि रो मुल धामि एम्बालाइहेङ हिअ्हि, 28 “केलाइ नेलाइहेङ इदोइ मिङता हाइदोङ बिद्याहोइ गोताङ यरुसलेम पोङघापासुहोइना रो इङको द्याङको हितिको फतुर केलाइर्हुता लागाइलि खाङसुखेना।” 29 कुलाउ पत्रुस रो साल्तेङ दिङगिल्कालाइ दोअ्हि, “केलाइ द्याङगेलाइको माको, परमेस्वरको हुकुम मानेलिङगोयाङ। 30 केलाइको आबाखाल्को परमेस्वर इसुहेङ सिकासो सिन्हुपाहि, जाइहेङ नेलाइ कुरुसता टाङगाइतेङ सेअ्का हिघासुन्हा। 31 परमेस्वर इस्राएलगेलाइ कुकरम मानितेङ कुकरमसो माफ निनाको दोअ्तेङ वासेहेङ राजा रो मुक्तिपिका बान्हाइतेङ ताइको दाम्पाहा खुरहोइ झाउपाहि। 32 इदोइ गोताङ काथाको केलाइ दासि हिङन्हाहि रो पुनित हाङसा बुङ, जाइहेङ परमेस्वर ताइको हुकुम मानेकालाइहेङ पिकाहि।” 33 जेलाउ इदोइ काथा हिङहि कोलाउ एम्बालाइ हेन्जाङ चेरताम्पाहि रो साल्तेङ दिङगिल्कालाइहेङ सेअ्लि खाङहि। 34 कुलाउ मान्य गमलिएल मिङ हिका फरिसि बाराकचहरिता ल्होतेङ एम्बालाइहेङ आधे पहर बाहार हानेलि हुकुम पिहि 35 रो वा बाराकचहरिको द्याङगेलाइहेङ दोअ्हि, “ओइ इस्राएलिगेलाइ, इदोइ द्याङगेलाइहेङ नेलाइ जे पालि भोकाहिसुन्हा, इङकोता होस पासु। 36 हाइपानु नानिखान्तेङ लाम्फा बुङ एमि थुदास दोअ्का कादोङ दोअ्तेङ जाअ्हि रो द्यासाइ द्याङगेलाइ वासेहेङ पिताइहि। इङको सेअ्न्हाहि, इङकोहेङ पिताइकालाइ झाराङ राइन्हाहि रो गोताङ बित्था जेङहि। 37 इदोइ द्याङन्हुसो गान्देकाको पहरता गालिलको यहुदा दोअ्का जाअ्हि रो हेथे द्याङगेलाइहेङ ताइमिभारि तान्हेहि। इङको बुङ सेअ्न्हाहि रो वासेहेङ पिताइकालाइ बुङ इसोउसो राइन्हातेङ हानेहि। 38 एलाको इदोइ काथाता का नेलाइहेङ दोअ्खा, इदोइ द्याङगेलाइसो खेङन्हातेङ हिसु रो एबालाइहेङ लाअ्पिसु। हाइपानु एबालाइको इदोइ काम द्याङगेलाइसोनु इङको ताइमिङ मेटिन्हावा। 39 कुलाउ इदोइ परमेस्वरसोनु नेलाइ यासेहेङ रोकेलि मादोस्वाना। माकुनुते नेलाइ परमेस्वरको खिलापता ल्होका जेङस्वाना।” 40 कालाउ एम्बालाइ वाको मतो साअ्हि। कालाउ एम्बालाइ साल्तेङ दिङगिल्कालाइहेङ लिअ्ता काइतेङ दान्हाइहि रो “इसुको मिङता माधिरपासु” दोअ्का हुकुम पितेङ एम्बालाइहेङ लाअ्पिगिल्हि। 41 कोलाउ इसुको मिङता दुत्कार सहिका जेङन्हाहि दोअ्का काथाता लेङचातेङ एम्बालाइ बाराकचहरिसो ओल्हेतेङ हानेहि। 42 कालाउ दिनादिनाङ एम्बालाइ थानता रो साअ्साअ्ता हानेतेङ इसु दोङ ख्रिस्ट एइ दोअ्तेङ रेम्काबानाल हिङपागिल्लि मालाअ्हि। |
© 2024 (Active), Wycliffe Bible Translators, Inc. All rights reserved.
Wycliffe Bible Translators, Inc.