Wrúfè 1 - Aaɓi Kwì

Ɛ̀límílɛ̀ wãã̀ e píékee mɛ̀nù wò lò Móà sɛ̀ gɥ́

¹ Lɛ̀ é kǝ̀ kwɛ̀i kǝ̀ kíŋ yaá kǝ kũ̀ Ézrɛ̀ sɛ̀ gɥ́, kǝ mɛ tàkòzǝ-mɛ̀nù wò tũ̀ líésɥ̀ Ézrɛ̀ sɛ̀ káɛ, dĩ gbéè è dà sɛ́ ɓɛ gɥ́. Àmɔ̃́ɔ̃̀wɔ̃̀ã̀ɛ̃̀, gɔ̃ɔ̃̀ do é go Bɛ́fléhɛ́n pɵɵ, Zúdà sɛ̀ gɥ́ɛ wãã̀ à bɔú é kpàa à gbɵnù pèètɛ ɓàɛ̀ wò wrùù wó lo Móà sɛ̀ gɥ́ ɓɵ̀pǝ̀ mɛɛ̀sɥ̀a.

² Gɔ̃ɔ̃̀ ɓɛ wà lɛ̀ Ɛ̀límílɛ̀, wóà bɔú lɛ̀ Nìómà, é à gbɵnù pèètɛ ɓɛɛ wó wo lɛ̀ Málɔ̀n wãã̀ Kɛ́lɔ̀n. È kǝ̀ Ífrà mi ká, wó kǝ̀ yàɥ̀ká Bɛ́fléhɛ́n pɵɵ, Zúdà sɛ̀ gɥ́. Wò wrùù wó lo Móà sɛ̀ gɥ́ wó yà má.

³ Kǝǝ lɛ̀ wó kǝ̀ máɛ Ɛ̀límílɛ̀ é kǝ̀ Nìómà gɔ̃̀ káɛ, è gà, é nǝ́gɔ̃ɔ̃̀nù pèètɛ ɓɛ wãã̀ wo le Nìómà wó to.

⁴ Wò Móà sɛ̀ gɥ́ nǝ́lonzǝ̀ pèètɛ wóo tɔ́ lɛ̀ Ɔ́pà wãã̀ Wrúfèɛ̀ sɥ̀ leká. Lɛ̀ kwɛ̀ gɔ́ɔ̀do yà zieɛ,

⁵ Málɔ̀n wãã̀ kɛ́lɔ̀n dèe wó ga pɵ́, é Nìómà è to e sróóká, à gɔ̃̀ wãã̀ à gbɵnù waà lɵ̀ gbɔɔ.

Nìómà wãã̀ Wrúfè wò nù Bɛ́fléhɛ́n pɵɵ

⁶ Lɛ̀ Nìómà yà tó Móà sɛ̀ gɥ́ yàà ma nɛ̀ɛ̀ Yàwɛ yà lúàkpɔ́ yaa mɛnù ɓà ɓɵ̀pǝ̀ káɛ, kǝ wãã̀ à gbɵnù bɔúnù pèètɛ ɓɛ wòo dèpǝ̀kǝlà wɔ̃̀ɔ̃̀ gó Móà sɛ̀ gɥ́ wɔ̃̀ɔ̃̀ ló wo plɵ̀ɵ̀.

⁷ Lɵɛ kǝ wãã̀ à gbɵnù bɔúnù pèètɛ wó ɓɛ wò yeà zɛ̃ã wò lóà Zúdà sɛ̀ gɥ́, kǝǝ lɛ̀ wó kǝ̀ lólɛ̀àɛ̀,

⁸ Nìómà yà pɵ̀ wo lǝ̀, “Ka yíɛ́ ka zɥ́ káló ka le nù píé kee. Gó Yàwɛ è grúsǝ̀ kǝ kaá nɛ̀zɛ̃ã ká grúsǝ̀ kǝ̀a mɛ wà gaɛ wo ká, é ká kǝ̀a n ká pɵ́ɛ lɵ́.

⁹ Gó Yàwɛ è wéàɓà ka do do kã́ã̀ ka fùàlɛ̀ ye ka gɔ̃̀ gbɛnù píé.” Lɛ̀kɔ̀ɔɛ é wo bɛ̃̀mɥ, é wóo wò sɥlúú wó gbɵbɔ gbéèká.

¹⁰ Lɛ̀kɔ̀ɔɛ wô pɵ à lǝ̀, “Éèɓoò, yi lò to ɥ píé é kwá yìɛ̀ kwa zɥ́ kwá lo ɥ mɛ̀nù píé.”

¹¹ Kǝǝ Nìómà yà pɵ̀ wo lǝ̀, “Kà yíɛ́ ka zɥ́ n lú nù, mǝkǝ̀ ká lo to m píé kwã́ã̀ lóe? Nǝ́ gɔ̃ɔ̃̀zǝ̀nù wò tũ̀ n zòɔ píé ã́ã̀ wo kpɔ́ wɔ̃̀ɔ̃̀ kɔ̀ kǝsɥ̀à ka gɔ̃̀nù káa?

¹² Kà yíɛ́ ka zɥ́ ká ló, n lúnù, ɓií má kǝ klɵ̀, n káló gɔ̃ɔ̃̀ gbɛ sɥ́ gbɔ̀. Kɵ́dèe kɛ̃̀ɛ̃̀ a n zòtà nɛ̀ɛ̀ zòtǝ̃̀ã̀lǝ̀ wɔ̃̀ è lɵ̀ kǝ ã́ã̀ gɔ̃ɔ̃̀ gbɛ sɥ̀ gbeingɥ́à ã́ã̀ nǝ́gɔ̃ɔ̃̀nù kpɔɛ,

¹³ kalò dɔ waa yi gɔ̀ nyɛ̀ɛ̀ toápɵ́ wɔ̃̀ɔ̃̀ kpɛà wɔ̃̀ɔ̃̀ kǝ gɔ̃ɔ̃̀nù káa? Ka mɔ̀à kã́ã̀ dɔ waa yi gɔ̀ é kaáló gɔ̃ɔ̃̀ gbɛɛ sɥà? Éèɓoò, n lúnù, ɓií è glɥ́ɥ́zǝ̀ dùò m ɓà, é tɔɔ Yàwɛ yà liɛ̀ n gɔ̀, é n dàsɥ̀ lɵ́ mɥ̀ ka yéngɥ́ duo.”

¹⁴ Lɛ̀kɔ̀ɔɛ wó ye gbɵ bɔsɥ̀à zɥ́. Lɛ̀kɔ̀ɔɛ Ɔ́pà èye gɔ̃̀ le bɛ̃̀mɥ lɛ̀apíé dààlǝ̀sɥ̀ ká, kǝǝ Wrúfè zǝ̀ è krù à ɓà dã́dã́lɵ.

¹⁵ Lɵɛ Nìómàà pɵ Wrúfè lǝ̀, “Lɛ̀gà zɵ, ɥ mà gà é yaa lóɓoà e mɛ̀nù píé ĩ́ĩ́ yaa aaɓinù píé ɓǝ. Ƃò yíɛ́ ɥ zɥ́ ká ló kaá pɵɵ.”

¹⁶ Kǝǝ Wrúfè è wè é pɵ, “Kɵ́kǝ̀ ɥ́ pɵ n lǝ̀ á gó ɥ zɥ̀ á ló ĩ́ĩ́ á n tà ye ɥ ɓà á ló. Lɛ̀ ɥ́ lo loàɛ̀ a lò loà, lɛ̀ ɥ́ lo kǝàɛ̀ a lò kǝà, ɥ mɛ̀nù wò lò kǝ m mɛ̀nù ká, é ɓa Aaɓi è kǝ̀ ma Aaɓi ká.

¹⁷ Lɛ̀ ɥ́ lo ga àɓàɛ̀ a lò gaà ɓà, é lɛ̀ ɓɛ wó m bĩ̀ àɓà. Gó Yàwɛ è wɔ̃́ ɓo n kwíí gbéè ká dèèdè, àyé pǝ gbɛ é yaà ga káɛ yà ko kã́ kóàɛ̀ ká.”

¹⁸ Lɛ̀ Nìómà yàà yeá nɛ̀ɛ̀ wo ló wɔ̃̀ è gà à gɥ́ɛ, é bo wélɛ̀à à píé.

¹⁹ Lɛ̀kɔ̀ɔɛ lonnù pèètɛ ɓɛɛ wó tà é toá pɵ́ wó dàa Bɛ́fléhɛ́n pɵɵ. Lɛ wà dà pɵɵɛ, pɵ kpɔ̀n ɓɛ è vĩ̀ gbã̀lɵ wó nu wo gàlɛ̀à, é lonnù ɓɛɛ wo têtũ waà pɵ̀, “Kɛ́à ka pɵ̀ Nìómà dè é nɛ̀à?”

²⁰ Kǝǝ yà pɵ̀ wo lǝ̀, “Kɵ́kǝ̀ ká n lɛ̀ Nìómà gbɔɔ, kà n lɛ̀ Márà ɓií Aaɓi é à píí lɵ́ gbéèɛ̀ yà kǝ̀ɥsɥ̀ kǝ m ɓà glɥ́ɥ́zǝ̀ dùò.

²¹ A gò zɵ n kwɛ paɥ̀zǝ̀a, kǝǝ Yàwɛ è nù n ká n kwɛ fèèzǝ̀a. Mǝ̀ ká loà mɔ̃́ɔ̃̀ n tɔ́ lɛ̀ ɓo Nìómà é Yàwɛ é Píígbéèmɛ̀ káɛ yà za wrò n tuo yà nu wɔ̃́ líézǝ̀ ká n làɛ̀ káɛ?”

²² Zɛ̃ã ɓɛɛ é Nìómà è goá Móà sɛ̀ gɥ́ wãã̀ Wrúfè é kǝ̀ Móà sɛ̀ gɥ́ nǝ́lezǝ̀ ká, é kǝ̀ à gbɵ bɔú káɛ ká, wó dà Bɛ́fléhɛ́n pɵɵ, bálè kã́sɥ̀ zɥ dɔ yì ká.