2 Sámìɔ̀ 9 - Aaɓi Kwì

Dèɓé wãã̀ Mɛ̀fíbósɛ̀

¹ Yi do káɛ Dèɓé yà pɵ, “Mɛ è tũ̀lɵ̀ Sɔ́ɔ̀ píékee kǝ ã́ã̀ grúsǝ̀ kǝ à ká Zɔ̀nátã̀ mɔ́ɔ̀wɔ̃̀ɓàà?”

² Yuɔkǝmɛ̀ do è kǝ̀ Sɔ́ɔ̀ píékee wô lɛ̀ Zíbà. Wà lɔ̀ɔ̀kǝ̀ é nu Dèɓé píé, é Kíŋ yà lɛ̀ɛ̀kpɔ́ kǝ̀, “Ƃi ɥ́ tɔɔ Zíbàà?” Ê pɵ, “Èèlɵ n dɛn, ma mɥ̀.”

³ Lɛ̀kɔ̀ɔɛ kíŋ yà pɵ, “Mɛ do wɛ́á yaá tó Sɔ́ɔ̀ píékee kǝ ã́ã̀ grúsǝ̀ kǝá nɛ̀zɛ̃ã á n wòdɔá Aaɓi pɛáɛ lɵ́a?” Zíbà yà pɵ kíŋ lǝ̀, “Zɔ̀nátã̀ gbɵ do è lɵ̀ e gɛ̃̀ tɔ́sìèsɥ̀ ká.”

⁴ Kíŋ ɓɛ ê pɵ à lǝ̀, “È mǝ́ɛ?” É Zíbà yà pɵ kíŋ ɓɛ lǝ̀, “Yè Ámìɛ̀ gbɵ Mákǝ̀ǝ̀ píékee Lòdébà pɵɵ.”

⁵ Lɛ̀kɔ̀ɔɛ Kíŋ Dèɓé è mɛ bɔ má wó goá Mákǝ̀ǝ̀ Ámìɛ̀ gbɵ píékee Lòdébà pɵɵ.

⁶ Lɛ̀ Sɔ́ɔ̀ gbɵ Zɔ̀nátã̀ gbɵ Mɛ̀fíbósɛ̀ è nu Dèɓé píéɛ, é gblɥ̀n Dèɓé lǝ̀ à ɓlɛ̀kpɔ́sɥ̀ ká. Lɛ̀kɔ̀ɔɛ Dèɓé yà pɵ, “Mɛ̀fíbósɛ̀.” Nǝ́ ɓɛ ê pɵ, “Ƃa yuɔkǝmɛ̀ gà é nɛ̀.”

⁷ É Dèɓé yà pɵ à lǝ̀, “Kɵ́kǝ̀ ɥ́ sùò, ɓií a lò grúsǝ̀ kǝ ɥ ká ɥ dǝ Zɔ̀nátã̀ mɔ́ɔ̀wɔ̃̀gɥ́. A lò ɥ dǝvà Sɔ́ɔ̀ a sɛalɛ̀ sáálɵɛ nu ɥ lǝ̀, ĩ́ĩ́ ɥ lò ɓɵ̀pǝ̀ ɓɵ̀ ma téɓò là teelɵ.”

⁸ Lɛ̀kɔ̀ɔɛ Mɛ̀fíbósɛ̀ è gblɥ̀n à lǝ̀ zɥ́, ê pɵ, “Ma n tɛ̀i kɛ̃̀ɛ̃̀ gbɛ̃ gɵ̀ɵ̀ lɵ́ɛ, mǝ̀kǝ̀ ɥ́ wɔ̃́ sùu kǝ̀nǝ̀ǝsɥ̀ kǝ̀ n lǝ̀ɛ̀?”

⁹ Lɛ̀kɔ̀ɔɛ kíŋ ɓɛ é Sɔ́ɔ̀a yuɔkǝmɛ̀ Zíbà lɔ̀ɔ̀kǝ̀ ê pɵàlǝ̀, “Pǝ sáálɵ é Sɔ́ɔ̀a pǝ ká, ĩ́ĩ́ é Sɔ́ɔ̀ píékee-mɛ̀nùa pǝ káɛ mâ nu ɥ dɛn gbɵ lǝ̀.

¹⁰ Kãã̀ ɥ gbɵnù, ɓa yuɔkǝmɛ̀nù ka lò àɓà ɓlɥ́ɵ̀ kpɔ ka nù tapǝ̀ ɓɛnù ká à lɛ̀, kǝ ɓɵ̀pǝ̀ nyɛ̀ɛ̀ kǝ ɥ dɛn gbɵ píékee, kǝǝ ɥ dɛn gbɵ Mɛ̀fíbósɛ̀ dè ɓɛ è lò ɓɵ̀pǝ̀ ɓɵ̀ ma téɓò là teelɵ.” Zíbà gbɵnù wò kǝ̀ gɔ́ɔ̀ do ga sɔ́ɔ́lú, àɓà yuɔkǝmɛ̀nù wó kǝ̀ gɔ́ɔ̀ pèètɛ.

¹¹ Lɛ̀kɔ̀ɔɛ Zíbà yà pɵ kíŋ lǝ̀, “Ma kíŋ, pǝ sáálɵ ɥ́ n pã́ã́ɓoáɛ ye á loà kǝ.” Mɛ̀fíbósɛ̀ è ɓɵ̀pǝ̀ ɓɵ̀ Dèɓéa téɓò là kplàɓo, nɛ̀ɛ̀ kíŋ gbɵ do lɵ́.

¹² Mɛ̀fíbósɛ̀ gbɵ ɓlɵ́téé do è kǝ̀ lɵ̀ wô tɔ́ lɛ̀ Miká. Ĩ́ĩ́ mɛ sáálɵ wó kǝ̀ Zíbà píékeeɛ wó kǝ̀ Mɛ̀fíbósɛ̀a yuɔkǝmɛ̀nù ká.

¹³ Àmɔ́ɔ̀wɔ̃̀gɥ́ɛ Mɛ̀fíbósɛ̀ è yà Zɛ̀rúsálɛ̀n pɵɵ, ɓií yàkǝɛ è pǝɓɵ̀ Dèɓéa téɓò là. À gɛ̃̀ pèètɛ ɓɛ è kǝ̀ wròsɥ̀.