2 Sámìɔ̀ 6 - Aaɓi Kwì

Wò nù Wòdɔwò Gblɔ̀n ɓɛ ká Zɛ̀rúsálɛ̀n

¹ Zɥ́ɛ Dèɓé è krúázǝ̀ dèèdè wó Ézrɛ̀ɛ̀ lɔ̀ɔ̀kǝ̀ kóà. Wo lòkóúsɥ̀ kǝ̀ gɔ̃ɔ̃̀nù vù gɔ́ɔ̀ yààka (30,000) ká.

² Dèɓé è líésɥ̀ woá wó lo Báálè pɵ̀ é Zúdà sɛ̀gɥ́ɛ wɔ̃̀ɔ̃̀ nu Aaɓia Wòdɔwò Gblɔ̀n é à tɔ́ lɵ́ Yàwɛ é naàlúmɛ̀ sáálɵɛ gɔ̀làà ê yàɥ̀ lɵ́mɥ̀ kɛ́lɛ̀nù bĩ́ soń gblɔ̀n ɓɛ làɛ̀ ɓàɛ̀ ká luo.

³ É wó lo Aaɓia Gblɔ̀n ɓɛ ká káà dɔ̀ù là, wó nuá Ábínádà píékeelɛ̀ é kǝ̀ tɔ̃̀là nanɛ ɓà. Úzà wãã̀ Àháyò wó Ábínádà gbɵnù káɛ wó kǝ̀ wo zòkǝlɛ̀à káà dɔ̀ù ɓɛ píé,

⁴ kǝ Aaɓia Gblɔ̀n ɓɛ yà gɥ́. Àháyò é kǝ̀ tálɛ̀à gblɔ̀n ɓɛ líé.

⁵ Kǝ Dèɓé wãã̀ Ézrɛ̀ píékeemɛ̀ sáálɵɛ wò kǝ̀ kpɛ̀ kǝlɛ̀à Yàwɛ pɛá waa gɥ́gbéèlɛ̀ sáálɵɛ ká wɔ̃̀ɔ̃̀ Yàwɛ ɓlɛ̀kpɔ́. Wò kǝ̀ láyànù, lúúnù, zǝxlɥ̀nù, yàànù, wãã̀ pǝtè pèètɛ wô màlà kóà zɛ̃ĩzɛ̃ĩ lɵɛ zǝ lɛ̀à.

⁶ Lɛ̀ wó gbɛ̀ì Nékɔ̀na wítì siɛ̀lɛ̀ ɓàɛ̀, dùnù wó kǝ̀ káà ɓɛ gã́ã́lɛ̀àɛ̀ wò sã̀, é Úzà è gblòò é yà Aaɓia Wòdɔwò Gblɔ̀n ɓɛ ɓà.

⁷ Zálɵɛ wɔ̃̂ nà Yàwɛ zòà Úzà píé é Aaɓi yà zǝ má, ɓií èye kɔ̀pò ê yà Gblɔ̀n ɓɛ ɓà. È gà Aaɓia Gblɔ̀n ɓɛ sɔ́ má.

⁸ Àmɔ́ɔ̀wɔ̃̀gɥ́ɛ lɛ̀ ɓɛ wà lɛ̀ Pɛ́rɛ́-Úzà é nu é wòa gbɛ̃́ã̀ ɓà. Lɛ̀kɔ̀ɔɛ wɔ̃̂ nà Dèɓé zòà, ɓií Yàwɛ è Úzà zǝ̀ yaa nàzòà gɥ́.

⁹ É Dèɓé è sùò Yàwɛ lǝ̀ yi ɓɛ ká, ê pɵ, “Zɛ̃ã kǝ̀lǝ̀sɥ̀ Yàwɛ Wòdɔwò Gblɔ̀n è lo nuá n píé gbɔɔɛ̀?”

¹⁰ Lɵɛ Dèɓé zò yaá wéà nyɛ̀ɛ̀ ló Yàwɛa Gblɔ̀n ɓɛ ká e plɵ̀ɵ̀, kǝǝ yà sɥ̀ é loá Óbɛ́-Ídɔ̀n é Gáfìmi káɛ píékee.

¹¹ É to má sú yààka ɓà, é Yàwɛ è lúàkpɔ Óbɛ́-Ídɔ̀n wãã̀ e píékeemɛ̀nù wo ɓà.

¹² Lɛ̀kɔ̀ɔɛ Dèɓé yà ma nɛ̀ɛ̀ Yàwɛ yà lúàkpɔ́ Óbɛ́-Ídɔ̀n píékeemɛ̀nù wãã̀ à gɔ̀pǝ̀ sáálɵɛ ɓà, Wòdɔwò Gblɔ̀n ɓɛ mɔ́ɔ̀wɔ̃̀ɓà. Àmɔ́ɔ̀wɔ̃̀gɥ́ɛ Kíŋ Dèɓé è lò é Aaɓia Wòdɔwò Gblɔ̀n ɓɛ sɥ Óbɛ́-Ídɔ̀n píékee é nuá luo e plɵ̀ɵ̀ kpɛ̀kǝsɥ̀ và ká.

¹³ Lɛ̀ mɛ wó Gblɔ̀n ɓɛ bũɛ̃ wà wo gɛ̃̀ sɥ́ gɛ̃̀kpoú srɔ́àdo káɛ, Dèɓé è wo dɔ̀sɛa é sraɓo dùgɔ̃ do wãã̀ dùnǝ́ bàɥ̀ do ká.

¹⁴ Dèɓé è lénéì ífɔ̀ xlɵ̀ e drɥ́n é tã́kǝ̀ Yàwɛ pɛá yaa gɥ́gbéèlɛ̀ sáálɵɛ ká.

¹⁵ Lɵɛ Dèɓé wãã̀ Ézrɛ̀ píékeemɛ̀ sáálɵɛ wò nù Yàwɛa Wòdɔwò Gblɔ̀n ɓɛ ká kpɛ̀kǝwò gbéè wãã̀ túú wònù ká.

¹⁶ Lɛ̀ wó kǝ̀ nulɛ̀à Yàwɛa Wòdɔwò Gblɔ̀n ɓɛ ká Dèɓé plɵ̀ɵ̀ɛ̀, Sɔ́ɔ̀ lú Mákà è lɛ̀gà plan wênà líà é Kíŋ Dèɓé ye kǝ è wààwálà yaà lààlà sɛa tã́ ká Yàwɛ pɛá. Kǝǝ Mákà è Dèɓé vɛ̀ìzǝ̀ e zòɔgɥ́.

¹⁷ Wò nù Yàwɛa Wòdɔwò Gblɔ̀n ɓɛ ká wô dɔ e dɔ̀lɛ̀ ɓà sɔkɔ́ é Dèɓéà dɔ àmɔ́ɔ̀wɔ̃̀ɓàɛ̀ gɥ́. Lɛ̀kɔ̀ɔɛ Dèɓé è gɥ́ɵ́srà wãã̀ zòɔyàgrú srànù ɓo Yàwɛ lǝ̀.

¹⁸ Lɛ̀ yà nyiɛ sranù ɓɛ ɓosɥ̀àɛ̀, é lúàkpɔ mɛnù wóɓǝ sáálɵɛ wo ɓà Yàwɛ é naàlúmɛ̀ sáálɵɛ gɔ̀lààɛ̀ tɔ́ gɥ́.

¹⁹ Lɛ̀ yà kɔɔ́ɛ Dèɓé è blɛɛ̀ lɛ do, wɥ yàlɛ̀ do, wãã̀ gréè ɓɛ kpɛ́á bè do gɥ́grù Ézrɛ̀mɛ̀ do do sáálɵ wó kǝ lonnù wãã̀ gɔ̃ɔ̃̀nù káɛ ɓà. Lɛ̀kɔ̀ɔɛ mɛ̀ do do sáálɵɛ é lo e dèe kee.

²⁰ Lɛ̀ wà nyiɛɛ Dèɓé è lò e píékee nyɛ̀ɛ̀ lúàkpɔ́ yaa mɛ̀nù ɓà. Kǝǝ Sɔ́ɔ̀ lú Mákà é nù nyɛ̀ɛ̀ wrò Dèɓé ɓàɛ̀, ê pɵàlǝ̀, “Zɛ̃ã mlǝ̀ǝ̀zǝ̀ Ézrɛ̀a kíŋ èye dè ɓlɛ̀kpɔá gbɛ̃́ã̀ pɵ́, é to e kpã́ã́ ká àɓà yuɔkǝmɛ̀nù bɔúnù líé e xlǝzǝ̀ ká nɛ̀ɛ̀ bɔ̃́ɔ̃̀mɛ̀ lɵ́e!”

²¹ Lɛ̀kɔ̀ɔɛ Dèɓé yà pɵ Mákà lǝ̀, “Yàwɛ é n sɥ ɥ dǝ wãã̀ à píékeemɛ̀ sáálɵɛ là, é n kǝ̀ kíŋ ká Ézrɛ̀ sɛ̀, wãã̀ Yàwɛa mɛnù làɛ̀, á tã́ kǝ̀ à ɓlɛ̀kpɔ́sɥ̀ ká ɓǝ. A lò tã́ kǝ kplàɓo à ɓlɛ̀kpɔ́sɥ̀ ká,

²² ĩ́ĩ́ a lò xlǝkpɔ n dè là zìègɔ̀usɥ̀ ká. A lò kǝ gɥ́gaɥ̀zǝ̀ ɥ nyálà, kǝǝ lonnù ɥ́ wo wɔ̃̀bìɛ̀ ɓɛ wó lo n ɓlɛ̀kpɔ!”

²³ Sɔ́ɔ̀ lú Mákà ɓɛ yaá nǝ́ gbɛɛ kpɔ́.