2 Sámìɔ̀ 5 - Aaɓi Kwì

Dèɓé yà kǝ kíŋ ká Ézrɛ̀ sɛ̀ wãã̀ Zúdà sɛ̀ làluo

¹ Lɛ̀kɔ̀ɔɛ Ézrɛ̀ wòpɵmɛ̀ sáálɵɛ wó nu Dèɓé píé Hɛ́brɔ̀n pɵɵ, wô pɵ, “Ч legrúnù mɥ̀ yi ká.

² Lɛ̀ Sɔ́ɔ̀ è kǝ̀ yia kíŋ káɛ, ɓi ɥ́ líésɥ Ézrɛ̀ ká kópíé, é Yàwɛ ɓɛ éye wò dɔ ɥ lǝ̀ nɛ̀ɛ̀ ɥ lò líésɥ àɓà mɛnù ká ɥ́n kǝ wo gɔ̀lààmɛ̀ ká.”

³ Àmɔ́ɔ̀wɔ̃̀gɥ́ɛ líésɥ́mɛ̀ sáálɵ wó Ézrɛ̀ sɛ̀ gɥ́ɛ wò nù Kíŋ Dèɓé píé Hɛ́brɔ̀n pɵɵ. Lɛ̀kɔ̀ɔɛ wãã̀nù wò wòdɔwò kǝ̀ Yàwɛ pɛá mɥ́, é wó nyɔ́ wrò Dèɓé tuo nyɛ̀ɛ̀ kǝ kíŋ ká Ézrɛ̀ sɛ̀ kpɔ̀n ɓɛ làlùo.

⁴ Lɛ̀ wó Dèɓé sɥ́à kíŋ káɛ kǝ à kwɛ̀ yà kǝ gɔ́ɔ̀ yààka, é ɓɔ̀ukǝ̀ kwɛ̀ gɔ́ɔ̀ yììsiɛ ɓà.

⁵ È yà Hɛ́brɔ̀n pɵɵ, é kǝ̀ kíŋ ká Zúdà sɛ̀ là kwɛ̀ srɔ́àpèètɛ wãã̀ e gbú ɓà, é yà Zɛ̀rúsálɛ̀n é kǝ kíŋ ká Ézrɛ̀ sɛ̀ sáálɵɛ wãã̀ Zúdà là kwɛ̀ gɔ́ɔ̀ yààka ga yààka ɓà.

⁶ À yi ɓɛ káɛ kíŋ ɓɛ wãã̀ yaa mɛnù wò lò Zɛ̀rúsálɛ̀n kó ká Zɛ́bùmɛ̀nù gɔ̀. Zɛ́bùmɛ̀nù wó kǝ̀ pɵvà ɓɛ gɥ́ɛ wòo zòtà nɛ̀ɛ̀ Dèɓé kɔ̀ yaá ló zie wo là, wô mɔ́ɔ̀a pɵɓo Dèɓé lǝ̀, “Ч ká ló nu zɵ, nyǝ́ntiimɛ̀nù wãã̀ gɛ̃̀ròmɛ̀nù wò lò mɔ̀à wɔ̃̀ɔ̃̀ ɥ kṹsɛa.”

⁷ Kɵ́dèe kɛ̃̀ɛ̃̀ wà pòoɛ, kǝ Dèɓé è dɔ̀gbéè é Záyɔ̀n pɵ̀ é sã́ã́ nìɛ̀ à zɥ̀ɛ̀ kũ, é kǝ̀ gbɔɔ “Dèɓé plɵ̀lɛ̀ ká.”

⁸ Yi ɓɛ káɛ Dèɓé yà pɵ̀ yaa gɔ̃ɔ̃̀nù ɓɛ lǝ̀, “Mɛ è zɵ é Zɛ́bùmɛ̀nù lɔ̀ è nyiɛ àɓà dùò nɛ̀ɛ̀ n lɵ́a? É mɔ̀àɓà nyɛ̀ɛ̀ wo zǝà? Kǝ ló luo ɥ́ bɔ dù é yí lɵ́ bɔlàà gɥ́ɛ píé ɥ́ grù yà nyǝ́ntiimɛ̀nù wãã̀ gɛ̃̀ròmɛ̀nù ɓà.” (Pǝkǝ̀ wɔ̃́ biɛ̀ wò yà pɵ, “Nyǝ́ntiimɛ̀ wãã̀ gɛ̃̀ròmɛ̀ waá mɔ̀ dàsɥ̀à Yàwɛ píékeeɛ é ɓǝ.”)

⁹ Lɛ̀kɔ̀ɔɛ Dèɓé è yà pɵ é sã́ã́ è nìɛ̀ à zɥ̀ɛ̀ gɥ́, ê lɛ̀ “Dèɓéa pɵvà.” È pɵvà ɓɛ tàkpɔ̀, ê gɛ̃̀gbã̀ Mílò ɓà, pɵɵlɛ̀ dèà é loá tɔ̃̀ gúà plan xlã gó zɛ̃̀ã, é nìɛ̀a à zɥ̀tópíé.

¹⁰ Dèɓé è kpɛ̀à bũgbéèzǝ̀ ká yi sáálɵɛ ká, ɓií Yàwɛ Aaɓi é naàlúmɛ̀ sáálɵɛ gɔ̀lààɛ̀ è kǝ̀ à píé.

¹¹ Lɛ̀kɔ̀ɔɛ Kíŋ Húràn é Táyà Pɵ̀ kíŋ káɛ è lɔ́ɔ́dɔmɛ̀nù bɔ̀ Dèɓé lǝ̀ wãã̀ sídà xlɥ̀kpǝ̀nù ĩ́ĩ́ xlɥ́ yùɔ̀kǝmɛ̀nù wãã̀ gùǝ̀ nyámɛ̀nù ká é wó kíŋ yàlɛ̀ dɔ.

¹² É Dèɓé yà gɥ́dɔ nɛ̀ɛ̀ Yàwɛ yàà kǝ kíŋ ká Ézrɛ̀ sɛ̀ là, ĩ́ĩ́ yà àɓà kíŋ sɛ̀ sɥ́lúú yaa mɛnù mɔ́ɔ̀wɔ̃̀ɓà.

¹³ Lɛ̀ Dèɓé yà gó Hɛ́brɔ̀n yà nu Zɛ̀rúsálɛ̀nɛ̀ yè mɛsǝ̀ plǝǝ̀zǝ̀ kũ̀, é lonnù plǝǝ̀zǝ̀ yɔ̀kǝ̀, é à gbɵnù wãã̀ à lúnù wó kǝ̀ plǝǝ̀zǝ̀.

¹⁴ Nǝ́nù é wo kpɔ Zɛ̀rúsálɛ̀nɛ̀ wo tɔ́nù é nɛ̀. Sámùà, Sóbà, Nétàn, Sálómà,

¹⁵ Íbɥ́hà, Ɛ̀lésùà, Nɛ́fɛ̀, Záfìà,

¹⁶ Ɛ̀lísámà, Ɛlìádà, wãã̀ Ɛlífɛ́lɛ̀.

Ézrɛ̀mɛ̀nù kɔ̀ è zìè Félésã́ã̀mɛ̀nù là

¹⁷ Lɛ̀ Félésã́ã̀mɛ̀nù wô ma nɛ̀ɛ̀ wà nyɔ́ wrò Dèɓé tuo kíŋ ká Ézrɛ̀ sɛ̀ làɛ̀, Félésã́ã̀mɛ̀nù sáálɵɛ wò lò wã̀ã̀ kṹ. Kǝǝ Dèɓé yà mà é lo sã́ã́ tàà.

¹⁸ Félésã́ã̀mɛ̀nù ɓɛ wó gbɛ̀ì Wrɛ́fìn Goopíé wó lɛ̀ɓɛ pa wo dèa.

¹⁹ É Dèɓé è Yàwɛ lɛ̀ɛ̀kpɔ́kǝ̀, “Á kó yà Félésã́ã̀mɛ̀nù ɓàà? Ч lò kɔ̀ziesɥ̀ ɓɛ nu n lǝ̀à?” Yàwɛ ɓɛ ê pɵ, “Èèlɵ, kóyà wo ɓà, a lò kɔ̀ziesɥ̀ ɓɛ nu ɥ lǝ̀!”

²⁰ Lɛ̀kɔ̀ɔɛ Dèɓé è lo Béè Pɛ́rézìn é grùgɔ̃ Félésã́ã̀mɛ̀nù píé, à kɔ̀ è zìè wo là má. Ê pɵ, “Yàwɛ ɓɛ yà gbá wɥ́ n dǝgbɵnù gɔ̀ n líé nɛ̀zɛ̃ã yípaɥ̀ lɵ́ gbá wɥ́ làà káɛ lɵ́.” Àmɔ́ɔ̀wɔ̃̀gɥ́ɛ lɛ̀ ɓɛ wô lɛ̀ Béè Pɛ́rézìn.

²¹ Lɛ̀ Félésã́ã̀mɛ̀nù wà dùàɛ̀, waa aaɓibĩ́nù wò tòsɛa, é Dèɓé wãã̀ yaa gɔ̃ɔ̃̀nù wó waa lóɓo woá.

²² Lɛ̀kɔ̀ɔɛ Félésã́ã̀mɛ̀nù wò yìɛ̀ wo zɥ́ wó lo Wrɛ́fìn Goopíé wó lɛ̀ ɓɛ pa zɥ́.

²³ Zɥ́ɛ Dèɓé è Yàwɛ ɓɛ lɛ̀ɛ̀kpɔ́kǝ̀. É Yàwɛà pɵ, “Kɵ́kǝ̀ ɥ́ grù yà wo ɓà zɵ, kǝǝ ɓò bɔ wo tààzɛ̃̀ã ɥ́ grù yà woà bálásàn xlɥ̀ dénɓà zɛ̃̀ã.

²⁴ Àyé ɓá krúázǝ̀ tàkóá vĩ̀ĩ̀ ma básàn xlɥ̀nù tuoɛ, ɓò grù yà wo ɓà, ɓií a lò kǝ ɥ líé n kɔ̀ nyɛ̀ɛ̀ zie Félésã́ã̀ krúázǝ̀ là.”

²⁵ Pǝ Yàwɛ è Dèɓé pã́ã́ɓoáɛ yà kǝ̀, àmɔ́ɔ̀wɔ̃̀ é Félésã́ã̀mɛ̀nù zǝ é goá Gíbà pɵɵ é loá Gízǝ̀ pɵɵ.