2 Sámìɔ̀ 3 - Aaɓi Kwì

¹ Grùkǝsɥ̀ kwɛ̀ɛ gbɛ̃̀ɛ̃̀zǝ̀ é lò líé Sɔ́ɔ̀ píékeemɛ̀nù wãã̀ Dèɓé píékeemɛ̀nù son, kǝ Dèɓé píí è kǝlà gbéè kplàɓo, lɛ̀ Sɔ́ɔ̀a mɛnù kɔ̀ kǝ̀ kṹlɛ̀à wɔ̃́ã́ kplàɓoɛ ká.

Dèɓé gbɵnù

² Dèɓé è nǝ́gɔ̃ɔ̃̀nù plǝǝ̀zǝ̀ kpɔ̀ Hɛ́brɔ̀n. Àɓà nǝ́ bìɛ̀zǝ̀ tɔ́ tɔɔ Ámɔ̀n é kǝ̀ Àhínòàn é go Zɛ́zrìɛ̀ pɵɵɛ̀ gbɵ ká,

³ à pèètɛzǝ̀ tɔɔ Kílìà, é kǝ̀ Ábígéè é kǝ Nébàa gɛ̃̀ã̀lè é go Kámà pɵɵɛ̀ káɛ à gbɵ ká. À yààkazǝ̀ é tɔɔ Ásálɔ̀n, é kǝ̀ Máákà é kǝ̀ Gɛ́sɔ̀ sɛ̀ kíŋ Támè lú káɛ gbɵ káɛ.

⁴ À yììsiɛzǝ̀ é tɔɔ Àdónízà é kǝ̀ Hágè gbɵ káɛ. À sɔ́ɔ́lúzǝ̀ ɓɛ wà lɛ̀ Sɛ́fátáyà, è kǝ̀ le wô lɛ̀ Àbítàɛ̀ gbɵ ká.

⁵ À srɔ́àdozǝ̀ é tɔɔ Ítrèàn, à le é tɔɔ Íglà, é kǝ̀ Dèɓé bɔú ɓáá ká ɓɛ. Nǝ́nù nɛ̀ sáálɵɛ wòo kpɔ̀ Dèɓé lǝ̀ Hɛ́brɔ̀n pɵɵ.

Ábínǝ̀ è bɔ̀ Dèɓé ká

⁶ Lɛ̀ grùkǝsɥ̀ è kǝ̀ Sɔ́ɔ̀ píékeemɛ̀nù wãã̀ Dèɓé píékeemɛ̀nù soŋɛ, Ábínǝ̀ píí è kǝ̀ kǝlɛ̀à gbéè Sɔ́ɔ̀ píékee.

⁷ Sɔ́ɔ̀a mɛsǝ̀ do è kǝ̀ má, à tɔ́ tɔɔ Wrézépà, Éyà lú ká, é yi do káɛ Íbósɛ̀ è Ábínǝ̀ lɛ̀ɛ̀kpɔ́kǝ̀ nɛ̀ɛ̀, “Mǝ̀kǝ̀ ɥ́ dà n dǝa lenǝ́ é toɓɛ píékeè?”

⁸ Wɔ̃́ Íbósɛ̀à bìɛ̀ɛ̀ è nà Ábínǝ̀ zòà gbéè yaaká, ê pɵ, “Yè ɥ zòà a lò Sɔ́ɔ̀ lɔ́ɔ́dɔà? Чɥ zòtà nɛ̀ɛ̀ a yuɔ kǝlà Zúdà sɛ̀ lǝ̀à? Yi é gbɛ̃́ã̀ nɛ̀ káɛ a tũ̀ n dè nu ɥ dǝ Sɔ́ɔ̀ píékeemɛ̀nù lǝ̀, à legrúzǝ̀ lǝ̀, à ɓánù lǝ̀, é maá ɥ dɔ Dèɓé kwɛ. Ƃi ɥ́ pɵ́ɛ ɥ́ le wɔ̃̀ dɔ là n ɓà gbɛ̃́ã̀ nɛ̀à!

⁹ Gó Aaɓi è wɔ̃́gbéè kǝ ma Ábínǝ̀, n ká wãã̀ à ɓáá plǝǝ̀zǝ̀ ká, é pǝ Yàwɛ èye wòdɔá Dèɓé lǝ̀ɛ̀ n kâ kǝ nyɛ̀ɛ̀ yeyíàɛ ká,

¹⁰ ã́ã̀ kíŋsɛ̀ ɓɛ ɓo Sɔ́ɔ̀ píékee ã́ã̀ Dèɓéa kíŋlɛ̀ táná gbã̀ Ézrɛ̀ sɛ̀ wãã̀ Zúdà sɛ̀ làluo, gó Dã́ã̀ pɵɵ ɥ́ ló Bìɛ̀síbà pɵɵɛ̀ ká.”

¹¹ Íbósɛ̀ yaá wɔ̃́ gbɛ biɛ̀ gbɔ Ábínǝ̀ lǝ̀ ɓií è sùò à lǝ̀.

¹² Lɛ̀kɔ̀ɔɛ Ábínǝ̀ è bɔmɛ̀nù bɔ Dèɓé píé Hɛ́brɔ̀n pɵɵ wòa nɛ̀ɛ̀, “Sɛ́nɛ̀ dɵa pǝ mɥ̀ì? Ƃò ɥ wòdɔ n lǝ̀, yàkɔɔ́ɛ a lò dà ɥ píé ã́ã̀ nu Ézrɛ̀ sɛ̀ sáálɵɛ ká ɥ lǝ̀.”

¹³ É Dèɓéà pɵ, “È sǝ̀. A lò n wòdɔ ɥ lǝ̀, kǝǝ pǝ do â mɛ̀ɛ̀ ɥ gɔ̀ɛ̀ é tɔɔ, ɥ káló n wɥǝ ye nyɛ̀ɛ̀ toápɵ́ ɥ́n nuá Mákà, Sɔ́ɔ̀ lú ká n píé, àyé ɥ nulà kɔ̃́ɔ̃̀ ko kóyeɛ ká.”

¹⁴ Zɥ́ɛ Dèɓéè bɔmɛ̀nù bɔ̀ Sɔ́ɔ̀ gbɵ Íbósɛ̀ píé ê pɵ, “Ƃò n bɔú Mákà, â yɔ̀kǝ̀ Félésã́ã̀mɛ̀ kǝ̃̀ǝ̃ do líékwì káɛ nu n lǝ̀.”

¹⁵ Lɛ̀kɔ̀ɔɛ Íbósɛ̀è mɛ bɔ wó lo wó le ɓɛ kũ e gɔ̃̀ Pátìɛ̀, Láè gbɵ gɔ̀.

¹⁶ Kǝǝ à gɔ̃̀ è tòàpíé gbɵbɔù ká é lo é wòa Bàhúrìn pɵɵ. Lɛ̀kɔ̀ɔɛ Ábínǝ̀à pɵàlǝ̀, “Yíɛ́ ɥ zɥ́ ɥ́ ló.” É yìɛ̀ e zɥ́.

¹⁷ Ábínǝ̀ è dɔ́ɔ́dɔ̀ Ézrɛ̀ nyɔàzǝ̀ píé ê pɵ, “Yi plǝǝ̀zǝ̀ yà zieɛ ka kǝ̀à mɛɛ̀lɛ̀à Dèɓé nyɛ̀ɛ̀ kǝ kaa kíŋ ká.

¹⁸ Lɛ̀ é pɵ́ɛ, kàà kǝ è ye yíà, ɓií Yàwɛ yà e wò dɔ Dèɓé lǝ̀ nɛ̀ɛ̀, ‘A lò ma mɛnù wó Ézrɛ̀mɛ̀nù káɛ gɔ̀ la Félésã́ã̀mɛ̀nù wãã̀ wo dǝgbɵ sáálɵɛ gɔ̀ ma yuɔkǝmɛ̀ Dèɓé kɔ̀u.’ ”

¹⁹ Ábínǝ̀ è dɔ́ɔ́dɔ̀ pɵ́ Bɛ́nzémɛ̀ sɛ̀ gɥ́ mɛ̀nù píé, é zìè gbɔɔ é lo wɔ̃́sǝ̀ sáálɵ Ézrɛ̀mɛ̀nù wãã̀ Bɛ́nzémɛ̀ sɛ̀ kpɔ̀n wóo zòtààgɥ́ wã̀ã̀ kǝɛ bìɛ̀lɛ̀à Dèɓé lǝ̀ Hɛ́brɔ̀n pɵɵ.

²⁰ Lɛ̀ Ábínǝ̀ wãã̀ yaa gɔ̃ɔ̃̀nù gɔ́ɔ̀ pèètɛ wó nu Dèɓé píé Hɛ́brɔ̀n pɵɵɛ̀, Dèɓé è ŋwáà kpɔ̀ wo ɓà.

²¹ Ábínǝ̀à pɵ Dèɓé lǝ̀, “A lò lo á Ézrɛ̀ sáálɵɛ pàkóà n dɛn ma kíŋ ɥ píé, kǝ wɔ̃̀ɔ̃̀ wo wòdɔ ɥ lǝ̀, kǝ ɥ́n kǝ kíŋ ká mɛ sáálɵɛ là nɛ̀zɛ̃ã ɥ zòtákɔ̀ lɵ̂káɛ lɵ́.” Lɛ̀ yà kɔɔ́ɛ Dèɓé è Ábínǝ̀ bɔ é yaa lóɓo zòɔyàgrú ká.

Wò Ábínǝ̀ zǝ̀

²² À lɛ̀ yaá grɔ̀ɔ̀ é tomɥ́ Zóà wãã̀ Dèɓéa krúázǝ̀ gbú wó go wã́ã́dɔlɛ̀àɛ̀ wó gbɛ̀ì pɵɵ wã́ã́gɥ́ pǝ̀nù ká vàká. Kǝǝ Ábínǝ̀ yaá kǝ Dèɓé píé Hɛ́brɔ̀n, ɓií yàà bɔ yà ló zòɔyàgrú ká.

²³ Lɛ̀ Zóà wãã̀ krúázǝ̀ wó kǝ̀ à píéɛ wà nuɛ, Zóà yà mà nɛ̀ɛ̀, “Ábínǝ̀, Nǝ́ǝ̀ gbɵ è nù kíŋ píé, é yà e kɔaàzɥ̀ yà ló zòɔyàgrú ká.”

²⁴ Lɛ̀kɔ̀ɔɛ Zóà è lo kíŋ píé ê pɵ, “Mǝ̀ ɥ́ kǝ̀ nɛ̀? Lɛ̀gà, Ábínǝ̀ è nù ɥ píé, mǝ̀kǝ̀ ɥ́ à bɔ, é yà ló nɛ̀?

²⁵ Ч gɥ́dɔ̀ nɛ̀ɛ̀ Ábínǝ̀, Nǝ́ǝ̀ gbɵ è nù ɥ bɔ̃́kã́lɛ̀à, ĩ́ĩ́ kǝ nyɛ̀ɛ̀ ɥ yè plan kɔ̀ wãã̀ ɥ dà kee kɔ̀ dɔ, ĩ́ĩ́ kǝ nyɛ̀ɛ̀ pǝ sáálɵ ɥ́ kǝlàɛ̀ dɔà?”

²⁶ Lɛ̀ Zóà yà gó Dèɓé pɛáɛ, é mɛnù bɔ Ábínǝ̀ lǝ̀, wô ye Síràa Yípɔ́n làà, wó nuá, kǝǝ Dèɓé yaá wɔ̃́ gbɛɛ gɥ́dɔ àɓà.

²⁷ Lɛ̀ Ábínǝ̀ è yíɛ́ e zɥ́ yànu Hɛ́brɔ̀nɛ̀, Zóà yà lɔ̀ɔ̀kǝ̀ sróóká pɵ glàlíɓà nɛ̀ɛ̀ mɛ é lo dɔ́ɔ́dɔ à píéɛ lɵ́, é làà bɔà gruo, é ga má, à legrú Àsáhɛ̀ é Ábínǝ̀ yà zǝɛ mɔ́ɔ̀wɔ̃̀ɓà.

²⁸ Lɛ̀ Dèɓé è wɔ̃́ ɓɛ maɛ, ê pɵ, “Nyià ma kíŋsɛ̀ yi kɔ̀ yaâ Ábínǝ̀ Nǝ́ǝ̀ gbɵ fɛí wɔ̃̀ gɥ́ Yàwɛ pɛá.

²⁹ Gó à fɛí wɔ̃̀ è pɥ̀ɵ̀ Zóà tuo, ĩ́ĩ́ à dǝ píékeemɛ̀ sáálɵɛ tuo. Gó gɔ̃ɔ̃̀ do è wruù à píékee, kpɔ̀kóámɛ̀ sáálɵɛ son à kró nyɛ̀ɛ̀ ɓo saó yɔ̀ao, wè yɔ̀ao, ĩ́ĩ́ kǝ̀ gbàtómɛ̀a sɥ̀ò, gà làà kɔ̀a sɥ̀ò, wãã̀ dĩ mɛkǝɥ̀ ɓɛ, à do ká kplàɓo.”

³⁰ Zóà wãã̀ e legrú Ábísàì wó Ábínǝ̀ zǝ, ɓií yà wo legrú Àsáhɛ̀ zǝ grùpíé Gébìɔ̀n pɵɵ.

Wò Ábínǝ̀ bĩ̀

³¹ Lɛ̀kɔ̀ɔɛ é Dèɓé yà pɵ Zóà wãã̀ mɛ sáálɵ wó kǝ̀à píéɛ lǝ̀, “Kà kaa sɔnù pɛ́, ká ɓɔ̀ɔsɔ dà ka ɓà, ká yà yénzǝ̀ Ábínǝ̀ mɔ́ɔ̀wɔ̃̀gɥ́.” É kíŋ Dèɓé dè è ye Ábínǝ̀ gɵ̀ɵ̀ píé wó loá à bĩ̀ lɛ̀ ɓà.

³² Wò Ábínǝ̀ bĩ̀ Hɛ́brɔ̀n pɵɵ, é kíŋ ɓɛ éye wò sɥlúú é gbɵbɔ Ábínǝ̀ bũlà, é mɛnùɓǝ sáálɵɛ wó gbɵbɔ pɵ́.

³³ Lɛ̀kɔ̀ɔɛ kíŋ ɓɛ é wɛ̀ɛ̀ tã̀ ɓo Ábínǝ̀ mɔ́ɔ̀wɔ̃̀ã̀, ê pɵ, “Mǝ̀kǝ̀ Ábínǝ̀ è ga nɛ̀ɛ̀ bɔ̃́ɔ̃̀mɛ̀ lɵ́e?

³⁴ Waá à kɔ̀ xlɵ̀, waá à gɛ̃̀ xlɵ̀, è gà nɛ̀ɛ̀ mɛ é kǝpǝ̀yaa-mɛ̀nù wó à zǝɛ lɵ́.” Lɛ̀kɔ̀ɔɛ mɛnù ɓɛ wó gbɵbɔ à wɔ̃̀ ɓà zɥ́.

³⁵ Lɛ̀kpààyì kpɔ̀n ɓɛ káɛ mɛ sáálɵɛ wò mááɓò Dèɓé píé nyɛ̀ɛ̀ blɛɛ̀ɓɵ̀ kǝ lɛ̀ è tũ̀ púú, kǝǝ Dèɓé èye wòɓɵ̀ wòa nɛ̀ɛ̀, “Gó Aaɓi yè n zǝ wãã̀ à ɓáá plǝǝ̀zǝ̀ ká, é má blɛɛ̀ ĩ́ĩ́ pǝ sáálɵɛ dã́ lɛ̀ xlã yaá ló kũ̀ɛ̃̀ káɛ ká!”

³⁶ Wò wɔ̃́ nɛ̀ kpɔ̀ wo zòɔpíé é wo grú è lì. Wɔ̃́dèká, pǝ sáálɵ é kíŋ yà kǝ̀ɛ̀ è mɛnù wó ɓǝ sáálɵɛ grúlì.

³⁷ Àmɔ́ɔ̀wɔ̃̀gɥ́ɛ mɛnùɓǝ sáálɵɛ wãã̀ Ézrɛ̀mɛ̀ sáálɵɛ wà gɥ́dɔ̀ gbɔɔ yi ɓɛ ká nɛ̀ɛ̀ Ábínǝ̀ Nǝ́ǝ̀ gbɵ gasɥ̀ yaá kǝ kíŋ mɛ̀ɛ̀awɔ̃̀ ká.

³⁸ Lɛ̀kɔ̀ɔɛ kíŋ ɓɛɛ ê pɵ yaa yuɔkǝmɛ̀nù lǝ̀, “Kaâ gɥ́dɔ nɛ̀ɛ̀ ɓɔ̀umɛ̀ ĩ́ĩ́ mɛ kpã̀ã̀zǝ̀ é pɥ̀ɵ̀ gbɛ̃́ã̀ Ézrɛ̀ sɛ̀gɥ́ ɓǝà?

³⁹ Kɵ́dèèkɛ̃̀ɛ̃̀ a nyɔ́ wròàtuo kíŋ káɛ, a tǝ́ǝ́tǝ̀ gbɛ̃́ã̀ yì nɛ̀ ká. Zɛ̀rúà gbɵnù wó nɛ̀ wò gbéè, n kɔ̀ yaá mɔ̀ wo ɓà. Gó Yàwɛ è kǝpǝ̀yaa mɛ̀ kɔ̀ɔ̀ nu nɛ̀zɛ̃ã waa kǝpǝ̀yaa lɵ́ káɛ lɵ́!”