2 Sámìɔ̀ 24 - Aaɓi Kwì

Dèɓé è mɛ lònò

¹ Zɥ́ɛ Yàwɛ è dà nààgɥ́ Ézrɛ̀ ɓà, é Dèɓé kǝ̀ é nu wɔ̃́ ká wo là. Ê pɵàlǝ̀, “Ló ɥ́ mɛnù wó Ézrɛ̀ wãã̀ Zúdàɛ̀ lònó.”

² Àmɔ́ɔ̀wɔ̃̀ é kíŋ yà pɵ Zóà wãã̀ yaa krúánù gɔ̀lààmɛ̀nù wó kǝ̀à píéɛ lǝ̀, “Kà bɔ Ézrɛ̀mɛ̀ sáálɵ wó go lúúzɛ̃̀ã Dã́ã̀ wó loá Goúzɛ̃̀ã Bìɛ̀síbàɛ̀ píé, ká grùkǝ mɛ̀ sáálɵɛ lònó.”

³ Kǝǝ Zóà yà pɵ̀ kíŋ lǝ̀, “Gó Yàwɛ ɓa Aaɓi è kózǝmɛ̀nù ɓɛ tàkpɔ́kǝ kǝ̃̀ǝ̃ plǝǝ̀zǝ̀ è zieá zɛ̃ã wô káɛ là lɛ̀ ɥ́ tũ̀lɵ̀ɛ̀ ɥ́n à ye, kǝǝ n dɛǹ, mǝ̀kǝ̀ ɥ́ wèàɓà ɥ́ǹ wɔ̃́ nɛ̀ kǝɛ̀?”

⁴ Kǝǝ kíŋ wò è tò é Zóà wãã̀ yaa krúánù gɔ̀lààmɛ̀nù wó to à wò píé. Wó ye plan wó go à wɥǝ là wɔ̃̀ɔ̃̀ Ézrɛ̀ krúánù ɓɛ lònó.

⁵ Wò Zɔdàn Yì kã̀ wô zɥdɔ Àróǝ̀ ĩ́ĩ́ pɵ và é kǝ̀ goo ɓɛ zinlɵɛ gɥ́, wóo gɔ̀ dɔ Gáà lɛ̀ ɓà, wó loá Zézǝ̀ pɵɵ.

⁶ Lɛ̀kɔ̀ɔɛ wó nu Gélìɛ̀ sɛ̀ wãã̀ Kádɛ̀ pɵ̀ wó Hétàmɛ̀nùa sɛ́ gɥ́ɛ gɥ́. Wó nu Dã́ã̀ sɛ̀gɥ́, wó go mɥ́ wó lo Sádɔ̀n,

⁷ Wó lo goú Táyà pɵ̀ và é sã́ã́ nìɛ̀ à zɥ̀ɛ̀ gɥ́ wãã̀ Hávàmɛ̀nù wãã̀ Kénàmɛ̀nùa pɵ vàvà sáálɵɛ gɥ́. É wó lo Zúdà sɛ̀ é goúzɛ̃̀ãɛ̃ ɓà Bìɛ̀síbà pɵ̀ gɥ́.

⁸ Lɛ̀ wà bɔ sɛ́ ɓɛ à lɛ̀ sáálɵɛ ɓàɛ̀ wó nu Zɛ̀rúsálɛ̀n à sú srɛ́ìsiɛ líétólɛ̀ ɓà, à lɛ̀kpààyì gɔ́ɔ̀ pèètɛzǝ̀ ká.

⁹ Lɛ̀kɔ̀ɔɛ Zóà è krúánù wóo lònoɛ tɔ́ nɔ́mà nu kíŋ lǝ̀. Grùgɔ̃ krúá vù kǝ̃̀ǝ̃ srɛ́àka (800,000) wó kǝ̀ làà zùò mɛ̀nù káɛ wó kǝ̀ Ézrɛ̀ sɛ̀ gɥ́, é à mɛ vù kǝ̃̀ǝ̃ sɔ́ɔ́lú (500,000) wó kǝ̀ pɵ́ làà zùòmɛ̀nù káɛ wó kǝ̀ Zúdà sɛ̀ gɥ́.

¹⁰ Kǝǝ Dèɓé zòɔ è sìè lɛ̀ yà krúánù lònóɛ ká. Ê pɵ Yàwɛ lǝ̀, “Má sɔ̀nyaa gblɥ́nzǝ̀ kǝ wɔ̃́ â kǝ̀ nɛ̀ kǝsɥ̀ ká. Kǝǝ dɔ̀ù nɛ̀, ô Yàwɛ, a ɓɛ̀à ɥ lǝ̀, ɓo ma kǝpǝ̀yaa zie n là, ɓií má zɵ̀trɵkǝ.”

¹¹ Lɛ̀ Dèɓé yà bɥ̀ɵ̀ lɛ̀àlíéɛ, Yàwɛ è wɔ̃́ bìɛ̀ Dɔ̀-Aaɓilílàmɛ̀ Gáà é kǝ̀ Dèɓéa lɛ̀ ye Aaɓiwɔ̃̀gɥ́mɛ̀ káɛ lǝ̀ wòa nɛ̀ɛ̀,

¹² “Ló ɥ̂ pɵ Dèɓé lǝ̀, ‘Yàwɛ yà pɵ̀ wɔ̃́ yààka â dà ɥ líé. Ƃòà do sɥ́ ã́ã̀ kǝ ɥ ká.’ ”

¹³ Lɛ̀kɔ̀ɔɛ Gáà è nu Dèɓé píé ê bìɛ̀ à lǝ̀ “Kwɛ̀ yààka é dĩ yaa lo kǝàɛ̀ è nu ɓa sɛ́ nɛ̀ làà? Yaá kǝpɵ́ɛ á ɥ kǝ ɥ́ zieblàa ɥ dǝgbɵnù lǝ̀ sú yààka ɓàà? Yaá kǝ pɵ́ zɥ́ɛ á gó wrò yɔ̀a yaa è wrò sɛ́ nɛ̀ gɥ́ lɛ̀kpààyì yààka ɓàà? Ƃò ɥ zòtá à gɥ́ ɥ̂ zǝnu kǝ ã́ã̀ ló mɛ é n bɔɛ ɓà biɛ̀.”

¹⁴ Lɛ̀kɔ̀ɔɛ Dèɓé yà pɵ Gáà lǝ̀, “N zòɔ dàɥ̀mɥ̀ zrɥɵ dèèdè. Gó yí pɥ̀ɵ̀ Yàwɛ kwɛɛ, ɓií àɓà mɛ yényesɥ̀ è và. Kǝǝ kɵ́ǝ̀ á pɥ̀ɵ̀ mɛ wɛ́á kwɛɛ.”

¹⁵ Lɛ̀kɔ̀ɔɛ Yàwɛ è wrò yɔ̀a wrò Ézrɛ̀ sɛ̀ là gó lɛ̀àlíé ɓɛ ɓà ɥ́ loá yi wô zɔ̃̀ɛ̃̀ nyiɛ lɛ̀ ɓà. Mɛnù wó ga gó Dán ɥ́ ló Bìɛ̀síbàɛ̀ wò kǝ̀ mɛ vù gɔ́ɔ̀ lɔ́ɔ́yià (70,000) ká.

¹⁶ Lɛ̀ Aaɓia naàlú bɔmɛ̀ èye kɔ̀ pò Zɛ̀rúsálɛ̀n zɛ̃̀ã nyàà gɥ́sìèɛ̀, Yàwɛ zòɔ è dà yéngɥ́ wɔ̃́gbéè ê bɔ mɛnù ɓɛ píéɛ mɔ́ɔ̀wɔ̃̀ã̀, ê pɵ yaa naàlú bɔmɛ̀ é kǝ̀ mɛ gɥ́sìè lɛ̀àɛ̀ lǝ̀, “Yà mɔ̀. Ƃò ɥ gbìè ɓɛ ló e ɓàà gbɔɔ.” Aaɓia naàlú bɔmɛ̀ ɓɛ è kǝ̀ Zɛ́bùmi Àrúnà a wítì siɛ̀lɛ̀ ɓà.

¹⁷ Lɛ̀kɔ̀ɔɛ Dèɓé è wɔ̃́bìɛ̀ Yàwɛ píé lɛ̀ é naàlú bɔmɛ̀ é kǝ̀ zɔɔkǝlɛ̀àɛ̀ yeɛ ká. Ê pɵ, “Lɛ̀gà zɵ, má sɔ̀nyaa kǝ, é wɔ̃́ â kǝ̀ɛ̀ é ya dèèdè. Kǝǝ mɛ wɛ́ánù wó nɛ̀ mǝ̀ wô kǝ̀ɛ̀? Ƃò nyià n kpɔ̀grúzǝ̀nù yi króɓo.”

¹⁸ Lɛ̀ yà kǝ pɵ́ɛ Gáà è nù Dèɓé píé yi ɓɛ ká, ê pɵà lǝ̀, “Ƃò ló ɥ́ sraɓòàlà pǝ̀ dɔ Zɛ́bùmi Àrúnà a wítì siɛ̀lɛ̀ ɓà.”

¹⁹ Lɛ̀kɔ̀ɔɛ Dèɓé è lò Gáà wòa nɛzɛ̃ã Yàwɛ è Gáà pã́ã́ɓoáɛ lɵ́.

²⁰ Lɛ̀ Àrúnà è lɛ̀gà goúɛ é kíŋ wãã̀ yaa yiɛmɛ̀nù ye kǝ wò nulàà píé, é lo kíŋ líé é ɓlɛ̀kpɔ́le nuàlǝ̀ éye kpòn pà sɛ́á.

²¹ Àrúnà yà pɵ, “N dɛn, ma kíŋ, mǝ̀ ɥ̂ nùɓo n píée?” Dèɓé yà pɵ, “Kǝ ã́ã̀ ɓa wítì siɛ̀lɛ̀ ɓɛ lɔ́ ã́ã̀ sraɓòàlàpǝ̀ dɔ Yàwɛ lǝ̀ mɥ́ kǝ wròyɔ̀a nyɛ̀ɛ̀ go mɛnù ɓɛ soń.”

²² Lɛ̀kɔ̀ɔɛ Àrúnà yà pɵ Dèɓé lǝ̀, “N dɛn, ma kíŋ, ɓòà sɥ́ kǝ ɥ́n sra é lì ɥ lǝ̀ɛ̀ ɓo mɥ́. Dùgɔ̃nù gà wó nɛ̀ kǝ ɥ́n gɥ́ɵ́srà ɓo woá. Wítì sìɛ̀ à là pǝ̀ wãã̀ bɛ́í wô dàlà dùnù ɓɛ ɓɔàɛ̀ sɥ́ nyɛ̀ɛ̀ kǝ wɔ́ ká.

²³ À sáálɵ, óó kíŋ, â nu ɥ lǝ̀ ɓǝ.” É Àrúnà yà pɵ kíŋ lǝ̀, “Gó Yàwɛ ɓa Aaɓi èye kɔ̀yà ɥ gɔ̀.”

²⁴ Kǝǝ kíŋ yà pɵ̀ Àrúnà lǝ̀, “Kpɛ́í, a lò Wítì siɛ̀lɛ̀ ɓɛ lɔ ɥ gɔ̀ e ɓlɛ̀ dè ká. N ká ló gɥ́ɵ́srà é maá pǝgbɛ gó à píéɛ ɓo Yàwɛ ma Aaɓi lǝ̀.” Àmɔ́ɔ̀wɔ̃̀ Dèɓé è mlɥ̀siɛ̀lɛ̀ ɓɛ lɔ wãã̀ dùgɔ̃nù ɓɛ ká séɓlà lɛlɛ gɔ́ɔ̀ sɔ́ɔ́lú ká.

²⁵ Lɛ̀kɔ̀ɔɛ Dèɓé è sraɓòàlàpǝ̀ dɔ má, é gɥ́ɵ́srà wãã̀ zòɔyàgrú srànù ɓo. Lɛ̀kɔ̀ɔɛ Yàwɛ è ɓɛàwònù é kǝ̀ sɛ́ ɓɛ gɥ́ɛ ma é wròyɔ̀a ɓɛ é go Ézrɛ̀ sɛ̀ gɥ́.