2 Sámìɔ̀ 23 - Aaɓi Kwì

Dèɓé wò líétónù

¹ Zɛ́sè gbɵ Dèɓé ɓɛ è kǝ̀ mɛ é Aaɓi yà kǝ̀ kpàozǝ̀ɛ̀ ká. Mɛ é Zékɔ̀a Aaɓi yà sɥ kíŋ ká, é kǝ̀ zɥ́ tã́ bɛ̃ɛ̃̀mɛ̀ ká Ézrɛ̀ lǝ̀ɛ̀, à wò líétonù wó nɛ̀.

² Yàkǝɛ Yàwɛ zùù ɓɛɛ è wɔ̃́bìɛ̀ n gɥ́, àɓà nààbɔwò è n lie.

³ Ézrɛ̀a Aaɓi yà wé. Ézrɛ̀a gùǝ̀ yà pɵ̀ n lǝ̀, “Kíŋ é ɓɔ̀ukǝ̀ zakpen dɔsɥ̀ ká, é ɓɔ̀ukǝ̀ Aaɓi wò kǝsɥ̀ káɛ,

⁴ è kɛ̃̀ɛ̃̀ lɛ̀àlíé ŋlà ɓɥ́ɥ̀ é lakpo gbɛ kâ xlɵ̀ɵ̀ɛ̀ lɵ́, ŋla é gbũlà gbɔ̀ɔ plɥ̀n dɔ̀u ɓà kǝ layi yà bãɛ ká.”

⁵ Zɛ̃ã ɓɛ é Aaɓi è lo lúákpɔá n dùnnù ɓà, ɓií yà e wòdɔ n lǝ̀ tòapɵ́ká. Wòɓɵ̀ wò é yaá ló kãɛ̃ mɥ̀, wòɓɵ̀ wò à tà yaá ló bɔɔ̀ɛ̀ mɥ́. N zòtàɥ wɔ̃̀ plɛ́ín é ɓǝ, pǝ̂ lo kǝ ma kɔ̀ziesɥ̀ káɛ é ɓǝ, é Aaɓi lo gbɛ̀ìa plan gbɔ̀gbɔ̀lɵ.

⁶ Kǝǝ mɛnù é Aaɓi yaâ wo gɔ̀ɛ̀, wo tɛ̀i kɛ̃̀ɛ̃̀ gɛ̃́ĩ́ wô zonlàɛ̀ lɵ́. Mɛgbɛ yáá yà gɛ̃́ĩ́ ɓà e kɔ̀fèè ká.

⁷ Yàɓà kǝ mɛ nyɛ̀ɛ̀ yuɔkǝ̀a pǝ̀nù wó pìɛ̀ káɛ, dà yuɔpíé, wò lò gɥɵ fɛ́fɛ́lɵ.

Dèɓéa krúázǝ̀ tɔ́àɓàzǝ̀ wó ɓɛ

⁸ Dèɓéa krúázǝ̀ tɔ́ɓɔùzǝ̀ yààka ɓɛ wo tɔ́nù é nɛ̀. À bìɛ̀zǝ̀ é tɔɔ Hɔ́kúmɔ̀ gbɵ Zósé Bààsébɛ̀ é kǝ̀ mɛ yààka ɓɛ waa líésɥ́mɛ̀ káɛ. È kózǝ̀ mɛ kǝ̃̀ǝ̃ srɛ́àka ká dɥ́ ká, é wo sáálɵɛ wo zǝ grù ɓɛ píé.

⁹ Mɛ yààka ɓɛ waa mɛ pèètɛzǝ̀ é tɔɔ Dódò gbɵ Ɛlìézà é go Éhɔ̀ wòpɵ sɛ̀ gɥ́ɛ. È kǝ̀ grùgɔ̃ yì do káɛ, wãã̀ Dèɓé wò véèdɔ̀ Félésã́ã̀mɛ̀nù wó pà wo kóà grùpíéɛ ɓà. Ézrɛ̀mɛ̀nù wò dùà,

¹⁰ kǝǝ Ɛlìézà è tò e dɔ̀lɛ̀ ɓà é kózǝ Félésã́ã̀mɛ̀nù píé é toápɵ́ à kɔ̀ è klákũ é yaá mɔ̀à nyɛ̀ɛ̀ e kɔ̀ ɓo làà é kǝ̀à kwɛɛ ɓà. Yàwɛ ɓɛɛ à kɔ̀zie kpàozǝ̀ ká yi ɓɛ ká. Lɛ̀ grù yà nyiɛɛ, Ézrɛ̀mɛ̀nù wò yìɛ̀ wo zɥ́ wó lo lɛ̀ Ɛlìézà è kǝ̀àɛ̀ ɓà wó gɵ̀ɵ̀kpǝ̀nù kplòò.

¹¹ À mɛ yààkazǝ̀ é wo kã̀ã̀la káɛ é tɔɔ Háràmi Ágèè gbɵ Sámà. Félésã́ã̀mɛ̀nù ɓɛ wò pà wo kóà Líhà pɵ̀ sɔ́ ze lɛ̀ilɛ̀ do ɓa. Lɛ̀kɔ̀ɔɛ Ézrɛ̀mɛ̀nù ɓɛ wò dùà Félésã́ã̀mɛ̀nù lǝ̀,

¹² kǝǝ Sámà è tò e dɔ̀lɛ̀ɓà ze lɛ̀ilɵ mɥ́ é à tàkpàà, é Félésã́ã̀mɛ̀nù ɓɛ zǝ. Yàwɛ ɓɛɛ à kɔ̀zie kpàozǝ̀ ká yi ɓɛ ká.

¹³ Kǝ yà tó téé kǝ tapǝ̀ kã́yì nyɛ̀ɛ̀ wòɛ̀, krúá gbégbè gɔ́ɔ̀ yààka ɓɛ waa mɛ yààka wòlò Dèɓé píé Àdúlàn Gùǝ̀dù gɥ́, lɛ̀ Félésã́ã̀ krúázǝ̀ wó yàgbáɥ́ Wréfìn Goopíéɛ ká.

¹⁴ Dèɓé è kǝ̀ e bĩ̀lɛ̀ɓà, lɛ̀ Félésã́ã̀ krúánù wó kǝ̀ Bɛ́fléhɛ́ǹɛ̀ ká.

¹⁵ Lɛ̀kɔ̀ɔɛ Dèɓé yà pɵ, “Dɵ yi sɥ́ yia yigrù gɥ́ yeé pɵɵ Bɛ́fléhɛ́ǹ lɛ̀ dèà glàlí sɔ́ dè é n gbaá wɛ̀!”

¹⁶ Lɛ̀kɔ̀ɔɛ krúá gbégbe yààka ɓɛ wó bɔ Félésã́ã̀mɛ̀nù son wó lo wó yi ɓɛ tɔ é wó nuá Dèɓé lɛ̀. Kǝǝ yaâ mɥ, kǝ yà wròsɛa sra ká Yàwɛ lǝ̀.

¹⁷ Ê pɵ, “Yàwɛ, n ká ló yí nɛ̀ mɥ! È lò kǝ nɛ̀ɛ̀ gɔ̃ɔ̃̀nù wóo dè nii dɔ pǝkwɛ nɛ̀ wo fɛí mɥsɥ̀ lɵ́.” Àmɔ́ɔ̀wɔ̃̀gɥ́ɛ yaá wéà nyɛ̀ɛ̀ yí ɓɛ mɥ. Wɔ̃́ zògbéèzǝ̀ nù é krúázǝ̀ yààka gbégbe ɓɛ wô kǝ̀ɛ̀ é ɓǝ.

¹⁸ Zóà legrú Ábísàì, Zɛ̀rúà gbɵ, é kǝ̀ krúá gbégbe gɔ́ɔ̀ yààka ɓɛ waa líésɥ́mɛ̀ ká. È kózǝ̀ yaa dɥ́ ká é mɛ kǝ̃̀ǝ̃ yààka zǝ, é tɔ́ɓɔle ye à mɔ́ɔ̀wɔ̃̀ɓà è kã́ kruá yààka ɓɛ ɓàɛ̀ ká.

¹⁹ Mɛnù wò Ábísàì tɔ́ɓɔ̀ dèèdè krúázǝ̀ gɔ́ɔ̀ yààka ɓɛ son. Ye é kǝ̀ waa líésɥ́mɛ̀ ká, kǝǝ à kǝ wɔ̃̀ yaá mɔ̀ krúá gbégbe yààka ɓɛ ká.

²⁰ Zèhóádà go Kázìɛ̀ gbɵ Bɛ̀náyà, è kǝ̀ tɔ́ɓɔ krúá do ká pɵ́. È zògbéè wɔ̃̀ plǝǝ̀zǝ̀ kǝ̀, é dàa Móà krúá gbégbè pèètɛ zǝ ê ɓoɛ ɓàà. Yi do káɛ è lò ganìa grù gɥ́ nɛ́nɛ́ kpo wrò yì ká é ganìa do zǝ.

²¹ Zɥ́ɛ è Ízèmi và gbâgbàò é dɥ́ kǝ̀à gɔ̀ɛ̀ zǝ̀. Bɛ̀náyà è kózǝ̀ à píé xlɥ́krú ká, é dɥ́ é kǝ̀à kwɛɛ kũ à gɔ̀ é Ízèmi ɓɛ zǝ dɥ́ ɓɛ ká.

²² Pǝnù wó nɛ̀ é Zèhóádà gbɵ Bɛ̀náyàà kǝ̀, é tɔ́ɓɔle ye, è kã́ krúá gbégbe yààkaɛ ɓàɛ̀ ká.

²³ Mɛnù wà tɔ́ɓɔ̀ krúá gɔ́ɔ̀ yààka ɓɛ son, kǝǝ yaá mɔ̀ krúá gbégbe yààka ɓɛ ká. Dèɓé yà kǝ̀ zòkǝ̀à píé mɛ̀nù gɔ̀lààmɛ̀ ká.

²⁴ Krúá gbéè gɔ́ɔ̀ yààka ɓɛ waa mɛ gbú wó tɔɔ: Àzáhɛ̀, Zóà legrú, Dódò gó Bɛ́fléhɛ́ǹ gbɵ Ɛ̀lèhánà,

²⁵ Sámà gó Hérɔ̀ pɵɵ, Élíkà gó Hérɔ̀ pɵɵ,

²⁶ Hɛ́lɛ́zì gó Pélɛ̀ pɵɵ, Íkɛ́sì gó Tèkóà gbɵ Írà,

²⁷ Ábìézǝ̀ gó Ànàtɔ̀ pɵɵ, Mɛ̀búnàì gó Húsà pɵɵ,

²⁸ Záámɔ̀ gó Éhɔ̀ pɵɵ, Màháràì gó Nétófà pɵɵ,

²⁹ Báánà gó Nétófà gbɵ Hélɛ̀, Wríbàì é go Gébìɛ̀ pɵɵ Bɛ́nzémɛ̀n sɛ̀ gɥ́ɛ à gbɵ Ítàì,

³⁰ Bɛ̀náyà gó Píráfɔ̀n pɵɵ, Hídàì é go Gáà Goopíé lɛ̀nù ɓàɛ̀,

³¹ Ábì-Ábòn gó Ábà pɵɵ, Ázímávɛ̀ gó Bàhúrìn pɵɵ,

^32-33 Ilìábà gó Sá-àbɔn pɵɵ, Zésàn gbɵnù, Sámà gó Hárà gbɵ Zɔ̀nátã̀, Sáárà gó Hárà gbɵ Àháyàn,

³⁴ Àhábàì go Máákà gbɵ Ɛlífɛ́lɛ̀, Àhítófɛ̀ gó Gílò gbɵ Ílìàn,

³⁵ Hɛ́zràì go Kámɛ̀ pɵɵ, Pááràì gó Ábì pɵɵ

³⁶ Nétàn gó Zóbà gbɵ Ígà, Bánì gó Gáà pɵɵ,

³⁷ Zílɛ̀ gó Ámɔ̀n sɛ̀gɥ́, Nèháràì gó Bíírɔ̀ pɵɵ, Zóàa grùkǝ̀a pǝ̀nù bũmɛ̀,

³⁸ Írà wãã̀ Gérɛ̀ wó go Zátɛ̀ pɵɵɛ,

³⁹ Wãã̀ Yùráyà é kǝ̀ Hétàmi káɛ. Mɛ gɔ́ɔ̀ yààka ga lɔ́ɔ́yià wó ɓǝ.