2 Sámìɔ̀ 21 - Aaɓi Kwì

Wò Sɔ́ɔ̀ dùnnù zǝ̀

¹ Dèɓé nyǝ̀n gɥ́ɛ dĩ gbéè è dà kwɛ̀ yààka ɓà, e yèkólíésɥ̀ ká. Lɛ̀kɔ̀ɔɛ Dèɓé è Yàwɛ lɛ̀ɛ̀kpɔ́ kǝ̀. É Yàwɛ yà pɵàlǝ̀, “Mɛ fɛí wɔ̃̀ è Sɔ́ɔ̀ tuo, é Sɔ́ɔ̀ píékeemɛ̀nù tuo, ɓií è Gébìɔ̀nmɛ̀nù zǝ̀ kpá.”

² Àmɔ́ɔ̀wɔ̃̀gɥ́ɛ kíŋ ɓɛ é Gébìɔ̀nmɛ̀nù lɔ̀ɔ̀kǝ̀. Yi ɓɛ káɛ Gébìɔ̀nmɛ̀nù waá kǝ Ézrɛ̀mɛ̀nù ká, kǝǝ Ámɔ̀mɛ̀ gapǝ wó to sɛ́ ɓɛ gɥ́ɛ mɥ̀ woá. Kɵ́dèe kɛ̃̀ɛ̃̀ Ézrɛ̀mɛ̀nù wà wo wòɓɵ̀ líé wɔ̃̀ɔ̃̀ wo zòkǝ wo píéɛ, Sɔ́ɔ̀ èye gɥ́dɔ̀ gbéè nyɛ̀ɛ̀ wo zǝ Ézrɛ̀ sɛ̀ wãã̀ Zúdà sɛ̀ grɛ̃̀ɛ̃ é kǝ̀à gɥ́ɛ mɔ́ɔ̀wɔ̃̀ɓà.

³ Àmɔ́ɔ̀wɔ̃̀gɥ́ɛ Dèɓé yà pɵ̀ Gébìɔ̀nmɛ̀nù lǝ̀, “Mǝ̀ á loà kǝ ka lǝ̀ kǝ ã́ã̀ Ézrɛ̀a sɔ̀nyaa ɓo yi tuo, kǝ kã́ã̀ lúàkpɔ́ Yàwɛa mɛ̀nù yí nɛ̀ yi ɓàɛ̀?”

⁴ Gébìɔ̀nmɛ̀nù ɓɛ wô pɵàlǝ̀, “Yi kâ mɛɛ̀ séɓlà wãã̀ góò ká Sɔ́ɔ̀ ĩ́ĩ́ à píékeemɛ̀nù kwɛ, zɥ́ɛ yi ká ló mɛ gbɛ zǝ yi dè lǝ̀ Ézrɛ̀ sɛ̀ gɥ́.” Ê pɵ, “Kǝ mǝ̀ mɔn á loà kǝ ka lǝ̀ɛ̀?”

⁵ Wô pɵ kíŋ ɓɛ lǝ̀, “Mɛ é yia mɛnù zǝ ê kɛ̃̀ãkã̀ nyɛ̀ɛ̀ yi tɛ̃́ɛ̃́ wron fɛ́fɛ́lɵ Ézrɛ̀ sɛ̀ gɥ́ɛ,

⁶ ɓò à dùnnù lɔ́ɔ́yià wó gɔ̃ɔ̃̀nù káɛ dɔ yi kwɛ nyíì wo dũ Yàwɛ pɛá Gébìɔ̀n pɵɵ, Yàwɛa tɔ̃̀ ɓɛ tuo.” Dèɓé yà pɵ, “A lò wo nu ka lǝ̀.”

⁷ Kǝǝ kíŋ ɓɛ èye kwɔà Sɔ́ɔ̀a naá Zɔ̀nátã̀ gbɵ Mɛ̀fíbósɛ̀ lǝ̀ ɓií wòdɔwò è kǝ̀ wo soń Yàwɛ pɛá. Wòdɔwò è kǝ̀ Dèɓé wãã̀ Sɔ́ɔ̀ gbɵ Zɔ̀nátã̀ wo soń.

⁸ Zɥ́ɛ kíŋ ɓɛ yè Áyà lú Wrézépà gbɵnù pèètɛ é wo kpɔ Sɔ́ɔ̀ gɔ̀, wó Àmónì wãã̀ Mɛ̀fíbósɛ̀ káɛ, ĩ́ĩ́ Sɔ́ɔ̀ lú Mérà gbɵnù sɔ́ɔ́lú, é wo kpɔ Mɛ̀hólàmi Bàzílàì gbɵ Ádrìɛ̀ gɔ̀ɛ̀,

⁹ é wo dɔ Gébìɔ̀nmɛ̀nù kwɛ, é wóo dũ tɔ̃̀ ɓɛ ɓà Yàwɛ pɛá, é wo lɔ́ɔ́yià ɓɛ wó ga wo kóá tapǝ̀ kã́ yì bìɛ̀zǝ̀ ká.

¹⁰ Lɛ̀kɔ̀ɔɛ Sɔ́ɔ̀a mɛsǝ̀ wô tɔ́lɛ̀ Wrézépà, é kǝ̀ Áyà lú káɛ é ɓɔ̀ɔsɔ sɥ́ é kɔ́ dɔá e dè lǝ̀ gùǝ̀là, lɛ̀ é gɵ̀ɵ̀kpǝ̀nù ɓɛ wó kǝ̀àɓàɛ̀ ɓà, é to má gó tapǝ̀ kã́ pɔ̃́ ɥ́ loá layí bìɛ̀zǝ̀ yèsɛa yì ɓà. Yaá wéàɓà mànù wɔ̃̀ɔ̃̀ pá woá lɛ̀póù gɥ́, ĩ́ĩ́ wɥnù wɔ̃̀ɔ̃̀ pá woá gben.

¹¹ Lɛ̀ Dèɓé è wɔ̃́ é Sɔ́ɔ̀a mɛsǝ̀ Wrézépà yà kǝ̀ɛ̀ maɛ,

¹² Dèɓé è lò é Sɔ́ɔ̀ wãã̀ e gbɵ Zɔ̀nátã̀ wo gaganù sɥ Zébɛ́-Gélìɛ̀ gɔ̃ɔ̃̀nù gɔ̀. Wà wo sɥ́ srǝ̀ǝ̀lɵ lɛ̀ Félésã́ã̀mɛ̀nù wóo dũ à ɓà lǝ́ɥ́luo Básàn pɵ̀ gɥ́ɛ ɓà yi Félésã́ã̀mɛ̀nù wóo zǝ̀á Gébòà tɔ̃̀píéɛ ká.

¹³ È gò Sɔ́ɔ̀ wãã̀ e gbɵ Zɔ̀nátã̀ gaganù ɓɛ ká má, é wó gɔ̃ɔ̃̀nù lɔ́ɔ́yià wóo dũɛ̃ gaganù pàkóà.

¹⁴ Lɛ̀kɔ̀ɔɛ wó Sɔ́ɔ̀ wãã̀ e gbɵ Zɔ̀nátã̀ gaganù bĩ̀ Bɛ́nzémɛ̀ sɛ̀ gɥ́, Zélà pɵɵ, à dǝ Kísì bĩ̀ lɛ̀ ɓà, é wó pǝ sáálɵ kíŋ yè wo pã́ã́ɓoáɛ kǝ̀. Lɛ̀ yà kɔɔ́ɛ Aaɓi èye tótò waa ɓɛàwò é gbã̀ sɛ́ɓɛ ɓàɛ̀ gɔ̀.

Grù wô kǝ̀ Félésã́ã̀ gɥ́gbéè-mɛ̀nù píéɛ

¹⁵ Grù ɓáá è dà Félésã́ã̀mɛ̀nù wãã̀ Ézrɛ̀mɛ̀nù son, é Dèɓé è lo wãã̀ yaa krúázǝ̀ ká, wó kózǝ Félésã́ã̀mɛ̀nù píé. Lɛ̀kɔ̀ɔɛ Dèɓé è kǝ̀ tǝ́ǝ́tǝ̀.

¹⁶ Lɛ̀kɔ̀ɔɛ Íbíbénɔ̀ é kǝ̀ gɥ́gbéè-mɛ̀nù sùulà do ká, àɓà dɥ́ è kǝ̀ gbín zǝ̃ pán lɔ́ɔ́yià wãã̀ e gbú ká, é làà dɔ̀ù zìè e gɥ́ɛ, yà yà e zòà nyɛ̀ɛ̀ Dèɓé zǝ.

¹⁷ Kǝǝ Ábísàì Zɛ̀rúà gbɵ è nù é gbũ̀ Dèɓé ɓà, é kózǝ Félésã́ã̀mi ɓɛ píé ê zǝ. Lɛ̀ yà kɔɔ́ɛ Dèɓéa gɔ̃ɔ̃̀nù wô kǝ̀ éye wòɓɵ̀. Wô pɵàlǝ̀, “Ч ká ló to yi píé gbɔ kwã́ã̀ ló grùpíé, kɵ́kǝ̀ ɓi ɥ́ Ézrɛ̀a zòtǝ̃̀ã̀lǝ̀ káɛ ɥ́ nu ga yi gɔ̀.”

¹⁸ Góɓomɥ́ɛ grùkǝsɥ̀ è kǝ̀lɵ̀ zɥ́ Félésã́ã̀mɛ̀nù píé síélɵlɛ̀ wô lɛ̀ Gɔ́bì ɓɛ ɓà. Lɛ̀kɔ̀ɔɛ Síbɛ́kàì gó Húsà è Sáfù é kǝ̀ gɥ́gbéèmɛ̀nù sùulà káɛ zǝ.

¹⁹ Grùkǝsɥ̀ ɓáá è kǝ̀lɵ̀ Félésã́ã̀mɛ̀nù píé Gɔ́ɔ̀ síélɵ. É Bɛ́fléhɛ́ǹmi Záyà gbɵ Ɛ̀lèhánà è Gétìmi Gòláyà é dɥ́ é kǝ̀à gɔ̀ɛ̀, à bɛ́í è kǝ̀ nɛ̀ɛ̀ sɔbɔmɛ̀a bɛ́í lɵ́ɛ, zǝ.

²⁰ Grù ɓáá gɔ̃sɥ̀ é kǝ̀ lɵ̀ Gáfì pɵɵ, lɛ̀ɓɛ é gɥ́gbéè mɛ̀ do è kǝ̀àɓà. À kɔ̀nǝ́nù kǝ̀ srɔ́àdo srɔ́àdo à gbìè pèètɛ ɓɛ ɓà, à gɛ̃̀nǝ́nù kǝ̀ srɔ́àdo srɔ́àdo à gɛ̃̀ pèètɛ ɓɛ ɓà, é kǝ̀ gɥ́gbéè-mɛ̀nù sùulà do ká.

²¹ Lɛ̀ é Ézrɛ̀a krúázǝ̀ zǝlíɛ, Dèɓé legrú Sámà gbɵ Zɔ̀nátã̀, yà zǝ̀.

²² Gɥ́gbéèmɛ̀ yììsiɛ wó nɛ̀ wo gɛ̃̀ è go Gáà pɵ̀ gɥ́, é wó ga Dèɓé wãã̀ yaa krúánù kɔ̀a.