2 Sámìɔ̀ 20 - Aaɓi Kwì

Síbàa dɔ̀nyǝ́n kǝsɥ̀

¹ Gɔ̃ɔ̃̀ do è kǝ̀ Geégàɛ̀ à tɔ́ tɔɔ Síbà. Bɛ́nzémɛ̀mi Békrì gbɵ mɥ̀àká. È kǝ̀ mɛ fɛ́ìfɛ̀ì wɛ́á ká. Ye gà é túú pìè é lɔ̀ɔ̀kǝ̀ wòa nɛ̀ɛ̀, “Kwaa pǝgbɛ kâ Dèɓé gɔ̀, kwaáló wɔ̃́sǝ̀ gbɛɛ ye Zɛ́sè gbɵ nɛ̀ gɥ́ kwã́ã̀ ló toà píé. Ézrɛ̀mɛ̀ sáálɵɛ kwa ló kwa plɵ̀ɵ̀!”

² Àmɔ́ɔ̀wɔ̃̀ɓàɛ̀ gɔ̃ɔ̃̀nù wó go Ézrɛ̀ɛ̀ wo sáálɵɛ wò kɔ̀ Dèɓé wɔ̃̀ã wó to Síbà píé, kǝǝ gɔ̃ɔ̃̀nù wó go Zúdàɛ̀ wò tò waa kíŋ ɓɛ píé gɛnlɵ wó góá Zɔ́dàn Yì ɓà wó loá Zɛ̀rúsálɛ̀n pɵɵ.

³ Lɛ̀kɔ̀ɔɛ Dèɓé è nu e píékee Zɛ̀rúsálɛ̀n. Lɛ̀ yà kɔɔ́ɛ kíŋ è yaa mɛsǝ̀ gɔ́ɔ̀do é wo to kɔ́ píéɛ, kũ̀ é wo ye kɔ́ do gɥ́ mɛ nyɛ̀ɛ̀ e nyákǝ wo ɓà. È pǝ sáálɵɛ kǝ̀ wo lǝ̀ kǝǝ yaá wɔ wo sɔ́ gbɔɔ, é wó to kɔ́ ɓɛ gɥ́ nɛ̀ɛ̀ le gɛ̃̀ã̀nù lɵ́ é toápɵ́ wo gayì wòa.

⁴ Lɛ̀kɔ̀ɔɛ kíŋ yà pɵ Àmásà lǝ̀, “Lɛ̀kpààyì yààka yíɛ́lɛ̀ ɓààɛ̀ kãã̀ Zúdà gɔ̃ɔ̃̀nù kà kǝ zɵ.”

⁵ Àmásà è lo nyɛ̀ɛ̀ wo lɔ̀ɔ̀kǝ, kǝǝ è xlɵ̀ yi wô zɔ̃̀ɛ̃̀ zɥ̀.

⁶ Lɛ̀kɔ̀ɔɛ Dèɓé yà pɵ Ábísàì lǝ̀, “Yi nɛ̀ káɛ Békrì gbɵ Síbà è lò wɔ̃́ gbéè kǝ kwaá é zìèa Ásálɔ̀n làluo. Ƃò ma kózǝmɛ̀nù ɓɛ sɥ́ ká tó wo píé kɵ́kǝ̀ wó nu pɵnù é sã́ã́ lɵ́ wo ɓàɛ̀ kũ wɔ̃̀ɔ̃̀ wɔ̃́ kǝ kwa ɓà gbéè.”

⁷ Lɵɛ Zóàa krúázǝ̀ ɓɛ wò tò Ábísàì píé, wãã̀ Kɛ́rɛ̀mɛ̀nù, Pɛ́lɛ̀mɛ̀nù, é kpàa kózǝmɛ̀ sáálɵ wó kǝ̀ Zɛ̀rúsálɛ̀nɛ̀ ɓà wó to Békrì gbɵ Síbà píé blàa.

⁸ Lɛ̀ wà wò gùǝ̀ gblɥ́nzǝ̀ é Gébìɔ̀nɛ̀ làɛ̀, Àmásà è nù mɥ́ é wo ye. Zóà è kǝ̀ yaa kózǝ sɔ̀ gɥ́, é yaa làà sɔ̀ yaa dɔ̀sɔlà ɓɥ̀ǝ píé, lɛ̀ é nulà Àmásà líéɛ, àɓà làà ɓɛ é drɔ̀ɔ̀.

⁹ Zóà yà pɵ Àmásà lǝ̀, “Kóma ɥ píée, n ɓá?” Zóà è yà à ɓúà ɓà e krɛ̀ɛ̀ ká nɛ̀ɛ̀ mɛ é lólàà bɛ̀mɥɛ lɵ́.

¹⁰ Àmásà zò yaá kǝ làà é kǝ̀ Zóà kwɛɛ píé. Àmɔ́ɔ̀wɔ̃̀ Zóà è làà ɓɛ bɔà gɥ́, yaá à pèètɛ zùòɓo, à gruopǝ̀ sáálɵɛ é wròsɛa, é ga. Lɛ̀kɔ̀ɔɛ kǝ Zóà wãã̀ e legrú Ábísàì wó tó là Békrì gbɵ Síbà píé blàa.

¹¹ Zóà a mɛ do è nu é dɔ Àmásà là, ê pɵ, “Mɛ ê lɔ̀kǝ̀ Zóà ká, é Dèɓéa mɛ káɛ è tó Zóà píé.”

¹² Àmásà è to zɛ̃ãɓàà mɥ́ wɔàká e dè fɛíɓàà. Mɛ sáálɵ é zielàɛ̀ yàà yeɛ è dɔ̀sɛa, kǝǝ lɛ̀ gɔ̃ɔ̃̀ ɓɛ ê ye nɛ̀ɛ̀ mɛ sáálɵɛ wò dɔ̀sɛa waà gàɛ̀, yé Àmásà gã̀ã̀ ê ɓo zɛ̃ãɓàà é loá blɥɵ, é sɔ wròàlà.

¹³ Lɛ̀ wàà ɓo zɛ̃ã ɓààɛ̀, mɛ sáálɵɛ wó to Zóà píé wɔ̃̀ɔ̃̀ Síbà kǝ blàa.

¹⁴ Síbà yà bɔ Ézrɛ̀nɔ́ɔ̀a sɛ́ sáálɵɛ gɥ́ yà ló yà dà pɵ do wô lɛ̀ Ébɛ̀-Bɛ̀-Mákà pɵɵɛ̀ gɥ́, é Békrì kpɔ̀grúzǝ̀ sáálɵɛ wóo kóye wó pà wo kóà à píé má.

¹⁵ Zóà a gɔ̃ɔ̃̀nù wà mà nɛ̀ɛ̀ Síbà è pɵɵ mɥ́, àmɔ́ɔ̀wɔ̃̀ wó lo wó nìɛ̀ pɵɓɛ zɥ̀ wó bɵ̀ɥ̀ glà kã̀ à zɥ̀tópíé, wó ye grùpɔ̃́sɥ̀à pɵ tró xlɵ̀ɵ̀ wã̀ã̀ kǝ nyɛ̀ɛ̀ wròsɛa.

¹⁶ Lɛ̀kɔ̀ɔɛ le zrɔ̀àzǝ̀ do è to kee má é lɔ̀ɔ̀kǝ̀ ê pɵ, “Kàa tótó! Kàa tótó! Kàà pɵ Zóà lǝ̀, ‘È nu zɵ kǝ ã́ã̀ wɔ̃́ biɛ̀ à lǝ̀’ ”

¹⁷ Lɛ̀kɔ̀ɔɛ é nuà sɔ́. Le ɓɛ ê pɵ, “Ƃi ɥ́ tɔɔ Zóàà?” Ê pɵ, “Ma mɥ̀.” Le ɓɛ ê pɵàlǝ̀, “Ƃò ɥ tó tó ɓa nɔ̀àlè wò ɓà.” É Zóà yà pɵ, “A n tótólà.”

¹⁸ Ê pɵ, “Wɔ̃́ biɛ̀wò é kǝ̀ líé kwɛ̀iɛ é tɔɔ, ‘Gó wò zrɔ̀àkpà mɛɛ̀ Ébɛ̀ pɵ̀gɥ́.’ Zɛ̃ãɓɛ wó waa wɔ̃́ yeá kólíé.

¹⁹ Zòɔyàgrú mɛ̀ ĩ́ĩ́ zòdɔ̀à mɛ̀ wó Ézrɛ̀ sɛ̀ gɥ́ɛ à do mɥ̀ yi ká. Pɵ é Ézrɛ̀ le káɛ ɥ́ mɛɛ̀là kǝ ɥ́n à gɥ́sìè ɓǝà? Mǝ̀kǝ̀ ɥ̂ mɛ̀ɛ̀ ɥ́n Yàwɛa wɔ kpã̀ã̀zǝ̀ nɛ̀ gɥ́sìèè?”

²⁰ Zóà yà pɵ, “À yaa è ló gbɛ̃̀ɛ̃̀, n káló pɵnɛ̀ gɥ́sìè!

²¹ Yi zòtàɥ wɔ̃̀ kũ. Kǝǝ gɔ̃ɔ̃̀ do é go Ífrɛ̀n tɔ̃̀ sɛ̀ gɥ́ wô lɛ̀ Síbà, Békrì gbɵ káɛ, è dɔlà Kíŋ Dèɓé gɔ̀ nyǝ́n. Kàà dɔ yi kwɛ, ê kɔɔ́ɛ yi lò yiɛ yi zɥ́ nyíì gó pɵ nɛ̀ zɥ̀.” Lɛ̀kɔ̀ɔɛ le ɓɛ ê pɵ Zóà lǝ̀, “Lɛ̀gà, yilòà gɔ̀ kã yî bɔ pɵ tró là yî zùò ka lǝ̀ plan.”

²² Lɛ̀ yà kǝ pɵ́ɛ le ɓɛ é lo yaa mɛnù ɓɛ píé yaa zrɔ̀àkpàà ɓɛ ká, é wó Síbà gɔ̀ kã̀ wô zùò plan Zóà lǝ̀. Lɛ̀kɔ̀ɔɛ Zóà è túú pìè, é wóo kwàà pɵ ɓɛ zɥ̀, é gɔ̃ɔ̃̀ sáálɵɛ é lo e píékee. Zóà dèe é yìɛ̀ e zɥ́ é lo kíŋ píé Zɛ̀rúsálɛ̀n.

Dèɓéa yuɔkǝmɛ̀nù

²³ Zóà è kǝ̀ krúávà ká Ézrɛ̀ krúázǝ̀ kpɔ̀n ɓɛ là, é Zèhóádà gbɵ Bɛ̀náyà è kǝ̀ Dèɓéa krúázǝ̀ gɔ̀làà.

²⁴ Àdóràn è kǝ̀ plɔ́tɔ́ yùɔ̀kǝmɛ̀nù gɔ̀làà, é Àhílɔ̀ gbɵ Zɛ̀hɔ́sáfà è kǝ̀ kpɔ̀sɛa wɔ̃̀ yà sɛ̃̀ĩɓà mɛ̀ ká.

²⁵ Sívà è kǝ̀ kwi bɛ̃ɛ̃̀ mɛ̀ ká zadɔlɛ̀ ɓà, é Zádɔ̀ wãã̀ Ábìátà wó kǝ̀ sraɓomɛ̀nù ká,

²⁶ é Írà gó Záyà pɵɵ è kǝ̀ Dèɓéa sraɓomɛ̀ do ká.