2 Sámìɔ̀ 2 - Aaɓi Kwì

Wò Dèɓé kǝ̀ kíŋ ká Zúdà sɛ̀gɥ́

¹ Lɛ̀ wɔ̃́ nɛ̀ yà zieɛ Dèɓé è Yàwɛ lɛ̀ɛ̀kpɔ́kǝ̀, “Á ló Zúdà pɵ̀ do gɥ́ ã́ã̀ yà máa?” Yàwɛà pɵà lǝ̀, “Ló.” Dèɓéà pɵ, “Pɵ mlǝ̀ǝ̀zǝ̀ gɥ́i?” Ê pɵ, “Hɛ́brɔ̀n.”

² Zɛ̃ã ɓɛ Dèɓéà kǝ̀a é lo wãã̀ e bɔúnù pèètɛ Àhínòàn gó Zɛ́zrìɛ̀, wãã̀ Nébàa gɛ̃̀ãlè Ábígéè é go Kámà ɓɛ ká.

³ Zɥ́ɛ Dèɓéè nù yaa gɔ̃ɔ̃̀nù wó kǝ̀àpíéɛ wãã̀ wo píékeemɛ̀ sáálɵɛ ká, é wó yà Hɛ́brɔ̀n pɵ̀ zɥ̀tópíé pɵ̀nù gɥ́.

⁴ Lɛ̀kɔ̀ɔɛ gɔ̃ɔ̃̀nù wó Zúdàɛ̀ wó nu má wó nyɔ́ wrò Dèɓé tuo, é kǝ kíŋ ká Zúdàmɛ̀nù làluo. Lɛ̀ wô bìɛ̀ Dèɓé lǝ̀ nɛ̀ɛ̀, “Gɔ̃ɔ̃̀nù wó go Zébɛ̀ é Gélìɛ̀ sɛ̀ gɥ́ɛ wó Sɔ́ɔ̀ bĩ̀ɛ̃̀,”

⁵ Dèɓé è mɛ bɔ wo píé, ê pɵ wo lǝ̀, “Gó Yàwɛ è lúàkpɔ́ ka ɓà, ɓií ka lɔ̀kǝ̀a zɔ̃̀ ka dɛn Sɔ́ɔ̀ lǝ̀, kâ bĩ̀!

⁶ Lɛ̀ é pɵ́ɛ gó Yàwɛ è grúsǝ̀ kǝ kaá è kǝ kaa zòdɔ̀àmɛ̀ ká kplàɓo! A lò grúsǝ̀ kǝ kaá wɔ̃́ kâ kǝ̀ nɛ̀ mɔ́ɔ̀wɔ̀ɓà.

⁷ Ka gɥ́ è kǝ gbéè, ka zò è kǝ gbàn, ɓií ka dɛn Sɔ́ɔ̀ yaâ lɵ̀ gbɔ, kǝǝ Zúdàmɛ̀nù wà nyɔ́ wrò n tuo ã́ã̀ kǝ kíŋ ká wo là.”

Wò Íbósɛ̀ kǝ̀ kíŋ ká Ézrɛ̀ sɛ̀gɥ́

⁸ Yi ɓɛ káɛ kǝ Ábínǝ̀ Nǝ́ǝ̀ gbɵ, é kǝ̀ Sɔ́ɔ̀a krúávà káɛ yà Íbósɛ̀ Sɔ́ɔ̀ gbɵ sɥ́, yà nuá Màhánìn pɵɵ,

⁹ ê kǝ̀ kíŋ ká Gélìɛ̀ sɛ̀, Ásǝ̀ sɛ̀, Zɛ́zrìɛ̀ sɛ̀, Ífrɛ̀n sɛ̀, Bɛ́nzémɛ̀ sɛ̀ wãã̀ Ézrɛ̀ sɛ̀ sáálɵ wó toɛ làluo.

¹⁰ Sɔ́ɔ̀ gbɵ Íbósɛ̀, è kǝ̀ kwɛ̀ gɔ́ɔ̀ yììsiɛ mɛ̀ ká lɛ̀ wô sɥ kíŋ ká Ézrɛ̀ sɛ̀ làɛ̀ ká, é ɓɔ̀ukǝ̀ kwɛ̀ pèètɛ ɓà. Kǝǝ Zúdàmɛ̀nù wò tò Dèɓé píé.

¹¹ Kwɛ̀ é Dèɓéè kǝ̀a kíŋ ká Hɛ́brɔ̀n pɵɵ, Zúdà sɛ̀ gɥ́ɛ é tɔɔ kwɛ̀ lɔ́ɔ́yià wãã̀ sú srɔ́àdo.

Grùgɔ̃sɥ̀ é kǝ̀ Ézrɛ̀mɛ̀nù wãã̀ Zúdàmɛ̀nù soŋɛ

¹² Ábínǝ̀ Nǝ́ǝ̀ gbɵ, wãã̀ Íbósɛ̀ Sɔ́ɔ̀ gbɵa yuɔkǝmɛ̀nù, wò go Màhánìn pɵɵ, wó lo Gébìɔ̀n pɵɵ.

¹³ Lɛ̀kɔ̀ɔɛ Zóà é à le kǝ̀ Zɛ̀rúà káɛ, wãã̀ Dèɓéa yuɔkǝmɛ̀nù wó lo plan wóo ye Gébìɔ̀n yipɔ́á là. Wó yà sɛa, Ábínǝ̀ wãã̀ yaa gɔ̃ɔ̃̀nù wò kǝ̀ kɔ̀pɛ̃́ã́ do là, é Zóà wãã̀ yaa gɔ̃ɔ̃̀nù wó kǝ̀ yípɔ́á ɓɛ à kɔpɛ̃́ã́ gbɛ là.

¹⁴ Lɛ̀kɔ̀ɔɛ Ábínǝ̀ yà pɵ Zóà lǝ̀, “Gó koo nǝ́gɔ̃ɔ̃̀nù wò kó ɓlɵ́ zǝ ko pɛá kó ye.” É Zóà yà pɵ, “Wò wruù wà kɔɔ́.”

¹⁵ Lɛ̀ wàà poóɛ gɔ̃ɔ̃̀nù gɔ́ɔ̀do ga pèètɛ wo wrùù Bɛ́nzémɛ̀ nɔ́ɔ̀ wãã̀ Íbósɛ̀, Sɔ́ɔ̀ gbɵnù píé, é mɛ gɔ́ɔ̀do ga pèètɛ wò wrùù Dèɓéa mɛnù píé wɔ̃̀ɔ̃̀ kózǝ wo kóá.

¹⁶ Mɛ do do sáálɵɛ é yà yaa kózǝ̀a píémɛ̀ gɔ̀à é yaa làà bɔà sɛ̃́ĩ̀ é wo sáálɵɛ wó pɥ̀ɵ̀ sɛa wo kóá wó ga. Àmɔ́ɔ̀wɔ̃̀ɓàɛ̀ wó lɛ̀ ɓɛ tɔ́lɛ̀ Hɛ́ká-hàzúrìn (à gɥ́ tɔɔ làà zùò lɛ̀), lɛ̀ é Gébìɔ̀ǹ pɵɵɛ ɓà.

¹⁷ Góɓomɥ́ɛ grù ɓɛ è kǝ̀ gbéè dèèdè yi ɓɛ ká, é Dèɓé wãã̀ yaa mɛnù kɔ̀ è zìè Ábínǝ̀ wãã̀ Ézrɛ̀ gɔ̃ɔ̃̀nù làluo.

¹⁸ Zɛ̀rúà gbɵnù yààka ɓɛ wò kǝ̀ má: Zóà, Ábísàì, wãã̀ Àsáhɛ̀. Àsáhɛ̀ ɓɛ à gɛ̃̀ è kǝ̀ gbéè nɛ̀ɛ̀ zròò gɔ̃ è blàsɥ,

¹⁹ é Àsáhɛ̀ è to Ábínǝ̀ píé blaà, yaá lɛ̀gà e krɛ̀ɛ̀gɥ́ ĩ́ĩ́ e kɔàgɥ́. Pǝ gbɛ yaá kǝ lɵ̀ nyàà zòɔ ɓozɛ̃ã.

²⁰ Kǝǝ Ábínǝ̀ è lɛ̀gà e tàà ê pɵ, “Ƃi ɥ́ tólà n píé nɛ̀a Àsáhɛ̀?” Ê zǝnu wòa nɛ̀ɛ̀, “Ma mɥ̀.”

²¹ Ábínǝ̀à pɵ à lǝ̀, “Ƃò liɛ̀ ɥ krɛ̀ɛ̀gɥ́, ĩ́ĩ́ ɥ kɔàgɥ́ ɥ́ nǝ́gɔ̃ɔ̃̀zǝ̀ do kṹ ɥ́ pǝ kṹ à gɔ̀.” Kǝǝ Àsáhɛ̀ yaá wéà nyɛ̀ɛ̀ bo à kǝ̀ blàa lɛ̀à.

²² É Ábínǝ̀ yà pɵ Àsáhɛ̀ lǝ̀ zɥ́ nɛ̀ɛ̀, “Ƃò liɛ̀ ɥ́ gó n píée, mǝ̀kǝ̀ ɥ́ mɛ̀ɛ̀ ã́ã̀ ɥ zǝɛ̀? Má ɥ zǝɛ, zɛ̃ã kǝ̀lǝ̀sɥ̀ a lo n wɥǝ sɥá lúú ã́ã̀ ɥ legrú Zóà wɥǝ gàaɛ?”

²³ Kǝǝ yaá wéà nyɛ̀ɛ̀ gó à píé. Àmɔ́ɔ̀wɔ̃̀ Ábínǝ̀ yà zǝ̀ yaa dɥ́ zɥ ká à gú ɓà, é bɔàgɥ́ é gbɛ̀ì à tàà é pɥ̀ɵ̀ sɛa é ga má lɛ̀ é kǝ̀àɛ̀ ɓà. Lɛ̀kɔ̀ɔɛ mɛsáálɵ wó nu lɛ̀ Àsáhɛ̀ è pɥ̀ɵ̀ àɓà é gaɛ ɓàɛ̀, wò dɔan dinlɵ.

²⁴ Kǝǝ Zóà wãã̀ Ábísàì wò tò Ábínǝ̀ píé blàa. Lɛ̀ xlã kǝ̀ lólɛ̀àɛ̀, wó nu Ámà tɔ̃̀ tuo Géà pɵ̀ sɔ́ zɛ̃ã é bɔ Gébìɔ̀ǹ Yɛ̀igɥ́ɛ ɓà.

²⁵ Lɛ̀kɔ̀ɔɛ gɔ̃ɔ̃̀nù wó go Bɛ́nzémɛ̀ sɛ̀ gɥ́ɛ wó pà wo kóà Ábínǝ̀ píé wó gbã̀ã̀ tàà gɛnlɵ tɔ̃̀ gbɛ tuo.

²⁶ Lɛ̀ yà kǝpɵ́ɛ Ábínǝ̀ è Zóà lɔ̀ɔ̀kǝ̀ ê pɵ, “Làà è lò mɛ gɥ́sìè tòapɵ́ káa? Ƃaâ gɥ́dɔ nɛ̀ɛ̀ wɔ̃́ nɛ̀ à líétólɛ̀ lò kǝ glɥ́ɥ́zǝ̀à? Mǝ̀yiá ɥ́ lo ɥ wò pɵ ɓa gɔ̃ɔ̃̀nù lǝ̀ wɔ̃̀ɔ̃̀ bo wo legrúzǝ̀ kǝlɛ̀à blàaɛ̀?”

²⁷ É Zóà yà pɵ, “A bìɛ̀ Aaɓi lǝ̀, ɥ kã́ã̀ weɛ, wɔ̃́dèká ma gɔ̃ɔ̃̀nù ɓɛɛ wɔ̃ɔ̃̀ ka kǝ é toápɵ́ lɛ̀àlíélɛ̀ è dɔá.”

²⁸ Lɛ̀kɔ̀ɔɛ Zóà è túú ɓɛ pìè, é àɓà gɔ̃ɔ̃̀nù ɓǝ sáálɵɛ wó dɔsɛa, waá Ézrɛ̀mɛ̀nù kǝblàa gbɛɓo gbɔ, ĩ́ĩ́ waá kó gbɛ zǝ gbɔ.

²⁹ Ábínǝ̀ wãã̀ yaa gɔ̃ɔ̃̀nù wò tà gben kpɔ̀n ɓɛ ká wó bɔ Àrébà Goopíé, wó Zɔ́dàn Yì kã̀, wó tà kǝ xlã nyɛ̀ɛ̀ kɔ̀ wòsɥ̀à mɛ tuzinlɵ wó nu Màhánìn pɵɵ.

³⁰ Zóà è lìɛ̀ é bo Ábínǝ̀ kǝlɛ̀à blàa, lɛ̀ yà yaa gɔ̃ɔ̃̀nù pákóàɛ̀, gɔ̃ɔ̃̀nù gɔ́ɔ̀do ga srɛ́ìsiɛ wó lɔ̀n, è kã́ Àsáhɛ̀ ɓàɛ̀ ká.

³¹ Kǝǝ Dèɓéa gɔ̃ɔ̃̀nù wò Bɛ́nzémɛ̀ mɛ̀ kǝ̃̀ǝ̃ yààka wãã̀ mɛ gɔ́ɔ̀ srɔ́ádo (360) zǝ̀ Ábínǝ̀a gɔ̃ɔ̃̀nù píé.

³² Lɛ̀kɔ̀ɔɛ wó Àsáhɛ̀ gɵ̀ɵ̀ sɥ wô bĩ̀ kpɔ̀grúzǝ̀a mɛbĩ̀lɛ̀ ɓà Bɛ́fléhɛ́ǹ pɵɵ. Zóà wãã̀ yaa gɔ̃ɔ̃̀nù wó tà gben kpɔ̀n ɓà é lɛ̀pòwoà Hɛ́brɔ̀n pɵɵ.