2 Sámìɔ̀ 18 - Aaɓi Kwì

Grù è sìè Ásálɔ̀n ɓà wô zǝ

¹ Lɛ̀kɔ̀ɔɛ Dèɓé è gɔ̃ɔ̃̀nù wókǝ̀à píéɛ yà kpoá píé é líésɥ́mɛ̀ yà mɛ vù plǝǝ̀zǝ̀ gɔ̀làà, ĩ́ĩ́ mɛ kǝ̃̀ǝ̃ plǝǝ̀zǝ̀ gɔ̀làà.

² É Dèɓé è grùgɔ̃mɛ̀nù ɓɛ bɔ grùpíé. Kózǝmɛ̀ gbɔ̀ukpo do è kǝ̀ Zóà xlɵ̀ɵ̀, à gbɔ̀ukpo ɓáá è kǝ̀ Zóà legrú Ábísàì Zɛ̀rúà gbɵ xlɵ̀ɵ̀. À gbɔ̀ukpo do é toɛ é kǝ̀ Gáàmi Ítàì xlɵ̀ɵ̀. Lɛ̀kɔ̀ɔɛ kíŋ yà pɵ gɔ̃ɔ̃̀nù ɓɛ lǝ̀, “N dè á nɛ̀ kwãã̀nù kwálo lo.”

³ Kǝǝ gɔ̃ɔ̃̀nù ɓɛ wà pɵ̀àlǝ̀, “Ч káló lo. Ƃií àyé yíá dùàɛ̀, waá ló kpàà yi wɔ̃̀ã. Yi lɛ̀vàlɛ̀ è gà pooɛ, waá ló kpàà yi wɔ̃̀ã. Àmɔ́ɔ̀wɔ̃̀gɥ́ɛ è sǝ̀ kǝ ɥ́n gbũ̀ɓàle bɔ yi píé è gó pɵɵ.”

⁴ Kíŋ yà pɵ wo lǝ̀, “Pǝ sáálɵ é lì kalǝ̀ɛ̀ a lòà kǝ.” Àmɔ́ɔ̀wɔ̃̀ kíŋ ɓɛ é dɔ pɵ tró glàlí sɛ̃́ĩ̀ lɛ̀ àɓà krúázǝ̀ ɓɥ̀ǝ̀ kǝ̀ zielɛ̀à kǝ̃̀ǝ̃ ɓà kǝ̃̀ǝ̃, ĩ́ĩ́ vùɓà vù, káɛ ká.

⁵ Lɛ̀kɔ̀ɔɛ kíŋ è Zóà, Ábísàì, wãã̀ Ítàì pã́ã́ɓò nɛ̀ɛ̀, “Kà zǝ n wɔ̃̀ lǝ̀ ká nǝ́gɔ̃ɔ̃̀ Ásálɔ̀n ɓɛ kṹ pǝ́ǝ́pǝ̀.” Mɛ sáálɵɛ wò pã́ã́ɓo wò é kíŋ yà kǝ̀ líésɥ́mɛ̀nù gɔ̀ é gbã̀ Ásálɔ̀n ɓàɛ̀ mà.

⁶ Lɵɛ Dèɓéa krúázǝ̀ wò lò grùpíé wɔ̃̀ɔ̃̀ kózǝ Ézrɛ̀mɛ̀nù píé, é wó kó ɓɛ zǝ Ífrɛ̀n sɛ̀ bliílɵ.

⁷ Lɛ̀kɔ̀ɔɛ Dèɓéa mɛnù kɔ̀ è zìè Ézrɛ̀mɛ̀nù gɔ̀, é zɔɔkǝɥ̀ é kǝ̀ máɛ é kǝ̀ và gblɥ́nzǝ̀ yiɓɛ ká, gɔ̃ɔ̃̀nù vù gɔ́ɔ̀pèètɛ (20,000) ká.

⁸ Kó ɓɛ è blɔ̃̀ sɛ́ kpɔ̀n ɓɛ là, é bliígɥ́lɛ̀ è mɛ plǝǝ̀zǝ̀ gɥ́sìè yi ɓɛ ká é zìèamɛ wó ga grù kɔ̀aɛ làluo.

⁹ Zálɵɛ Ásálɔ̀n è Dèɓéa gɔ̃ɔ̃̀nù yè. Ásálɔ̀n è kǝ̀ yaa sòkpá tàà, é sòkpá ɓɛ é bɔá xlɥ́ và kɔ̀ gbɥ́ɥ́gbɥ̀ xlɵ̀ɵ̀, é Ásálɔ̀n gɔ̀ è nɔ̀ xlɥ̀ và ɓɛ kɔ̀nù son glɥ̀ɥlɵ. Sòkpá é kǝ̀ à xlɵ̀ɵ̀ɛ̀ é zìè é Ásálɔ̀n è to dũsɥ̀ká nan.

¹⁰ Gɔ̃ɔ̃̀ do è wɔ̃́ ɓɛ yè, ê bìɛ̀ Zóà lǝ̀ wòa nɛ̀ɛ̀, “Lɛ̀gà, a Ásálɔ̀n yè dũsɥ̀a xlɥ́ và tuo!”

¹¹ Zóà yà pɵ gɔ̃ɔ̃̀ é wɔ̃́bìɛ̀ à lǝ̀ɛ̀ lǝ̀, “É kɛ̃̀ɛ̃̀ ɥ à yèɛ̀ mǝ̀kǝ̀ ɓaá à zǝ lɛ̀ dè ɓɛ ɓàɛ̀? È kɔ̀ɔɛ ãã̀ Séɓlà nàò lɛlɛ gɔ́ɔ̀do kpa dɔ̀ sɔlàsɔ̀ ɓà â nu ɥ lǝ̀.”

¹² Kǝǝ gɔ̃ɔ̃̀ ɓɛ yà pɵ̀ Zóà lǝ̀, “Kɵ́kɛ̃̀ɛ̃̀ wò séɓlà nàò lɛlɛ vù do wrò n kwɛɛ, n ká mɔ̀à ã́ã̀ n kɔ̀ yà kíŋ gbɵ ɓà, ɓií yi kãã̀ Ábísàìnù, Ítàìnù, ka pã́ã́ɓo wò é kíŋ yà kǝ̀ɛ̀ mà, ê pɵ, ‘Kà zǝ n wɔ̃̀ lǝ̀ ká nǝ́gɔ̃ɔ̃̀ Ásálɔ̀n tàkpàà.’

¹³ À kɔ̀pɛ̃́ã́ é toɛ káɛ, é kɛ̃̀ɛ̃̀ a kǝpǝ̀yaa kǝ̀aɛ, wɔ̃́ gbɛɛ yáá bĩ̀ kíŋ ɓà, yàkɔɔ́ɛ ɥ ká ló n gɔ̀ la.”

¹⁴ Zóà yà pɵ, “N ká ló to ɥ píé ã́ã̀ yi gɥ́sìè nǝ̀ǝ.” Lɛ̀kɔ̀ɔɛ é dɥ́ téété yààka sɥ ê bɔ Ásálɔ̀n zòɔgɥ́, lɛ̀ é kǝ̀ dũnká xlɥ́ và kɔ̀uɛ ká.

¹⁵ Lɛ̀kɔ̀ɔɛ Zóà a kózǝ̀a pǝ̀nù bũmɛ̀ gɔ́ɔ̀do wó nìɛ̀ Ásálɔ̀n zɥ̀ wó à zǝsɥ̀ líéto.

¹⁶ Lɛ̀kɔ̀ɔɛ Zóà è túú pìè, é krúázǝ̀ ɓɛ wó bo Ézrɛ̀mɛ̀nù kǝlɛ̀à blàa.

¹⁷ É wó Ásálɔ̀n gɵ̀ɵ̀kpǝ̀ sɥ wô zùò grù và gɥ́, blií ɓɛ gɥ́, wó guǝ̀kpo wrò kólà vàká à làlùo, é Ézrɛ̀mɛ̀ do do sáálɵɛ é dùà é lo e dèe kee.

¹⁸ À yi ɓɛ káɛ kǝ Ásálɔ̀n è tũ̀àgɥ́ɛ è gùǝ̀ wɵ̀n gbɛ̃̀ɛ̃̀ dɔ̀ e gɛ̃̀ã̀ Kíŋ nùa Googɥ́, ɓií yà pɵ̀, “N gbɵ gbɛ kâlɵ̀ kǝ nyɛ̀ɛ̀ ló n tɔ́á,” ê mɔ́ɔ̀ e tɔ́ yàɓo gùǝ̀ wɵ̀n ɓɛ ɓà, wô lɛ̀ Ásálɔ̀na Gùǝ̀wɵ̀n wó tũ̀à lɛ̀a gbɛ̃́ã̀.

Wò Ásálɔ̀n ga wɔ̃̀ bìɛ̀ Dèɓé lǝ̀

¹⁹ Lɛ̀kɔ̀ɔɛ Zádɔ̀ gbɵ Àhímàà yà pɵ, “Gó á ló ã́ã̀ wɔ̃́tààsǝ̀ biɛ̀ kíŋ lǝ̀ nɛ̀ɛ̀ Yàwɛ yàà gɔ̀la e yaagɥ́mɛ̀nù gɔ̀.”

²⁰ Kǝǝ Zóà yà pɵ̀àlǝ̀, “Yaâ ɥ ɓà ɥ́n ló wɔ̃́tààsǝ̀ ká gbɛ̃́ã̀. Ч lò mɔ̀àɓà ɥ́n ló wɔ̃́tààsǝ̀ ká yi gbɛ ká, ɓií kíŋ ɓɛ à gbɵ è gà gbɛ̃́ã̀.”

²¹ Lɛ̀kɔ̀ɔɛ Zóà yà pɵ Kúsìmi ɓɛ lǝ̀, “Ló, pǝ ɥ̂ yeɛ ɥ̂ biɛ̀.” Kúsìmi ɓɛ é kòò Zóà lǝ̀, ê dɔ blàà.

²² Zádɔ̀ gbɵ Àhímàà yà pɵ zɥ́ Zóà lǝ̀, “Kɵ́dèekɛ̃̀ɛ̃̀ mǝ̀ kǝ̀ɛ̀ gó á tó Kúsìmi ɓɛ píé pɵ́e.” Zóà yà pɵ, “N gbɵ, mǝ̀kǝ̀ ɥ̂ mɛ̀ɛ̀ ɥ́n blà wɛ́á sɥ́ wɔ̃́tàà ɥ ká ló pǝgbɛ ye à gɥ́ɛ mɔ́ɔ̀wɔ̃̀ã̀ɛ̃̀?”

²³ Ê pɵ, “Kɵ́dèekɛ̃̀ɛ̃̀ mǝ̀ kǝ̀ɛ̀, a mɛ̀ɛ̀ ã́ã̀ ló.” Àmɔ́ɔ̀wɔ̃̀ Zóà yà pɵàlǝ̀, “Kǝ ɓò ló.” Lɛ̀kɔ̀ɔɛ Àhímàà è bɔ zɛ̃ã lɛ̀ tɛ́nɛ́tɛ̀ lɛ̀ ɓà blàga yaa ká é zìè Kúsìmi ɓɛ là.

²⁴ Lɛ̀ nɛ̀ ɓàɛ̀ Dèɓé è kǝ̀ yàɥ̀ká pɵvà glàlí é keeɛ wãã̀ glàlí é planɛ wo son. Lɛ̀kɔ̀ɔɛ nyákǝ̀ pɵàmɛ̀ è dà nan pɵtróó là, lɛ̀ éye nyá sɥ lúúɛ é gɔ̃ɔ̃̀ do ye nulɛ̀à blàká.

²⁵ Lɛ̀kɔ̀ɔɛ nyákǝ̀ pɵàmɛ̀ è kíŋ lɔ̀ɔ̀kǝ̀ ê bìɛ̀ à lǝ̀. Kíŋ yà pɵ, “É kɛ̃̀ɛ̃̀ mɛ do mɥ̀ɛ̀ kǝ è nù wɔ̃́tàà ká.” Kǝ è nulà è gã́ã́là kɵ̀ɵ.

²⁶ Lɛ̀kɔ̀ɔɛ nyákǝ̀ pɵàmɛ̀ è mɛ do ɓáá ye nulɛ̀à blàa, é lɔ̀ɔ̀kǝ̀ glàlí ɓà ê pɵ, “Kà lɛ̀gà dè, gɔ̃ɔ̃̀ do ɓáá è nulà blàkáɔ́!” Kíŋ yà pɵ, “Ye dèe è nù wɔ̃́tàà ká pɵ́.”

²⁷ Lɛ̀kɔ̀ɔɛ nyákǝ̀ pɵàmɛ̀à pɵ, “Mɛ bìɛ̀zǝ̀ ɓɛ è blàsɥ̀ nɛ̀ɛ̀ Zádɔ̀ gbɵ Àhímàà lɵ́.” Kíŋ yà pɵ, “È gɔ̃ɔ̃̀ kpã̀ã̀zǝ̀ ká. Nu ê ɓolà wɔ̃́tààsǝ̀ ká ɓǝ.”

²⁸ Lɛ̀kɔ̀ɔɛ Àhímàà è kíŋ lɔ̀ɔ̀kǝ̀ gbéè ká ê pɵ, “À sáálɵɛ è sǝ̀.” É gblɥ̀nsɛa kíŋ líé éye kpòn pàsɛ́á, ê pɵ, “Lúà è kpɔ́ Yàwɛ ɓa Aaɓi ɓɛ ɓà, ye é kɔ̀zìèkɔ̀là nu ɥ lǝ̀ mɛnù wóo kɔ̀ sɥlúú, ma kíŋ, ɥ gɔ̀ɛ̀ làluo.”

²⁹ Kíŋ yà lɛ̀ɛ̀kpɔ́ kǝ̀, “Nǝ́gɔ̃ɔ̃̀ Ásálɔ̀n è má sǝ̀à?” Àhímàà yà zǝnu wòa nɛ̀ɛ̀, “Lɛ̀ Zóà yà n bɔɛ a mɛnù yè kǝ wà dɔ zàkàzàlɵ, kǝǝ pǝ ê káɛ n ká à dɔ.”

³⁰ Lɛ̀kɔ̀ɔɛ kíŋ yà pɵ, “Ƃò nu ɥ́ dɔ zɵ.” É lo é dɔ mà.

³¹ Lɛ̀ wó lɛ̀gàɛ̀ kǝ Kúsìmi ɓɛ è nulà. Ê pɵ, “A nù wɔ̃́tààsǝ̀ ká ɥ píé, n dɛn ma kíŋ! Ƃií Yàwɛ yà ɥ gɔ̀la gbɛ̃́ã̀ yì nɛ̀ ká mɛ sáálɵ wó wrùù ɥ gɔ̀ɛ̀ waa píígbéèlɛ̀ gɔ̀.”

³² Kíŋ yà pɵ Kúsìmi ɓɛ lǝ̀, “Nǝ́gɔ̃ɔ̃̀ Ásálɔ̀n è ɓǝ sǝ̀à?” Kúsìmi yà pɵ, “N dɛn ma kíŋ, gó ɥ dǝgbɵnù wãã̀ mɛ sáálɵ wo wrùù ɥ gɔ̀ wɔ̃̀ɔ̃̀ wɔ̃́yaa kǝɛ, wò kǝ nɛ̀ɛ̀ nǝ́gɔ̃ɔ̃̀ ɓɛ lɵ́.”

³³ Lɛ̀kɔ̀ɔɛ kíŋ ɓɛ é dà wɛ̀ɛ̀ gɥ́ dèèdè, é lo luo e wɔ̀lɛ̀ ɓà kɔ́ é kǝ̀ pɵtróó làɛ̀ gɥ́, é gbɵbɔ. Lɛ̀ é kǝ̀ lólɛ̀àɛ̀ kǝ yà pɵlà, “Ô n gbɵ Ásálɔ̀n, n gbɵ, n gbɵ Ásálɔ̀n! Dɵ̂ pɵ mazǝ̀ á ga nɛ̀ò, ô Ásálɔ̀n, n gbɵ, n gbɵ!”