2 Sámìɔ̀ 17 - Aaɓi Kwì

Húsàì è zɛ̃ã yaa zɔ̃̀ Ásálɔ̀n lǝ̀

¹ Zɥ́ɛ Àhítófǝ̀à pɵ̀ Ásálɔ̀n lǝ̀, “Gó á gɔ̃ɔ̃̀nù vù gɔ́ɔ̀do ga pèètɛ (12,000) sɥ́ á wo bɔ wɔ̃̀ɔ̃̀ tó Dèɓé píé blàa gbengɥ́à.

² Yàkɔɔ́ɛ a lò gbɛ̀ì à là à gɥ́ yà ga à zòɔ yà dàzrɥɵɛ ká. Súó yà dà mɛ sáálɵɛ là wà dùàɛ̀ kǝ ã́ã̀ waa kíŋ dokpã́ã́ zǝ,

³ kǝ ã́ã̀ yíɛ́ mɛ wó ɓǝ sáálɵɛ ká wo zɥ́ ɥ píé nɛ̀zɛ̃ã gɔ̃ɔ̃̀sɥ́lè lɵ́ nu làà ká kee é gɔ̃̀ píéɛ lɵ́. Gɔ̃ɔ̃̀ dokpã́ã́ ɥ̂ mɛ̀ɛ̀ ɥ́n zǝ, kǝ mɛ wó to sáálɵɛ wo zòɔ yà yà wo grú.”

⁴ Zrɔ̀à ɓɛ è Ásálɔ̀n zòɔgrúlì wãã̀ Ézrɛ̀ nyɔàzǝ̀ ká.

⁵ Ásálɔ̀n yà pɵ, “Kà Ákèmi Húsàì lɔ̀ɔ̀kǝ pɵ́, kwá wɔ̃́ ê gɔ̀ nyàà biɛ̀ɛ̀ ma.”

⁶ Lɛ̀ kǝ̀ pɵ́ Húsàì è nu Ásálɔ̀n píéɛ, Ásálɔ̀n yà pɵ, “Zrɔ̀à é Àhítófǝ̀à zɔ̃̀ɛ̃̀ gà é nɛ̀. Kwá tó à píéa? Yaâ pɵ́ɛ ɓò pǝ lo kǝɛ biɛ̀.”

⁷ Lɛ̀kɔ̀ɔɛ Húsàì yà pɵ Ásálɔ̀n lǝ̀, “Yi àyé nɛ̀ káɛ Àhítófǝ̀ yaá zrɔ̀à sǝ̀ zɔ̃̀.

⁸ Ч gɥ́dɔ̀ nɛ̀ɛ̀ ɥ dǝ wãã̀ gɔ̃ɔ̃̀nù wó à píéɛ krúázǝ̀ mɥ̀ woá, ĩ́ĩ́ nàzɔ̀à è wo gɥ́ nɛ̀ɛ̀ tìnà wó à nǝ́nù kɔ̃̀ã̀ɓo à ɓà blɥɵɛ lɵ́. Zɥ́ɛ ɥ dǝ ɓɛ grù krúá mɥ̀. Yaá ló kǝ mɛnù ɓɛ píé gbengɥ́à.

⁹ Dɔ̀ù nɛ̀ yà e bĩ̀ dù do gɥ́, yaá pɵ́ɛ è lò kǝ lɛ̀gbɛ ɓà. Yàkǝpɵ́ Dèɓé yà grù yà ɓa mɛnù ɓà ga ya ɓɔɛ, mɛ sáálɵ é loà maɛ è lòà pɵ, ‘Wà zɔɔkǝ mɛnù wó to Ásálɔ̀n píéɛ píé dèèdè.’

¹⁰ Yàkɔɔ́ɛ krúá dèpɵ́ à zò lɵ́ gbéè ê zòɔ lɵ́ ŋlàn nɛ̀ɛ̀ ganìa lɵ́ɛ à zòɔ è lò sɵ̀ŋɵ súó ká, ɓií Ézrɛ̀mɛ̀ sáálɵɛ wà gɥ́dɔ̀ nɛ̀ɛ̀ grù krúá mɥ̀à ká, ĩ́ĩ́ mɛnù wô píéɛ gɔ̃ɔ̃̀nù zògbéèzǝ̀nù mɥ̀ wo ká.

¹¹ Kǝǝ zrɔ̀à â zɔ̃̀ɛ̃̀ é tɔɔ kǝ Ézrɛ̀mɛ̀ sáálɵ wó go lúúzɛ̃ã Dã́ã̀ wó loá Goúzɛ̃̀ã Bìɛ̀síbàɛ̀ wɔ̃̀ɔ̃̀ pá wo kóà ɥ píé do wo kǝ̀ và kɔ̀ kǝ̀ nɛ̀ɛ̀ yóó nyǝ́n lɵ́ yóó kpónlíéɛ, ɥ dè ɥ́ ye wo píé ká ló kó ɓɛ píé.

¹² Yàkɔ̀ɔɛ lɛ̀ sáálɵ kwa lò Dèɓé yeàɛ̀, kwa lò kóyà àɓà kɔ̀pɛ̃́ã́ sáálɵɛ là. Yàkɔɔ́ɛ à dèò ĩ́ĩ́ à píémɛ̀nùò à gbɛ ká ló la.

¹³ Àyé yà yíɛ́ e zɥ́ yà ló pɵɵɛ kǝ Ézrɛ̀mɛ̀ sáálɵɛ wò lò nu ɓɥ̀ǝ ká kwã́ã̀ pɵ kpɔ̀n ɓɛ gblɥǝ̀ goopíé nyɛ̀ɛ̀ toápɵ́ à gùǝ̀ nǝ́ do yaá ló to e kólà má.”

¹⁴ Lɛ̀kɔ̀ɔɛ Ásálɔ̀n wãã̀ Ézrɛ̀ gɔ̃ɔ̃̀ nù wô pɵ, “Zrɔ̀à é Ákèmi Húsàì yà zɔ̃̀ɛ̃̀ è sǝ̀ é zìèa Àhítófǝ̀ a zrɔ̀à làluo.” Ƃií Yàwɛ yàà kɛ̃̀ãkã́ kǝ nyɛ̀ɛ̀ Àhítófǝ̀a zrɔ̀à gɥ́sìè, kǝ Yàwɛ nyɛ̀ɛ̀ nu wɔ̃́yaa ká Ásálɔ̀n là.

Wò lùòpɵ̀ Dèɓé lǝ̀ é dùà

¹⁵ Lɛ̀kɔ̀ɔɛ Húsàì è zɛ̃ã é zrɔ̀à zɔ̃̀ã Ásálɔ̀n wãã̀ Ézrɛ̀ gɔ̃ɔ̃̀nù lǝ̀ɛ̀ wãã̀ Àhítófǝ̀ ɓà zrɔ̀à ê zɔ̃̀ɛ̃̀ ê bìɛ̀ Zádɔ̀ wãã̀ Ábìátà wó sraɓomɛ̀nù káɛ lǝ̀.

¹⁶ Àmɔ́ɔ̀wɔ̃̀gɥ́ɛ Húsàì yà pɵ, “Ƃò mɛ bɔ zálɵ, dɔ̀ùnɛ̀! À biɛ̀ Dèɓé lǝ̀ kɵ́kǝ̀ é wɔ̀ Zɔ́dàn Yì kã́lɛ̀ ɓà gbengɥ́à kǝ è yíkã́ zálɵ kɵ́kǝ̀ wó nu wo ye wɔ̃̀ɔ̃̀ wo zǝ.”

¹⁷ À yi ɓɛ káɛ Zɔ̀nátã̀ wãã̀ Àhímàà wò kǝ̀ dɔlɛ̀à wo pã́ã́ɓo wò gɔ̀ Ɛ̀nrógɛ̀ Yíɓɔlɛ̀ ɓà, Zɛ̀rúsálɛ̀n pɵ̀ líétólɛ̀ ɓà. Yàkǝɛ nǝ́lezǝ̀ do é lo yaà wɔ̃́ bìɛ̀ wo lǝ̀, yàkɔɔ́ɛ to wó lo wô bìɛ̀ Kíŋ Dèɓé lǝ̀, ɓií yaâ ɓà mɛnù wɔ̃̀ɔ̃̀ wo ye dàlɛ̀à pɵɵ.

¹⁸ Kǝǝ yi do káɛ nǝ́gɔ̃ɔ̃̀zǝ̀ do è wo yè, ê bìɛ̀ Ásálɔ̀n lǝ̀. Àmɔ́ɔ̀gɥ́ɛ wò lò blàa Bàhúrìn gɔ̃ɔ̃̀ do píékee. Yipɔ̃́n grù kǝ̀à gɔ̀ àɓà kɔ́ sɔ́, é wó loà gɥ́.

¹⁹ É gɔ̃ɔ̃̀ ɓɛ à bɔú è pǝ sɥ ê kpà grù ɓɛ líà, é bálè wròàlà, é mɛgbɛ yaá wɔ̃́ gɥ́dɔ nyɛ̀ɛ̀ gbã̀ àɓà.

²⁰ Lɛ̀ Ásálɔ̀na yiɛmɛ̀nù wó nu le ɓɛ píé à píékeeɛ, wô pɵ, “Àhímàà wãã̀ Zɔ̀nátã̀ ɓɛ wò mǝ́ɛ?” É le ɓɛ ê pɵ wo lǝ̀, “Wà yíkɔ̀nǝ́ ɓɛ kã́.” Lɛ̀ wà wo mɛɛ̀ é waá wo yeɛ wó yìɛ̀ wo zɥ́ wó lo zrɥɵ Zɛ̀rúsálɛ̀n.

²¹ Lɛ̀ wà lóɛ, gɔ̃ɔ̃̀nù ɓɛ wó go yí grù ɓɛ gɥ́ wó lo wô bìɛ̀ Dèɓé lǝ̀. Wó zrɔ̀à Àhítófǝ̀ yàà zɔ̃̀ à gɔ̀ɛ̀ bìɛ̀ à lǝ̀ wô pɵ, “À kǝ síèsíè ɥ́ yí kã́.”

²² Lɛ̀kɔ̀ɔɛ Dèɓéè wrùù wãã̀ mɛ sáálɵ wó kǝ̀àpíéɛ ká, é wó Zɔ́dàn Yì kã̀. Kǝ lɛ̀ nyɛ̀ɛ̀ kɔ̀ pósɥ̀àɛ̀ kǝ mɛ sáálɵɛ wà yí kã́.

²³ Lɛ̀ Àhítófǝ̀ yà ye nɛ̀ɛ̀ Ásálɔ̀n yaá tó àɓà zrɔ̀à píéɛ, è yà yaa sòfã̀ã tàà é lo e píékee é plɵ̀ɵ̀. Lɛ̀kɔ̀ɔɛ éye píékeelɛ̀ dɔkpàɥ, éye dè dũ, é ga, wô bĩ̀ e dǝa mɛbĩ̀lɛ̀ ɓà.

²⁴ Lɛ̀ Dèɓé yà nu Màhánìn pɵɵɛ̀, kǝ Ásálɔ̀n yà Zɔ́dàn Yì kã́ wãã̀ Ézrɛ̀ gɔ̃ɔ̃̀nù sáálɵɛ ká.

²⁵ À yi ɓɛ káɛ kǝ Ásálɔ̀n ya Àmásà kǝ krúávà ká Zóà pĩgɥ́. Àmásà ɓɛ à dǝ tɔɔ Ítrà é Ísímìɛ̀mi káɛ. À bɔú è kǝ̀ Nàhásì lú Ábígéè é kǝ̀ Zóà le Zɛ̀rúà legrú káɛ ká.

²⁶ Lɛ̀kɔ̀ɔɛ Ézrɛ̀mɛ̀nù wãã̀ Ásálɔ̀n wò yà Gélìɛ̀ sɛ̀ gɥ́.

²⁷ Lɛ̀ Dèɓé yà nu Màhánìnɛ̀, Ámɔ̀nmi Nàhásì é go Wrabàɛ̀ à gbɵ Sóbì, Ámìɛ̀ gó Lòdébà gbɵ Mákǝ̀ǝ̀, wãã̀ Gélìɛ̀mi Bàzílàì é go Wrògélìnɛ̀,

²⁸ wò nù wɔ̀àlà pǝ̀nù, bɔ̀lànù, pǝzrùu gbɔ̀nù, gbɔwɛ́á plǝǝ̀zǝ̀, wítì, bálè, mlɥ̀ bì, kpǝ̀ɥ plàɥ̀, ze,

²⁹ zɔ́nyɔ́, dùnyɔ́yí blɛ̀, wãã̀ à kpéá kpo, wãã̀ ɓlánù ká, kǝ Dèɓé wãã̀ yaa mɛnù wã̀ã̀ ɓɵ̀. Ƃií wà gɥ́dɔ̀ nɛ̀ɛ̀ Dèɓé wãã̀ yaa gɔ̃ɔ̃̀nù wo gɥ́ lò ga, dĩ wãã̀ yímɥlɔ̀ lò kǝ yɛ̀ilà.