2 Sámìɔ̀ 16 - Aaɓi Kwì

Dèɓé wãã̀ Zíbà

¹ Lɛ̀ Dèɓé yà zie tɔ̃̀ ɓɛ tuo ɓlɵ́téé káɛ, wãã̀ Mɛ̀fíbósɛ̀a yiɛmɛ̀ Zíbà wóo kóye sòfã̀ã pèètɛ wóo tàkũɛ ká, é ɓɵ̀pǝ̀nù kǝ̀ wo tààɛ̀ tɔɔ blɛɛ̀kpo kǝ̃̀ǝ̃ pèètɛ, gréè kpɛ́á bè kǝ̃̀ǝ̃ do, ɓɵ̀ xlɥ̀ɓɛ sàà bè kǝ̃̀ǝ̃ do, wãã̀ wã́ìn wɥkwiɓɔ̀ɔ paɥ̀ do.

² Lɛ̀kɔ̀ɔɛ Kíŋ Dèɓé yà pɵ Zíbà lǝ̀, “Mǝ̀kǝ̀ ɥ́ nu pǝnù nɛ̀ káɛ?” Zíbà yà pɵ, “Sòfã̀ã ɓɛ a nù wo ká ɥ píékeemɛ̀nù lɛ̀ wã̀ã̀ tá, blɛɛ̀ wãã̀ xlɥ́ɓɛnù ɓɛɛ a nùa ɓa krúánù wã̀ã̀ ɓɵ̀, wã́ìn ɓɛ dèe kǝ mɛ̀nù wo fã̀ã yà nyiɛ yɛ̀igɥ́ɛ wã̀ã̀ mɥ.”

³ Lɛ̀kɔ̀ɔɛ Kíŋ Dèɓé yà pɵ, “Ч dɛn Sɔ́ɔ̀a naá Mɛ̀fíbósɛ̀ é mǝ́ɛ?” Zíbà yà pɵ kíŋ lǝ̀, “Lɛ̀gà, è tò Zɛ̀rúsálɛ̀n pɵɵ, ɓií yà pɵ̀, ‘Gbɛ̃́ã̀ɛ̃̀ Ézrɛ̀ píékeemɛ̀nù wò lò n dǝ vàa kíŋsɛ̀ nu n lǝ̀.’ ”

⁴ Lɛ̀kɔ̀ɔɛ kíŋ yà pɵ Zíbà lǝ̀, “Lɛ̀gà, pǝ sáálɵ wó kǝ̀ Mɛ̀fíbósɛ̀a pǝnù káɛ wà tó ɓa pǝnù ká.” É Zíbà yà pɵ, “Ƃa yuɔkǝmɛ̀ mɥ̀ n ká. Gó n wɔ̃̀yí è kã́ ɥ lǝ̀ kplàɓo, n dɛn ma kíŋ.”

Dèɓé wãã̀ Símíyà

⁵ Lɛ̀ Kíŋ Dèɓé è nu Bàhúrìn pɵɵɛ̀, gɔ̃ɔ̃̀ é kǝ̀ Sɔ́ɔ̀ kpɔ̀grú do ká wô tɔ́lɛ̀ Símíyàɛ̀, è kǝ̀ Gírà gbɵ ká. Lɛ̀ é kǝ̀ nulɛ̀àɛ̀ kǝ è láŋá kpɔ́là Dèɓé ká.

⁶ É Kíŋ Dèɓé wãã̀ yaa yuɔkǝmɛ̀nù zùò gùǝ̀ ká, kɵ́dèe kɛ̃̀ɛ̃̀ àɓà mɛnù sáálɵɛ wãã̀ krúázǝ̀ wò kǝ̀ à píé à krɛ̀ɛ̀ wãã̀ à kɔàgɥ́ɛ ká.

⁷ Símíyà è láŋá kpɔ̀a wòa nɛ̀ɛ̀, “Ƃò gó zɵ, ɓò gó zɵ, fɛírò gɔ̃̀ɔ̃̀ fɛ́ìfɛ̀ì ɥ́ nɛ̀!

⁸ Ч Sɔ́ɔ̀a kíŋsɛ̀ kũ̀ ɥ́ yààlà, lɛ̀ é pɵ́ɛ Yàwɛ yà ɥ kɔ̀ɔ̀ nu Sɔ́ɔ̀ píékeemɛ̀nù fɛí ɥ́ wròɛ̀ mɔ́ɔ̀wɔ̃̀ɓà, é Yàwɛ yà kíŋsɛ̀ ɓɛ dɔ ɥ gbɵ Ásálɔ̀n kwɛɛ. Lɛ̀gàɓǝ, ɓa gɥ́sìèle yà nu ɥ dè tuo, ɓií fɛíròmɛ̀ mɥ̀ ɥ ká.”

⁹ Lɛ̀kɔ̀ɔɛ Ábísàì Zɛ̀rúà gbɵ yà pɵ Kíŋ Dèɓé lǝ̀, “Mǝ̀kǝ̀ gbɛ̃ gɵ̀ɵ̀ wɛ́á nɛ̀ é láŋá kpɔ́là ma kíŋ, ɥ ká nɛ̀? Gó á ló má â gɔ̀ sɥ́àlàɛ̀.”

¹⁰ Kǝǝ Kíŋ Dèɓé yà pɵ̀, “Kaa mǝ̀wɔ̃̀ mɥ̀ì, Zɛ̀rúà gbɵnù ká nɛ̀? É kɛ̃̀ɛ̃̀ Yàwɛà pɵ̀àlǝ̀ è láŋá kpɔ́ n káɛ dɵ̂ mɔ̀à nyàà pɵ, ‘Mǝ̀kǝ̀ ê kɔ̀ɔ̀ɛ?’ ”

¹¹ Lɛ̀kɔ̀ɔɛ Dèɓé yà pɵ Ábísàì wãã̀ àɓà yuɔkǝmɛ̀nù lǝ̀, “Lɛ̀ n dè n gbɵ lɵ̂ mɛ̀ɛlà nyɛ̀ɛ̀ n zǝɛ, kǝ Bɛ́nzémɛ̀mi nɛ̀à! Kà gó à zɥ̀ è láŋá kpɔ́, ɓií Yàwɛ ê pɵ yà kɔɔ́.

¹² Yigbúkáɛ Yàwɛ è lò lɛ̀gà ma króɓole là nyɛ̀ɛ̀ n kɔ̀ɔ̀ nu lúà ká láŋá é kpɔ́là n ká gbɛ̃́ã̀ nɛ̀ pĩgɥ́.”

¹³ Lɵɛ Dèɓé wãã̀ yaa gɔ̃ɔ̃̀nù wò lò wo líe zɛ̃ãpíé, kǝ Símíyà è bɔà tɔ̃̀ gúà yaà tòa wo píé, yaà láŋá kpɔ̀, ê zùò gùǝ̀ ká, yaà muù pɛ̃̀ àɓà.

¹⁴ Lɛ̀ kíŋ wãã̀ yaa mɛnù sáálɵ wó kǝ̀ à píéɛ wò wò lɛ̀ wó loàɛ̀ ɓàɛ̀ kǝ wà kǝ tǝ́ǝ́tǝ̀ wo gɥ́ yà ga dèèdè. Lɛ̀ ɓɛ wóo fùà à ɓà.

Ásálɔ̀n wãã̀ yaa mɛnù wò Zɛ̀rúsálɛ̀n

¹⁵ À yi ɓɛ káɛ Ásálɔ̀n wãã̀ Ézrɛ̀mɛ̀ wó kǝ̀à píéɛ wò nù Zɛ̀rúsálɛ̀n, é Àhítófǝ̀ è kǝ̀ wo píé.

¹⁶ Lɛ̀ é Dèɓé ɓá Ákèmi Húsàì è nu Ásálɔ̀n píéɛ, Húsàì yà pɵ Ásálɔ̀n lǝ̀, “Kíŋ ɓò grɔ̀ɔ̀! Kíŋ ɓò grɔ̀ɔ̀!”

¹⁷ Lɛ̀kɔ̀ɔɛ Ásálɔ̀n yà pɵ Húsàì lǝ̀, “Zɛ̃ã ɥ̂ ká wɔ̃́dèzǝ̀ ɥ ɓá lǝ̀ɛ̀ é nɛ̀à? Mǝ̀kǝ̀ kãã̀ ɥ ɓá kaá lóe?”

¹⁸ Lɛ̀kɔ̀ɔɛ Húsàì yà pɵ Ásálɔ̀n lǝ̀, “Kpɛ́íi, ɓií mɛ é Yàwɛ, ĩ́ĩ́ mɛnù wó nɛ̀, wãã̀ Ézrɛ̀mɛ̀ sáálɵɛ wàà sɥ́ɛ á lo kǝ à ɓà mɛá ĩ́ĩ́ ye á lo to à píé.

¹⁹ Dɵ dè á lo to à píée? Ƃi Dèɓé gbɵ mɥ̀, kǝ ã́ã̀ yuɔkǝ ɥ lǝ̀ nɛ̀zɛ̃ã â kǝ̀a ɥ dǝ lǝ̀ɛ̀ lɵ́.”

²⁰ Lɛ̀kɔ̀ɔɛ Ásálɔ̀n yà pɵ Àhítófǝ̀ lǝ̀, “Ƃò ɥ ɓà zrɔ̀à zɔ̃̀ wɔ̃́ nɛ̀ gɥ́, mǝ̀ kwá loà kǝɛ̀?”

²¹ Àhítófǝ̀ yà pɵ Ásálɔ̀n lǝ̀, “Ƃò ló kãã̀ ɥ dǝa mɛsǝ̀nù é wo to kɔ́píé ɓɛ kaa sɛ̀ɛ è kǝ do. Yàkɔɔ́ɛ Ézrɛ̀mɛ̀ sáálɵɛ wò lòà ma nɛ̀ɛ̀ ɓá ɥ dè kǝ ya ɥ dǝ lǝ̀, kǝ wo fã̀ã nyɛ̀ɛ̀ mǝ́ wo gɥ́ nyɛ̀ɛ̀ kǝ gbéè.”

²² Lɵɛ wò sɔkɔ́ dɔ̀ kɔ́ là nan, é Ásálɔ̀n wãã̀ à dǝa mɛsǝ̀nù ɓɛ waa sɛ̀ɛ è kǝ̀ do Ézrɛ̀mɛ̀ sáálɵɛ pɛá.

²³ À yi ɓɛ káɛ zrɔ̀à é Àhítófǝ̀ yà zɔ̃̀ɛ̃̀ è kǝ̀ nɛ̀ɛ̀ mɛ éye gɔ̀dã Aaɓi-líwò pɵmɛ̀ káɛ lɵ́. Zɛ̃ã nɛ̀ é Àhítófǝ̀a zrɔ̀à è kǝ̀a kpã̀ã̀zǝ̀ teelɵ Dèɓé wãã̀ Ásálɔ̀n wo lǝ̀.