2 Sámìɔ̀ 15 - Aaɓi Kwì

Ásálɔ̀n yà kɛ̃̀ãkã̀ nyɛ̀ɛ̀ dɔ̀nyǝ́n kǝ

¹ Lɛ̀ wɔ̃́nɛ̀ yà zieɛ, Ásálɔ̀n è kálìà lɔ̀ e dè lǝ̀ wãã̀ sònù ká, é gɔ̃ɔ̃̀nù gɔ́ɔ̀ sɔ́ɔ́lú sɥ wɔ̃̀ɔ̃̀ blàsɥ́ à líé.

² Lɛ̀àlíé yi sáálɵɛ káɛ Ásálɔ̀n è wrùù é dɔ pɵvà glàlí ɓà. Yàkɔɔ́ mɛ sáálɵ é nuà yaa za ká kíŋ píéɛ, to Ásálɔ̀n yà lɔ̀ɔ̀kǝ̀ ê pɵ, “Ч gò pɵ mlǝ̀ǝ̀zǝ̀ gɥ́i?” Àyé yàà pɵ, “Ƃa yuɔkǝmɛ̀ è gò wòpɵmɛ̀ nǝ̀ǝɛ son Ézrɛ̀ sɛ̀ gɥ́ɛ,”

³ to Ásálɔ̀n yà pɵàlǝ̀, “Ч lɛ̀yèà, ɓa za è sǝ̀ wɛ́á, kǝǝ kíŋ yaá mɛgbɛ sɥ́ e nyága ká kǝ nyɛ̀ɛ̀ lɛ̀gà ɓa wɔ̃́ ɓɛ gɥ́.”

⁴ Ásálɔ̀n yà pɵ zɥ́, “Dɵ pɵ zadɔmɛ̀ mɥ̀ n ká sɛ́nɛ̀gɥ́ wɛ̀! È kǝ̀pɵ́ɛ gɔ̃ɔ̃̀ dodo sáálɵ àɓà za lɵ́lɵ̀ɛ̀ nyɛɛ̀ nu n píé kǝ ã́ã̀ à ɓà za dɔ kpenlɵ.”

⁵ Lɛ̀kɔ̀ɔɛ gɔ̃ɔ̃̀ sáálɵ é nulà Ásálɔ̀n sɔ́ nyàà ɓlɛ̀kpɔ́ɛ, yà koò à líéɛ to éye kɔ̀pò é yàà kɔ̀à, é wròàɓà, éye bɛ̃̀pàa.

⁶ Zɛ̃ã nɛ̀ é Ásálɔ̀n yà kǝ̀a Ézrɛ̀mɛ̀ sáálɵ wó nu waa za ká kíŋ píéɛ gɔ̀. Àmɔ́ɔ̀wɔ̃̀gɥ́ɛ Ásálɔ̀n è gɔ̃ɔ̃̀nù wó kǝ̀ Ézrɛɛ̀ zòɔɓò.

⁷ Lɛ̀ kwɛ̀ yììsiɛ yàzieɛ Ásálɔ̀n yà pɵ̀ kíŋ lǝ̀, “A ɓɛ̀à ɥ lǝ̀ gó á ló á n wòɓɵ̀wò â kǝ̀ Yàwɛ lǝ̀ Hɛ́brɔ̀n pɵɵɛ kǝ.

⁸ Ƃií a n wòɓɵ̀ lɛ̀ á kǝ̀ Gɛ́sɔ̀ lɛ̀ ɓà, Sírìà sɛ̀ gɥ́ɛ ká, nɛ̀ɛ̀, ‘Àyé Yàwɛ yà nu n ká zɥ́ Zɛ̀rúsálɛ̀nɛ̀, yàkɔɔ́ɛ a lò gblɥn Yàwɛ lǝ̀ Hɛ́brɔ̀n pɵɵ.’ ”

⁹ Kíŋ yà pɵàlǝ̀, “Ƃò ló pǝ ɥ́ɥ wòɓɵ̀aɛ ɥ̂ kǝ.” Zɛ̃ã ɓɛ ê kǝ̀a é lo Hɛ́brɔ̀n pɵɵ.

¹⁰ Kǝǝ Ásálɔ̀n èmɛ bɔ̀ sénlɵ Ézrɛ̀ sɛ̀ gɔ̀ sáálɵɛ son wòa nɛ̀ɛ̀, “Àyé ká túú wò maɛ kàà pɵ, ‘Ásálɔ̀n yà kǝ kíŋ ká Hɛ́brɔ̀n pɵɵ!’ ”

¹¹ Gɔ̃ɔ̃̀nù kǝ̃̀ǝ̃ pèètɛ é wãã̀ Ásálɔ̀nnù wó go Zɛ̀rúsálɛ̀nɛ̀ wò kǝ̀ nɛ̀ànù wóo lɔ̀ɔ̀kǝ̀, wó lo wo tií waá wɔ̃́ gbɛ gɥ́dɔɛ ká.

¹² Lɛ̀ Ásálɔ̀n è kǝ̀ sraɓolɛ̀àɛ̀ é mɛ bɔ Àhítófǝ̀ é kǝ̀ Gílɔ̀mi káɛ lǝ̀. È kǝ̀ Dèɓéa zrɔ̀àzɔ̃̀mɛ̀ ká. Lɛ̀kɔ̀ɔɛ kǝ bĩ̀wɔ̃̀ ɓɛ èye dɔ̀lɛ̀ yeà, kǝ Ásálɔ̀n a mɛnù tà è kpɔ́là.

Dèɓé è dùà é go Zɛ̀rúsálɛ̀n

¹³ Bɔmɛ̀ do è nù Dèɓé píé ê pɵàlǝ̀, “Ézrɛ̀ gɔ̃ɔ̃̀nù sáálɵɛ wà ló Ásálɔ̀n tàà do.”

¹⁴ Lɛ̀kɔ̀ɔɛ Dèɓé yà pɵ mɛ sáálɵ wó kǝ̀ àɓà yuɔkǝmɛ̀nù ká, wó kǝ̀à píé Zɛ̀rúsálɛ̀nɛ̀ lǝ̀, “Kà wruù kwá dùà, yaá pɵ́ɛ kwa dùàlɛ̀ yaá ló kǝ lɵ̀ Ásálɔ̀n lǝ̀. Kàà kǝ síésíè kɵ́kǝ̀ é nu gbɛ̀ì kwalà zálɵ nyɛ̀ɛ̀ nu wɔ̃̀ yaa ká kwa là, nyɛ̀ɛ̀ mɛ sáálɵɛ zǝ pɵnɛ̀ gɥ́.”

¹⁵ Lɛ̀kɔ̀ɔɛ kíŋ a yuɔkǝmɛ̀nùà pɵàlǝ̀, “Lɛ̀gà, yi dɛn, yi dèpǝ̀kǝɥ̀ mɥ̀ nyíì pǝ sáálɵ ɥ̂ pɵɛ kǝ.”

¹⁶ Lɛ̀ yà kɔɔ́ɛ kíŋ è ye líé, à píékeemɛ̀ sáálɵɛ wó toà píé. Kǝǝ àɓà mɛsǝ̀ gɔ́ɔ̀do wò tò sɛa wɔ̃̀ɔ̃̀ wo zòkǝ kɔ́ píé.

¹⁷ Lɛ̀kɔ̀ɔɛ kíŋ ɓɛ é lo líé, àɓà mɛnù ɓɛ lɛ̀ wó gólà pɵɵɛ wó to à píé wó lo wó dɔsɛa kɔ́ kã̀ã̀làzǝ̀ làà.

¹⁸ Lɛ̀kɔ̀ɔɛ àɓà yuɔkǝmɛ̀ sáálɵɛ wó zìè à là, é Kɛ́rɛ̀mɛ̀nù, Pɛ́lɛ̀mɛ̀nù, wãã̀ Gáàmɛ̀ kǝ̃̀ǝ̃ srɔ́àdo wó to à píé wó goá Gáà pɵɵɛ wó zìè kíŋ líé.

¹⁹ Lɛ̀kɔ̀ɔɛ kíŋ yà pɵ Ítàì é kǝ̀ Gáàmi káɛ lǝ̀, “Mǝ̀kǝ̀ ɥ́ to yi píée? Yíɛ́ ɥ zɥ́ ɥ́ tó kíŋ dɔ̀ù píé, ɓií nɛ̀à mɥ̀ ɥ ká, ĩ́ĩ́zɥ́ɛ dùàmɛ̀ mɥ̀ ɥ ká ɥ́ go ɥ plɵ̀ɵ̀ ɥ́ nu zɵ.

²⁰ Ƃá kǝ zɵ yi kɵ̀ɵ wɛ́á ɓà. È lò dɔ lǝ̀ ã́ã̀ ɥ dà ɓaà nìɛ̀nìɛ̀ yi píé kwaà zìèaɛ? Lɛ̀ dè pɵ́ á lólàà ɓàɛ̀ n kâ dɔ. Ƃò yíɛ́ ɥ zɥ́ ɥ́ɥ legrúzǝ̀ sɥ́ kãã̀nù ká ló. Gó Yàwɛ è lɔ̀kǝ̀a à tà yáá bɔɔ̀ɛ̀ kǝ ɥ ká, è kǝ wɔ̃́dèzǝ̀ ɥ lǝ̀ kplàɓo.”

²¹ Kǝǝ Ítàì è kíŋ zǝnù ê pɵ, “Lɛ̀ Yàwɛ lɵ̂ gɥ́ ɓéìɛ̀, ĩ́ĩ́ lɛ̀ ɓi, n dɛn kíŋ ɥ̂ gɥ́ ɓéìɛ̀, lɛ̀ sáálɵ n dɛn ma kíŋ ɥ́ lo kǝàɛ̀, è kǝ̀ ga gɥ́o, é kǝ̀ kǝ̀ɥsɥ̀ gɥ́o, lɛ̀ ɓɛ á lo kǝàɓà.”

²² Lɛ̀kɔ̀ɔɛ Dèɓé yà pɵ Ítàì lǝ̀, “È sǝ̀! Kà zie kwá ló.” Lɛ̀ yàà poóɛ kǝ Ítàì wãã̀ e píémɛ̀ vàvà ĩ́ĩ́ à téété sáálɵɛ wò tólà wo píé.

²³ É sɛ́ɓɛ gɥ́ mɛ̀nù wóo wò sɥlúú wó gbɵbɔ gbéèká lɛ̀ wó Dèɓéa mɛnù ye kǝ wò gblòòlàɛ̀ ká. Kíŋ è Kídrɔ̀n Yìkɔ̀nǝ́ ɓɛ kã̀ wãã̀ yaa mɛnù ká wóo gɔ̀dɔ yɛ̀ìgɥ́ zɛ̃̀ã.

²⁴ Kǝɓoɛ Ábìátà è nù, é Zádɔ̀ dèe é nu pɵ́ wãã̀ Lívàmɛ̀ sáálɵɛ ká, é Aaɓia Wòdɔwò Gblɔ̀n é kǝ̀ wo gɔ̀. Wó Gblɔ̀n ɓɛ dɔsɛa mɥ́ é toápɵ́ mɛ wó ɓǝ sáálɵɛ wó zìè wó goá Zɛ̀rúsálɛ̀n pɵɵ.

²⁵ Lɛ̀kɔ̀ɔɛ kíŋ yà pɵ Zádɔ̀ lǝ̀, “Yíɛ́ ɥ zɥ́ Aaɓia Wòdɔwò Gblɔ̀n ɓɛ ká ɥ́ loá pɵɵ. Àyé Yàwɛ yà n yényeɛ yè lò nu n ká kǝ ã́ã̀ Wòdɔwò Gblɔ̀n nɛ̀ wãã̀ lɛ̀ ê ɓàɛ̀ ye zɥ́.

²⁶ Kǝǝ àyé yàà pɵ, ‘N zòɔ yaá wɔ̃ãn ɥ píéɛ,’ kǝ ma gàa nɛ̀ gó pǝ é lì à lǝ̀ɛ̀ yà kǝ n ká.”

²⁷ Kíŋ ɓɛ ê pɵ zɥ́ sraɓomɛ̀ Zádɔ̀ lǝ̀, “Lɛ̀gà zɵ, yíɛ́ ɥ zɥ́ ɥ́ ló pɵɵ zòɔyàgrú gɥ́, kãã̀ Abìátànù, ɥ gbɵ Àhímàà, wãã̀ Ábìátà gbɵ Zɔ̀nátã̀ ká.

²⁸ A lò dɔsɛa yɛ̀ilà yí kã́ lɛ̀ ɓàà nyɛ̀ɛ̀ toápɵ́ ã́ã̀ wɔ̃́ ma ɥ píé.”

²⁹ Lɛ̀ yà kǝ pɵ́ɛ Zádɔ̀ wãã̀ Ábìátà wò lò Aaɓia Wòdɔwò Gblɔ̀n ɓɛ ká wo tàà Zɛ̀rúsálɛ̀n pɵɵ é wó to má.

³⁰ É Dèɓé è dà Ɔ́lè Tɔ̃̀ ɓà gbɵá e gɛ̃̀ fèè ká, é pǝ wrò e gɔ̀ là yaà lòa. Mɛ sáálɵ wó kǝ̀à píéɛ wò pǝ kpà wo gɔ̀nù là pɵ́ wó gbɵbɔ̀ wó lòa luo.

³¹ Lɛ̀kɔ̀ɔɛ Dèɓé yà mà nɛ̀ɛ̀ Àhítófǝ̀ è mɛnù é wãã̀ Ásálɔ̀nnù wó mǝ́ làà klɥ̀ɥɛ à mɛ do ká. É Dèɓé yà pɵ, “Ô Yàwɛ, a ɓɛ̀à ɥ lǝ̀, ɓò Àhítófǝ̀ a zrɔ̀àkpàà kǝ bɔ̃́ɔ̃̀wɔ̃̀ ká.”

³² Lɛ̀ Dèɓé yà wò tɔ̃̀ ɓɛ tuo lɛ̀ wó gblɥn là Aaɓi lǝ̀ à ɓàɛ̀ ɓàɛ̀, éye ɓá Húsàì é Ákèmi ká éye zòdɔà ɓàɛ̀ ye nulɛ̀à à píé, kǝ àɓà sɔlàsɔ̀ pɛ́sɥ̀mɥ̀, kǝ sɛ́ yà tuo.

³³ Dèɓé yà pɵàlǝ̀, “Àyé ɓá tó n píéɛ ɥ lò kǝ gbɛ̀gbín ká n ɓà.

³⁴ Kǝǝ ɥ lò gbũ n ɓà àyé ɓá yíɛ́ ɥ zɥ́ ɓá ló pɵɵ ɥ́n à pɵ Ásálɔ̀n lǝ̀ ɥ lò yuɔkǝà lǝ̀ nɛ̀zɛ̃ã do ɥ́ yuɔkǝ̀a à dǝ lǝ̀ líéɛ lɵ́ɛ ká. Yàkɔɔ́ɛ ɥ gɥ́dɔgbéè kǝ ɥ́n Àhítófǝ̀ a zrɔ̀àkpàà liɛ̀kɔ̀à.

³⁵ Zádɔ̀ wãã̀ Ábìátà wó sraɓomɛ̀nù káɛ wò lò kǝ ka píé má.

³⁶ Lɛ̀gà, wo gbɵnù pèètɛ, Àhímàà é Zádɔ̀ gbɵ káɛ wãã̀ Ábìátà gbɵ Zɔ̀nátã̀ ɓɛ wòo píé má. Wɔ̃́ sáálɵ ɥ́ loà maɛ woó lo nu wã̀ã̀ biɛ̀ n lǝ̀.”

³⁷ Lɛ̀kɔ̀ɔɛ Dèɓé ɓá Húsàì è lo pɵɵ kǝ Ásálɔ̀n è gbɛ̀ìlà pɵ́ Zɛ̀rúsálɛ̀n pɵɵ mɥ́ nǝ̀ǝ.