2 Sámìɔ̀ 14 - Aaɓi Kwì

Zóà è srǝ́kã̀ kǝ Ásálɔ̀n nyɛ̀ɛ̀ yíɛ́ e zɥ́

¹ Zɛ̀rúà gbɵ Zóà yà gɥ́dɔ̀ nɛ̀ɛ̀ Ásálɔ̀n ye lɔ̀ è Dèɓé kǝ̀ dèèdè.

² Àmɔ́ɔ̀wɔ̃̀ é mɛ bɔ é le zrɔ̀àzǝ̀ do mɛ̀ɛ̀ Tèkóà pɵɵ. Lɛ̀ yà nuɛ, Zóà yà pɵàlǝ̀, “Ƃò kǝ nɛ̀ɛ̀ mɛ é wɛ̀ɛ̀ gɥ́ɛ lɵ́, ɥ́ wɛ̀ɛ̀gɥ́ sɔnù dà ɥ ɓà. Kɵ́kǝ̀ ɥ́ɥ dè glɥ̀ɥ̀ nyɔ́ ká, kǝǝ ɓò ɥ dè kǝ nɛ̀ɛ̀ mɛ yà yà yénzǝ̀ lɛ̀kpààyì plǝǝ̀zǝ̀ ɓà àɓà mɛ é gaɛ mɔ́ɔ̀wɔ̃̀ã̀ɛ̃̀ lɵ́,

³ ɥ́ ló kíŋ píé ɥ́ wɔ̃́ nɛ̀ biɛ̀ à lǝ̀.” Wɔ̃́ á lólàà biɛ̀ ɥ lǝ̀ɛ̀ ɓòà biɛ̀ à lǝ̀.

⁴ Lɛ̀ le é go Tèkóà pɵɵɛ yà nu kíŋ píéɛ, é pɥ̀ɵ̀ sɛa éye kpòn pà sɛ́á, é ɓlɛ̀kpɔ́le nuàlǝ̀, ê pɵ, “Ô kíŋ, ɓò gbũ n ɓà!”

⁵ Lɛ̀kɔ̀ɔɛ kíŋ ɓɛ ê pɵàlǝ̀, “Mǝ̀wɔ̃̀ yé ɥ ɓàɛ̀?” Ê pɵ, “Yénzǝ̀, ma á nɛ̀ legɛ̃̀ã̀ mɥ̀ n ká. N gɔ̃̀ yaâ lɵ̀ gbɔɔ.

⁶ N gbɵnù pèètɛ kǝ̀lɵ̀, é wó línàa dɔ wo koá blɥɵ, mɛgbɛɛ yaá kǝ má nyɛ̀ɛ̀ wo kṹsɛa. Lɛ̀kɔ̀ɔɛ à do èye ɓá ma ê zǝ.

⁷ Gbɛ̃́ã̀yì nɛ̀ káɛ n kpɔ̀grúzǝ̀ sáálɵɛ liɛ̀sɥ̀mɥ̀ n gɔ̀, wà pɵlà á ma nǝ́ do é toɛ nu wã̀ã̀ zǝ e legrú zǝ ê ɓoɛ mɔ́ɔ̀wɔ̃̀ɓà. Àyé yà kǝ pɵ́ɛ nǝ́gɔ̃ɔ̃̀zǝ̀ gbɛ yaá ló to n gɔ̀ nyɛ̀ɛ̀ kǝ ma zòtǝ̃̀àlǝ̀ ká, ĩ́ĩ́ kǝ ma kɔ́dɛn tɔ́ nyɛ̀ɛ̀ to lɵ̀ kplàɓo.”

⁸ Lɛ̀kɔ̀ɔɛ kíŋ yà pɵ le ɓɛɛ lǝ̀, “Ƃò ló ɥ píékee. A lò mɛ pã́ã́ɓo wɔ̃́ é gbã̀ ɥ ɓàɛ̀ ká.”

⁹ Lɛ̀kɔ̀ɔɛ le é go Tèkóà ɓɛ ê pɵ kíŋ lǝ̀, “Go za è wrò n tuo, n dɛn, ma kíŋ, za è wrò n dǝ píékeemɛ̀nù tuo. Kǝǝ gó kíŋ wãã̀ e píékeemɛ̀nù ɓɛ za è li wo ɓà.”

¹⁰ Kíŋ yà pɵ, “Àyé mɛ yà wɔ̃́ biɛ̀ ɥ káɛ, ɓò nuá n píé, é kɔɔ́ɛ e ká ló pa ɥ ká gbɔ.”

¹¹ Lɛ̀kɔ̀ɔɛ le ɓɛ ê pɵ kíŋ lǝ̀, “Ƃa gǝ̃̂sǝ̀ ɓò ɓɛà Yàwɛ ɓa Aaɓi lǝ̀ kɵ́kǝ̀ fɛíròmɛ̀ gbɔ̀ɓomɛ̀ è nu n gbɵ do é toɛ gɥ́sìè.” Kíŋ yà pɵ, “Lɛ̀ Yàwɛ lɵ́ ɓéìɛ̀ ɥ gbɵa wũka do wɛ́ázǝ̀ yaá ló pɥ̀ɵ̀ sɛa.”

¹² Lɛ̀kɔ̀ɔɛ le ɓɛ ê pɵ zɥ́, “N dɛn, ma kíŋ, ɓa gǝ̃̂sǝ̀, gó á wɔ̃́ do é toɛ biɛ̀.” Ê pɵ, “Ƃò wé.”

¹³ Le ɓɛ ê pɵ, “Kǝ mǝ̀kǝ̀ ɥ́ wɔ̃́ sùu pɵ́ɛ kɛ̃̀ãkã̀ Aaɓia mɛnù gɔ̀ɛ̀? Ƃií wɔ̃́ ɥ́ bìɛ̀ nɛ̀ ɓá za wrò ɥ dè tuo, é tɔɔ ɥ ká wéà kǝ ɥ́n nu ɥ gbɵ ká e dè plɵ̀ɵ̀ zɥ́ do.

¹⁴ Yè kwaɓà kwa sáálɵɛ kwã́ã̀ ga. Kwa nɛ̀ɛ̀ yí wô wrò sɛaɛ lɵ́, waá mɔ̀à wã̀ã̀ pákóà gbɔɔ. Àdèpɵ́ Aaɓi yáá wéàɓà mɛ̀ é dùà àɓàɛ̀ nyɛ̀ɛ̀ ga, kǝǝ è zɛ̃ã mɛɛ̀ nyɛ̀ɛ̀ nu mɛ é yà dùàɛ̀ ká e dè píé.

¹⁵ Lɛ̀ é pɵ́ɛ a nù ã́ã̀ wɔ̃́ nɛ̀ biɛ̀ ɥ lǝ̀ n dɛn ma kíŋ, ɓií kǝɓoɛ mɛnù wò n kwísùò, lɛ̀kɔ̀ɔɛ â pɵ a lò wɔ̃́ biɛ̀ ɥ lǝ̀ zòtǝ̃́sɥ̀ ká nɛ̀ɛ̀ pǝ á loà pɵɛ ɥ lòà kǝ.

¹⁶ Ƃií a yèa nɛ̀ɛ̀ ɥ lò ɥ tóto n gɔ̀ ɥ́n n gɔ̀la mɛ éye gɥ́dɔlà gbéè nyɛ̀ɛ̀ nyià n gbɵ yi zǝ kǝ nyíì gó sɛ́ é Aaɓi yà nu yaa mɛnù lǝ̀ɛ̀ gɥ́ɛ gɔ̀.

¹⁷ Ƃa yuɔkǝlè é n káɛ a n zòtà â pɵ n dɛn ma kíŋ, ɥ wò ɓɛ è lò n gɔ̀ la, ɓií ɓi kíŋ, ɥ kɛ̃̀ɛ̃̀ Aaɓia naàlú bɔmɛ̀ lɵ́ lɛ̀yè wɔ̃́ sǝ̀ wãã̀ wɔ̃́ yaa gɥ́sɥ̀ mɔ́ɔ̀wɔ̃̀ã̀. Gó Yàwɛ ɓa Aaɓi ɓɛ è kǝ ɥ píé!”

¹⁸ Lɛ̀kɔ̀ɔɛ kíŋ yà pɵàlǝ̀, “Kɵ́kǝ̀ ɥ́ɥ bĩ̀ n gɔ̀ wɔ̃́ á lóà ɥ lɛ̀ɛ̀kpɔ́kǝáɛ gɥ́.” Le ɓɛ ê pɵ, “N dɛn ma kíŋ ɓò n lɛ̀ɛ̀kpɔ́kǝ.”

¹⁹ É kíŋ yà pɵ, “Zóà kɔ̀ yè ɥ píé wɔ̃́ nɛ̀ sáálɵɛ gɥ́a?” Le ɓɛ yà zǝnù ê pɵ, “Lɛ̀ ɥ́ lɵ̀ ɓéìɛ̀ n dɛn ma kíŋ, à srǝ́ gbɛ kâ lɵ̀ ã́ã̀ n kpèɓoá. Ƃa yuɔkǝmɛ̀ Zóà é n pã́ã́ɓo pǝ á loà kǝɛ wãã̀ wɔ̃́ á loà biɛ̀ɛ̀ ká.

²⁰ Ƃa yuɔkǝmɛ̀ Zóà yà kǝ̀ pɵ́ kǝ ɥ́n ɥ zòtá wɔ̃́ nɛ̀ à kɔ̀pɛ̃́ã́ gbɛ là. Kǝǝ n dɛn, ɥ zrɔ̀àzǝ̀ nɛ̀ɛ̀ Aaɓia naàlú bɔmɛ̀ lɵ́, ɥ wɔ̃́ sáálɵ é sɛ́nɛ̀ làɛ̀ dɔ̀.”

²¹ Lɛ̀ yà kɔɔ́ɛ kíŋ yà pɵ Zóà lǝ̀, “Lɛ̀gà, má wéàɓà ã́ã̀ nu nǝ́gɔ̃ɔ̃̀ Ásálɔ̀n ɓɛ ká.”

²² Lɛ̀kɔ̀ɔɛ Zóà è pɥ̀ɵ̀sɛa éye kpòn pàsɛ́á kíŋ ɓlɛ̀kpɔ́sɥ̀ ká, é lúàkpɔà ɓà. Zóà yà pɵ, “Gbɛ̃́ã̀ɛ̃̀ má gɥ́dɔ nɛ̀ɛ̀ ɥ zòɔ è sǝ̀ n píé, ɓií pǝ â lɛ̀ ɥ gɔ̀ɛ̀ ɓâ nu.”

²³ Lɛ̀ yà kɔɔ́ɛ Zóà è wrùù é lo Gɛ́sɔ̀ é nu Ásálɔ̀n ká Zɛ̀rúsálɛ̀n.

²⁴ Lɛ̀kɔ̀ɔɛ kíŋ yà pɵ, “Yè kǝ nɔ́ e dè píékee. Kɵ́kǝ̀ é nu n pɛá.” Àmɔ́ɔ̀wɔ̃̀ Ásálɔ̀n è kǝ̀ e dèekee, é yaá wò kíŋ pɛá.

Ásálɔ̀n è ɓɛ̀à Dèɓé lǝ̀

²⁵ À yi ɓɛ káɛ mɛsǝ̀ gbɛ yaá kǝ Ézrɛ̀ sɛ̀ gɥ́ nyɛ̀ɛ̀ li nɛ̀ɛ̀ Ásálɔ̀n lɵ́. Gó à gɛ̃̀kwɛ ɥ́ loá à tuo wũ̀ ɓàɛ̀, pǝ zǝ̀asɥ̀ gbɛɛ yaá kǝàɓà.

²⁶ À tuo wũ̀ è kǝ̀ gbɥ́ɥ́gbɥ̀, yàkǝɛ ê ɓo kwɛ̀ do gɥ́ do, ɓií è kǝ̀ gbín àɓà. Yàkɔɔ́ wààɓà nwũka ɓɛ dã́ kíŋ a pǝdã̀ɥ pǝ̀ làɛ̀, à kǝ̀ gbín kɔ̀ è mɔ̀à nyɛ̀ɛ̀ kǝ̀ pán sɔ́ɔ́lú ká.

²⁷ Ásálɔ̀n gbɵnù wò kǝ̀ yààka, é à lú do wô lɛ̀ Támàɛ̀ é dà wo ɓàà. Támà è kǝ̀ le sǝ̀ ká.

²⁸ Ásálɔ̀n è kwɛ̀ pèètɛ kǝ̀ Zɛ̀rúsálɛ̀n kǝ yaá gbɛ̀ì kũ̀ kíŋ pɛá.

²⁹ Lɛ̀kɔ̀ɔɛ é mɛ bɔ Zóà lǝ̀ kǝ nyɛ̀ɛ̀ à bɔ kíŋ píé, kǝǝ Zóà yaá nu. Ásálɔ̀n yè mɛ bɔ Zóà píé à kpolà pèètɛzǝ̀ ká, kǝǝ yaá nu.

³⁰ Àmɔ́ɔ̀wɔ̃̀ Ásálɔ̀n yà pɵ yaa yuɔkǝmɛ̀nù lǝ̀, “Nyià Zóà yia ɓlɥ́ɵ̀ èye kó sɔ́, é bálè lɵ́ à píé ɓlɥ́ɵ̀. Kà ló ká síé yeá.” Lɛ̀kɔ̀ɔɛ wó lo wó síé yeá.

³¹ Lɛ̀kɔ̀ɔɛ Zóà è wrùù é lo Ásálɔ̀n píékee, ê pɵàlǝ̀, “Mǝ̀kǝ̀ ɓa yuɔkǝmɛ̀nù wó síé ye ma ɓlɥ́ɵ̀ káɛ?”

³² Ásálɔ̀n yà zǝnu, ê pɵ, “Lɛ̀gà, a mɛ bɔ̀ ɥ lǝ̀ â pɵ ɥ́ nu kǝ ã́ã̀ ɥ bɔ kíŋ píé ɥ́n à lɛ̀ɛ̀kpɔ́kǝ n mɔ́ɔ̀wɔ̃̀ ká. Mǝ̀ â mɔ́ɔ̀ góɓo Gɛ́sɔ̀ á nu zɵè? A tò máɛ nyɛɛ̀ kǝ sǝ̀. Lɛ̀ é pɵ́ mɔnɛ ɓòà kǝ á ló kíŋ pɛá. Àyé za yà wrò n tuoɛ, gó yè n zǝ.”

³³ Lɛ̀kɔ̀ɔɛ Zóà è lo kíŋ Dèɓé píé, é wɔ̃́ Ásálɔ̀n yà bìɛ̀ à lǝ̀ɛ̀ dɔ́ɔ́dɔ à lǝ̀. Lɛ̀ yà kǝ pɵ́ɛ kíŋ è mɛ bɔ Ásálɔ̀n lǝ̀ é nu é pɥ̀ɵ̀sɛa kíŋ pɛá, éye kpòn pàsɛ́á é kíŋ èye bɛ̃̀pà à kpén ká.