2 Sámìɔ̀ 13 - Aaɓi Kwì

Ámɔ̀n wãã̀ Támà

¹ Dèɓé gbɵ Ásálɔ̀n legrú lezǝ̀ sǝ̀ è kǝ̀ lɵ̀ wô tɔ́ lɛ̀ Támà, é Ámɔ̀n Dèɓé gbɵ yà lɔ̀kǝ̀a.

² Lɛ̀ ê lɔ̀kǝ̀a dùòɛ̀ éye dè kǝ̀ yɔ́ámɛ̀ ká, ɓií Támà è kǝ̀ nǝ́le bànà ká, à srǝ́ gbɛ yaá kǝlɵ̀ Ámɔ̀n gɔ̀ nyɛ̀ɛ̀ pǝgbɛ kǝá.

³ Kǝǝ Ámɔ̀n ɓá do è kǝ̀ lɵ̀, à tɔ́ tɔɔ Zɔ́nádà. È kǝ̀ Sémìà Dèɓé legrú gbɵ ká. Zɔ́nádà è kǝ̀ mɛ kpláákplà dèèdè ká.

⁴ Ê pɵ Ámɔ̀n lǝ̀, “Óó kíŋ gbɵ, mǝ̀kǝ̀ ɥ́ kǝ̀ kɔ́nkɔ̀n lɛ̀àlíé yì sáálɵɛ ká nɛ̀? Ч ká ló pǝ é kǝ̀ɛ̀ biɛ̀ n lǝ̀à?” Ámɔ̀n yà pɵà lǝ̀, “N legrú Ásálɔ̀n legrú lezǝ̀ Támà ɓɛ yè n lǝ̀ sǝ̀.”

⁵ Zɔ́nádà yà pɵà lǝ̀, “Ƃò wɔan ɥ wɔ̀lɛ̀ ɓà ɥ́ kǝ nɛ̀ɛ̀ mɛ é yɔ́á lɵ̂ kǝlàɛ̀ lɵ́. Àyé ɥ dǝ yà nu ɥ ɓòyielɛ̀àɛ̀, ɓòà pɵà lǝ̀, ‘N dǝ, wéàɓà kǝ n legrú lezǝ̀ Támà nyɛ̀ɛ̀ nu blɛɛ̀ ká ã́ã̀ ɓɵ̀, nyɛ̀ɛ̀ ɓɵ̀pǝ̀ ɓɛ pǝ̀kǝ n nyálà, â ye â kṹ à kwɛ ã́ã̀ ɓɵ̀.’ ”

⁶ Lɵɛ Ámɔ̀n è wɔ̀sɛa nɛ̀ɛ̀ mɛ é yɔ́á lɵ̂ kǝlàɛ̀ lɵ́. Lɛ̀ kíŋ yànu à ɓòyielɛ̀àɛ̀, Ámɔ̀n yà pɵà lǝ̀, “A ɓɛ̀à ɥ lǝ̀, gó n legrú lezǝ̀ Támà è nu è ma blɛɛ̀ kpɛ́á kǝ n nyáá, kǝ ã́ã̀ pǝɓɵ̀ à kwɛɛ̀.”

⁷ Lɛ̀kɔ̀ɔɛ Dèɓé è mɛ bɔ Támà píé kíŋ píékee wã̀ã̀ pɵàlǝ̀, “Ƃò ló ɥ legrú Ámɔ̀n píékee ɥ́ ɓɵ̀pǝ̀ kǝ à lǝ̀.”

⁸ Lɵɛ Támà è lo e legrú Ámɔ̀n píé kɔ́làà, lɛ̀ é kǝ̀ wɔùká sɛa àɓàɛ̀ ɓà. É blɛɛ̀ yɵ́ɥ́sɥ̀ sɥ, ê mà, ê zɛ̃̀ã̀, é kǝ̀ blɛɛ̀ kpɛ́á ká à nyáá.

⁹ É blɛɛ̀kǝ̀ɥ pǝ̀ ɓɛ gɥ́ɓo à nyáá, kǝǝ Ámɔ̀n yaá wéà nyɛ̀ɛ̀ pǝɓɵ̀. Ê pɵàlǝ̀, “Ƃò mɛ sáálɵɛ kǝ wò ló.” É wo sáálɵɛ wó lo.

¹⁰ Lɛ̀kɔ̀ɔɛ Ámɔ̀n yà pɵ Támà lǝ̀, “Nu ɓɵ̀pǝ̀ ɓɛ ká n wɔ̀lɛ̀ ɓà ɥ̂ ló n lie.” É Támà è blɛɛ̀ kpɛ́á ê kǝ̀ ɓɛ sɥ é nuá e legrú Ámɔ̀n wɔ̀lɛ̀ ɓà.

¹¹ Kǝǝ lɛ̀ yà blɛɛ̀ sɥ́ nyàà ló à lieɛ, Ámɔ̀n è gblòò é yàà ɓà ê pɵàlǝ̀, “N legrú, ɓò nu wɔ n sɔ́ koo sɛ̀ɛ è kǝ do.”

¹² Ê zǝnu à lǝ̀ ê pɵ, “Kpɛ́í, n legrú, kɵ́kǝ̀ ɥ́ n kũ gbéèlɛ̀à. Ƃií wɔ̃́ sùu nǝ̀ǝɛ yáá kǝ Ézrɛ̀ sɛ̀ gɥ́. Kɵ́kǝ̀ ɥ́ bɔ̃́ɔ̃̀wɔ̃̀ xlǝzǝ̀ sùu pɵ́ɛ kǝ̀.

¹³ Ƃií yà kǝ pɵ́ɛ a lò n gɔ̀ dɔ ma xlǝ ɓɛ ká mǝ́ɛ? Ƃi dèe ɥ lò kǝ nɛ̀ɛ̀ bɔ̃́ɔ̃̀wɔ̃̀ xlǝzǝ̀ kǝ mɛ̀ wó Ézrɛ̀ sɛ̀ gɥ́ɛ waa mɛ do lɵ́. Lɛ̀ é pɵ́ɛ, a ɓɛ̀à ɥ lǝ̀, ɓò wɔ̃́ biɛ̀ kíŋ lǝ̀, yàkɔɔ́ɛ wɔ̃́dèká, yè lò n nu ɥ lǝ̀.”

¹⁴ Kǝǝ yaá e tó gbɛ tó à gɔ̀. Lɛ̀ à gɥ́ è kǝ̀ gbéèɛ̀ é gɔ̃̀ɔ̃̀ yà Támà ɓà yé à kɔ̀zìè à gɔ̀.

¹⁵ Lɛ̀ yà kɔɔ́ɛ Támà lɔ̀ è nyìɛ̀ Ámɔ̀n ɓà gbɔɔ yaaká é zìèa poo lɔ̀kǝ̀a é kǝ̀à gɥ́ líé à bũã̀ɛ̃̀ là. É Ámɔ̀n yà pɵà lǝ̀, “Wruù ɥ́ ye plan.”

¹⁶ Kǝǝ Támà yà pɵ̀àlǝ̀, “Kpɛ́í, n legrú, ɓií n yè plansɥ̀ é nɛ̀ è ya dèèdè é zìèa àyé ɓâ kǝ n káɛ làluo!” Kǝǝ Ámɔ̀n yaá e tótó à gɔ̀.

¹⁷ É nǝ́gɔ̃ɔ̃̀zǝ̀ do é yuɔkǝlà àɓàɛ̀ lɔ̀ɔ̀kǝ̀ ê pɵàlǝ̀, “Ƃò le nɛ̀ ye plan è gó n pɛá, ɥ́ kɔ́lí ɓɛ tã̀ã̀ ye.”

¹⁸ Lɵɛ àɓà yiɛmɛ̀ è nǝ́ɓɛ yè plan, é kɔ́ ɓɛ tã̀ã̀ ye. Támà è kǝ̀ gblan gbɛ̃̀ɛ̃̀ kɔ̀ gbɛ̃̀ɛ̃̀zǝ̀ dàlɛ̀à, ɓií zɛ̃ã kíŋ lú nù wó bànà káɛ wó kǝ̀à kǝlɛ̀à à ká kwɛ̀iɛ é ɓǝ.

¹⁹ Lɛ̀kɔ̀ɔɛ Támà è bɥ̀ɵ̀ wrò e tuo, é yaa gblan é kǝ̀àɓàɛ̀ pɛ̀, éye kɔ̀ pèètɛ dà e tuo yaà gbɵbɔ̀ gbéè ká yaà lòa.

²⁰ Lɛ̀ à legrú Ásálɔ̀n yà yeɛ, ê lɛ̀ɛ̀kpɔ́kǝ̀ ê pɵ, “Ámɔ̀n é wɔ̃́yaa kǝ̀ ɥ ká ɓǝà? Ƃa gǝ̃̂sǝ̀, ló ɥ zòɔ lǝ̀ sɛa, ɓií kãã̀ ka dǝ è do, àmɔ́ɔ̀wɔ̃̀gɥ́ɛ kɵ́kǝ̀ ɥ̂ bìɛ̀ mɛgbɛ lǝ̀.” É Támà è yaa kǝ̀àgɥ́sɥ̀ kǝ̀ gbɔ Ásálɔ̀n píékee ye sróóká, yénzǝ̀ ká.

²¹ Lɛ̀ Kíŋ Dèɓé yà wɔ̃́nù nɛ̀ maɛ, wɔ̃̂ nàà zòà dèèdè.

²² Kǝǝ Ásálɔ̀n yaá wé Ámɔ̀n píé dɔ́ɔ́ sǝ̀ ĩ́ĩ́ dɔ́ɔ́ yaa dɔsɥ̀ ká gbɔ, ɓií à lɔ̀nyìɛ̀ àɓà wɔ̃́ ê kǝ̀ à legrú Támà káɛ mɔ́ɔ̀wɔ̃̀ã̀.

Ásálɔ̀n a wɔ̃́ gbɔ̀ɓosɥ̀

²³ Lɛ̀ à kwɛ̀ pèètɛ yà zieɛ Ásálɔ̀n yè kǝ̀ yaa ɓlánù kaɓolɛ̀à lɛ̀ é Béè-házɔ̀ pɵɵɛ̀ ɓà, Ífrɛ̀n pɵ̀ sɔ́, é kíŋ gbɵnù sáálɵɛ lɔ̀ɔ̀kǝ̀ má.

²⁴ Nyɛ̀ɛ̀ kɔ̀ kǝ̀pɵ́sɥ̀àɛ̀ Ásálɔ̀n yè nù kíŋ píé ê pɵ, “Lɛ̀gà, ɓa yuɔkǝmɛ̀ é n káɛ a ma ɓlánù kaɓolà woà, ɓa gǝ̃̂sǝ̀ kãã̀ ɥ kɔ̀píémɛ̀ sáálɵɛ kà nu à ŋwáà ɓɛ là.”

²⁵ Kǝǝ kíŋ ɓɛ yà pɵ̀ Ásálɔ̀n lǝ̀, “Héyè, n gbɵ, kɵ́kǝ̀ wɔ̃́ è nu kǝ ɥ kɔ̀là gbín.” Yà fũ̀ã̀fṹã́ kǝ̀, kǝǝ à dǝ yaá ló kǝǝ è lúàkpɔ̀ àɓà.

²⁶ Lɛ̀kɔ̀ɔɛ Ásálɔ̀n yà pɵ, “É kɛ̃̀ɛ̃̀ ɥ ká lóɛ, ɓɛà â ɓo ɥ lǝ̀, ɓò wéà nyià n legrú Ámɔ̀n nyíì ló.” Lɛ̀kɔ̀ɔɛ kíŋ ɓɛ ê pɵ, “Mǝ̀kǝ̀ é lo to ɥ píée?”

²⁷ Kǝǝ Ásálɔ̀n yà fũ̀ã̀fṹã́ kǝ̀ é dɔgbéè éye wò ɓo Ámɔ̀n wãã̀ à gbɵnù sáálɵɛ là wó lo. Ásálɔ̀n è ŋwáà é mɔ̀ kíŋ ɓàɛ̀ kpɔ̀.

²⁸ Lɛ̀kɔ̀ɔɛ Ásálɔ̀n è yaa yiɛmɛ̀nù pã́ã́ɓo wòa nɛ̀ɛ̀, “Kàa nyákǝ Ámɔ̀n ɓà. Àyé wáìn yà zie à gɥ́ è kpɛ̀kǝlà, é mâ pɵ ka lǝ̀ kàà zǝɛ, kɵ́kǝ̀ ká sùò, kàà zǝ. Ma á ka pã́ã́ɓo. Ka zò è kǝ gbéè, kɵ́kǝ̀ ka zòɔ è to zrɥɵ.”

²⁹ Zɛ̃ãɓɛ Ásálɔ̀n a yiɛmɛ̀nù wô kǝ̀a Ámɔ̀n ká nɛ̀zɛ̃ã Ásálɔ̀n yè wo pã́ã́ɓoáɛ lɵ́. Lɛ̀kɔ̀ɔɛ kíŋ gbɵnù sáálɵɛ wó wrùù wó yà waa sòfã̀ãnù tàà wó dùà.

³⁰ Lɛ̀ wó kǝ̀ zɛ̃ã là píé waà lò weé kee píéɛ, Dèɓé yà mà nɛ̀ɛ̀, “Ásálɔ̀n yà ɥ gbɵnù sáálɵɛ zǝ, à mɛ do wɛ́ázǝ̀ yaá tó ɓéì.”

³¹ Lɛ̀kɔ̀ɔɛ kíŋ ɓɛ é yaa gbàwíì pɛ̀ éɓà é pɥ̀ɵ̀ sɛa. Àɓà yuɔkǝmɛ̀ sáálɵ wó kǝ̀ dɔàká à sɔ́ɛ wó waa gbàwíìnù pɛ̀.

³² Kǝǝ Dèɓé legrú Sémìà gbɵ Zɔ́nádà ya pɵ̀, “N dɛn, kɵ́kǝ̀ é kǝ̀ ɥ zòà nɛ̀ɛ̀ ɓa nǝ́gɔ̃ɔ̃̀nù sáálɵɛ wóo zǝ, kǝǝ Ámɔ̀n dokpã́ã́ é ga, ɓií Ásálɔ̀n é mɛnù pã́ã́ɓo wó wɔ̃́ kǝ̀ ɓǝ. Yàà kɛ̃̀ãkã́ go yi Ámɔ̀n è gɔ̃̀ɔ̃̀ yàa e legrú Támà ɓàɛ̀ ká.

³³ Àmɔ́ɔ̀wɔ̃̀gɥ́ɛ kɵ́kǝ̀ ɥ́ wònɵ ɓɛ lɛ̀ wɔ̃́dè nɛ̀ɛ̀ ɥ gbɵnù sáálɵɛ wà ga. Ámɔ̀n dokpã́ã́ mɥ̀.”

³⁴ Lɛ̀kɔ̀ɔɛ Ásálɔ̀n è dùà. Nǝ́gɔ̃ɔ̃̀zǝ̀ éye nyákǝlàɛ̀ éye wɥǝ sɥlúú é lɛ̀gà kǝ mɛ plǝǝ̀zǝ̀ wò gólà Hòrónìà pɵ̀ zɛ̃̀ã̀ píé tɔ̃̀ gúà waà nù.

³⁵ É Zɔ́nádà yà pɵ kíŋ lǝ̀, “Lɛ̀gà, ɥ gbɵnù wà nu nɛ̀zɛ̃ã â bìɛ̀aɛ lɵ́.”

³⁶ Lɛ̀ɓlɵ́ é nyiɛ wɔ̃́biɛ̀sɥ̀ ɓà nǝ̀ǝɛ, lɛ̀gà, kǝ kíŋ gbɵnù wò gbɛ̀ì là, é wóo wò sɥlúú gbɵbɔsɥ̀ ká, é wãã̀ Kíŋ Dèɓénù, àɓà yuɔkǝmɛ̀ vàvànù wó gbɵbɔ yénzǝ̀ ká.

³⁷ Lɛ̀ Ásálɔ̀n è dùàɛ̀ é lo Àmíhɔ̀ɔ̀ gbɵ Támàì é kǝ̀ kíŋ ká Gɛ́sɔ̀ sɛ̀gɥ́ɛ píé. Yi sáálɵɛ káɛ Dèɓé é kǝ̀ wɛ̀ɛ̀gɥ́ e gbɵ Ámɔ̀n mɔ́ɔ̀wɔ̃̀ɓà.

³⁸ Dùà Ásálɔ̀n yà ɓo é lo Gɛ́sɔ̀ɛ̀ è kǝ̀ má kwɛ̀ yààka ɓà.

³⁹ Kǝǝ lɛ̀ Dèɓé zòɔ yà ló sɛa Ámɔ̀n gawɔ̃̀ gɥ́ɛ, è yè gbɔɔ e zòtásɥ̀à e gbɵ Ásálɔ̀n mɔ́ɔ̀wɔ̃̀gɥ́.