2 Sámìɔ̀ 12 - Aaɓi Kwì

Nétàn a nàòbɔwò wãã̀ Dèɓé a dàyéngɥ́sɥ̀

¹ Lɛ̀ yàkɔɔ́ɛ Yàwɛ è Dɔ̀-Aaɓilílàmɛ̀ Nétàn bɔ̀ Dèɓé píé. É nu à píé é pɵ à lǝ̀, “Gɔ̃ɔ̃̀nù pèètɛ wò kǝ̀ pɵvà do gɥ́, à do è kǝ̀ ɓɔ̀uzǝ̀, àyé é toɛ é kǝ̀ fɛ́ɛ́zǝ̀.

² Ƃɔ̀umɛ̀ ɓɛ dùnù, ɓlánù, ɓònù wò kǝ̀à gɔ̀ và,

³ kǝǝ fɛ́ɛ́ mɛ̀ ɓɛ ɓlánǝ́ do kpã́ã́ ê lɔɛ é kǝ̀à gɔ̀. Èye zòkǝ̀à píé é kpɛ̀à à píékee àɓà nɔ́ɔ̀sɛ̃́ɛ̃̀ son. Yàkǝɛ éye dè ɓɵ̀pǝ̀ dɔà líé, tò é yímɥ àɓà kɔ̀ɔ̀ gɥ́, to ê yà e gbã́ là. Ƃlá ɓɛ è kǝ̀ nɛ̀ɛ̀ à lú lɵ́.

⁴ Yi do káɛ lɛ̀ ɓɔ̀lɛ̀à kǝmɛ̀ è gbɛ̀ì ɓɔ̀umɛ̀ ɓɛ làɛ̀, à zò yaá wéà nyɛ̀ɛ̀ e dè yaa tùɔ̀ gbɛ zǝ nyɛ̀ɛ̀ ɓɵ̀pǝ̀ kǝá nɛ̀à ɓɛ lǝ̀, kǝǝ è fɛ́ɛ́ mɛ̀a ɓlánǝ́ do ɓɛ kũ̀ é ɓɵ̀pǝ̀ kǝ̀a yaa nɛ̀à lǝ̀.”

⁵ Lɛ̀kɔ̀ɔɛ Dèɓé è nààsɥ gbéèká ɓɔ̀u gɔ̃̀ɔ̃̀ wô wɔ̃̀bìɛ̀ɛ̀ ɓà. Ê pɵ Nétàn lǝ̀, “A sɵ̀ɓɵ̀ Yàwɛ é ɓéìɛ̀ tɔ́á nɛ̀ɛ̀ gɔ̃ɔ̃̀ é wɔ̃́yaa sùu nǝ̀ǝɛ kǝ̀ɛ̀ yàɓà nyɛ̀ɛ̀ ga.

⁶ Yè lò ɓlá ɓɛ sɔ̃̀ɔ̃ nu kpolà yììsiɛ, wɔ̃́yaa sùu kǝ̀nǝ̀ǝsɥ̀ ê kǝ̀ɛ̀ mɔ́ɔ̀wɔ̃̀ɓà.”

⁷ Nétàn yà pɵ Dèɓé lǝ̀, “Gɔ̃ɔ̃̀ ɓɛ é tɔɔ ɓi. Pǝ Yàwɛ é Ézrɛ̀a Aaɓi káɛ ê pɵɛ é nɛ̀, ‘A ɥ kǝ̀ kíŋ ká Ézrɛ̀ sɛ̀ là, á ɥ gɔ̀ la Sɔ́ɔ̀ gɔ̀.

⁸ A ɥ gbà àɓà kíŋsɛ̀ wãã̀ à bɔúnù ká, á ɥ kǝ̀ kíŋ ká Ézrɛ̀ sɛ̀ wãã̀ Zúdà sɛ̀ làluo. É kɛ̃̀ɛ̃̀ pǝnù nɛ̀ɛ̀ waá kǝ ɥ lǝ̀ vàɛ̀, a mɔ̀àɓà ã́ã̀ à kpolà pèètɛ nu ɥ lǝ̀.

⁹ Mǝ̀kǝ̀ ɥ́ n wòtoè? Mǝ̀kǝ̀ ɥ́ wɔ̃́ yaa sùu kǝ̀nǝ̀ǝsɥ̀ kǝ̀ɛ̀? Ƃá Yùráyà Hétàmi kǝ yà ga e dǝgbɵnùa pìɛ̀ kɔ̀a, ɥ̂ kǝ̀ é ga Ámɔ̀nmɛ̀nùa pìɛ̀ kɔ̀a, ɓá à bɔú sɥ́ nyɛ̀ɛ̀ kǝ ɥ bɔú ká!

¹⁰ Lɛ̀ é pɵ́ɛ, mɛ zǝsɥ̀ yaá ló go ɥ píékee, ɓií ɓá n wòtó ɓá Hétàmi Yùráyà bɔú sɥ́ nyɛ̀ɛ̀ kǝ ɥ bɔú ká.’

¹¹ Pǝ̂ Yàwɛà pɵɛ é nɛ̀, ‘Lɛ̀gà, a lòà kǝ é mɛ è wrùù ɥ dùnnù son wɔ̃́yaa kǝɥ̀ ká ɥ gɔ̀, ĩ́ĩ́ a lò ɥ bɔúnù kũ ɥ gɔ̀ á wo nu ɥ yàsɔ́mɛ̀ lǝ̀, kǝ nyɛ̀ɛ̀ wɔ wo ká ɥ nyá là lɛ̀gbɛ́álɛ̀ ɓà.

¹² Ƃií ɥ sɔ̀nyaa ɓɛ kǝ̀ bĩ̀lɛ̀à, kǝǝ a lò pǝ nɛ̀ kǝ Ézrɛ̀ sáálɵɛ pɛá lɛ̀gbɛ́álɛ̀ ɓà.’ ”

¹³ Dèɓé yà pɵ Nétàn lǝ̀, “Má sɔ̀nyaa kǝ Yàwɛ gɔ̀.” Nétàn yà pɵ Dèɓé lǝ̀, “Yàwɛ yà ɓa sɔ̀nyaa zon pɵ́. Ч ká ló ga.

¹⁴ Kǝǝ gbɔ̀gbɔ̀lɵɛ, wɔ̃́ ɥ̂ kǝ̀ nɛ̀ lɛ̀ é xlǝ kpɔ Yàwɛ tɔ́ làɛ̀, nǝ́ é Bàsíbà yà kpɔ ɥ lǝ̀ ɓɛ è lò ga.”

¹⁵ Lɛ̀kɔ̀ɔɛ Nétàn è lo e píékee. Lɛ̀kɔ̀ɔɛ Yàwɛ yà kǝ̀ nǝ́ é Bàsíbà yà kpɔ Dèɓé lǝ̀ɛ̀ é yɔ́á gbéè yà kũ.

Dèɓé gbɵ è gà

¹⁶ Dèɓé è ɓɛ̀à kǝ nǝ́ ɓɛ nyɛ̀ɛ̀ kǝ pɵ́nɵ́-pɵ̀nɵ̀, é ye bɛ̃̀to, é lo kee é wɔ̀ sɛ́ là gbengɥ́ sáálɵ ɓlɵ́ é nǝ́ ɓɛ é yɔ́á kǝ̀aɛ ɓà.

¹⁷ É àɓà nyɔàzǝ̀ wó nu wó dɔ à sɔ́ wã̀ã̀ sɥ́ sɛa mɥ́, kǝǝ yaá wéàɓà, ĩ́ĩ́ yaá ɓɵ̀pǝ̀ ɓɵ̀ wo píé.

¹⁸ Nǝ́ ɓɛ à yɔ́ákǝ yì lɔ́ɔ́yiàzǝ̀ káɛ é ga. Lɛ̀ yà kɔɔ́ɛ Dèɓé a yuɔkǝmɛ̀nù wò sùò wã̀ã̀ biɛ̀ à lǝ̀ nɛ̀ɛ̀ nǝ́ ɓɛ yà ga, ɓií wà pɵ̀, “Mɛ kwá wè à píé kǝ nǝ́ nɛ̀ yaá ga kũ̀ é yaá wé kwa wòàɛ̀, zɛ̃ã mlǝ̀ǝ̀zǝ̀ kwá loà biɛ̀a à lǝ̀ nɛ̀ɛ̀ àɓà nǝ́ yà gaɛ̀? Yi gbú káɛ è lò wɔ̃́gbéè kǝ e dè ká!”

¹⁹ Kǝǝ lɛ̀ Dèɓé è yaa mɛnù ɓɛ ye kǝ wò tɔ̀ɔ̀kǝlà wo kónù lǝ̀ɛ̀, ê gɥ́dɔá nɛ̀ɛ̀ nǝ́ ɓɛ yà ga. Àmɔ́ɔ̀wɔ̃̀ é wo lɛ̀ɛ̀kpɔ́kǝ̀, “Nǝ́ ɓɛ yà gaà?” Wô pɵ, “Èèlɵ yi dɛn, nǝ́ ɓɛ yaâ lɵ̀gbɔ.”

²⁰ Lɛ̀kɔ̀ɔɛ Dèɓé è wrùù sɛa, éye zrù, éye glɥ̀ɥ̀, é yaa sɔ sǝ̀ dà e ɓà, kǝ è lólà Yàwɛa sɔkɔ́ gɥ́ nyɛ̀ɛ̀ gblɥn à lǝ̀. Lɛ̀kɔ̀ɔɛ é lo gbɔɔ e dè píékee, lɛ̀ yà lɛ̀ɛ̀kpɔ́kǝɛ, wó ɓɵ̀pǝ̀ dɔà líé, ê ɓɵ̀.

²¹ Lɛ̀kɔ̀ɔɛ àɓà yuɔkǝmɛ̀nù wà pɵ à lǝ̀, “Pǝ ɥ̂ kǝ̀nɛ̀ yi kâ gɥ́ ma, lɛ̀ nǝ́ɓɛ é kǝ̀àgɥ́ ɓéìɛ̀ ɥ gbɵbɔ̀, ɥ́ɥ bɛ̃̀to, kǝǝ lɛ̀ é ga nɔ́ nǝ̀ǝɛ kǝ ɥ wruùlà ɥ ɓɵ̀pǝ̀ ɓɵ̀là!”

²² Dèɓé yà pɵ, “Lɛ̀ nǝ́ɓɛ é kǝ̀ ɓéìɛ̀ a n bɛ̃̀tò, á gbɵbɔ, ɓií a pɵ̀, ‘Yigbúkáɛ Yàwɛ lò grúsǝ̀ kǝ n ká, kǝ ma nǝ́ ɓɛ nyàà la.’

²³ Kǝǝ lɛ̀ yà gaɛ, a n bɛ̃̀tò mǝ̀wɔ̃̀gɥ́i? A mɔ̀àɓà kǝ ã́ã̀ à kǝ ɓéì zɥ́ doà? Yi do káɛ a lò lo lɛ̀ ê ɓàɛ̀ ɓà, kǝǝ yezǝ̀ yaáló yiɛ e zɥ́ nyɛ̀ɛ̀ nu n píé.”

Wò Sálómà kpɔ̀

²⁴ Lɛ̀kɔ̀ɔɛ Dèɓé è mááɓo e bɔú Bàsíbà píé, é wãã̀ waa sɛ̀ɛ è kǝ̀ do zɥ́ é le ɓɛ é nǝ́ ɓáá kpɔ ê tɔ́lɛ̀ Sálómà. Yàwɛ yà lɔ̀kǝ̀ nǝ́ ɓɛ ká,

²⁵ é nàò bɔ Dɔ̀-Aaɓilílàmɛ̀ Nétàn ká, àmɔ́ɔ̀wɔ̃̀ é nǝ́ ɓɛ tɔ́lɛ̀ Zɛ̀dídáyà, ɓií Yàwɛ yà lɔ̀kǝ̀a.

Dèɓé è Wrábà pɵ̀ kũ̀

²⁶ Yi ɓɛ káɛ Zóà è grùgɔ̃̀ Wrábà é Ámɔ̀n pɵ̀ ká é waa pɵvà káɛ píé, é to téé kǝ nyàà kṹ.

²⁷ É mɛ bɔ Dèɓé píé ê pɵ, “Má grùgɔ̃ Wrábà píé, ĩ́ĩ́ pɵvà ɓɛ à yí tɔ́lɛ̀ è n kwɛ.

²⁸ Lɛ̀ é pɵ́ɛ ɓò krúázǝ̀ àyé wó toɛ pákóà ká yà gbáɥ́ pɵvà ɓɛ gɔ̀, kã́ã̀ kṹ, lɛ̀ n ká à kṹ kũ̀ kǝ wɔ̃̀ɔ̃̀ n tɔ́ yààɓàɛ̀ ká.”

²⁹ Lɵɛ Dèɓé è krúázǝ̀ sáálɵɛ pàkóà é wó lo Wrábà wó grùgɔ̃ pɵvà ɓɛ píé wô kũ.

³⁰ Lɛ̀kɔ̀ɔɛ Dèɓé è zò é go waa kíŋ gɔ̀àɛ̀ sɥ̀. Zò ɓɛ à kǝ̀ gbín kɔ̀ è kǝ̀ góò pán gɔ́ɔ̀ lɔ́ɔ́yià ga sɔ́ɔ́lú ká, ĩ́ĩ́ gùǝ̀ ɓɥ́ɥ̀ è kǝ̀ à gɥ́, é wô yà Dèɓé gɔ̀à. Lɛ̀kɔ̀ɔɛ Dèɓé è nu wã́ã́gɥ́ pǝ̀nù và dèèdè é goá pɵvà ɓɛ gɥ́ɛ ká.

³¹ Zɥ́ɛ é nu mɛnù wó kǝ̀ pɵ ɓɛ gɥ́ɛ ká, é wo kǝ̀ wó yuɔkǝ̀ xlɥ́ pɛ́ pìɛ̀, pìɛ̀ klá, wãã̀ pìɛ̀ dùànù ká, é wó bɵɥ̀ganù kǝ̀. Pǝ do é nɛ̀ ê kǝ̀ Ámɔ̀nmɛ̀nùa pɵ vàvà sáálɵɛ gɥ́. Lɛ̀kɔ̀ɔɛ Dèɓé wãã̀ yaa mɛnù ɓǝ sáálɵɛ wó yìɛ̀ wo zɥ́ wó nu Zɛ̀rúsálɛ̀n.