2 Sámìɔ̀ 11 - Aaɓi Kwì

Dèɓé wãã̀ Bàsíbà

¹ Tapǝ̀ ɓɔ yì ká, yi yàkǝɛ kíŋnù wó loá kópíéɛ káɛ, Dèɓé yè Zóà bɔ̀, wãã̀ àɓà yuɔkǝmɛ̀nù wó kǝ̀à píéɛ ĩ́ĩ́ Ézrɛ̀ krúázǝ̀ sáálɵɛ ká. É wo kɔ̀ è zìè Ámɔ̀nmɛ̀nù là, wó nìɛ̀ waa pɵvà wô lɛ̀ Wrábàɛ̀ zɥ̀. Kǝǝ Dèɓé è tò Zɛ̀rúsálɛ̀n pɵɵ.

² È kǝ̀ yi do ká kǝ xlã yà zie mɛ tuzinlɵɛ, Dèɓé yè gò ŋlǝ́n yì zǝlɛ̀à é wrùù yaà tààtà yaa kɔ́là nan. Ye gà é le do ye sɛa e píékee kǝ èye zrúlà. Le ɓɛ è kǝ̀ sǝ̀ dùò.

³ Lɛ̀kɔ̀ɔɛ Dèɓé è mɛ bɔ wɔ̃̀ɔ̃̀ le ɓɛ wɔ̃̀ lɛ̀ɛ̀kpɔ́ kǝ. É wô bìɛ̀ à lǝ̀ nɛ̀ɛ̀ Bàsíbà, Ílìàn lú é Yùráyà Hétàmi bɔú káɛ é ɓǝ.

⁴ Lɵɛ Dèɓé yè mɛnù bɔ wɔ̃̀ɔ̃̀ nu à ká, é wó nuá Dèɓé píé é wãã̀ waa sɛ̀ɛ è kǝ̀ do. Ƃií è gò e zrúlɛ̀à nɛ̀zɛ̃ã ê ká lonnù wɔ ká sú sáálɵɛ gɥ́ɛ lɵ́. Lɛ̀kɔ̀ɔɛ é yìɛ̀ e zɥ́ é lo e píékee.

⁵ Lɛ̀ le ɓɛ ê ye nɛ̀ɛ̀ yà gúsɥ́ɛ, é mɛ bɔ Dèɓé píé wã̀ã̀ biɛ̀ à lǝ̀.

⁶ Lɛ̀kɔ̀ɔɛ Dèɓé yè mɛ bɔ Zóà píé ê pɵ, “Ƃò Hétàmi Yùráyà ɓɛ bɔ n lǝ̀.” É Zóà yà bɔ Dèɓé píé.

⁷ Lɛ̀ Yùráyà yà nuɛ, Dèɓé yà lɛ̀ɛ̀kpɔ́ kǝ̀ Zóà wãã̀ yaa krúázǝ̀ kǝ̀ má sǝ̀sɥ̀ wɔ̃̀ã, ĩ́ĩ́ zɛ̃ã grù ɓɛ lɵ́ lólààkáɛ mɔ́ɔ̀wɔ̃̀ ká.

⁸ Lɛ̀kɔ̀ɔɛ Dèɓé yà pɵ Yùráyà lǝ̀, “Ƃò ló goú ɥ píékee ɥ́ɥ fùà.” É Yùráyà è ye plan é go kíŋ píékee, kǝ wò tólà à píé àɓà gbàapǝ̀ é kíŋ yà bɔ wɔ̃̀ɔ̃̀ loá à píékeeɛ ká.

⁹ Kǝǝ Yùráyà è wɔ̀ kíŋ a kɔ́lí ɓà à dɛn a yuɔkǝmɛ̀nù píé, yaá ló goú e píékee gbɔ.

¹⁰ Lɛ̀ wô bìɛ̀ Dèɓé lǝ̀ nɛ̀ɛ̀ Yùráyà yaá ló e píékeeɛ, Dèɓé yà pɵà lǝ̀, “Lɛ̀ ɥ́ go zɵɛ à lɛ̀ yà grɔ̀ɔ̀. Mǝ̀kǝ̀ ɓaá ló ɥ píékeeè?”

¹¹ Yùráyàà pɵ Dèɓé lǝ̀, “Wòdɔwò Gblɔ̀n ɓɛ wãã̀ Ézrɛ̀ gɔ̃ɔ̃̀nù ĩ́ĩ́ Zúdà gɔ̃ɔ̃̀nù wò wɔ̀ gblù nǝ́ sɛ̃́ɛ̃̀ nù gɥ́. N dɛn Zóà wãã̀ yaa krúázǝ̀ wò yàgbáɥ́ plãlà wɛ́áká. Mazǝ̀ á lo lo n píékee ã́ã̀ pǝɓɵ̀, ã́ã̀ pǝmɥ, ĩ́ĩ́ kǝ ã́ã̀ wɔ n bɔú sɔ́a? Lɛ̀ ɥ́ lɵ̀ɓéì, é ɥ zùù lɵ́ ɓéìɛ̀, n ká ló wɔ̃́ kǝ pɵ́.”

¹² Lɛ̀kɔ̀ɔɛ Dèɓé yà pɵ Yùráyà lǝ̀, “Ƃò gròòzɵ gbɛ̃́ã̀ kǝ lɛ̀apíéɛ ã́ã̀ gó ɥ zɥ̀ ɥ́n ló.” Àmɔ́ɔ̀wɔ̃̀ Yùráyà è tò Zɛ̀rúsálɛ̀n yi ɓɛ wãã̀ yi é yeàpíéɛ ká.

¹³ É Dèɓé yà lɔ̀ɔ̀kǝ̀ ɓɵ̀pǝ̀ ɓɵ̀ lɛ̀ ɓà, é nu é pǝ ɓɵ̀, é pǝ mɥ é toápɵ́ mɥpǝ̀ kɔ̀ zìè à gɔ̀. Lɛ̀ yínɛ̀alɛ̀ è dɔɛ, é lo plan é wɔ̀ e dɛn a yuɔkǝmɛ̀nù píé, kǝǝ yaá ló goú e píékee.

¹⁴ Lɛ̀ lɛ̀àlíélɛ̀ è dɔɛ, Dèɓé yè kwi bɛ̃̀ɛ̃̀ Zóà píé, ê dɔ Yùráyà gɔ̀ nyɛ̀ɛ̀ loá.

¹⁵ Pǝ ê bɛ̃̀ɛ̃̀ kwi ɓɛ gɥ́ɛ é tɔɔ, “Ƃò Yùráyà dɔ grù ɓɛ à lɛ̀ gbéèlɛ̀ ɓà, yàkɔɔ́ɛ, kà kã́ àɓà kǝ wã̀ã̀ zǝ.”

¹⁶ Lɛ̀ Zóà è kǝ̀ gã́ã́lɛ̀à pɵvà ɓɛ ká kɵ̀ɵɛ é Yùráyà bɔ lɛ̀ ê gɥ́dɔ nɛ̀ɛ̀ wo yaagɥ́ krúázǝ̀ gɥ́gbéèzǝ̀nù wàɓàɛ̀ ɓà.

¹⁷ Wo yaagɥ́mɛ̀nù gɥ́gbéèzǝ̀nù ɓɛ wó go pɵɵ wó gbɛ̀ì kó gbéè dèèdè ká Zóà a krúázǝ̀ píé, é wó Dèɓéa krúázǝ̀ gbú zǝ, wó Yùráyà zǝ pɵ́.

¹⁸ Lɛ̀kɔ̀ɔɛ Zóà èye wò bɔ Dèɓé píé wɔ̃́ é gbã̀ grù ɓɛ ɓàɛ̀ ê bìɛ̀ à lǝ̀.

¹⁹ Ê pɵ bɔmɛ̀ ɓɛ lǝ̀, “Àyé ɓá nyiɛ grù wɔ̃̀ biɛ̀sɥ̀à kíŋ lǝ̀ɛ̀,

²⁰ yàkɔɔ́ é kíŋa nàzòà yà wruùɛ, ĩ́ĩ́ é yàà pɵ ɥ lǝ̀, ‘Mǝ̀kǝ̀ ká gã̀ã̀ pɵtróó ɓɛ ká kɵ̀ɵ pɵ́ kã́ã̀ kózǝ̀ɛ̀? Kaâ gɥ́dɔ nɛ̀ɛ̀ wò lò srṹṹ bɔ tró làà?

²¹ Dɵ é Àbémɛ́lɛ̀ é kǝ̀ Zɛ́rúbɛ́sɛ̀ gbɵ káɛ zǝɛ̀? Le do é pǝbìɓo gùǝ̀ bɔ pɵ tró là ê zùò à là é ga Tíbɛ̀ pɵɵ. Mǝ̀kǝ̀ ká gã̀ã̀ tró ɓɛ ká kɵ̀ɵ pɵ́ɛ?’ Ч lòà pɵ, ‘Ƃa kózǝmɛ̀ Yùráyà é Hétàmi káɛ è gà pɵ́.’ ”

²² Zɛ̃ãɓɛ é bɔmɛ̀ yàkǝ̀a, é nu wɔ̃́ sáálɵ Zóà yà pã́ã́ɓoáɛ ê bìɛ̀ Dèɓé lǝ̀.

²³ Bɔmɛ̀ ɓɛ ê pɵ Dèɓé lǝ̀, “Gɔ̃ɔ̃̀nù ɓɛ wò gò pɵɵ wó nu yi gɔ̀ gɥ́gbéèzǝ̀ ká lɛ̀gbɛ́álɛ̀ ɓà, é wo kɔ̀ è kǝ̀ zielɛ̀à yi là, kǝǝ yi tò wo píé yí wòa pɵtróó lí ɓà.

²⁴ Lɛ̀kɔ̀ɔɛ srṹṹ zùòmɛ̀nù wó dɔ pɵtróó là wó srṹṹ zùò é ɓa krúázǝ̀ gbú wó ga. Ĩ́ĩ́ ɓà kózǝmɛ̀ Yùráyà Hétàmi ɓɛ yè gà pɵ́.”

²⁵ Dèɓé yà pɵ bɔmɛ̀ ɓɛ lǝ̀, “À biɛ̀ Zóà lǝ̀ kɵ́kǝ̀ wɔ̃́ nɛ̀ é à zòɔ króɓo, ɓií mɛ lo ga grùpíéɛ wáâ dɔ. Ƃòà biɛ̀ à lǝ̀ èye gɥ́dɔgbéè nyɛ̀ɛ̀ pɵ ɓɛ kṹ.”

²⁶ Lɛ̀ Yùráyà bɔú yà ma nɛ̀ɛ̀ à gɔ̃̀ yà gaɛ, è gbɵbɔ̀ dèèdè à mɔ́ɔ̀wɔ̃̀gɥ́.

²⁷ Lɛ̀ é yà wɛ̀ɛ̀kǝ yì yà zieɛ, Dèɓé yè mɛ bɔ̀ wó nu le ɓɛ ká à píékee é kǝ̀ gbɔ à bɔú ká, é nǝ́gɔ̃ɔ̃̀zǝ̀ do kpɔ à lǝ̀. Kǝǝ pǝ̂ Dèɓé yà kǝ̀ɛ̀ yaá Yàwɛ zòkṹ.