2 Sámìɔ̀ 1 - Aaɓi Kwì

Dèɓé è Sɔ́ɔ̀ gawɔ̃̀ mà

¹ Kǝ Sɔ́ɔ̀ yà gaɛ Dèɓé è nù e tàà kǝ à kɔ̀ yà zie Ámálɛ̀mɛ̀nù là, é nu é yà Zíklà lɛ̀kpààyì pèètɛ ɓà.

² À lɛ̀kpààɛ̀ nǝ́gɔ̃ɔ̃̀zǝ̀ do è gò Sɔ́ɔ̀a krúánù yàlɛ̀ɓà é gbɛ̀ì. Kǝ nyɛ̀ɛ̀ e zòɔ yénzǝ̀ zɔ̃̀ɛ̃̀, è yaa sɔ pɛ̀ é muù wrò e tuo. É lo Dèɓé píé é gblɥ̀n à lǝ̀ é ɓlɛ̀kpɔ́le nuàlǝ̀.

³ Dèɓé yà lɛ̀ɛ̀kpɔ́kǝ̀, “Ч gò mǝ́ɛ?” Ê pɵ, “A gò Ézrɛ̀a krúánù yàlɛ̀ɓà.”

⁴ Dèɓéà pɵ, “Pǝ é kǝ̀ɛ̀ ɓòà biɛ̀ n lǝ̀.” Ê pɵ, “Kwaa krúánù wà dùà grúlǝ̀, é wà kwaa krúázǝ̀ lɛ̀vàlɛ̀ zǝ. Wò Sɔ́ɔ̀ wãã̀ e gbɵ Zɔ̀nátã̀ zǝ̀ pɵ́.”

⁵ Dèɓéà lɛ̀ɛ̀kpɔ́kǝ̀, “Zɛ̃ã mlǝ̀ǝ̀zǝ̀ ɥ́ gɥ́dɔá nɛ̀ɛ̀ Sɔ́ɔ̀ wãã̀ Zɔ̀nátã̀ wà gaɛ̀?”

⁶ Ê pɵ, “A kǝ̀ Gébòà Tɔ̃̀tuo, á Sɔ́ɔ̀ ye kǝ yà koò yaa dɥ́ là kǝ dǝgbɵzǝ̀a kálìànù wãã̀ sòtààmɛ̀nù wà gã́ã́ à ká kɵ̀ɵ.

⁷ Lɛ̀kɔ̀ɔɛ é sìɛ̀ n píé, é n ye, é n lɔ̀ɔ̀kǝ̀. Â pɵ, ‘Èè, n dɛn!’

⁸ É n lɛ̀ɛ̀kpɔ́kǝ̀ mɛ â káɛ wɔ̃̀ã, é â pɵ à lǝ̀, ‘Ámálɛ̀mi mɥ̀ n ká.’

⁹ Lɛ̀kɔ̀ɔɛ ê pɵ n lǝ̀, ‘Ƃò nu n sɔ́ zɵ ɥ́ n zǝ, ɓií má gĩ̀ dùò, ĩ́ĩ́ n nii è zã̀ã̀zã́là.’

¹⁰ Lɵɛ a gã̀ã̀ à sɔ́, áà zǝ, ɓií aà gɥ́dɔ̀ nɛ̀ɛ̀ yaá lo la àyé yà pɥ̀ɵ̀ɛ̀ ká. Lɛ̀kɔ̀ɔɛ á àɓà zò é kǝ̀ à tuoɛ sɥ wãã̀ àɓà yèkɔ̀àpǝ̀ é kǝ̀à kɔ̀àɛ̀ ká é má nu à ká n dɛn, ɥ lǝ̀ ɓǝ.”

¹¹ Lɛ̀kɔ̀ɔɛ Dèɓé è yà yaa sɔɓà, ê pɛ̀. Zɛ̃ãdo ɓɛ káɛ àɓà mɛnù wó kǝ̀ à píéɛ wô kǝ̀a.

¹² É wó yà yénzǝ̀, wó gbɵbɔ, wóo bɛ̃̀to é toápɵ́ yínɛ̀alɛ̀ è dɔá Sɔ́ɔ̀ wãã̀ e gbɵ Zɔ̀nátã̀ wãã̀ Ézrɛ̀ píékeemɛ̀nù wó Yàwɛa mɛnù káɛ mɔ́ɔ̀wɔ̃̀gɥ́, ɓií wà pɥ̀ɵ̀ làà kɔ̀a.

¹³ Lɛ̀kɔ̀ɔɛ Dèɓé è nǝ́gɔ̃ɔ̃̀zǝ̀ é nu wɔ̃́tàà káɛ lɛ̀ɛ̀kpɔ́kǝ̀, “Ч gò mǝ́ɛ?” Ê zǝnu wòa nɛ̀ɛ̀, “Ámálɛ̀mia nǝ́ mɥ̀ n ká, a ɓa sɛ́ nɛ̀ gɥ́.”

¹⁴ Dèɓéà pɵà lǝ̀, “Mǝ̀kǝ̀ ɓaá súó ɥ́ɥ kɔ̀yà Yàwɛa nyɔ́ròàtuomɛ̀ ɓà ɥ̂ zǝɛ̀?”

¹⁵ Lɛ̀kɔ̀ɔɛ Dèɓé è yaa nǝ́gɔ̃ɔ̃̀ do lɔ̀ɔ̀kǝ̀, ê pɵàlǝ̀, “Ló, à zǝ.” Ê zùà làà ká kǝ nyɛ̀ɛ̀ ga.

¹⁶ É Dèɓé yà pɵ à lǝ̀, “Ч fɛí è ɥ dè tuo, ɓií ɥ lí é za wrò ɥ tuo ɓǝ. Ч pɵ̀, ‘Maá nyɔ́ròàtuomɛ̀ ɓɛ zǝ.’”

Dèɓé è wɛ̀ɛ̀ tã̀ ɓò Sɔ́ɔ̀ wãã̀ Zɔ̀nátã̀ mɔ́ɔ̀wɔ̃̀ɓà

¹⁷ Lɛ̀kɔ̀ɔɛ Dèɓé è wɛ̀ɛ̀ tã̀ nɛ̀ ɓo wònù nɛ̀ ká Sɔ́ɔ̀ wãã̀ e gbɵ Zɔ̀nátã̀ mɔ́ɔ̀wɔ̃̀gɥ́.

¹⁸ Ê pɵ wò Zúdàmɛ̀nù dãã̀ à ká. À bɛ̃ɛ̃̀sɥ̀mɥ̀ Zásà kwì gɥ́.

¹⁹ Yà pɵ̀, “Kwaa kǝ̀kpàozǝ̀sɥ̀, ô Ézrɛ̀, wà ga tɔ̃̀ gbɛ̃̀ɛ̃̀nù tuo! Yia krúánù zògbéèzǝ̀ wà pɥ̀ɵ̀!

²⁰ Kɵ́kǝ̀ kâ bìɛ̀ Gáà pɵ̀ gɥ́. Kɵ́kǝ̀ kâ lòòɓo Ákɛ́lɔ̀n lǝ́ɥ́píé. Kɵ́kǝ̀ ká Félésã́ã̀ lonnù dà kpɛ̀gɥ́. Kɵ́kǝ̀ kâ kǝ̀ kɔ̀ Aaɓi ká mɛ̀a lonnù wó grúli kǝ̀.

²¹ “Gébòà tɔ̃̀nù ká nɛ̀, kɵ́kǝ̀ layí wãã̀ lúɛ́ wó bã ka ɓà. Gó ka pǝtalɛ̀nù wò tó sɛ́kpɛ́á ká! Ƃií zògbéè mɛ̀a lɛ dàɥ̀mɥ̀ sɛa ka ɓà e xlǝzǝ̀ ká. Sɔ́ɔ̀a lɛ ɓɛɛ wáâ glɥɥ̀ gbɔɔ nyɔ́ ká.

²² Zɔ̀nátã̀ a saó è mɛ zǝ̀ dèèdè, Sɔ́ɔ̀a làà yaá mɛ yénye, wò mɛ zògbéèzǝ̀nù wrò sɛa, é wo dǝgbɵnù zǝ.

²³ “Sɔ́ɔ̀ wãã̀ Zɔ̀nátã̀ wò kpã̀ã̀zǝ̀ wó lɔ̀zǝ̀. Wò kǝ̀ wo kóà kǝ̀ɓéìsɥ̀gɥ́, wóo kóà gagɥ́. Wo gɛ̃̀ kǝ̀ gbéè é zìèa gblɥ́ànù là, wo gɥ́ kǝ̀ gbéè é zìèa gãnìanù là.

²⁴ “Ézrɛ̀ lonnù, kà dà wɛ̀ɛ̀gɥ́ Sɔ́ɔ̀ mɔ́ɔ̀wɔ̃̀ã̀! È wéínkasɔ̀ ɓɔ̀uzǝ̀nù dà ka ɓà é ka màsɥ gùǝ̀ ɓɥ́ɥ̀nù wãã̀ góò màsɥ́ pǝ̀nù ká.

²⁵ “Krúánù zògbéèzǝ̀ ɓɛɛ wà pɥ̀ɵ̀, wòo zǝ̀ grù píé. Zɔ̀nátã̀ gɵ̀ɵ̀ gà é wɔ̀ tɔ̃̀ píé ɓǝɔ.

²⁶ “N zòɔgɥ́ wɥ́ɥ̀ mɥ̀ n ɓá Zɔ̀nátã̀, ɥ mɔ́ɔ̀wɔ̃̀ã̀. Ч kǝ̀ n lǝ̀ lɔ̀zǝ̀ dùòò! Zɛ̃ã ɥ́ lɔ̀kǝ̀a n káɛ è kǝ̀ kpã̀ã̀zǝ̀ dùò, é zièa poo lonnùa lɔ̀kǝ̀a là.

²⁷ “Krúánù zògbéèzǝ̀ ɓɛɛ wà pɥ̀ɵ̀. Waa grùkǝ̀a pǝ̀nù wà tó wɛ́á, pǝ kǝ̀a pǝ̀ kũ gbɔ.”