1 Sámìɔ̀ 8 - Aaɓi Kwì

Ézrɛ̀mɛ̀nù wò kíŋ lɛ̀

¹ Lɛ̀ Sámìɔ̀ yà kǝ klɵ̀ɛ̀, èye gbɵnù kǝ̀ zadɔmɛ̀nù ká Ézrɛ̀ là.

² À gbɵ bìɛ̀zǝ̀ tɔ́ tɔɔ Zóɛ̀, à yé é yeàpíéɛ wô tɔ́lɛ̀ Àbízà. Wò kǝ̀ zadɔmɛ̀nù ká Bìɛ̀síbà.

³ Kǝǝ à gbɵnù waá tá nɛ̀zɛ̃ã é tàaɛ lɵ́. Wò sìɛ̀ pǝ ye zɛ̃̀ã̀ yaa píé, wó mǝ̀àpíé pǝ̀ kũ. Waá zakã́ kpenlɵ.

⁴ Lɛ̀kɔ̀ɔɛ dèèbɔ̀ sáálɵ wó Ézrɛ̀ sɛ̀ gɥ́ɛ wó pà wo kóà Sámìɔ̀ plɵ̀ɵ̀ Wrámà pɵɵ.

⁵ Wô pɵ à lǝ̀, “Lɛ̀gà, ɓá kǝ klɵ̀, é ɥ gbɵnù waâ tálà nɛ̀ɛ̀ ɥ tákɔ̀ lɵ́. Àmɔ́ɔ̀wɔ̃̀gɥ́ɛ ɓò yia kíŋ sɥ́ nyɛ̀ɛ̀ líésɥ́ yiká nɛ̀ɛ̀ sɛ́nù wó to sáálɵɛ lɵ́.”

⁶ Kǝǝ à pɵ wôɓo, “Ƃò yia kíŋ sɥ́ nyɛ̀ɛ̀ líésɥ́ yiáɛ,” yaá Sámìɔ̀ zòkṹ. Àmɔ́ɔ̀wɔ̃̀ Sámìɔ̀ è ɓɛ̀à Yàwɛ lǝ̀.

⁷ Lɛ̀kɔ̀ɔɛ Yàwɛà pɵ Sámìɔ̀ lǝ̀, “Ƃò ɥ tókǝ pǝ sáálɵ mɛnùɓɛɛ wô biɛ̀là ɥ lǝ̀ɛ̀ píé, ɓií waá kɔ̀ ɥ wɔ̃̀ ká, kǝǝ wò kɔ̀ m ɓà kǝ̀ kíŋ ká wolàsɥ̀ ká.

⁸ Zɛ̃ã do wó wɔɓoá m ká gó yi á goá wo ká Ízè sɛ̀ gɥ́ɛ ɓà ɥ́ nuá gbɛ̃́ã̀ɓà kɔ̀ m wɔ̃̀ãsɥ̀ wãã̀ gblɥ̀n Aaɓi gbɛ lǝ̀sɥ̀ káɛ, wô kǝlà ɥ gɔ̀ ɓǝ.

⁹ Lɛ̀ é pɵ́ɛ, ɥ tókǝ wo wò píé. Pǝdo ɥ́ loàkǝɛ é tɔɔ, ɥ lò lùòpɵ wo lǝ̀ ɥ́ mɛ yàkǝ kíŋ káɛ àɓà wɔ̃́kǝkɔ̀ zɔ̃̀ wo lǝ̀.”

¹⁰ Lɵɛ Sámìɔ̀ è wɔ̃́ sáálɵ Yàwɛà bìɛ̀ à lǝ̀ɛ̀ bìɛ̀ mɛnù wó pɵ wà mɛ̀ɛ̀ kíŋ káɛ lǝ̀.

¹¹ Ê pɵ, “Zɛ̃ã kaa kíŋ è lo wɔ̃́kǝá ka gɔ̀ɛ̀ gànɛ̀. È lò ka gbɵnù sɥ nyɛ̀ɛ̀ wo dà kálìà tá yùɔ̀ wãã̀ sò tá yùɔ̀ nù píé, wo gbúnù wɔ̃̀ɔ̃̀ blàsɥ́ àɓà kálìà líé.

¹² Zɥ́ɛ, ye dè è lò mɛ gɔ̀lààmɛ̀ sɥ krúázǝ̀ vù plǝǝ̀zǝ̀ wãã̀ krúázǝ̀ gɔ́ɔ̀ sɔ́ɔ́lú nù làluo, é mɛgbú wó lo àɓà ɓlɥ́ɵ̀ kpɔ wâ àɓà tapǝ̀nù kã̀ tapǝ̀ kã́yìa, wó àɓà kózǝ pìɛ̀nù, àɓà kálìà kǝ pǝ̀nù kǝ̀.

¹³ Ka lúnù wò lò nyɔ́ gbĩ́ã́ sǝ̀ kǝ à lǝ̀, wò lò kǝ àɓà pǝkpà mɛ̀nù ĩ́ĩ́ blɛɛ̀kǝmɛ̀nù ká.

¹⁴ È lò kaa pǝtalɛ̀ srǝ̀ǝ̀bɔ̀, kaa gréè ɓlɥ̀ɵ̀, wãã̀ ɔ́lè ɓlɥ̀ɵ̀nù kũ kagɔ̀ é wo nu yaa yuɔkǝmɛ̀ vàvànù lǝ̀.

¹⁵ È lò kaa tapǝ̀ sii wãã̀ kaa gréè gɔ́ɔ̀ líémɔ̀ kũ nyàà nu yaa kózǝmɛ̀-vàvà wãã̀ yuɔkǝmɛ̀ vàvà ɓáá lǝ̀.

¹⁶ È lò kaa nɔ̀à gɔ̃ɔ̃̀zǝ̀ wãã̀ kaa nɔ̀à lonzǝ̀, ĩ́ĩ́ kaa tùɔ̀nù ĩ́ĩ́ sòfã̀ãnù àyé wó kpã̀ã̀zǝ̀ dùòɛ̀ sɥ é wo dà yaa yuɔnù píé.

¹⁷ È lò kaa ɓlánù wãã̀ ɓònù gɔ́ɔ̀ líémɔ̀ sɥ. Ĩ́ĩ́ kadè kalò kǝ àɓà nɔ̀ànù ká.

¹⁸ Àyé yi ɓɛɛ yà wòɛ, ka lo ka wòkpɔ kaa kíŋ kadè kâ sɥɛ gɔ̀, kǝǝ Yàwɛ yaáló e tó to kaa wòkpɔ́ wò nù gɔ̀.”

¹⁹ Mɛnù wóɓɛɛ waá wo tó gbɛɛ tó Sámìɔ̀ wò gɔ̀, kǝǝ wà pɵ̀, “Héyè! Yi mɛ̀ɛ̀ kíŋ ká.

²⁰ Kǝ nyíì kǝ nɛ̀ɛ̀ sɛ́nù wó to sáálɵɛ lɵ́, kǝ yia kíŋ nyɛ̀ɛ̀ líésɥ́ yiá, nyɛ̀ɛ̀ ye yi líé nyɛ̀ɛ̀ yia kónù zǝ yi lǝ̀.”

²¹ Wɔ̃́ sáálɵ wô bìɛ̀ɛ̀ Sámìɔ̀ yà mà é lo é bìɛ̀ Yàwɛ lǝ̀.

²² Yàwɛ yà pɵ, “Pǝ wó mɛ̀ɛ̀ ɓòàkǝ ɥ́ waa kíŋ nu wo lǝ̀.” Lɛ̀kɔ̀ɔɛ Sámìɔ̀ yà pɵ Ézrɛ̀ gɔ̃ɔ̃̀nù wó ɓǝ sáálɵɛ lǝ̀ wò ló wo plɵ̀ɵ̀.