1 Sámìɔ̀ 5 - Aaɓi Kwì

Wòdɔwò Gblɔ̀n ɓɛɛ è Félésã́ã̀mɛ̀nù son

¹ Lɛ̀ Félésã́ã̀mɛ̀nù wà Aaɓia Wòdɔwò Gblɔ̀n ɓɛ kṹɛ̃, wà sɥ̀ wó goá Ɛ́bɛ̀nízǝ̀ pɵɵ wó loá Ásídɔ̀ pɵɵ.

² Lɛ̀kɔ̀ɔɛ wó loá aaɓibĩ́ wô lɛ̀ Dágɔ̃̀ɛ̃̀ píékee wóa dɔ Dágɔ̃̀ ɓɛ sɔ́.

³ Kǝǝ lɛ̀ Ásídɔ̀mɛ̀nù wó bɥ̀ɵ̀ lɛ̀àlíéɛ, lɛ̀gà, kǝ Dágɔ̃̀ yà pɥ̀ɵ̀ sɛa, yà gblɥn e lílà Yàwɛa Wòdɔwò Gblɔ̀n ɓɛ líé. Lɵɛ wó Dágɔ̃̀ sɥ wô dɔ e dɔ̀lɛ̀ ɓà.

⁴ Kǝǝ lɛ̀ wó bɥ̀ɵ̀ lɛ̀àlíé lɛ̀kpààyì gbɛ káɛ, lɛ̀gà, kǝ Dágɔ̃̀ yà pɥ̀ɵ̀ sɛa e lílà Yàwɛa Wòdɔwò Gblɔ̀n ɓɛ líé, kǝ à gɔ̀ wãã̀ à gbìè pèètɛ ɓɛ wà góàɓà wo wɔù mɥ̀ kponkɛ́á là, Dágɔ̃̀ dukru wɛ́á é to.

⁵ Àmɔ́ɔ̀wɔ̃̀ɓàɛ̀ Dágɔ̃̀a sraɓo mɛ̀nù ĩ́ĩ́ mɛsáálɵ wó dàlà Dágɔ̃̀ píékeeɛ wáá ye Dágɔ̃̀a kɔ́lí kponkɛ́á là Ásídɔ̀ pɵɵ é tũ̀apɵ é wòa gbɛ̃́ã̀ ɓà.

⁶ Yàwɛ kɔ̀ è kǝ̀ gbín Ásídɔ̀pɵ̀ gɥ́ mɛ̀nù là, é súó và è dà wolà é bààmɥ́ é lìɛ̀ yɔ̀a wrò mɛnù wó go Ásídɔ̀ wãã̀ pɵnù wó kǝ̀à zɥ̀tópíéɛ gɥ́ɛ ɓà.

⁷ Lɛ̀ mɛnù wó go Ásídɔ̀ɛ̀ wó wɔ̃́ é kǝ̀ kǝlɛ̀àɛ̀ yeɛ, wô pɵ, “Ézrɛ̀ Aaɓia Wòdɔwò Gblɔ̀n ɓɛ kɵ́kǝ̀ é to kwa píé zɵ, ɓií à kɔ̀ è gbín kwalà, é gbín Dágɔ̃̀ é kwaa aaɓi káɛ là.”

⁸ Wó mɛ bɔ Félésã́ã̀ sɛ̀ sáálɵɛ gɥ́ é ɓɔ̀umɛ̀ sáálɵɛ wó pà wo kóà, é wô pɵ, “Kwa lòà kǝlɛ̀ Ézrɛ̀mɛ̀nù waa Aaɓia Wòdɔwò Gblɔ̀n é nɛ̀ mɔ́ɔ̀wɔ̃̀gɥ́i?” Wô pɵ, “Kà Ézrɛ̀ Aaɓia gblɔ̀n ɓɛ sɥ́ ká loá Gáà pɵ̀ gɥ́.” Lɛ̀kɔ̀ɔɛ wó Ézrɛ̀ Aaɓia gblɔ̀n ɓɛ sɥ wó loá má.

⁹ Kǝǝ lɛ̀ wà loá máɛ, Yàwɛ kɔ̀ è kǝ̀ gbín pɵ ɓɛ là, é súósɥ̀ gbéè dà wo son, é lìɛ̀yɔ̀a è wrò gɔ̃ɔ̃̀nù wó pɵ ɓɛ gɥ́ɛ ɓà, à mɛdɔ̀ùnù wãã̀ à mɛziinù plɛ́n ká.

¹⁰ Lɛ̀kɔ̀ɔɛ wó Aaɓia Wòdɔwò Gblɔ̀n ɓɛ sɥ wó loá Íkrɔ̀n pɵɵ. Kǝǝ lɛ̀ Aaɓia Wòdɔwò Gblɔ̀n ɓɛ é dà pɵɵɛ, Íkrɔ̀nmɛ̀ sáálɵɛ wòo wò sɥ̀lúú gbéè gbɵká wòa nɛ̀ɛ̀, “Wà nu Ézrɛ̀ Aaɓia Wòdɔwò Gblɔ̀n ɓɛ ká yi píé kǝ nyɛ̀ɛ̀ yi zǝ, nyɛ̀ɛ̀ yia mɛnù sáálɵɛ zǝ.”

¹¹ Amɔ́ɔ̀wɔ̃̀ã̀ɛ̃̀ wó mɛ bɔ Félésã́ã̀sɛ̀ sáálɵɛ gɥ́ é ɓɔ̀umɛ̀ sáálɵɛ wó pà wokóà wô pɵ, “Kà Ézrɛ̀ Aaɓia Gblɔ̀n ɓɛ bɔ è ló e dè dɔ̀lɛ̀ɓà, kɵ́kǝ̀ é nu kwãã̀ kwaa mɛnù kwa zǝ.” Ƃií súósɥ̀ yaa è dà wogɥ́ pɵ ɓɛ gɥ́. Aaɓikɔ̀ è kǝ̀ gbín má dèèdè.

¹² Gɔ̃ɔ̃̀nù àyé waá gaɛ, lìɛ̀yɔ̀a è wrò woɓà sáálɵ, é pɵ kpɔ̀n ɓɛ à gbɵbɔ wò è wò naà.