1 Sámìɔ̀ 26 - Aaɓi Kwì

Dèɓé è Sɔ́ɔ̀ nii là zɥ́

¹ Lɛ̀kɔ̀ɔɛ Zéfù mɛ̀nù wò nu Sɔ́ɔ̀ píé Gébìɛ̀ pɵɵ, wô, “Dèɓé yaá e bĩ̀, Hàkílà Tɔ̃̀tuo,” Zɛ̀símɔ̀ pɵ̀ gɔ̀ xlãgózɛ̃̀ãã?

² Lɛ̀ wà wɔ̃́ nɛ̀ biɛɛ̀ Sɔ́ɔ̀ è wrùù wãã̀ yaa krúázǝ̀ vù yààka (3,000) ká wó lo goú kǝ wɔ̃̀ɔ̃̀ Dèɓé mɛɛ̀ Zéfù Yɛ̀igɥ́.

³ É Sɔ́ɔ̀ wãã̀ yaa krúázǝ̀ wó yà gbáɥ́ Hàkílà Tɔ̃̀tuo zɛ̃ã sɔ́, Zɛ̀símɔ̀ gɔ̀ xlãgózɛ̃̀ã. Kǝǝ Dèɓé è tò yɛ̀igɥ́ má. Lɛ̀ yàà gɥ́dɔ nɛ̀ɛ̀ Sɔ́ɔ̀ yà nu à mɛɛ̀lɛ̀à yɛ̀igɥ́ mɥ́ɛ,

⁴ Dèɓé è yaa nanakǝmɛ̀nù bɔ, wô ye wɔ̃́dèká nɛ̀ɛ̀ Sɔ́ɔ̀ yà nu.

⁵ Lɛ̀kɔ̀ɔɛ Dèɓé è wrùù é nu lɛ̀ Sɔ́ɔ̀ wãã̀ yaa mɛnù wó yààgɔ̀ gbáɥ́ɛ ɓà. É Dèɓé è lɛ̀ Sɔ́ɔ̀ wɔ̀àɛ̀ ye, wãã̀ Ábínǝ̀ Nǝ́ǝ̀ gbɵ, é kǝ̀ waa krúávà káɛ ká. Sɔ́ɔ̀ è kǝ̀ wɔùká yaa krúázǝ̀ zinlɵ, é wó nìɛ̀ à zɥ̀.

⁶ Lɛ̀kɔ̀ɔɛ Dèɓé yà pɵ Hétámi Àhímɛ́lɛ̀, wãã̀ Ábísàì é kǝ̀ Zóà legrú káɛ lǝ̀ (wo le tɔ́ tɔɔ Zɛ̀rúà), “Dɵ é nyià yí lo lo Sɔ́ɔ̀a yàlɛ̀ɓàɛ̀?” Ábísàì pɵ, “Kɔ̃ɔ̃̀ kó lo lo goú.”

⁷ Lɛ̀ yà kɔɔ́ɛ Dèɓé wãã̀ Ábísàì wò gbɛ̀ì krúázǝ̀ ɓɛɛ là gben. Wó Sɔ́ɔ̀ ye yizǝlɛ̀à wo zinlɵ, kǝ àɓà dɥ́ gbã̀sɥ̀ mɥ̀ sɛ́í, à gɔ̀píé. Ábínǝ̀ wãã̀ krúázǝ̀ sáálɵɛ wó kǝ̀ yizǝlɛ̀à à zɥ̀tópíé.

⁸ Lɛ̀kɔ̀ɔɛ Ábísàì yà pɵ Dèɓé lǝ̀, “Aaɓi yà ɥ dǝgbɵ dɔ ɥ kwɛ gbɛ̃ã̀yì nɛ̀ ká. Lɛ̀ é pɵ́ɛ gó áà wɔ̀ sɛ́là àɓà dɥ́ é nɛ̀ à zùò dokpã́ã́ ká, yaáló kǝ pèètɛ poo.”

⁹ Kǝǝ Dèɓéà pɵ Ábísàì lǝ̀, “Kɵ́kǝ̀ ɥ à zǝ, ɓií dɵ yà e kɔ̀yà Yàwɛa nyɔ́ròàtuomɛ̀ ɓà é za yaá wrò à tuoè?”

¹⁰ É Dèɓé yà pɵ, “Lɛ̀ Yàwɛ lɵ́ ɓéìɛ̀ ye dè é lo à zɔ̃kɔ̀a, yaâ pɵ́ɛ à ga yì è lò wò. Yaá kǝpɵ́ɛ è lò lo grùpíé é ga má.

¹¹ Kɵ́kǝ̀ Yàwɛ è wèà kǝ ã́ã̀ n kɔ̀ yà Yàwɛa nyɔ́ròàtuomɛ̀ ɓà. Kǝǝ àɓà dɥ́ é gbã̀ sɛ́í à gɔ̀píé ɓɛ sɥ́ wãã̀ àɓà yímɥ kpòu ɓɛ ká kó ló.”

¹² É Dèɓé è dɥ́ wãã̀ yímɥ kpòu ɓɛɛ sɥ Sɔ́ɔ̀ gɔ̀píé é wó waa lóɓo. Pǝ wô kǝ̀ɛ̀ mɛgbɛ kâ ye ĩ́ĩ́ yaâ dɔ, ĩ́ĩ́ waa mɛgbɛ ká bɥ̀ɵ̀ poo. Ƃií Yàwɛ è gò wo zɥ̀ kǝ wɔ̃̀ɔ̃̀ yizǝ zìègɔ̀usɥ̀ ká.

¹³ Lɛ̀kɔ̀ɔɛ Dèɓé è lò tɔ̃̀ ɓɛ à kɔpɛ̃́ã́ do là é dɔ wo ká gbɛ̃̀ɛ̃̀ wo son è dà gbɛ́á ká.

¹⁴ É Sɔ́ɔ̀a krúánù lɔ̀ɔ̀kǝ̀, é Ábínǝ̀, Nǝ́ǝ̀ gbɵ lɔ̀ɔ̀kǝ̀ ê pɵ, “Ábínǝ̀, ɥ ká ló we n wò ɓàà?” Ábínǝ̀à pɵ, “Ƃi dɵ ɥ́ kíŋ lɔ̀ɔ̀kǝlà nɛ̀?”

¹⁵ “Gɔ̃ɔ̃̀ kũ ɥ káa? Kãã̀ dɵ ká mɔ̀ Ézrɛ̀ sɛ̀ gɥ́i? Mǝ̀kǝ̀ ɓaá ɥ zòkǝ ɥ dɛn ɓa kíŋ ɓɛ píée? Ƃií mɛ do è dà ka son krúázǝ̀ yàlɛ̀ ɓà kǝ nyɛ̀ɛ̀ ɥ dɛn zǝ dɔ̀ù wɛ́á.

¹⁶ Wɔ̃́ ɥ́ kǝ̀ nɛ̀ yaâ sǝ̀. Yàwɛ ɓéì ɓɛ tɔ́gɥ́ɛ, è ɥ màkũ̀ kǝ ɥ́n ga, ɓií ɥ ká ɥ nyákǝ ɥ dɛn é nyɔ́ròàtuomɛ̀ káɛ ɓà. Lɛ̀gà zɵ, lɛ̀ kíŋa dɥ́ wãã̀ àɓà yímɥ kpòu wó kǝ̀ à gɔ̀píéɛ wô ɓàɛ̀ ɓòà ye.”

¹⁷ Sɔ́ɔ̀ è Dèɓé wò dɔ̀, ê pɵ, “Ƃi ɥ́ wéà nɛ̀à, n gbɵ Dèɓé?” É Dèɓé yà pɵ, “Ma á wélà ɓǝ, n dɛn, ɥ́ ma kíŋ káɛ.”

¹⁸ Dèɓé yà pɵ, “Mǝ̀kǝ̀ n dɛn ɥ́ ɓa yuɔkǝmɛ̀ blɥ̀kǝlà nɛ̀? Mǝ̀ má kǝɛ̀? Mǝ̀ à zà wròsɥ̀ lɵ́mɥ̀ n tuoè?

¹⁹ Lɛ̀ é pɵ́ɛ gó n dɛn ma kíŋ ɓɛɛ ɥ́ɥ tó kǝ n wò ɓà. Yà kǝ Yàwɛ ká nyɛ̀ɛ̀ ɥ zòɔ ŋlà n ɓàɛ̀, gó èye kɔ̀yà ma gbàapǝ̀ gɔ̀. Kǝǝ yà kǝ mɛɓéì wɛ́á káɛ, gó láŋá è kpɔ́ woá Yàwɛ ɓɛɛ pɛá, ɓií wà n ye plan gbɛ̃́ã̀yì nɛ̀ ká kɵ́kǝ̀ n ɓà lo kǝ Yàwɛ píékee wɔ̃̀ gɥ́, kǝ ã́ã̀ ló ã́ã̀ gblɥn aaɓi gbɛnù lǝ̀.

²⁰ Lɛ̀ é pɵ́ɛ kɵ́kǝ̀ ɥ́ go n fɛí è wrò sɛ́ gbɛ gɥ́, lɛ̀ é Yàwɛ zòɔ kâɓàɛ̀ ɓà, ɓií mǝ̀kǝ̀ Ézrɛ̀ kíŋ ɓɛɛ yà nu plan yé n nii mɛɛ̀là nɛ̀zɛ̃ã é mɛ lɵ́ tɔ̃̀píé mà kǝlàà ká nyàà zǝɛ lɵ́e?”

²¹ Lɛ̀kɔ̀ɔɛ Sɔ́ɔ̀ yà pɵ, “N gbɵ Dèɓé, má wɔ̃́ yaa kǝ. Ƃò yíɛ́ ɥ zɥ́ ɥ nu. N káló wɔ̃́ yaa gbɛ kǝ ɥ gɔ̀ gbɔɔ, ɓií n nii è kǝ̀ ɥ lǝ̀ kpã̀ã̀zǝ̀ yi é nɛ̀ ká. Lɛ̀gà, má bɔ̃́ɔ̃̀wɔ̃̀ kǝ, ĩ́ĩ́ má zɛ̃ã tó và dèèdè.”

²² Lɵɛ Dèɓéà pɵ, “Óó kíŋ, ɓa dɥ́ ɓɛ gà é nɛ̀, ɓò nǝ́gɔ̃ɔ̃̀zǝ̀ do bɔ kǝ nyàà sɥ́.

²³ Yàkǝɛ Yàwɛ è mɛ do do sáálɵɛ kɔ̀ɔ̀nù à ɓà kǝ̀kpenlɵsɥ̀ wãã̀ à ɓà zòdɔ̀à mɔ́ɔ̀wɔ̃̀ɓà, ɓií Yàwɛ è ɥ dɔ̀ n kwɛɛ gbɛ̃́ã̀, kǝǝ maá n kɔ̀ yà Yàwɛa nyɔ́ròàtuomɛ̀ ɓà.

²⁴ Lɛ̀gà, zɛ̃ã ɥ nii è kǝ̀a n lǝ̀ kpã̀ã̀zǝ̀ gbɛ̃́ã̀yì nɛ̀ káɛ, gó n nii è kǝá pɵ́ Yàwɛ ɓɛɛ nyálà, ĩ́ĩ́ gó è n gɔ̀ la wɔ̃́ gbéè sùu sáálɵɛ gɔ̀.”

²⁵ Lɛ̀kɔ̀ɔɛ Sɔ́ɔ̀à pɵ Dèɓé lǝ̀, “Lúà è kpɔ́ ɥ ɓà, n gbɵ Dèɓé! Ч lò yeyíà wɔ̃́ sáálɵ ɥ lóà wo kǝɛ gɥ́!” Lɛ̀ yà kɔɔ́ɛ Dèɓé è yaa lóɓò, é Sɔ́ɔ̀ è sìɛ̀ é lo e píékee.