1 Sámìɔ̀ 23 - Aaɓi Kwì

Dèɓé è Kílà pɵ̀ gɔ̀ là

¹ Yi do káɛ Dèɓé yà mà nɛ̀ɛ̀, Félésã́ã̀mɛ̀nù wò kózǝlà Kílà pɵ̀ píé, é wó mlɥ̀ wô kã̀ dɔ̀ù é wítì siɛ̀lɛ̀ ɓàɛ̀ kɔ̃̀ã̀ɓolà.

² Àmɔ́ɔ̀wɔ̃̀ɓàɛ̀ Dèɓéè Yàwɛ lɛ̀ɛ̀kpɔ́kǝ̀, “Á ló á kózǝ Félésã́ã̀mɛ̀nù káa?” É Yàwɛà pɵ Dèɓé lǝ̀, “Ƃò ló ɥ́ kózǝ Félésã́ã̀ mɛ̀nù ká, ɥ́ Kílà pɵ̀ gɔ̀la.”

³ Kǝǝ Dèɓéa gɔ̃ɔ̃̀nù wà pɵ̀àlǝ̀, “Lɛ̀gà, yi sùò Zúdà sɛ̀gɥ́ zɵ. Kôma àyé yíáló kózǝmɛ̀ wó Félésã́ã̀mɛ̀nù káɛ wo gɔ̀ kóáɛ lée?”

⁴ Lɛ̀kɔ̀ɔɛ Dèɓé è Yàwɛ lɛ̀ɛ̀kpɔ́ kǝ̀ zɥ́. É Yàwɛà zǝnu, “Ƃò wruù, ló goú Kílà pɵɵ, ɓií a lò Félésã́ã̀ mɛ̀nù dɔ ɥ kwɛ.”

⁵ Lɵɛ Dèɓé wãã̀ yaa gɔ̃ɔ̃̀nù wó lo Kílà pɵɵ, wó kózǝ Félésã́ã̀mɛ̀nù ká. Wó zɔɔkǝ̀ wo píé dèèdè, wó nu waa dùnù ká. Zɛ̃ã ɓɛɛ é Dèɓé è Kílà pɵɵ mɛ̀nù ɓoá gã́gɥ́.

⁶ Lɛ̀ Àhímɛ́lɛ̀ gbɵ Ábìátà è dùà é lo Dèɓé píé Kílà pɵɵɛ è nù ífɔ̀ ká.

⁷ Yi do káɛ wàbìɛ̀ Sɔ́ɔ̀ lǝ̀ nɛ̀ɛ̀ Dèɓé yànu Kílà pɵɵ. É Sɔ́ɔ̀à pɵ, “Aaɓi yàà dɔ n kwɛ. Dèɓé yà e dè líta dà ê ɓo pɵ à glàlí lɵ́ lɵ̀ wô lítalà pìɛ̀ wɵ̀n káɛ gɥ́ɛ ká.”

⁸ É Sɔ́ɔ̀ è yaa mɛ sáálɵɛ lɔ̀ɔ̀kǝ̀ kópíé, wɔ̃̀ɔ̃̀ ló goú Kílà pɵɵ, wɔ̃̀ɔ̃̀ nìɛ̀ Dèɓé wãã̀ yaa mɛnù zɥ̀.

⁹ Kǝǝ Dèɓé yà gɥ́dɔ̀ nɛ̀ɛ̀ Sɔ́ɔ̀ è wɔ̃́ yaa kɛ̃̀ãkã́là à gɔ̀. Ê pɵ Ábìátà é kǝ̀ sraɓomɛ̀ káɛ lǝ̀, “Ƃònu ífɔ̀ ɓɛ ká zɵ.”

¹⁰ Lɛ̀kɔ̀ɔɛ Dèɓéà pɵ, “Ô Yàwɛ, ɥ́ Ézrɛ̀a Aaɓi káɛ, a mà wɔ̃́dèká nɛ̀ɛ̀ Sɔ́ɔ̀ yà mɛɛ̀là nyɛ̀ɛ̀ nu Kílà pɵɵ, nyɛ̀ɛ̀ pɵ nɛ̀ gɥ́sìè n mɔ́ɔ̀wɔ̃̀ɓà.

¹¹ Gɔ̃ɔ̃̀nù wó Kílàɛ̀ wò lò n dɔ à kwɛà? Sɔ́ɔ̀ è lò nu goú nɛ̀ɛ̀ zɛ̃ã â maáɛ lɵ́a? Ô Yàwɛ, Ézrɛ̀a Aaɓi, a ɓɛ̀à ɥ lǝ̀ ɓòà biɛ̀ n lǝ̀.” É Yàwɛà pɵ, “Sɔ́ɔ̀ lò nu goú.”

¹² Dèɓéà pɵ, “Gɔ̃ɔ̃̀nù wó Kílàɛ̀ wò lò nyià ma mɛnù yi dɔ Sɔ́ɔ̀ kwɛà?” É Yàwɛà pɵ, “Wò lò ɥ dɔ à kwɛ.”

¹³ Lɛ̀kɔ̀ɔɛ Dèɓé wãã̀ yaa gɔ̃ɔ̃̀nù wó lo kǝ mɛ kǝ̃̀ǝ̃ srɔ́àdo káɛ wò zìè wó go Kílà pɵɵ, é wó lo lɛ̀ sáálɵ wó mɔ̀à wɔ̃̀ɔ̃̀ lóàɛ̀ ɓà. Lɛ̀ wô bìɛ̀ Sɔ́ɔ̀ lǝ̀ nɛ̀ɛ̀ Dèɓé yà dùà yà gó Kílàɛ̀, wãã̀ yaa mɛnù waá ló má gbɔɔ.

Dèɓé è tɔ̃̀sɛ̀gɥ́

¹⁴ Dèɓéè tò e bĩ̀lɛ̀ɓà yɛ̀ilà tɔ̃̀sɛ̀gɥ́ lɛ̀ wô lɛ̀ Zéfù Yɛ̀ilàɛ̀ ɓà. Sɔ́ɔ̀ è Dèɓé mɛ̀ɛ̀ lɛ̀kpààyì sáálɵɛ ká, kǝǝ Aaɓi yaá à dɔà kwɛ.

¹⁵ Dèɓé è sùò ɓií Sɔ́ɔ̀ yà blɥ̀kǝlà nyàà zǝ. Dèɓé è kǝ̀ Zéfù Yɛ̀igɥ́, Hɔ́rɛ̀ lɛ̀ɓà.

¹⁶ Zɔ̀nátã̀, Sɔ́ɔ̀ gbɵ, è wrùù é lo Dèɓé píé Hɔ́rɛ̀ lɛ̀ɓà, é mááɓo Dèɓé píé nyɛ̀ɛ̀ e zòdɔ Aaɓi ɓà.

¹⁷ Ê pɵà lǝ̀, “Kɵ́kǝ̀ ɥ́ sùò. N dǝ Sɔ́ɔ̀ káló wɔ̃́gbéè gbɛ kǝ ɥ ká. Ч lò kǝ kíŋ ká Ézrɛ̀ sɛ̀ làluo, kǝ ã́ã̀ ye ɥ píé mɛ pèètɛzǝ̀ ká. N dǝ Sɔ́ɔ̀ è wɔ̃́ nɛ̀ gɥ́dɔ̀.”

¹⁸ Lɛ̀kɔ̀ɔɛ wo pèètɛ wó wòdɔwò kǝ̀ Yàwɛ pɛá. Dèɓé è to Hórɛ̀, é Zɔ̀nátã̀ è lo e píékee.

¹⁹ Lɛ̀kɔ̀ɔɛ Zéfù mɛ̀nù wò lò Sɔ́ɔ̀ píé Gébìɛ̀, wô pɵ, “Dèɓé yaá e bĩ̀ yi son gùǝ̀dù gɥ́ lɛ̀ é Hɔ́rɛ̀ɛ̀ ɓà, Hàkílà Tɔ̃̀tuo, Zɛ̀símɔ̀ pɵ̀ gɔ̀ xlãgózɛ̃̀ãã?

²⁰ Ƃònu goú dɔ̀ù nɛ̀, Óó kíŋ, nɛ̀zɛ̃ã ɥ zòtàɥ wɔ̃̀ lɵ́ káɛ lɵ, yi ɓà é tɔɔ kǝ nyíì à dɔ ɥ kwɛ.”

²¹ É Sɔ́ɔ̀à pɵ, “Gó Yàwɛ è lúàkpɔ́ ka ɓà, ɓií ká n yénye!

²² Kǝǝ kà ló kâ mànyiɛ fɛ́fɛ́lɵ, ká à yàlɛ̀ dè ye, ĩ́ĩ́ mɛ é yàà ye mɥ́ líéɛ kâ dɔ, ɓií wàbìɛ̀ n lǝ̀ nɛ̀ɛ̀ è kpláákplà.

²³ Kà ló mɔn ká à bĩ̀lɛ̀ sáálɵɛ ye, yàkɔɔ́ɛ ká nu kâ biɛ̀ n lǝ̀ kǝ kwãã̀nù kwã́ã̀ ló. É kɛ̃̀ɛ̃̀ è sɛ́ nɛ̀ gɥ́ɛ a lòà mɛɛ̀ Zúdàmɛ̀ vù plǝǝ̀zǝ̀ son.”

²⁴ Lɛ̀kɔ̀ɔɛ wó wrùù wó lo Sɔ́ɔ̀ líé weé pɵɵ Zéfù. Yi do káɛ Dèɓé wãã̀ yaa mɛnù wò kǝ̀ Méɔ̀ Yɛ̀igɥ́, Àrébà goo píé, Zɛ̀símɔ̀ gɔ̀ goúzɛ̃̀ã.

²⁵ É Sɔ́ɔ̀ wãã̀ yaa gɔ̃ɔ̃̀nù wó loà mɛɛ̀lɛ̀à. Kǝǝ wàbìɛ̀ Dèɓé lǝ̀, àmɔ́ɔ̀wɔ̃̀ɓàɛ̀ é lo goú gùǝ̀gɥ́lɛ̀ é Méɔ̀ Yɛ̀igɥ́ɛ ɓà. Lɛ̀ Sɔ́ɔ̀ yà ma pɵ́ɛ, é to Dèɓé píé Méɔ̀ Yɛ̀igɥ́ lɛ̀ɓà.

²⁶ Sɔ́ɔ̀ è lò tɔ̃̀ ɓɛ à kɔ̀pɛ̃́ã́ do ɓà, é Dèɓé wãã̀ yaa gɔ̃ɔ̃̀nù wó kǝ̀ à kɔ̀pɛ̃́ã́ é toɛ ɓà. Dèɓé è kǝ̀ zielɛ̀à blàa Sɔ́ɔ̀ lǝ̀, kǝ Sɔ́ɔ̀ wãã̀ yaa gɔ̃ɔ̃̀nù wò kpalà woɓà wɔ̃̀ɔ̃̀ wo kṹ.

²⁷ É to mɥ́ bɔmɛ̀ do è gbɛ̀ì ê pɵ Sɔ́ɔ̀ lǝ̀, “À kǝ síèsíè ɥ́ nu! Félésã́ã̀mɛ̀nù ɓɛɛ wà grùdà sɛ́ nɛ̀ là, wó pǝ sáálɵɛ sɥ́là.”

²⁸ Wɔ̃́ nɛ̀ mɔ́ɔ̀wɔ̃̀ɓàɛ̀ Sɔ́ɔ̀ è bò Dèɓé kǝlɛ̀à, é lo nyɛ̀ɛ̀ kózǝ Félésã́ã̀ mɛ̀nù ká. Àmɔ́ɔ̀wɔ̃̀ɓɛɛ lɛ̀ ɓɛ wô tɔ́ lɛ̀ Dùà Gùǝ̀.

²⁹ Lɛ̀ yàkɔɔ́ɛ Dèɓé è gòmɥ́ é lo é kǝ̀ mɛ tàkpàà lɛ̀ é kǝ̀ Ɛ̀ngédì sɛ̀ gɥ́ɛ ɓà.