1 Sámìɔ̀ 19 - Aaɓi Kwì

Sɔ́ɔ̀ è Dèɓé króɓò

¹ Sɔ́ɔ̀ è wɔ̃́bìɛ̀ e gbɵ Zɔ̀nátã̀ wãã̀ yaa kózǝmɛ̀ sáálɵɛ lǝ̀ kǝ wɔ̃̀ɔ̃̀ Dèɓé zǝ. Kǝǝ Zɔ̀nátã̀ yà lɔ̀kǝ̀ Dèɓé ká dùò.

² Lɛ̀kɔ̀ɔɛ Zɔ̀nátã̀ yà pɵ Dèɓé lǝ̀, “N dǝ Sɔ́ɔ̀ yà mɛɛ̀là kǝ nyɛ̀ɛ̀ ɥ zǝ. Àmɔ́ɔ̀wɔ̃̀gɥ́ɛ ɥ zòkǝ ɥ dèpíé lɛ̀àlíé, ɥ́ɥ bĩ̀lɛ̀ɓo ɥ́ tó ɥ bĩ̀lɛ̀ɓà.

³ Nyià n dǝ yi lò nu tàtásɥ̀a ɥ bĩ̀lɛ̀ sɔ́, yàkɔɔ́ɛ a lò wɔ̃́biɛ̀ n dǝ píé é gbã̀ ɥ ɓà. Àyé má wɔ̃́ sáálɵɛ maɛ a lòà biɛ̀ ɥ lǝ̀.”

⁴ É Zɔ̀nátã̀ è wɔ̃́bìɛ̀ sǝ̀ Dèɓé mɔ́ɔ̀wɔ̃̀gɥ́ e dǝ Sɔ́ɔ̀ lǝ̀, ê pɵ à lǝ̀, “Kɵ́kǝ̀ ɥ́ sɔ̀nyaa kǝ̀ yuɔkǝmɛ̀ Dèɓé ká, ɓií yaá sɔ̀nyaa kǝ ɥ ká do, zɥ́ɛ yà yuɔ kpã̀ã̀zǝ̀ plǝǝ̀zǝ̀ kǝ ɥ lǝ̀.

⁵ Ƃií èye nii sɥ̀ e dè kwɛ é Gòláyà zǝ, ĩ́ĩ́ Yàwɛ yà kɔ̀ziesɥ̀ plǝǝ̀zǝ̀ bɔà kɔ̀u Ézrɛ̀mɛ̀ sáálɵɛ mɔ́ɔ̀wɔ̃̀ɓà. Ч à yè, é ɥ zòɔ grûlì. Lɛ̀ é pɵ́ɛ mǝ̀kǝ̀ ɥ́ lo sɔ̀nyaa kǝ mɛ yaá wɔ̃́yaa kǝɛ káɛ, ɥ́ mɛ̀ɛ̀ ɥ́n Dèɓé zǝ wɛ́áɛ?”

⁶ Lɛ̀kɔ̀ɔɛ Sɔ́ɔ̀ èye tó tò Zɔ̀nátã̀ wò píé, éye wòɓɵ̀ Yàwɛ tɔ́gɥ́ nɛ̀ɛ̀, yaá ló Dèɓé zǝ.

⁷ Lɛ̀ yàkɔɔ́ɛ Zɔ̀nátã̀ è Dèɓé lɔ̀ɔ̀kǝ̀ é wɔ̃́nù nɛ̀ sáálɵɛ bìɛ̀ à lǝ̀. É Zɔ̀nátã̀ è lo Dèɓé ká Sɔ́ɔ̀ píé, é yuɔkǝ̀ à lǝ̀ nɛ̀zɛ̃ã é kǝ̀a líéɛ lɵ́.

⁸ Lɛ̀kɔ̀ɔɛ kó è wrùùlú zɥ́, é Dèɓé è lo é kózǝ Félésã́ã̀mɛ̀nù ká, é zɔɔkǝ̀ wo píé dèèdè é toápɵ́ wó dùà wó go à pɛá.

⁹ Zɥ́ɛ zùùyaa é Yàwɛà bɔɛ è nù Sɔ́ɔ̀ là, lɛ̀ é kǝ̀ yààká e píékee àɓà dɥ́ kǝ̀ à kwɛɛ ká, kǝ Dèɓé è yaa zìnò ɓɛ zǝlà.

¹⁰ É Sɔ́ɔ̀ èye zòtà nyɛ̀ɛ̀ Dèɓé ta kɔ́bũã̀ dɥ́ ɓɛɛ ká, kǝǝ èye lɛkã̀ à gɔ̀ é dɥ́ ɓɛɛ é mǝ kɔ́bũɓɛ gɥ́. Lɛ̀kɔ̀ɔɛ Dèɓé è duà.

¹¹ À gbengɥ́ ɓɛ káɛ Sɔ́ɔ̀ è bɔmɛ̀nù bɔ Dèɓé píékee wɔ̃̀ɔ̃̀ wo nyákǝ àɓà, kǝ wɔ̃̀ɔ̃̀ à zǝ lɛ̀àlíé. Kǝǝ Mákà, Dèɓé bɔú, yà pɵ̀à lǝ̀, “Àyé ɓaá ɥ nii la gbengɥ́àɛ̀, wò lò ɥ zǝ lɛ̀apíé.”

¹² Lɵɛ Mákà è Dèɓé kǝ̀ é bɔ wénà líá é dùà wó bòa.

¹³ Mákà è mɛbĩ́ wɛ́á sɥ ê kpɔ Dèɓé wɔlɛ̀ ɓà é gɔ̀dɔ̀àlà pǝ̀ wô kǝ̀ ɓòka káɛ kpɔ à gɔ̀ xlɵ̀ɵ̀, é sɔ kpà à là sǝ̀ká.

¹⁴ Lɛ̀ Sɔ́ɔ̀a mɛnù wó nu Dèɓé kṹlɛ̀àɛ̀, Mákàà pɵ, “Dèɓé yaâ pɵ́nɵ́pɵ̀.”

¹⁵ Lɛ̀kɔ̀ɔɛ Sɔ́ɔ̀ è yaa bɔmɛ̀nù bɔ zɥ́ wɔ̃̀ɔ̃̀ wo nyádɔ Dèɓé ɓà, ê pɵ, “Kàà tó yaa wɔ̀àlà pǝ̀ là ká nuá n píé luo nɵ́ kǝ ã́ã̀ à zǝ.”

¹⁶ Kǝǝ lɛ̀ bɔmɛ̀nù ɓɛɛ wó dà keeɛ, mɛbĩ́ wɛ́á é kǝ̀ wɔ̀lɛ̀ ɓà wãã̀ gɔ̀dɔ̀àlà pǝ̀ wô kǝ̀ ɓòka káɛ é kǝ̀ à gɔ̀ xlɵ̀ɵ̀.

¹⁷ Sɔ́ɔ̀à pɵ Mákà lǝ̀, “Mǝ̀kǝ̀ ɥ́ kplàkplá kǝ̀ n gɔ̀ nǝ̀ǝɛ, ɥ́ go n dǝgbɵ è dùà n ɓàɛ̀?” Ê pɵ, “Yà pɵ̀ è lò n zǝ é maá gbũàɓà nyɛ̀ɛ̀ dùàɛ̀ ká.”

¹⁸ Dèɓé è dùà é lo Sámìɔ̀ píé Wrámà pɵɵ, é wɔ̃́ do do sáálɵ Sɔ́ɔ̀ yàkǝ̀ à gɔ̀ɛ̀ bìɛ̀ à lǝ̀. Lɛ̀kɔ̀ɔɛ wãã̀ Sámìɔ̀ wó lo wó kǝ̀ Néɔ̀ gùnlɵ.

¹⁹ Wô pɵ Sɔ́ɔ̀ lǝ̀, “Lɛ̀gà, Dèɓé è Néɔ̀ gùnlɵ, Wrámà pɵɵ.”

²⁰ Lɛ̀ Sɔ́ɔ̀ è bɔmɛ̀nù bɔ wó nu Dèɓé kṹlɛ̀àɛ̀, wò dɔ̀-Aaɓilílàmɛ̀ gbũ và é Sámìɔ̀ kǝ̀ wo líéɛ yè, kǝ wò tã́ kǝ là waà kpɛ̀kǝ̀ zùùgɥ́. Aaɓi Zùù ɓɛɛ é nu Sɔ́ɔ̀a bɔmɛ̀nù là waà tã́kǝ̀ waà kpɛ̀kǝ̀ zùùgɥ́.

²¹ Lɛ̀ wàà biɛ̀ Sɔ́ɔ̀, lǝ̀ɛ̀ é bɔmɛ̀nù ɓáá bɔ, é wodèe wó tã́kǝ̀ wó kpɛ̀kǝ̀ zùùgɥ́ pɵ́. É Sɔ́ɔ̀ è bɔmɛ̀nù ɓáá bɔ zɥ́ à kpolà yààkazǝ̀ ká, é wodèe wó tã́kǝ̀ waà kpɛ̀kǝ̀ zùùgɥ́ pɵ́.

²² Lɛ̀kɔ̀ɔɛ ye dè é lo Wrámà, é gbɛ̀ì yítɔ́ù và é síélɵ lɛ̀ wô lɛ̀ Síkùɛ̀ ɓàɛ̀ là, é lɛ̀ɛ̀kpɔ́ kǝ̀ nɛ̀ɛ̀, “Sámìɔ̀ wãã̀ Dèɓé wò mǝ́ɛ?” É mɛ do yà pɵ, “Lɛ̀gà, wò Néɔ̀ gùnlɵ, Wrámà pɵɵ.”

²³ Lɛ̀ é gomɥ́ é kǝ̀ lólɛ̀à Néɔ̀, Wràmaà pɵɵɛ, é Aaɓi Zùù è nuàlà pɵ́, yaà tã́kǝ̀ yaà kpɛ̀kǝ̀ yaà loà é toápɵ́ é wòa Néɔ̀, Wràmaà pɵɵ.

²⁴ É ye dèe é yaa sɔ ɓo e ɓà, é tã́kǝ̀, é gblà pɵ́ Sámìɔ̀ pɛá, é wɔ̀sɛa e kpã́ã́ká lɛ̀póù kpɔ̀n wãã̀ gben kpɔ̀n ɓɛ ká. Ƃií è wɔ̃́biɛ̀ wò ká nɛ̀ɛ̀, “Sɔ́ɔ̀ è dɔ̀-Aaɓilílàmɛ̀nù son pɵ́a?”