1 Sámìɔ̀ 12 - Aaɓi Kwì

Sámìɔ̀ è wɔ̃́ bìɛ̀ Ézrɛ̀mɛ̀nù lǝ̀

¹ Lɛ̀kɔ̀ɔɛ Sámìɔ̀ yà pɵ̀ Ézrɛ̀mɛ̀ sáálɵɛ lǝ̀, “Lɛ̀gà, má n to kǝ ka wòà wɔ̃́ sáálɵ kâ bìɛ̀ n lǝ̀ɛ̀ gɥ́, ĩ́ĩ́ má kíŋ nu ka lǝ̀.

² Yi nɛ̀ɛ̀ káɛ, kíŋ ɓɛɛ è líésɥ́à kaá. Kǝǝ má kǝ klɵ̀ ĩ́ĩ́ wrã́ã́ yà n gɔ̀ ɓo. N gbɵnù gà wó ka píé ɓǝ. Má líésɥ́ kaá gó n kǝ̀dɔ̀ùsɥ̀ gɥ́ ɥ́ wòa gbɛ̃́ã̀ɓà.

³ Magà á nɛ̀, wɔ̃́ è ka gɔ̀ kã́ã̀ dɔ n ɓà Yàwɛ pɛá ĩ́ĩ́ àɓà nyɔ́wròàtuo mɛ̀ pɛáa? Dɵ á dù kũàgɔ̀ wɛ́ákáɛ? Dɵ á sòfã̀ã kũàgɔ̀ wɛ́ákáɛ? Dɵ á flùùkǝ̀à gɔ̀ɛ̀? Dɵ á króɓole nuàlǝ̀ɛ̀? Ĩ́ĩ́ dɵ á mǝ̀àpíé pǝ̀ kũàgɔ̀ nyɛ̀ɛ̀ n nyǝ́ntrɵ à káɛ? Kàà biɛ̀ n lǝ̀ kǝ ã́ã̀ à gbɛ nu.”

⁴ Wô pɵ, “Ч ká flùù gbɛɛ kǝ yi gɔ̀, ɥ ká yi króɓo, ĩ́ĩ́ ɥ ká pǝ gbɛɛ kṹ mɛgbɛɛ kwɛ wɛ́áká.”

⁵ Lɛ̀kɔ̀ɔɛ Sámìɔ̀à pɵ wo lǝ̀, “Yàwɛ é tɔɔ gòò, ĩ́ĩ́ àɓà nyɔ́wròàtuomɛ̀ é tɔɔ gòò gbɛ̃́ã̀ nɛ̀ɛ̀ wɔ̃́gbɛɛ yaá tó n ɓà.” Wô pɵ, “Yàwɛ ɓɛɛ, é tɔɔ gòò.”

⁶ É Sámìɔ̀ yà pɵ mɛnù ɓɛɛ wo lǝ̀ zɥ́ nɛ̀ɛ̀, “Yàwɛ é tɔɔ gòò. Yeé Mózè wãã̀ Ɛ́ràn sɥ, é go ka dǝnũ̀ ká Ízè sɛ̀ gɥ́.

⁷ Lɛ̀ é pɵ́ɛ kàdɔan dinlɵ káa tótó zɛ̃ã Yàwɛ yà kãã̀ ka kpɔ́mɛ̀nù ka laáɛ â gɛ̃̀ɓo kalǝ̀.

⁸ Lɛ̀ é Zékɔ̀ wãã̀ yaa nɔ́ɔ̀nù wó lo Ízè sɛ̀ gɥ́ é Ízèmɛ̀nù wóo króɓoɛ, ka dǝnù wò gbɵbɔ̀ Yàwɛ píé, lɛ̀kɔ̀ɔɛ Yàwɛ è Mózè wãã̀ Ɛ́ràn bɔ, wó go ka dǝnù ká Ízè sɛ̀ gɥ́, wô kǝ wó yà lɛ̀nɛ̀ ɓà.

⁹ Kǝǝ wo zɵ̀trɵ̀ Yàwɛ waa Aaɓi wɔ̃̀ã. Lɵɛ Yàwɛ èye kɔ̀àà wo zɥ̀ kǝ Sìsírà é kǝ kíŋ Zábìn é go Hézɔ̀ pɵɵɛ, àɓà kózǝmɛ̀nù gɔ̀lààmɛ̀ káɛ à kɔ̀ nyɛ̀ɛ̀ zie wo gɔ̀. Éye kɔ̀àà zɥ́ wo lǝ̀ kǝ Félésã́ã̀mɛ̀nù wãã̀ Móàmɛ̀nù kɔ̀ nyɛ̀ɛ̀ zie wo là.

¹⁰ Lɛ̀kɔ̀ɔɛ wó gbɵbɔ Yàwɛ píé wô pɵ, ‘Yíá sɔ̀nyaa kǝ, ɓií yíá kɔ̀ ɓi ɥ́ Yàwɛ káɛ ká, yíá gblɥn kwikpo nù wó Béè wãã̀ Àtárɔ̀ káɛ lǝ̀, kǝǝ ɓò yi gɔ̀la yi dǝgbɵ nù gɔ̀, yàkɔɔ́ɛ yi lò gblɥn ɥ lǝ̀.’

¹¹ Lɛ̀kɔ̀ɔɛ Yàwɛ è Gédìàn, Bárà, Zɛ́pútà, wãã̀ ma Sámìɔ̀, yi sɥ é yí ka ɓo gã́gɥ́ ka dǝgbɵ nù kwɛ kɔ̀pɛ̃́ã́ sáálɵɛ là, é ká kǝ̀ sɛ́ nɛ̀ gɥ́ zòɔyàgrú ká.

¹² Kǝǝ lɛ̀ kâ ye nɛ̀ɛ̀ Nàhásì é Ámɔ̀nmɛ̀nùa kiŋ káɛ è nù kagɔ̀ kó káɛ, kâ pɵ n lǝ̀, ‘Yi mɛ̀ɛ̀ kíŋ ká nyɛ̀ɛ̀ líésɥ́ yiká,’ lɛ̀ Yàwɛ kaa Aaɓi lɵ́ kaa kíŋ káɛ ká.

¹³ “Lɛ̀ é pɵ́ɛ, lɛ̀gà, kaa kíŋ kâ lɛ̀ɛ̀, ye gà Yàwɛ yàà sɥ́ ka là ɓǝ.

¹⁴ Àyé ká súó Yàwɛ lǝ̀ ĩ́ĩ́ ká yuɔkǝà lǝ̀ ĩ́ĩ́ ká ka tótó à wò gɔ̀ é kaá dɔ̀nyǝ́n kǝ Yàwɛa tɔn gɔ̀, kǝ kãã̀ kaa kíŋ é ka làɛ̀ ka lò to Yàwɛ kaa Aaɓi píéɛ, kaa wɔ̃́ sáálɵɛ è lò yeyíà.

¹⁵ Kǝǝ àyé kaá ka tó dɔ Yàwɛ wò gɔ̀, é ká dɔ Yàwɛa tɔn gɔ̀ nyǝ́nɛ, Yàwɛ kɔ̀ lò kǝ gbín kãã̀ kaa kíŋ nù ka là.

¹⁶ Lɛ̀ é pɵ́ɛ kà dɔan dinlɵ kǝ kã́ã̀ wɔ̃́ kpàozǝ̀ é Yàwɛ loàkǝ ka nyááɛ ye.

¹⁷ Wítì kã́yì kṹ tɔɔ gbɛ̃́ã̀ã̀? A lò Yàwɛ lɔ̀ɔ̀kǝ nyɛ̀ɛ̀ lawéì wãã̀ layí bɔ. Yàkɔɔ́ɛ kalòà gɥ́dɔ kã́ã̀ ye nɛ̀ɛ̀ kaa kǝpǝ̀yaa kâ kǝ̀ Yàwɛ pɛá kíŋ lɛ̀ ka dèlǝ̀sɥ̀ káɛ è và dèèdè.”

¹⁸ Lɵɛ Sámìɔ̀ è Yàwɛ lɔ̀ɔ̀kǝ̀ é Yàwɛ è lawéì wãã̀ layí bɔ yi ɓɛɛ ká, lɛ̀kɔ̀ɔɛ mɛ sáálɵɛ wó sùò Yàwɛ wãã̀ Sámìɔ̀ lǝ̀ dèèdè.

¹⁹ Lɛ̀kɔ̀ɔɛ mɛ wó ɓǝ sáálɵɛ wô pɵ Sámìɔ̀ lǝ̀, “Ƃò ɓɛà ɓa mɛnù yínɛ̀ɛ̀ yi mɔ́ɔ̀wɔ̃̀ɓà Yàwɛ ɓa Aaɓi lǝ̀, kɵ́kǝ̀ yí lo ga. Wɛ́ákũɛ yíá yia sɔ̀nyaa nù tàkpɔ́ kíŋ lɛ̀ yi dèlǝ̀sɥ̀ ká.”

²⁰ É Sámìɔ̀ yà pɵ mɛnù ɓɛɛ wo lǝ̀, “Kɵ́kǝ̀ ká sùò. Ká kǝpǝ̀yaa và nɛ̀ kǝ póo, kǝǝ kɵ́kǝ̀ ká lìɛ̀ ká go Yàwɛ ɓà. Kà yuɔkǝ à lǝ̀ ka zòɔ sáálɵɛ ká.

²¹ Ĩ́ĩ́ kɵ́kǝ̀ ká lìɛ̀ Aaɓibĩ́nù wó pǝ fèè nù ká é kaáló pǝ gbɛɛ ye wo gɥ́ ĩ́ĩ́ waáló kalaɛ píé, ɓií wò fèè wɛ́á.

²² Wɛ́ákũɛ̃ Yàwɛ yaáló yaa mɛnù zon e tɔɔ yà mɛ̀ɛ̀ nyɛ̀ɛ̀ e tɔ́ kpàozǝ̀ ɓɛɛ tàkpàà. Ƃií è Yàwɛ zòkũ̀ nyɛ̀ɛ̀ ka kǝ mɛnù ká e dèlǝ̀.

²³ N káló bo ɓɛàlɛ̀à ka mɔ́ɔ̀wɔ̃̀ gɥ́, ɓií mâ kɔɔ́ɛ, a lò kǝ sɔ̀nyaa kǝlɛ̀à Yàwɛ gɔ̀. Kǝǝ a lò zɛ̃ã é sǝ̀ é kpenlɵɛ zɔ̃̀ ka lǝ̀.

²⁴ Pǝdo é lɵ̀ɛ̀ é tɔɔ ká súó Yàwɛ lǝ̀ ká yuɔkǝà lǝ̀ kplàɓo, ka zòɔ sáálɵɛ ká, ɓií kàa zòtá wɔ̃́ kpàozǝ̀nù yàà kǝ ka lǝ̀ɛ̀ mɔ́ɔ̀wɔ̃̀gɥ́.

²⁵ Kǝǝ ká sɔ̀nyaa kǝ kplàɓoɛ, ka gɥ́lòsìè, kãã̀ kaa kíŋ nu ká.”