Mazimuriyaa 113 - Geeshsha Mas'aafaa

S'oossaa Keekkatetsaa K'onc'c'issiyaa Galataa

¹ Med'inaa Godaa galatite! Hinttenoo Med'inaa Godaa k'oomatoo, Med'inaa Godaa suntsaa galatite!

² Med'inaa Godaa suntsay hachcheppe med'inaa gakkanaw galatetto!

³ Away doliyaasaappe biide wulliyaasaa gakkanawukka Med'inaa Godaa suntsay galatetto!

⁴ Med'inaa Goday kawutetsaa ubbaappe bollaanna mooddiyaawaa; Aa bonchchuukka salotuwaappe d'ok'k'iyaawaa.

⁵ Med'inaa Godaa nu S'oossaa mali oonee? I bolla d'ok'k'an kawutetsaa araatan utteedda.

⁶ I salotuwaanne sa'aa s'eellanaw duge hokkee.

⁷ I hiyyeesaa baanaappe d'ok'k'u ootsee; metootanchchaakka bidintsaa pituwaappe dentsee.

⁸ Bare asaa mooddiyaawanttunna utissee.

⁹ Maynne mishirato naanatuwaa aato ootsiide, nashechchiide I golliyaan izo bonchchissee. Med'inaa Godaa galatite!