Mazimuriyaa 47 - ጌሻ ማጻፋ

ጾሳይ አላምያ ኡባ ካትያ

ዛማረቱዋ ካፖ የጸቴዳ፥ ቆረ ናናቱዋ ማዝሙርያ

¹ ካዉተቱ ኡባይ ህንተ ኩሽያ ባቂተ፤ ቃላ ቁ ኦደ፥ ጾሳዉ ጋላታ የጽተ።

² ኡባፐ ቂያ መና ጎዳይ ያየታናዉ በሴ፤ ሳኣ ኡባ ቦላን እ ዎልቃማ ካትያ።

³ ጋድያ አሳ ኑፐ ጋርሳና፥ ካዉተቱዋካ ኑ ገድያፐ ጋርሳና ዎደ፥ ኑዉ ሞድሴ።

⁴ እ ኑዉ ላትያ ቢታ ዶሬዳ፤ ሄ ቢታይ፥ እ ሲቅያ ያቆባ ዛራቱ ጬቀትያዋ።

⁵ ጾሳይ ፑደ ካዉተ አራታ ከሴዳ። መና ጎዳይ ፑደ ከስያ ዎደ፥ ናሸቻ ሆምቦጨይነ ማላካታ ፑናይ ስሰቴዳ።

⁶ ጾሳ ሳቢተ፤ ኤ፥ አ ሳቢተ። ኑ ካትያ ሳቢተ፤ ኤ፥ አ ሳቢተ።

⁷ ጾሳይ ሳኣ ኡባ ካትያ ግድያ ድራዉ፥ ጋላታ ሳባ ሳቢተ።

⁸ ጾሳይ ባረ ጌሻ ካዉተ አራታን ኡቴዳ፤ ጾሳይ ካዉተቱዋ ኡባ ሞዴ።

⁹ ካዉተቱዋ ካፓቱ፥ አብራሃማ ጾሳ አሳቱዋና እትፐ ሺቂኖ። አያዉ ጎፐ፥ ሳኣን ደእያ ዎልቃማቱ ኡባይ ጾሳሳ፤ እ ሎይ ቁ ጌዳ።