Mazimuriyaa 119 - ጌሻ ማጻፋጾሳ ህግያዉ እመቴዳ ሳባ አለፍ አለፍ 1 ባረንቱ ኦግያን ቶሺ ባይናዋንቱነ፥ መና ጎዳ ህግያዳን ሀመትያዋንቱ፥ አንጀቴዳዋንታ። 2 እ ኦዴዳዋ ኦያዋንቱነ ባረንቱ ኩመን ዎዛናፐ አ ሲቅያዋንቱ፥ አንጀቴዳዋንታ። 3 ኡንቱንቱ ባላባ ኦክኖ፤ ጾሳ ኦግያን ሀመቲኖ። 4 ነ ዎጋዉ አማነቲደ ናጋና ማላ፥ ኔን ኑና አዛዛዳ። 5 ነ አዋዮ አዛዘትያዋን ታ ኦጊ ምናናዳን አሞታይ። 6 ያቶፐ፥ ነ አዛዙዋ ኡባ ሀይዛደ፥ ታን ኡባካ ዬላትከ። 7 ነ ጽሎ ፕርዳ ታማራደ፥ ታን ኔና ሱረ ዎዛናፐ ጋላታና። 8 ታን ነ አዋዩዋዳን ኦና፤ ታና ኡባካ የጎፓ። ቤት ቤት 9 ያላጋይ ባረ ኦግያ ጌሻ ኦደ ዎት ናጋናዉ ዳንዳዪ? ነ ቃላይ ግያዋዳን ደኦፐ ዳንዳዬ። 10 ታን ታ ፖሎ ዎዛናፐ ኔና ኮያይ፤ ነ አዛዞቱዋፐ ዎራ ሀመተናዳን ታና ናጋ። 11 ታን ኔና ናቀናዳን ነ ቃላ ታ ዎዛናን ዎድ። 12 አቤት መና ጎዳዉ፥ ኔን ጋላተታ! ነ አዋዩዋ ታና ታማርሳ። 13 ነ ዶናፐ ከሴዳ ፕርዳ ኡባ፥ ታን ታ እንጻርሳን ኦዳይ። 14 ዱረተን ናሸትያዋዳን፥ ታን ኔን ኦዴዳ ቃላን ናሸታይ። 15 ነ ዎጋቱዋ ዛራ ዛራደ ቆፓይነ ነ ኦግያ ሎይ አኬካይ። 16 ታን ነ አዋዩዋን ናሸታይ፤ ነ ቃላካ ታን ዶግከ። ጋሜል ጋሜል 17 ታን ፓጻ ደአና ማላነ ነ ቃላዉ አዛዘታና ማላ፥ ታዉ ነ ቆማው ኬካባ ኦ። 18 ነ ህግያ ግዶን ደእያ ማላልስያ ቱማተ፥ ታን በአና ማላ፥ ታ አይፍያ ዶያ። 19 ታን ሀ ሳኣን እማ፤ ነ አዛዞቱዋ ታፐ ገንፓ። 20 ታን ኡባ ዎደ፥ ነ ፕርዳ ሎይ ላሞታይ። 21 ኦቶረትያዋንቱ፥ ሸቀቴዳዋንታ፥ ነ አዛዙዋፐ ዎራ ሀመትያዋንታ፥ ኔን ሴራሳ። 22 ታን ኔን ኦዴዳዋ ኦዳ ድራዉ፥ ኡንቱንቱ ቦርያነ ኡንቱንቱ ካያ ታ ቦላፐ ድጋ። 23 ሀራይ አቶ ካፓቱ ሺቂደ፥ ታ ቦላ ማቀቶፐካ፥ ታን፥ ነ ቆማይ፥ ነ አዋዩዋ ዛራ ዛራደ ቆፓና። 24 ኔን ኦዴዳ ቃላቱ ታና ናሸቺኖ፤ ኡንቱንቱ ታና ዞሪኖ። ዳሌጽ ዳሌጽ 25 ታን ሀይቃና ሀናይ፤ ኔን ጌዳ ቃላዳን ታ ሸምፑዋ አሻ። 26 ታን ታ ኦግያዋ ነዉ ኦድና፥ ኔን ታና ስሳዳ፤ ስም፥ ነ አዋዩዋ ታና ታማርሳ። 27 ነ ዎጋ ኦግያ ታና አኬክሳ፤ ማላልስያ ነ ኦሱዋ ታን ዛራ ዛራደካ ቆፓና። 28 ካዩ ዳሬዳዋን ታ ሸምፑ ዳቡሬዳ፤ ኔን ጌዳ ቃላዳን ታና ምንሳ። 29 ዎርዶ ኦግያ ታፐ ሃሳ፤ ነ አ ኬካተን ነ ህግያ ታና ታማርሳ። 30 ቱሙዋ ኦግያ ዶራድ፤ ነ ፕርዳ ሀይዛድ። 31 አቤት መና ጎዳዉ፥ ታን ኔን ኦዴዳዋ ምንሳ ኦይቃድ፤ ስም ታና ዬላዮፓ! 32 ኔን ታ ዎዛና ላአ ከሴዳ ድራዉ፥ ታን ነ አዛዙዋ ኦግያን ዎጻይ። ሄ ሄ 33 አቤት መና ጎዳዉ፥ ነ አዋዩዋ ብለ ታና ታማርሳ፤ ታን ዉርሰይ ጋካናዉ አ ናጋና። 34 ታን ነ ህግያ ናጋና ማላነ ታ ኩመን ዎዛናፐ ታን አዉ አዛዘታና ማላ፥ ኔን ታዉ አኬካ እማ። 35 ነ አዛዙዋ ኦግያን ታና ካለ፤ አያዉ ጎፐ፥ ታን አን ናሸታይ። 36 ታ ዎዛና አሙዋኮ ግደናን፥ ኔን ኦዴዳ ቃላኮ ዛራ። 37 ፓናባ ጼለና ማላ፥ ታ አይፈቱዋ ተአ፤ ነ ኦግያን ታ ደኡዋ ኦራ። 38 ኔን ያየታና ማላ፥ ኔን ገሎ ቃላ ታዉ፥ ነ ቆማዉ ፖላ። 39 ያሽያ ቦርያ ታፐ ድጋ። ነ ፕርዳይ አይ ማላ ሎኤ! 40 ታን ነ ዎጋ ናጋናዉ አሞታይ፤ ኔን ጽሉዋ ግድያ ድራዉ፥ ታ ደኡዋ ኦራ። ዋዉ ዋዉ 41 አቤት መና ጎዳዉ፥ አገና ነ ሲቁዋ ታና በሳ፤ ኔን ጌዳ ቃላዳን ታና አሻ። 42 ታን ነ ቃላን አማነትያ ድራዉ፥ ታና ቦርያዋንቶ ዛራናዉ ዳንዳያይ። 43 ታን ነ ፕርዳን ናሸቻ ኦያ ድራዉ፥ ታ እንጻርሳፐ ቱማተ ቃላ ይሶፓ። 44 ታን ኡባ ገደ፥ መ መናዉካ ነ ህግያዉ አዛዘታና። 45 ታን ነ ዎጋ ፖልያ ድራዉ፥ አኩዋን ሀመታና። 46 ታን ካተቱዋ ስንን ኤቃደ፥ ኔን ኦዴዳባ ኦዳደ ዬላትከ። 47 ታን ዶስያ ነ አዛዞቱዋን ናሸታይ 48 ታን ሲቅያ ነ አዛዞቱዋ ቦንቻይ፤ ነ አዋዩዋካ ዛራ ዛራደ ቆፓና። ዛዉ ዛዉ 49 ኔን ታዉ፥ ነ ቆማዉ፥ እሜዳ ቃላ ቆፓ፤ ሄ ቃላን ታን ሂዶታ ኦይ። 50 ኔን፥ “ታን ኔና ፓጻ ዎና” ጌዳ ቃላይ ታ ቱጋ ዎደ ታና ምንዳ። 51 ኦቶራንቻቱ ታና ልክያፐ አደ ሸቂኖ፤ ሽን ታን ነ ህግያፐ ሸርእ ጊከ። 52 አቤት መና ጎዳዉ፥ በኒደፐ ደእያ ነ ፕርዳ ታን ሀሳያይ፤ ሄዋን ታን ምነታይ። 53 ኢታቱ ነ ህግያዉ አዛዘተናዋ በእና፥ ይሉ ታና ዎዳ። 54 ታን ደእያ አላጋ ቢታን፥ ነ አዋዩ ታዉ የ ግዴዳ። 55 አቤት መና ጎዳዉ፥ ታን ቃማ ነ ሱን ቆፓይ፤ ነ ህግያካ ናጋይ። 56 ነ ዎጋዉ አዛዘትያዌ ታዉ አንጆ ግዴዳ። ሄት ሄት 57 አቤት መና ጎዳዉ፥ ታና ጋኬዳ ሳማይ ኔና፤ ታን ነ ቃላዉ አዛዘታና ያጋይ። 58 ታን ታ ኩመን ዎዛናፐ ኔና ዎሳይ። ኔን ጌዳ ቃላዳን ታዉ ቃረታ። 59 ታን ታ ኦግያ አኬካ ጼላደ፥ ኔን ኦዴዳባኮ ስማድ። 60 ታን ነ አዛዙዋ ናጋናዉ፥ ኤሌላናፐ አትና ታክከ። 61 ኢታቱ ታና ዎዶሩዋን ቃቾፐካ፥ ታን ነ ህግያ ዶጋበይከ። 62 ነ ጽሎ ፕርዳ ድራዉ፥ ኔና ጋላታናዉ፥ ታን ቃማ ብላሄ ደንዳይ። 63 ታን ነዉ ያይያዋንቱ ኡባዉነ ነ ዎጋ ናግያዋንቶ ዳቦ። 64 አቤት መና ጎዳዉ፥ ሳአይ አገና ነ ሲቁዋን ኩሜዳ፤ ነ አዋዩዋ ታና ታማርሳ። ጼት ጼት 65 አቤት መና ጎዳዉ፥ ነ ጌዳ ቃላዳን፥ ታዉ ነ ቆማዉ ኬካባ ኦዳ። 66 ታን ነ አዛዞቱዋን አማነትያ ድራዉ፥ ሎኦ ፕርዳነ ኤራተ ታና ታማርሳ። 67 ታን ሙረታናፐ ካሰ ዎራ ሀመታድ፤ ሽን ሀእ ነ ቃላዉ አዛዘታይ። 68 ኔን ኬካ፤ ኔን ኬካባ ኦሳ፤ ነ አዋዩዋ ታና ታማርሳ። 69 ኦቶራንቻቱ ታና ዎርዱዋ ኦኪኖ፤ ሽን ታን ነ ዎጋ ታ ኩመን ዎዛናፐ ናጋና። 70 ኡንቱንቱ ዎዛናይ ኡባካ ዶንጭሎዋንታ፤ ሽን ታን ነ ህግያን ናሸታይ። 71 ታን ሙረቴዳዌ ታዉ ሎኤዳ፤ አያዉ ጎፐ፥ ነ አዋዩዋ ታማራናዉ ታና ማዴዳ። 72 ዳሮ ሻኡ ዎርቃፐነ ብራፐ፥ ነ ዶናፐ ከሴዳ ህጊ ታዉ አ። ዮድ ዮድ 73 ታና ነ ኩሺ መዳነ ጊግሴዳ። ነ አዛዙዋ ታን ታማራና ማላ፥ ታዉ አኬካ እማ። 74 ታን ነ ቃላን ህዶታ ዎያ ኦዳ ድራዉ፥ ነዉ ያይያዋንቱ ታና በኢደ ናሸትኖ። 75 አቤት መና ጎዳዉ፥ ነ ፕርዳይ ጽላ ግድያዋነ ኔን አማነቴዳዋ ግዶ ድራዉ ታና ሙሬዳዋ ኤራይ። 76 ኔን ታዉ ነ ቆማዉ ጌዳ ቃላዳን፥ አገና ነ ሲቁ ታና ምንሶ። 77 ታን ፓጻ ደአና ማላ፥ ታዉ ቃረታ፤ አያዉ ጎፐ፥ ነ ህጊ ታና ናሸቼ። 78 ኦቶራንቻቱ ዎርዱዋን ታና ሞትያ ድራዉ፥ ዬላትኖ። ታና ግዶፐ፥ ታን ነ ዎጋቱዋ ዛራ ዛራደ ቆፓይ። 79 ነዉ ያይያዋንቱነ፥ ኔን ኦዴዳባ ኤርያዋንቱ ኡባይ፥ ታኮ ዪኖ። 80 ታን ዬላተና ማላ፥ ነ አዋዮ አዛዘትያዋን ቶሺ ባይናዋ ግዳርክታ! ካፍ ካፍ 81 ኔን ታና አሻና ማላ፥ ታን ናጋደ ዳቡራይ፤ ታን ነ ቃላን ህዶታ ኦይ። 82 ኔን ጌዳ ቃላይ ፖለትና በአናዉ ጼሊደ፥ ታ አይፊ ጋልጄዳ። ታን፥ “ኔን ታና አዉደ ምንኒሻ?” ያጋይ። 83 ጩዋን ካቄዳ ኦጎሩዋ ግዳደ ጉንዳድ፤ ግዶፐነ፥ ነ አዋዩዋ ባልከ። 84 ታን ነ ቆማይ አዉደ ጋካናዉ ናጎ? ታና የደርስያዋንታ ኔን አዉደ ፕርዳኒ? 85 ነ ህግያ ናገና ኦቶራንቻቱ፥ ታና ኩድሳና ጊደ፥ ታዉ ኦላ ቦኪኖ። 86 ነ አዛዞቱ ኡባይ አማንያዋንታ። ታና አሳቱ ዎርዱዋን የደርስያ ድራዉ፥ ሀእ ታና ማዳ! 87 ኡንቱንቱ ታና ዎ ድጌድኖሽን፤ ታን ነ ዎጋ አጋበይከ። 88 አገና ነ ሲቁዋን ታ ደኡዋ ናጋ፤ ሄዌነ፥ ኔን ነ ዶናፐ ኦዴዳዋ ታን ናጋናሳ። ላሜድ ላሜድ 89 አቤት መና ጎዳዉ፥ ነ ቃላይ መናሳ፤ እካ ሳሉዋን ምኒደ ደኤ። 90 ኔን የለታፐ የለታ ጋካናዉ አማነትያዋ። ኔን ሀ ሳኣ ባሳደ ኤሳዳ፤ እካ ምኒደ ደኤ። 91 ኔን ጌዳዋዳን ኡባባይካ ሀች ጋካናዉ ምኒደ ደኤ፤ አያዉ ጎፐ፥ ኡባቱካ ነ ቆማቱዋ። 92 ነ ህጊ ታና ናሸችያባ ግደነንቶ፥ ታ ቱጋ ዎደ ታን ያና ሽን። 93 ነ ዎጋ ኡባካ ዶግከ፤ አያዉ ጎፐ፥ ኔን አን ታና ፓጻ ዎዳ። 94 ታን ነዋቴ፤ ታና አሻ፤ አያዉ ጎፐ፥ ታን ነ ዎጋ ናጋናዉ ኮያይ። 95 ኢታቱ ታና ይሳናዉ ኩኩሊደ ናጊኖ፤ ሽን ታን ኔን ኦዴዳዋ ቆፓይ። 96 ፖሎ ጌተቶባዉ ኡባባዉ ዛዋይ ደእያዋ ታን በኣድ፤ ሽን ነ ህግያዉ ዛዋይ ባዋ። ሜም ሜም 97 ታን ነ ህግያ ዋታ ዶሳይታ! ጋላሳ ኩመን ታን ቆፕያዌ አ። 98 ነ አዛዞቱ ኡባ ዎደካ ታናና ደእያ ድራዉ፥ ኡንቱንቱ ታና ታ ሞርከቱዋፐ አዳ ኤራንቻ ከሲኖ። 99 ታን ኔን ኦዴዳዋ ቆፕያ ድራዉ፥ ታና ታማርሴዳ ኡባፐካ አዳ አኬካይ ታዉ ደኤ። 100 ታን ነ ዎጋዉ አዛዘትያ ድራዉ፥ ጭማቱዋፐ አደ አኬካይ። 101 ታን ነ ቃላዉ አዛዘታናዉ ኮይያ ድራዉ፥ ታ ገድያ ኢታ ኦግያ ኡባፐ ናጋድ። 102 ኔን ታና ታማርሴዳ ድራዉ፥ ታን ነ ፕርዳፐ ዎራ ባበይከ። 103 ነ ቃላይ አያ ማልኢ! ኤሳ እልሉዋፐካ አደ፥ ታ ዶናን ማልኤ። 104 ነ ዎጋፐ አኬካ ደማድ፤ ሄዋ ድራዉ፥ ታን ጌላ ኦግያ ኡባ እጻይ። ኖን ኖን 105 ነ ቃላይ ታ ገድያዉ ጾምፕያ፥ ታ ኦግያዉካ ፖኡዋ። 106 ነ ጽሎ ፕርዳዳን ደአናዉ፥ ታን ጫቄዳ ጫቁዋ ምንና። 107 ታን ዳሮ ቱጋታድ፤ አቤት መና ጎዳዉ፥ ኔን ጌዳ ቃላዳን ታና ፓጻ ዎ። 108 አቤት መና ጎዳዉ፥ ታ ዶናፐ ከስያ ጋላታ፥ ያርሹዋ አካ፤ ታና ፕርዳ ታማርሳ። 109 ታ ሸምፑ መቱዋ ቦላ ደእንቶካ፥ ታን ነ ህግያ ዶግከ። 110 ኢታቱ ታዉ ግትያ የጌድኖ፤ ሽን ታን ነ ዎጋፐ ሸርእ ጋበይከ። 111 ኔን ኦዴዳባይ መናዉ ታዋ፤ ኤ፥ እ ታ ዎዛናዉ ናሸቻ። 112 ታን መናዉ፥ ዉርሰ ጋካናዉ ነ አዋዩዋዳን ኦናዉ ቃቻድ። ሳምከት ሳምከት 113 ታን ላኡ ቆፋይ ደእያ አሳቱዋ እጻይ፤ ሽን ነ ህግያ ሲቃይ። 114 ኔን ታዉ ቆሰታ አትያ ሳነ ታ ጎንዳልያ፤ ታን ነ ቃላን ህዶታ ኦይ። 115 ታን ታ ጾሳ አዛዙዋ ናጋና ማላ፥ ህንተኖ፥ ኢታባ ኦያዋንቶ፥ ታፐ ሃክተ! 116 ኔን ጌዳ ቃላዳን ታና ምንሳ፤ ያቶፐ፥ ታን ፓጻ ደአና። ታን ህዶታን ናግያባን ታና ዬላዮፓ። 117 ታና ዘምፕሳ፤ ያቶፐ፥ ታን ሳሮ ደአና፤ ታን ኡባ ዎደ ነ አዋዩዋ ሀይዛና። 118 ነ አዋዩዋፐ ዎራ ብያዋንታ ኡባ ኔን አካካ፤ ኡንቱንቱ ጭሙ ጮ መላ። 119 ሳኣን ደእያ ኢታቱዋ ኡባ ኔን ፕቱዋዳን ፓይዳሳ፤ ሄዋ ድራዉ፥ ታን ኔን ኦዴዳባ ሲቃይ። 120 ታ ቦላይ ነዉ ያዪደ ኮኮሬዳ፤ ታን ነ ፕርዳዉ ያያይ። ኤ ኤ 121 ልከባነ ጽሎባ ኦድ፤ ታና ኡቁንያዋንቶ ኦሎፓ። 122 ታና ነ ቆማ ማዳናዉ ዋሰ ግዳ፤ ታና ኦቶራንቻቱዋን ኡቁንሶፓ። 123 ኔን፥ “ኔና አሻና” ጌዳ ጽሎ ቃላ ፖሎ ጋደ ናግሽን፥ ታ አይፊ ጋልጄዳ። 124 ታዉ፥ ነ ቆማዉ፥ ኔን አገና ነ ሲቁዋዳን ኦ፤ ነ አዋዩዋካ ታና ታማርሳ። 125 ታን ነ ቆማ፤ ኔን ኦድያባ ታን ኤራና ማላ፥ አኬካ ታዉ እማ። 126 አቤት መና ጎዳዉ፥ አሳቱ ነ ህግያ መንዳ ድራዉ፥ ኔን ፕርዳና ዎዲ ሀአ። 127 ታን ነ አዛዙዋ ዎርቃፐ አደ ሲቃይ፤ ኤ፥ ጌሻ ዎርቃፐካ አደ ሲቃይ። 128 ሄዋ ድራዉ፥ ታን ነ ዎጋቱ ኡባይ ግያዋዳን ሀመታይ፤ ጌላ ኦግያ ኡባ ታን እጻይ። ፐ ፐ 129 ኔን ኦዴዳባይ ማላልስያባ፤ ሄዋ ድራዉ፥ ታን አዉ አዛዘታይ። 130 ነ ቃላ ብለይ ፖኡዋ እሜ፤ አኬካይ ፓጬዳዋንቶ አኬካ እሜ። 131 ታን ነ አዛዞ፥ ዳሮ ሳመታደ ታ ዶና ዶያይ። 132 ሃ ታኮ ስማ፤ ነ ሱን ሲቅያዋንቱ ኡባዉ ኔን ኦያዋዳን ታዉካ ቃረታ። 133 ኔን ጌዳ ቃላዳን ታ ሄመታ ሱርሳ፤ አይ ናጋራይነ ታና ሞዶፖ። 134 ታን ነ ዎጋዉ አዛዘታናዉ፥ ታና ኡቁኔዳዋንቱ ኩሽያፐ ዎዛ። 135 ታ ቦላ፥ ነ ቆማ ቦላ፥ ነ ሶምኡዋ ፖእሳ፤ ነ አዋዩዋካ ታማርሳ። 136 ነ ህግያዉ አሳይ አዛዘትቤና ድራዉ፥ ታ አይፍያፐ አፎይ ሻፋዳን ጎጌ። ጻደ ጻደ 137 አቤት መና ጎዳዉ፥ ኔን ጽሉዋ፤ ነ ፕርዳይካ ልከ። 138 ኔን ኦዴዳባይ ጽሉዋነ ኡባ አማነትያዋ። 139 ታ ሞርከቱ ነ ቃላ ቶቼዳ ድራዉ፥ ነ ቃላ ምሹ ታ ጎምፓን ኤጽ ከሴዳ። 140 ኔን ጌዳ ቃላይ ዳሮፐ አማነትያዋ፤ ታን፥ ነ ቆማይ አ ሲቃይ። 141 ታን ጉነ ካቴዳ አሳ፤ ግዶፐነ፥ ታን ነ ዎጋ ዶግከ። 142 ነ ጽሎተይ መናዉ ደኤ፤ ነ ህጊካ ቱማ። 143 መቱነ ቱጋይ ታና ጋኬዳ፤ ሽን ነ አዛዞቱ ታና ናሸቺኖ። 144 ኔን ኦዴዳባይ መናዉካ ጽሉዋ፤ ታን ፓጻ ደአና ማላ፥ አኬካ ታዉ እማ። ቆፍ ቆፍ 145 አቤት መና ጎዳዉ፥ ኩመን ዎዛናፐ፥ ነዉ ዋሳድ፤ ታዉ አላ። ታንካ ነ አዋዩዋ አዛዘታና። 146 ታን ነዉ ዋሳድ፤ ታና አሻ፤ ታንካ ኔን ኦዴዳባ ኦና። 147 ጻልቂ ዶለና ጉራን ደንዳደ፥ “ታና ማዳ” ጋደ ነዉ ዋሳይ። ኔን ታዉ ጌዳ ቃላን ህዶታ ኦይ። 148 ነ ቃላባ ዛራ ዛራደ ቆፓናዉ፥ ቃማ ኡታ አቃይ። 149 አቤት መና ጎዳዉ፥ አገና ነ ሲቁዋ ድራዉ፥ ታዋ ስሳ፤ ነ ጽሎ ፕርዳዳን ታና ፓጻ ዎ። 150 ኢታባዉ ታና የደርስያዋንቱ፥ ታኮ ማቴድኖ፤ ኡንቱንቱ ነ ህግያፐ ሃኪኖ። 151 ሽን አቤት መና ጎዳዉ፥ ኔን ታ ማታን ደኣሳ፤ ነ አዛዞቱ ኡባይካ ቱማ። 152 ታን በንፐ ዶማደ፥ ኔን ኦዴዳባ ታማራድ፤ አ ኔን መናዉ ምንሳ ኤሳዳ። ሬሽ ሬሽ 153 ታ ቱጋ በኣደ፥ ታና አሻ፤ አያዉ ጎፐ፥ ታን ነ ህግያ ዶጋበይከ። 154 ታ ድራዉ ሞተታደ ታና ዎዛ፤ ኔን ጌዳ ቃላዳን ታና ፓጻ ዎ። 155 ነ አዋዩዋ ኡንቱንቱ አከና ድራዉ፥ አቶተይ ኢታቱዋፐ ሃኩዋን ደኤ። 156 አቤት መና ጎዳዉ፥ ነ ቃረታይ ዳራ፤ ነ ጽሎ ፕርዳዳን ታና ፓጻ ዎ። 157 ታ ሞርከቱነ ታና የደርስያዋንቱ ዳራ፤ ሽን ታን ኔን ኦዴዳዋፐ ሸርእ ጊከ። 158 ኡንቱንቱ ነ አዛዞቱዋ ናገና ድራዉ፥ ታን ካድያዋንታ በኣደ ሸነታድ። 159 አቤት መና ጎዳዉ፥ ታን ነ ዎጋ ሲቅያ ሲቁዋ ቆፓ፤ አገና ነ ሲቁዋዳን ታና ፓጻ ዎ። 160 ነ ቃላይ ኮይሮፐካ ቱማ፤ ነ ጽሎ ፕርዳይ ኡባይካ መናዉ ደኤ። ሺን ሺን 161 ካፓቱ ታና ጮ የደርሲኖ፤ ሽን ታ ዎዛናይ ነ ቃላዉ ያዬ። 162 ዳሮባ ኦሞዴዳ አሳይ ናሸትያዋዳን፥ ኔን ጌዳ ቃላን ታን ናሸታይ። 163 ታን ዎርዱዋ እጻይነ ሸነታይ፤ ሽን ነ ህግያ ሲቃይ። 164 ነ ጽሎ ፕርዳ ድራዉ፥ ታን ኔና ጋላሳን ላፑ ገደ ጋላታይ። 165 ነ ህግያ ሲቅያዋንቶ ኩመን ሳሮተይ ደኤ፤ ኡንቱንታ ኡባካ አያይነ ባናዉ ዳንዳየና። 166 አቤት መና ጎዳዉ፥ ታን ነ አቶተ ሂዶታን ናጋይ፤ ነ አዛዞቱዋካ ኦይ። 167 ታን ኔን ኦዴዳባ ናጋይ፤ ታን ዳሮፐ አ ሲቃይ። 168 ታን ነ ዎጋዉነ ኔን ኦዴዳዎ አዛዘታና፤ አያዉ ጎፐ፥ ታ ኦግያ ኡባ ኔን በኣሳ። ታዉ ታዉ 169 አቤት መና ጎዳዉ፥ ታ ዋሱ፥ ነ ስን ጋኮ፤ ኔን ጌዳ ቃላዳን ታዉ አኬካ እማ። 170 ታ ዋትዋቱ ነ ስን ጋኮ፤ ኔን ጌዳ ቃላዳን ታና አሻ። 171 ኔን ነ አዋዩዋ ታና ታማርስያ ድራዉ፥ ታ ዶናፐ ጋላታይ ፑልታና። 172 ነ አዛዞቱ ኡባይ ጽሎ ግድያ ድራዉ፥ ታ እንጻርሳይ ነ ቃላባ የጻና። 173 ታን ነ ዎጋ ዶሬዳ ድራዉ፥ ነ ኩሺ ታና ማዳናዉ ጊጌዳዋ ግዶ። 174 አቤት መና ጎዳዉ፥ ኔን ታና አሻና ማላ ላሞታይ፤ ነ ህጊካ ታና ናሸቼ። 175 ታን ኔና ጋላታና ማላ፥ ታና ፓጻ ዎ፤ ነ ፕርዳይካ ታና ማዶ። 176 ታን ባዬዳ ዶርሳዳን ብቻራይ፤ ታና ነ ቆማ ኮያ፤ አያዉ ጎፐ፥ ታን ነ አዛዙዋ ዶጋበይከ። |
The Word for the World Ethiopia