Mazimuriyaa 108 - ጌሻ ማጻፋ

ዎንታ ሳባነ ጋላታ

ዳዊታ ማዛሙርያ፥ የ

¹ አቤት ጾሳዉ፥ ታ ዎዛናይ ምኒደ ደኤ። ታን ነዉ ታ ኩመን ዎዛናፐ የጻናነ ኔና ሳባና።

² ዲዉነ ማስንቆ ቤጎትተ! ታንካ ዎንታ ጉራና ቤጎታና።

³ አቤት መና ጎዳዉ፥ ታን ኔና አሳ ግዶን ጋላታና፤ ቃይ ካዉተ ግዶን ኔና ሳባና።

⁴ አያዉ ጎፐ፥ አገና ነ ሲቁ ዎልቃማ፤ ሳሉዋፐ ቦላዉ አ። ነ ቱማተይካ ቦላ ሻርያዳን ቄ።

⁵ አቤት ጾሳዉ፥ ሳሎቱዋፐ ቦላና ቁ ቁ ጋ! ነ ቦንቹ ሳኣ ኡባ ቦላ ግዶ።

⁶ ኔን ሲቅያዋንቱ አታና ማላ፥ ነ ኡሸቻ ኩሽያን ኑና አሻ፤ ኔን ታዉ አላ።

⁷ ጾሳይ ባረ ጌሻ ሳኣን ሀዋዳን ያጌዳ፤ “ታን ጾናደ ሰኬማ ቢታ ሻካና፤ ቃይ ሱኮታ ዛንጋራ ግሻና።

⁸ ጋላኣደ ታዋ፤ ምናሰካ ታሳ፤ ኤፍሬም ታ ሁጲያ አሽያ ቆብያ፤ ይሁዳይ ታ ካዉተ ጻምኣ።

⁹ ሞኣበ ታን ሜጨትያ ኩይጻሩዋ፤ ኤዶም ታዋ ግድያዋ ኤርሳናዉ ታ ጫማ አ ቦላ ዎይ። ታን ፕልስጼማ ጾናደ ገሬራይ” ያጌዳ።

¹⁰ ግምበቴዳ ካታማኮ፥ ታና ኦኔ አፋናዌ? ኤዶማ ጋካናዉ ታና ኦኔ ካለናዌ?

¹¹ አቤት ጾሳዉ፥ ኑና አጌዳዌ ኔና ግድኪ? አቤት ጾሳዉ፥ ኔን ኑ ቶራንቻቱዋና ኦላዉ ከሳካ።

¹² አሳ ማዱ ፓና ድራዉ፥ ሞርክያና ኦለታናዉ ኔን ኑና ማዳ።

¹³ ጾሳ ዎልቃን ኑን ኑ ሞርከቱዋ ጾናና፤ ኑ ሞርከቱዋ የናዌ አ።