Hizik'k'eela 4 - ጌሻ ማጻፋ

የሩሳላመ ቦላ ጾሳ ፕርዳ

¹ “ኔኖ አሳ ናአዉ፥ ኡርቃፐ መዳ ጹብያ አካደ፥ ነ ስንን ዎ፤ ያታደ የሩሳላመ ካታማ ምስልያ አ ቦላ መ።

² አ ዶዳ፤ ድርሳ ኦንነ ከስ አከናዳ ድራ፥ ካታማ ግምቢያ ዩሹዋን ቢታ ዶራ፤ ኦላንቻቱ ኤቂያሳ ጊግሳ፤ ግምቢያ ላልያ ኦላ ሚሻ ዩሹዋን ጊግሳ።

³ ቃይ ብራታ ባሽያ አካደ፥ ብራታ ጎዳዳን ኔፐነ ካታማፐ ግዱዋን ኤሳ። ነ ሶምኡዋካ ሀንቁዋን አኮ ዛራ። ሄ ካታማይ ዶደታና፤ ቃይ ዶዴዳዌካ ኔና። ሀዌ እስራኤልያ አሳዉ ማላ ግዳናዋ።

⁴ “ሄዋፐ ጉይያን፥ እስራኤልያ አሳዉ ሙሩዋ ማላ ግዳና ማላ ነ ሀድርሳ ምይያን ግሳ። ኔን ነ ሀድርሳ ምይያን ግሴዳ ጋላሳቱዋ ፓይዱዋ ኬሻ እስራኤልያ አሳ ኡንቱንቱ ዋን ሙረታነንቶ በሳሳ።

⁵ ቃይ ኔን ግሳደ እስራኤሊ ዎት ሙረታነንቶ በሳናዳን 390 ጋላሳ ነዉ እማድ። ሄ እት እት ጋላሳይ ኡንቱንቱ ሙረትያ እት እት ላይና ቃራ።

⁶ “ሄ ጋላሳ ነ ዉርሴዳዋፐ ጉይያን፥ ቃይ ዛራደ ነ ኡሸቻ ምይያን ይሁዳ አሳይ ዎት ሙረታነንቶ በሳናዉ ግሳ፤ እት እት ጋላሳይ እት እት ላይ ሙሩዋና ቃራ ግድያ ድራዉ፥ ሄዋዳን ኡንቱንቱ ኦዳ ናጋራ ሙሩዋ ኦይታሙ ጋላሳ ኔን ግሳናዳን፥ ታን ነዉ እማድ።

⁷ ነ ሶምኡዋ የሩሳላመ ዶደኮ ሀንቁዋን ዛራደ፥ ነ ኩሽያ ደን ማንዳደ፥ የሩሳላመ ቦላ ትምቢትያ ኦዳ።

⁸ ሄ ዶደን ኔን ጋምእያ ጋላሳይ ዉራናዉ፥ እት ምይያፐ ሀራ ምይያዉ አ ዎናዳን፥ ታን ኔና ዎዶሩዋን ቃቻና።

⁹ “ሀእ ኔን፥ ዛርጋነ ባንጋ፥ ባኤላነ ምስርያ፥ ማልዱዋነ ሞርገ ም አካደ፥ ካ ዎያ እት ባን ቆላደ፥ አፐ ነዉ ቁማ ካደ፤ ሄዋ ኔን ምይያን ግስያ 390 ጋላሳ ማና።

¹⁰ ሀች ሀች ኔን ምያ ኡክ ልካ፤ እካ 230 ግራምያ ዴጽያዋ ግዶ፤ ሄዋ አ ዎድያን ዎድያን ማ።

¹¹ ቃይ ኔን ሀች ሀች ኡሽያ ሃካ ልካ፤ እካ ላኡ ቡርጩኮ ግዶ፤ ሄዋ አ ዎድያን ዎድያን ኡሻ።

¹² ሄ ዋላኬዳ ካ ባንጋ ኡክ ኡክያዋዳን ኡካ፤ አሳይ ጼልሽን፥ አሳ ዎራ ሼሻ መላ ኤደ ኡካ፤ ያታደ ማ።

¹³ ሄዌ እስራኤልያ አሳይ ታን ኡንቱንታ ላልያ ካዉተቱዋ ግዶን ደኢድ፥ ቱኔዳ ቁማ ማናዎ ማላታ” ያጌዳ መና ጎዳይ።

¹⁴ ያትና፥ ታን ዛራደ ሀዋዳን ያጋድ፤ “ሀይ! ኡባ ሞድያ መና ጎዳዉ፥ ሄዌ ሀኖፖ! ታን ታና ቱንሳ ኤርከ። ታ ናአተፐ ዶማደ ሀች ጋካናዉ፥ ባኩታ ዎይ ባዞ ዶአይ ፑዚደ ዎዳዋ ማ ኤርከ፤ ቱኔዳ አሹ ታ ዶናኮ ሺቅ ኤረና” ያጋድ።

¹⁵ እ ዛሪደ፥ ታና ሀዋዳን ያጌዳ፤ “ዳሮ ሎአ፥ ያቶፐ፥ አሳ ዎራ ሼሻ መላን ኡክያዋ አጋደ፥ ሚዛ ኦሻ ከዊያን ነ ኡክ ኡካሳ” ያጌዳ።

¹⁶ እ ቃይካ ሀዋዳን ያጌዳ፤ “ኔኖ አሳ ናአዉ፥ በአ፤ የሩሳላመ ካታማ ካ ገለናዳን፥ ታን ድጋና ሀናይ። አሳይ ካ ህርጊደ፥ ማኪደ ማና፤ ቃይ ሃካ ያዪደ፥ ልኪደ ኡሻና።

¹⁷ ሄዎ ኡንቱንቶ ደእያ ካይነ ሃይ ዉራና፤ ኡንቱንቱ እቱ እቱዋ፥ ‘ፖራ!’ ጊደ ጼላና፤ ኡንቱንቱ ባረንቱ ናጋራ ሙሩዋን ግልቃና።