Doometsaa 46 - ጌሻ ማጻፋ

እስራኤላቱ ግብጼ ጋድያን ( 46:1—50:26 ) ያቆብነ አ ሶ አሳይ ዱገ ግብጼ ቤድኖ

¹ እስራኤሊ ባረዉ ደእያዋ ኡባ አክ ደንዲደ፥ በርሳበሀ ጋኬዳ፤ እ ባረ አዉዋ ይሳቃ ጾሳዉ ያርሹዋ ያርሼዳ።

² ጾሳይ ቃማ አኩሙዋን አ፥ “ያቆባ፥ ያቆባ” ያጌዳ። እ፥ “አቤ” ጊደ ኮዬዳ።

³ አ፥ “ታን ጾሳ፥ ነ አዉዋ ጾሳ፤ ኔን ዱገ ግብጼ ባናዉ ያዮፓ፤ አያዉ ጎፐ፥ ታን ኔና ያን ዎልቃማ ካዉተ ከሳና።

⁴ ታን ኔናና እትፐ ግብጼ ባና፤ ቃይ ታን ነ ዘረ ያፐ ከሳና። ዮሴፎ ባረ ኩሽያን ነ አይፍያ ሺሻና” ያጌዳ።

⁵ ሄዋፐ ጉየ፥ ያቆብ በርሳበሄፐ ደንዴዳ፤ እስራኤልያ አቱማ ናናይ ባረንቱ አዉዋ ያቆባ፥ ባረንቱ ናናነ ባረንቱ ማቻቱዋ ግብጼ ካቲ ኡንቱንቶ ኪቴዳ ፓራ ጋርያን ዎደ አፌድኖ።

⁶ ኡንቱንቱ ካናነ ቢታን ሞዴዳ ማጹዋነ መህያ ኡባ አፌድኖ። ያቆብነ አ ዘረ ኡባይ አናና ግብጼ ቤድኖ።

⁷ እ ባረ አቱማ ናናነ ባረ ናና አቱማ ናና፥ ባረ ማጫ ናናነ ባረ ናና ማጫ ናና፥ ሄዌነ ባረ ዘረ ኡባ ባረናና ግብጼ አፌዳ።

ያቆባ የለታ

⁸ እስራኤላና ግብጼ ጋድያ ቤዳ እስራኤልያ ናና ሱንይ ሀዋፐ ካሊደ ጻፈቴዳዋ። ያቆባ ባይራ ናአይ ሮቤላ፤

⁹ ሮቤላ አቱማ ናናይ ሀኖካ፥ ፓሉ፥ ሄጽሮናነ ካርማ።

¹⁰ ስሞና አቱማ ናናይ ይሙኤላ፥ ያሚና፥ ኦሃዳ፥ ያኪና፥ ጾሃራነ ካናነ ምሽራት ናኣ ሻኡላ።

¹¹ ሌዊ አቱማ ናናይ ገርሾና፥ ቃሃታነ ማራራ።

¹² ይሁዳ አቱማ ናናይ ኤራ፥ ኦናና፥ ሼላ፥ ፓሬሳነ ዛራሀ፤ ሽን ኤርነ ኦናን ካናነ ቢታን ሀይቄድኖ። ፓሬሳ አቱማ ናናይ ሄጽሮናነ ሀሙላ።

¹³ ይሳኮራ አቱማ ናናይ ቶላአ፥ ፑዋ፥ ያሹባነ ሽምሮና።

¹⁴ ዛብሎና አቱማ ናናይ ሰሬዳ፥ ኤሎናነ ያህላኤላ።

¹⁵ ሀዋንቱ ልያ ማስጰጾምያን ያቆባዉ የሌዳ አቱማ ናና፤ እ ማጫ ናታ ዲኖ። ሀዋንቱ አ ናናይነ ናና ናናይ ሙሊ ሀታማነ ሄዛ።

¹⁶ ጋደ አቱማ ናናይ ጻፎና፥ ሀጋ፥ ሹና፥ ኤጽቦና፥ ኤር፥ አሮዳነ አርኤላ።

¹⁷ አሴራ አቱማ ናናይ ይምና፥ ይሽዋ፥ ይሽዋሀነ ባሪአ፤ ኡንቱንቱ ምቻታ ሰራሆ። ባሪአ አቱማ ናናይ ሄቤራነ ማልክኤላ።

¹⁸ ላባን ባረ ናት ልዮ እሜዳ ዝልፓ ያቆባዉ የሌዳ ናናይ ሀዋንታ፤ ኡንቱንቱ ሙሊ ታማነ ኡሱፑና።

¹⁹ ያቆባ ማቻት ራሄል አቱማ ናናይ ዮሴፎነ ቢንያማ።

²⁰ ኦና ካታማ ቄስያ ጶጽፋራ ናታ አስናታ ዮሴፎዉ ግብጼን ምናሳነ ኤፍሬማ የላዱ።

²¹ ቢንያማ ናናይ በላአ፥ በኬራ፥ አሽቤላ፥ ጌራ፥ ናእማና፥ ኤሀ፥ ሮሻ፥ ሙፒማ፥ ሁፒማነ አራዳ።

²² ያቆባዉ የለቴዳ ራሄል አቱማ ናናይ ሀዋንታ፤ ኡንቱንቱ ሙሊ ታማነ ኦይዳ።

²³ ዳና አቱማ ናአይ ሁሺማ።

²⁴ ንፍታሌማ አቱማ ናናይ ያህጽኤላ፥ ጉና፥ የጼራነ ሺሌማ።

²⁵ ላባን ባረ ናት ራሄልዉ እሜዳ ባላ ያቆባዉ የሌዳ ናናይ ሀዋንታ፤ ኡንቱንቱ ሙሊ ላፑና።

²⁶ ያቆባና ግብጼ ቤዳ፥ አ ጉልባታፐ የለቴዳዋንቱ፥ አ ናና ማቻቱዋ ጉጀናን፥ ሙሊ ኡሱፑን ታማነ ኡሱፑና።

²⁷ ግብጼን ዮሴፎዉ የለቴዳ ላኡ ናና ጉጅና፥ ግብጼ ቤዳ ያቆባ ሶ አሳይ ሙሊ ላፑን ታማ።

ያቆብነ አ ሶ አሳይ ግብጼን ደኤድኖ

²⁸ ገሴመ ቢታን ሞካና ማላ፥ ያቆብ ይሁዳ ባረፐ ስንዉ ዮሴፎኮ ኪቴዳ፤ ኡንቱንቱ ገሴመ ጋኬዳ ዎደ፥

²⁹ ዮሴፎ ባረ ፓራ ጋርያ ጊግሲደ፥ ባረ አዉዋ እስራኤላና ጋከታናዉ ገሴመ ቤዳ። ዮሴፎ ባረ አዉዋ ደሜዳ ሳናካ አ ቆያን ጻጸት ቆም፥ ዳሮ ዎድያ ዬኬዳ።

³⁰ እስራኤሊ ዮሴፎ፥ “ኔን ፓጻ ደእሽን፥ ታን ነ አይፍያ በኤዳ ድራዉ፥ ሀእ ታን ሀይቂንቶነ አይነ ባዋ” ያጌዳ።

³¹ ሄዋፐ ጉየ፥ ዮሴፎ ባረ እሻቱዋነ ባረ አዉዋ ሶ አሳ፥ “ታን ግብጼ ካትያኮ ባና፤ አዉ፥ ‘ካናነ ቢታን ደእያ ታ እሻቱዋነ ታ አዉዋ ሶ አሳይ ታኮ ዬድኖ።

³² ኡንቱንቱ ዶርሳ ሄንንቻ፤ ኡንቱንቱ መህያ ሄምኖ፤ ኡንቱንቱ ባረናና ባረንቱ ዶርሳቱዋ፥ ባረንቱ ምያቱዋነ ባረንቶ ደእያዋ ኡባ አኪደ ዬድኖ’ ያጋና።

³³ ካቲ ህንተንታ ጼስሲደ፥ ‘ህንተ ኪታይ አዬ?’ ያጊደ ኦቾፐ፥

³⁴ ህንተንቱ አዉ፥ ‘ኑን ነ ቆማቱ ናአተፐ ዶሚደ፥ ኑ አዎቱዋዳን መህያ ሄሜቶ’ ያግተ። እ ህንተንታ ገሴመ ጋድያን ዎናዋ፤ አያዉ ጎፐ፥ ዶርሳ ሄንንቻ ኡባይ ግብጼ አሳን ካቴዳዋ” ያጌዳ።