Daannatuwaa 17 - ጌሻ ማጻፋ

አማኑዋነ አማኑዋ ኦሱዋ ዎጋ ባየ ( 17:1—21:25 ) ምካ ኤቃ ምስለቱዋ

¹ ኤፍሬማ ገዝያን ሚካ ግያ እት ብታኒ ደኤ።

² እት ጋላስ ሚክ ባረ አቶ፥ “ኔፐ እት አሳይ እት ሻአነ እት ጼቱ ጻጋራ ብራ ዉኤዳ ዎደ፥ ኔን ሄ ዉኤዳ ብታንያ ሸቂሽን ታን ስሳድ። በአ፥ ሄ ሚሻይ ታ ማታን ደኤ፤ ታን አካድ” ያጌዳ። ሄዋፐ ጉየ አ ዳያ፥ “ታ ናአዉ፥ ኔና መና ጎዳይ አንጆ” ያጋዱ።

³ ሄዋፐ ጉየ ናአይ እት ሻአነ እት ጼቱ ጻጋራ ብራ ባረ አትዉ ዛሬዳ፤ አ ዳያ፥ “ሸቃይ ታ ናኣ ጋከናዳን፥ ታን ሀ ሚሻ ታ መና ጎዳዉ ዱማያና። ያቶፐ ብራ ሲልሲደ፥ ምፐ ማሰቲደ ጊጌዳ ኤቃ ምስልያ አን ሼሻናዉ ጎኤታና። ሄዋ ድራዉ፥ ብራ ታን ነዉ ዛራና” ያጋዱ።

⁴ ናአይ ባረ አትዉ ሻሉዋ ዛርና፥ አ ዳያ ሄ ጻጋራ ብራፐ ላኡ ጼቱዋ አካደ፥ ም ማሲደ ብራን ሼሽ ሼሺደ ኤቃ ምስልያ መያ እት ሂላንቻዉ እማዱ፤ እ ኦዳ ምስሊ ሚካ ሶን ደኤዳ።

⁵ ሄ ምካዉ ኤቃዉ ጎይንያ ኬይ ደኤ። እ ኤፉድያነ ሶ ግዶ ኤቃ ምስለቱዋ ጊግሲደ፥ ሄ ጎለን ባረ ናናቱዋፐ እቱዋ ቄሳ ኦደ ሱንዳ።

⁶ ሄ ዎደ እስራኤልያ ጋድያን ካቲ ባዋ፤ አሳይ ኡባይ ባረዉ ልከ ማላቴዳዋ ጮ ኦዳ።

⁷ ሄ ዎደ ይሁዳ ጋድያን ቤተሌመ ካታማን እት ዎዳላይ ደኤ፤ እ ሌዊያ ዛረ።

⁸ ሀ ብታኒ ባረዉ ደእያ ሳኣ ኮያናዉ ቤተሌመ ካታማፐ ደንዲደ ቤዳ፤ ኤፍሬማ ገዝያን ደእያ ሚካ ሶ ጋኬዳ።

⁹ ሚክ፥ “ሀቃፐ ያድ?” ያጌዳ። ሄዋፐ ጉየ ብታኒ፥ “ታን ይሁዳ ጋድያን ቤተሌመ ካታማፐ ያድ፤ ታን ሌዊያ ዛረ። ሀእ ታዉ ደእያ ሳኣ ኮያደ ደአይ” ያጊደ አዉ ዛሬዳ።

¹⁰ ምክ አ፥ “ታናና ደአ፤ ታዉ አዉዋነ ቄሰ ግዳ። ታን ነዉ ላይን ላይን ታሙ ጻጋራ ብራ፥ ኩመን ማዩዋነ ምያባ እማና” ያጌዳ።

¹¹ ሌዊያ ዎዳላይ ምካና እትፐ ደአናዉ ጊጌዳ፤ ምካዉ የሌዳ ናኣዳን ሀኔዳ።

¹² ምክ አ ባረ ቄሳ ኦደ ሱንና፥ አ ሶን ደኤዳ።

¹³ ምክ፥ “እት ሌዊ ታዉ ቄሰ ግዴዳ ድራዉ፥ መና ጎዳይ ታዉ ኡባባ ሎይናዋ ኤራይ” ያጌዳ።