Nehemia 11 - Deduamiti

Ngicngac Yerusalaimnu kecgec yeneac kpacareng.

¹ Naso imohai kpebunggac enara yeneng Yerusalaimnu tacngisigec. Anu ngicngac tosea yeneng ngic tennunac mocgu meisinggegec, yeng ine kpetiac taong Yerusalaimnu kemma kefudeac kpeing kpegec. Nga ngicngac tosea 9 yenengsac taongnginasoc kecgecde.

² Anu ngicngac goa yeneng Yerusalaimnu kecgecdeac efaigec, yeni demeseri ayemmegec.

³ Isracelareng goa womonggareng, Lewiareng nga womonggac uangic amma Saromoac uangicfora yeneac esamedac, yeni Yehudaac taong bisic bisicfu amabangecnginasoc iwaingina tigec enu kecdae. Prowinsac enara yomoc yeneng Yerusalaimnu kecgec.

⁴ Nga Yehuda amma Binyamin arennunac ngicngac yeni yenahafoc Yerusalaimnu kecgec. Yehuda arennunac enara yohockang kefoc, kpacngira Ataia nga Masea. Ataia ye Udzia medac nga Dzekariaac esea. Nga Amaria, Sefatia nga Mahalale yeni Yehudaac medac Peredzeac esamedacfora.

⁵ Amma Maseia ye Barukac medac, nga Kol-Hodzeac esea. Hadzaia ye Adaiaac medac nga Adaia ye Yoiaribiac medac amma Yoiaribi ye Dzekaraiaac medac. Imoc yeni Yehudaac medac mong Sela yeac esamedacfora.

⁶ Peredzeac esamedacfora ngic kuctoanginagoc Yerusalaimnu keceregec, yeneac kpetengina 468.

⁷ Benyamingac esamedacfora Saluac ye Metsulamgac medac nga Metsulam ye Yoedeac. Saluac fingecsaheunac yeni Pedaia, Kolaiaac medac Maseia, Itielac medac Yetsaia.

⁸ Amma ngic yohockang Gabai nga Salai yeri Salugoc kefoc nga ngic yegoc kecgec, yeneac kpetengina 928.

⁹ Dzikiriac medac Yoelengo ngicenara yeneac kunengngina kefec, yeac ngadeu Hasenuaac medac Yehuda yeng ine taontoa nobohaac noboha mong garenggeec.

¹⁰ Womonggareng yenearunac; Yedaia ye Yoiaribiac medac nga womonggareng ogea Yaking,

¹¹ nga womonggareng Seraia, Seraia ye Hilkiaac medac, Hilkia ye Metsulamgac medac, Metsulam ye Dzadokac medac, Dzadok ye Meraiotac medac, Meraiotngo Ahitubac medac. Ahitub ye womonggarengenara amma Anutuac womonnu ua meec.

¹² Amma ngic yenigoc womonnu ua nanggeemema megec yeneac kpetengina 822. Adaia ye Yerohamgac medac Yeroham ye Pelaliaac medac Pelalia ye Amadziaac medac, Amadzia ye Dzekaraiaac medac nga Dzekaria ye Patsurac medac amma Patsur ye Malkiyaac medac.

¹³ Nga habu yeneac enarafocngina nanggeemekecgec kpetengina 242; Amatsai ye Adzarelac medac, Adzarel ye Adzaiaac medac, Adzai ye Metsilemotac medac, Metsilemot ye Imerac medac.

¹⁴ Wasaingic seria nanggeemema erekecgec yeneac kpetengina 128. Nga Dzabdiel Hagedolimgac medacngo wasaingic imoc yeneac kunengngina kecfec.

¹⁵ Lewiarennunac, Tsemaia ye Hatsubac medac, Hatsub ye Adzarikamac medac, Adzarikam ye Hatsabiaac medac, Hatsabia ye Buniac medac.

¹⁶ Anu Lewiarennunac ngic oruha yohockang Tsabetai nga Yodzabad yeri Anutuac ama ngadeau ua mekefoc.

¹⁷ Amma Matania ye Mikaac medac, Mikango Dzabdiac medac, Dzabdi ye Asafaac medac, Matania yeng ine dedengerec nga nunumuac waraiyemmekefec amma yeac marimefiha Bakbukia nga Abeda. Abeda ye Tsamuaac medac, Tsamua ye Garaac medac, Garango Yedutumgac medac.

¹⁸ Lewiareng Anutuac taong kpetiacfu kecgec, yeneac kpetengina 284.

¹⁹ Nagugarenggac enara yohockang Akubu nga Tarimong yereac memeficfocngira meficyuruma nagu garengggeandae, yeneac kpetengina 172.

²⁰ Anu Isracelareng goa yeni womonggareng nga Lewiareng yenigoc Yehuda yeneac taonnu maridzomingngina fedesoc tackenggec.

²¹ Anu womonggac uangic Ofel bumau kecgec, yeni Dziha nga Gispa yereng garengyunukecgec.

²² Amma Yerusalaimnu Lewiareng yeneac ngickiwa Udzi ye Asafaac fingecsahe yenearunac mong yenoc Anutuac amau yegecheiheingic kefec. Asafa ye yegecheiheingic yeneac kisicngina. Udzingo Baniac medac, Bani ye Hatsabia-ac medac, Hatsabia ye Mataniaac medac nga Matania ye Mikaac medac.

²³ Anu yegecheiheingic yeni uamemesoc ngictauac dederecgeac bageu kecma uangina meandae.

²⁴ Anu Yehudaac medac Dzeraac fingecsahe ihacnacngo ngictauac nga ngicngac yeneac ngicbotuc amma ngicngac yenearu kengha angkecfec nga Petahiango ine Metsedzabelac medac.

²⁵ Amma Yehuda yeni amabangecngina nga heikpenec sobengnginau tacgec nga ngicngac nobohafocngina goa yeneng ine Kiriat-Araba yeneac amabangecngina wegenahau kecgec. Nga Dibongac amabisiha amma Yekabdzelac guruamausoc ifingoc kecgec.

²⁶ Anu goango Yesuha guruama nga Molada amma Bet-Pelet guruama yenigoc.

²⁷ Nga goango Hadzar-Tsual amma Bertsebaac amabedzoyau kecgec.

²⁸ Nga goango Dziklak yenigoc nga Mekonaac amabisicbisihau kecgec,

²⁹ nga En-Rimon amma Dzora amabangec nga Yarmut yenigoc,

³⁰ Dzanoa nga Adulam yereac amabedzocngira, Lakisi yenigoc heikpenec bangecngina nga Adzeka yenigoc yeac amabisihau kecgec. Amabangec imoc yeni Bertsebanac arenggegec kengkecma Hinom tumeau kensikeec.

³¹ Binyaminareng Geba kecgec yeneac fingecsahengo Mikmas nga Ai amma Bet-El yenigoc yeneac amabisicfu kecgec.

³² Anu Anatot, Nob, Anania,

³³ Hadzor, Rama, Gitaim

³⁴ Hadidi, Dzeboim amma Nebalat,

³⁵ Rode nga Ono amma ngic yeneng Wiac Hania hania Memeac Tumea ihai kecgec.

³⁶ Nga Yehudanac Lewiareng guru goa yeni Binyamin yenigoc amaareng torokpegec kenec.