Nehemia 10 - Deduamiti

¹ Anu ngic yomoc yeneng kpacngina ohoma memeseriac kpete faigec: Gawana Nehemia Hakariaac medac, yeac ngadeu Dzedekia,

² Seraia, Adzaria, Yeremia,

³ Patsur, Amaria, Markiya,

⁴ Hatus, Tsebania, Maruk,

⁵ Harim, Meraimot, Obadia,

⁶ Danicel, Ginetong, Baruc,

⁷ Metsulam, Abiya, Miyanin,

⁸ Madzia, Birgai nga Semaic. ngic imoc yeni womonggareng andae.

⁹ Lewiareng yeneac kpacareng yofi; Adzaniaac medac Yesuha, Binui ye Hanadaac sacarennunac. Nga Kadmier

¹⁰ Tsebania, Hodia, Kerita, Peraia, Hanang,

¹¹ Mika, Rehob, Hatsabia,

¹² Dzakur, Tserebia, Tsebania,

¹³ Hodia, Bani nga Beninu.

¹⁴ Kpebunggac enara yeneac kpacareng yofi: Paros, Pahat_Mocaw, Eram nga Dzatu amma Bani,

¹⁵ Buni, Adzagad, Bebai,

¹⁶ Adoniya, Bigai, Adin,

¹⁷ Ate, Hedzekia, Adzur,

¹⁸ Hodia, Hatsum, Bedzai,

¹⁹ Harip, Anatot, Nebai,

²⁰ Mapiasi, Metsulam, Hedzir,

²¹ Metsedzeber, Dzadok, Yadua,

²² Peratia, Hanang, Anaia,

²³ Hotsea, Hanania, Hatsub,

²⁴ Harohes, Pirha, Tsobek,

²⁵ Rehum, Hatsabna, Maseia,

²⁶ Ahaia, Hanang, Anang,

²⁷ Maruk nga Harim amma Banan.

²⁸ Anu ngicngac goa nga womonggareng amma Lewiareng nga nagugareng amma yegecheiheingic nga womonggac uangic amma enengfocngina nga medacfocngina amma naroangfocngina damocngo negen tegecgecdeacsoc anggec, yeni Anutuac singyoacac modacma bangec monnunac ngicngac wegenac kecgec yenearunac meicemegec.

²⁹ Amma yeni sasawango Isracelareng ngickiwafocngina torokpeyunugec kpeturanggema Anutuac singyoac nga dedeseriyoac nga nonoyoac amma dederecgeyoac uangiha Mosearu faiec, imoc gombunga henanggema modacgecdeac deserigec, amma yofi degec mongngo yoac yomoc mi modarudeu ye homebeso. Ifi demaKebu nenang Kebu, yeac singseria kengecgoc yombong modacgecdeac deserigec.

³⁰ Amma ngicngac oronnunuma wegenac kecdae yeneac medacfocngina yeneng naroangfocnina mi meyunugecde nga yeneac naroangfocnginango neneac medac mi meyunugecdeac deseriing.

³¹ Amma ngicngac wegenac kecdae yeneng emenecac iwai me wit gbomea Sabata nasou me kpetiac nasotoau suegecdeu, neni imoc mi bummenide. Amma kifa 7 nu neni amaua wani heikpenec sobengngo fenegenu turunnina meicke-kecnide.

³² Amma neni dedeseri modacma kifasoc silwadzo ebiha harebecac noboha mong imoc Anutuninaac womonnu ua meudeac negensima faikecbisina, ifi deing.

³³ Anu dzo imocngonoc icsogong tebou arecarenggea tarude nga seseac wit gbomea amma sesegerecac iwai nga Sabata nasoac sese. Amma afo Gboriaac nekirecge nasotoa nga kpekpedzuc nasotoa amma kpetiac sese nga Isracelac kopocsic dzuacmengereac sese amma Anutuninaac womonnu uaareng sasawa medacbesonga.

³⁴ Anu womonggareng nga Lewiareng amma ngicngac goa neni dedeseri kibiu ohoohoya fede; imoc modacma kpeing kpeni habu damoc yeneng kifasoc Kebu Anutuninaac sesegerec oho ohonasou arataac gerec feranga mekpedzuc amma Anutuninaac amau mehagecde, imoc meficgebisina.

³⁵ Amma kifasoc semeng buma heibesonga nga icgbomea gboriaunac imoc momoc Kebuac amau mehadacgecdeac deseriing.

³⁶ Amma singyoac kibiu yoac ohoohoya fede, imoc modacma warac medacfocnina nga burumaka amma noning nga rama ngiwa waracwarac fingecgec, yeni meyunuma womonggareng yemmenideac Anutuac amau mekennide.

³⁷ Amma kifasoc semeng gboria imocac noboha mocgu nedesiac witfora sasawa waracwarac nga ic sasawaac gbomea nga waing amma oliwa icfunac kerec meing, imoc womonggareng yemmeni Anutuninaac amau faikecgec. Nga Lewiareng yeneng taong sasawa nenearunac uaac semennunac tennunac mocgu mekecgec.

³⁸ Aharonggac fingecsaheunac womonggareng mongngo Lewiareng yenigoc tennunac mocgu megecde. Mema Lewiareng yeneng guru teng hendzicma imohacnac tennunac mocgu mema Anutuninaac amau tohonggac amamana mong imohai faigecde.

³⁹ Anu Lewiareng yeneng Isracelac habu yenigoc witfora, waing gboriaunac nga oliwa kereha kpedzucnema Anutuac amamanau meenggecde. Nga womong mana kpetiac imohai womonggac kude iwai nga womonggarengenara amma nagugareng amma yegecheiheingic yeneac mana mong nandeac amma nenang ifi amma, Anutuninaac womonggac nigera mi anni yeneng ua imocac kucmama mi anggecde.