Mitiyegec 87 - Deduamiti

Tsion taonnu fingerec

Kora medacfora yeneng mitiyegec yofi heigec.

¹ Kebungo tiki kpetiacfu taong mong faiu fede.

² Kebungo Tsionggac nagutoaac songotoa negemma Yacakowac ama noboha yeneac songo ifi mi negenude.

³ O Anutuac taong, geac yoacsiduc imoc damuyagoc. Selac

⁴ “Bangec areng goa ni negennudae, imoc kpacyunubade, Rahaw nga Bawel amma Pelisti yeneac bangec nga Tsor amma Etiopia, yeneng deandae, ‘Ngic yomoc ye ihai fingerec.’ ”

⁵ Engenatoango ye tatahau Tsionnu faiu seria tarudeac amma Tsion manaungoc degecde, “Ngic yomoc amma ngic imoc, yeni imohai fingecgec.”

⁶ Kebungo bangec areng yeneac kpacngina kpedzucnema arengyunuma yofi ohoude, “Yomocngo ihai fingerec.” Selac

⁷ Yegec fedefedeac ngicngac sasawa yeneng yegec yofi dema heiandae, “Neac dokudzohong sasawa yeni Tsionnu tacdae.”