Mitiyegec 43 - Deduamiti

Ge nocac ngadenuma wanunec

Yegec 42ac tosea

¹ O Anutu, ngic Anutu wama kecandae, yeneng memanubauac geng nanggenuna firang ambesare. Ge ngic ikocnginagoc nga ngic faka dindingac mi modacandae, yeneac mariunac mesinuna.

² Anutu, ni geac hoannu hama sufuma kecba ge nocac ngadenuma wanunec. Ngabafocna yeni ebicfu fainugec ubaebicgoc kecduae, imoc fingecnendeac titiha mi negentegecduae.

³ O Kebu, ge kperagiga nga yoacga fora faina mama yereng sinnu hesicnuma kenec geng kpetiac tikigau kecnec, imohai habesare.

⁴ Ifi anu ni Anutuac aratau kembade. O, sogac sogaitoaac Anutuna, ni gearu kemma gita kpema dengeregubade. O Anutu, ge Anutuna.

⁵ O ubaongana, ge kucmama mi kecbesena amma ge herena manau dewaidzoc mi ambesena. Ni monggoc Anutu eriendzong memibade. Ge imocac ye negensima tomai kecna fora fingecbeso. Ye memeficna nga Anutuna.